ريلي بياخذ ولده

[segar_uae]

بنات صدمه انا ريلي كان مطلق ومن زواجه الاول ياب ولد والحينه عمره 4سنوات والحينه بييبه عندي وانا مااباه اربي ولده شو تنصحوني اتخيلو يقول انه يبى ينوم ولده معانا ع السرير ومعانا في نفس الغرفه ماعرف كيف اتعامل مع ولده انصحوني الله يخليكم واسمحولي على الكتابه

 

[لمسة فرح]

انتي ما شرطتي عليه من قبل ولا حاولي انه يخليه عند ام زوجك اهون شوي واذا عاند مالك الا انك توافقين علي ولده بنفس طيبه لانه ولده ولا راح يرخصه على شانك وخليك حنونه مع ولده اذا عاش معك لان الانسان مايدري عن الدنيا والدنيا دواره وانا اختك.

 

[سمو الأميرة]

ليش الولد أمه وين عنه؟!
أصلاً ما يصير الريال ياخذ ولده من الأم إلا لين ما يكمل 7 سنوات و الولد هو اللي يقرر يريد أمه أو أبوه .. إلا اذا امه تزوجت واحد ثاني ..
و بعدين اذا قالج أبا الولد ينام معانا .. قوليله بدلع بس بعدين ما بنقدر نسوي شي و الولد معانا ؟! ..
و يمكن هو يتهرب من العلاقة و يستخدم الولد كعذر .. انتبهي على نفسج يمكن في شي مب عاجبه معاج ..

 

[نزف]

ما له ذنب في كل الي يصيييييييير له
ولو خيروه اكيد هو بعد ما بلى بعيش مع مرة ابو
اختي
اذا جابه وما كان في مفر
فارفقي بالولد
واكسبي فيه اجر
ترى الدنيا ما دايمه لاحد
​

 

[طيف الروح]

لو انا منك والله احطه بعيوني منشان ربي اولاااا

وثم خاطر زوجي

دامني احب زوجي اكيد بحب طيفه وخياله والى يجي منه

يحررريم الى اعرفه انه قلوبكم حنونه اكسبي الولد منشان تكسبي ابووو الولد

وبعدين ربما ضاره نافعه انتي تفكرين انه مضره عليكم وماتدرين يمكن يصير احسن من عيالك

انتي حطي ربي قدامك واكسبي الولد وحني عليه ربي يتممها على خير

ربي يسخر للولد القلوب الرحيمه شو ذنبه بدنيا رديه

 

[ام امام الحرم]

نصيحتي لك أخيتي الفاضلة:

أن تتقبلين هذا الولد لأن ماله ذنب وأكيد أنتي عارفه أن عنده ولد قبل تتزوجينه وتأكدي ياغاليتي أن أمه محروق قلبها عليه لكن هذا قضاء وقدروبالعكس أعرف أخوات بنفس وضعك وصاروا أولاد أزواجهم أحن من أولادهن وقاموا بشؤونهن كأنهن أمهاتهم

وبالنسبه لنومه بالغرفة عندك راح يغير كلامه بس بالبداية لأنه هو ماراح يرتاح أصلآ بوجوده عندكم بالغرفة وراح يكبر الولد ويتغير الوضع ويمكن يختار يرجع لأمه

وبالعكس يمكن ربي حطك بالوضع هذا اختبار لك وقد يكون تربيتك لهذا الولد وتعويضك له عن أمه سببآ في رضى الله عنك و دخولك الجنة

والإنسان لايعلم ماذا تخبأه له الأيام

ضعي نفسك بالموقف وتخيلي لو مرت بك نفس الظروف التي مرت بأم هذا الطفل لاسمح الله وأن هذا الولد ابنك ماذا تريدين من زوجة ابيه أن تفعل ؟

وفقك الله للخير دائمآ ورزقك الذرية الصالحة

 

[غرشوبة راشد]

واجيهيه وقولي له انا مابي الولد عندي وانا مو مجبورة فيه
لانه ان انتي تركتي الولد عندك اكيد معاملتكم مع الولد راح تكون مو شي
انا اعرف مرة الابو ماتحب ولد ريلها حتى لو بينت عكس جذيه
فياريت تواجهينه وتقولين انا مابي هالولد يكون بفراشي
وبيني وبينج اذا انتي رضيتي الولد يعيش عندج اكيد معاملتج معاه بتكون زفت انا اعرف
ومالج شغل بالبنات اللي يقولون ارضي فيه
((( انا اقول لج جذي لمصلحت الولد لانه بينظلم معاج وووووووووووووايد )))​

 

[القلب الحاني]

اتكلمي مع زوجك بكل صراحه مو بلازم ينام عندكم في الغرفه وبعدين ما تدري ان الدنيا دواره يرجع امه

 

[وردة العشـاق]

حالولي تقنعينه انج ماتقدرين اتربينه دامج ماتبين بس اذا اصر انا اقول احتسبي الأجر عندالله وارفقي بالولد وعامليه معاملة زينة وخافي ربج فيه لأنه مظلوم وماله ذنب وماختار انه ايكون بهالحال ... بس لترضين انه اينام بينكم حاولي انج اتقولينله ان هالشي بيضر الولد بس هالله هالله بالكلمة الزينة والإسلوب الحلو ...

والله ايوفقج

 

[حكاية ألم]

غاليتي أنا مع ألاخوات الي يقولون أقبلي فيه ؟الطفل ماله ذنب ؟ولكن لي رأي
أتمنى ينفعك اولا اطلبي من زوجك يجيب ولده كم يوم ويرجعه لامه ثم تتكرر هذه الزيارات
على مرات حتى يتعود الطفل عليك وعلى البعد عن امه ؟؟؟:schmoll:
ولكن كوني له أما رحيمه عطوفه ليس فقط لاجل والده ولكن لله سبحانه المطلع علينا
احسني له اهتمي بكل اموره حتى يكرمك الله بعفوه ورحمته غاليتي تعاملي مع ابن زوجك
بحب وعندما يراك زوجك كيف تتعاملي مع ابنه وتهتمي فيه يقدرك ويحترمك ويطيعك ---
وفضل الله علينا كبير من يتق الله ؟؟؟؟؟؟؟؟؟:icon30:اطلبي ولده وكانك تطلبي ولدك ؟ أنا أم وانصحك
باسم كل ام حرمها طليقها من ابنها كوني حنونه رحيمه يا جزاك العافيه :harhar1:؟

 

[ام الفيصلي]

الله يهديك اختي وش اللي ماتبينه هو ماله ذنب وبعدين المفروض زوجك يكبر في عينك لانه مهتم بولده وصدقيني راح يحبك اكثر واحمدي ربك انه مارجع زوجته علشان الولد ترى بعضهم يتعذر بالعيال علشان يرجع الطليقه ودامه مارجعها معناها انه مايحبها المفروض تفرحين احمدي ربك قضاء اخف من قضاء ولاتكوني طماعه الله يهديك ويحفظ هالولد ويسعدكم

 

[ام الفيصلي]

واجيهيه وقولي له انا مابي الولد عندي وانا مو مجبورة فيه

لانه ان انتي تركتي الولد عندك اكيد معاملتكم مع الولد راح تكون مو شي
انا اعرف مرة الابو ماتحب ولد ريلها حتى لو بينت عكس جذيه
فياريت تواجهينه وتقولين انا مابي هالولد يكون بفراشي
وبيني وبينج اذا انتي رضيتي الولد يعيش عندج اكيد معاملتج معاه بتكون زفت انا اعرف
ومالج شغل بالبنات اللي يقولون ارضي فيه

((( انا اقول لج جذي لمصلحت الولد لانه بينظلم معاج وووووووووووووايد )))​

صدقيني اذا سويتي كذا راح تخسري زوجك للابد من ناحيه مشاعره اتجاهك
انت ماتعرفين غلاه الضنا لما تصيرين ام راح تحسين باحساس زوجك اتجاه ضناه وخافو الله ترى الدنياتدور يمكن يصير هالموقف لبنتك مستقبلا زوجها جاب ولد من طليقه عندها ساعتها وش بيكون رد فعلك وحزنك على ضناك صدقيني كما تدين تدان

 

[my first love]

الله يهديك حراااااااااااام عليك والله ارضي فيه وحطيه بعيونك ودلعيه كمان صغير ومايفهم ايش ذنبه
واذا كان زوجك اخذه من امه بالغصب حاولي تقنعيه انه يخلي الولد عندهاعلشان نفسيت الولد وعلشان مايتعقد والله يوقفك

 

[وحيده بهالكون]

ياحيآتي ع الولد بس من جد ماله ذنب بكل شئ

خليه عندك وش بيضرك واحتسبيها لوجهـ اللهـ

 

[سمو الأميرة]

ويييينج segar_uae
اشرحيلنا وضعج حبيبتي و شو صار معاج ..

 

[في مهب الريح]

غاليتي أنا مع ألاخوات الي يقولون أقبلي فيه ؟الطفل ماله ذنب ؟ولكن لي رأي
أتمنى ينفعك اولا اطلبي من زوجك يجيب ولده كم يوم ويرجعه لامه ثم تتكرر هذه الزيارات
على مرات حتى يتعود الطفل عليك وعلى البعد عن امه ؟؟؟:schmoll:
ولكن كوني له أما رحيمه عطوفه ليس فقط لاجل والده ولكن لله سبحانه المطلع علينا
احسني له اهتمي بكل اموره حتى يكرمك الله بعفوه ورحمته غاليتي تعاملي مع ابن زوجك
بحب وعندما يراك زوجك كيف تتعاملي مع ابنه وتهتمي فيه يقدرك ويحترمك ويطيعك ---
وفضل الله علينا كبير من يتق الله ؟؟؟؟؟؟؟؟؟:icon30:اطلبي ولده وكانك تطلبي ولدك ؟ أنا أم وانصحك
باسم كل ام حرمها طليقها من ابنها كوني حنونه رحيمه يا جزاك العافيه :harhar1:؟

انا مع كلام الاخت

خوذيه واعتبريه صدقه او فعل خير عيشي الام الحقيقه له مع الوقت بتتعودين
خلي الولد يكبر ويحبك مو يكبر ويذكر اشياء فيك مو زينه

انتي اقبلي الولد بقلب صادق انتي منتي مجبره تجيبينه لكن غيرك محروم اعتبريه عمل خيري
قولي يمكن بكره اموت (بعيد الشر عنك)واحد يربي عيالي ابيهم يربونه كذا ابيهم يعاملونه كذا

صدقيني العمل ذا بيرفعك درجاااااااااااااااااااااااات
حتى في نظرتك لنفسك:icon30:

من يدري جربي واذا ماقدرتي قولي ماقدرت لكن حاولي تكوني الام الرحيمه
الدنيا سلف ودين

 

[@@عيون الحب@@]

لو انا منك والله احطه بعيوني منشان ربي اولاااا

وثم خاطر زوجي

دامني احب زوجي اكيد بحب طيفه وخياله والى يجي منه

يحررريم الى اعرفه انه قلوبكم حنونه اكسبي الولد منشان تكسبي ابووو الولد

وبعدين ربما ضاره نافعه انتي تفكرين انه مضره عليكم وماتدرين يمكن يصير احسن من عيالك

انتي حطي ربي قدامك واكسبي الولد وحني عليه ربي يتممها على خير

ربي يسخر للولد القلوب الرحيمه شو ذنبه بدنيا رديه

انا مع كلام الاخت طيف الروح :icon30:

 

[ام الابتسامه]

انا مع الاخوات ام امام الحرم وطيف الروح
انا لو مكانك بربي الطفل لانه لمن يكبر هينفعنى وايضا احتسب الاجر من الله

 

[بتول a0z]

عزيزتي الأفضل انش تقبلي الولد عادي وربيه تكسبينن فيه اجر


ومع احترامي الشديد لبقية البنات الي قالوه غلط يعني ماني مجبوره فيه ومدري ايش ذا الكلام مو صحيح اصلا

صدقيني انتي اذا اخذتي الولد راح تكبرين في عينه اكثر واكثر وراح يحبش اكثر من قبل

وذا حاليا الي اقدر اقوله..

 

[وهاجة]

والله أشوف إنه لا تسبقين الأحداث كثيراً

يعني اذا كان لا مفر من مجئ الولد فوافقي بنفس طيبة وخافي ربك في تربيته واعتبريه ولدك وموضوع نومه معكم بنفس الغرفة لا تناقشينه إلا بعد ما يجي الولد ولكن جهزي له غرفة قريبة منكم وتعاملي مع الموقف كانه ولدك يعني أبسط حل يجلس عندك بالغرفة لحد ما ينام بعدين وديه غرفته
وبكذا تكونين مسكتِ العصا من النص على قولتهم