ريلي بياخذ ولده

  • بادئ الموضوع بادئ الموضوع segar_uae
  • تاريخ البدء تاريخ البدء
ارحموا من في الارض يرحمكم من في السماء ولعل في الامر خيره ومااضطر ان يجيبه لك الاانه هذا اخر الحلول اللي عنده ومالك الاالرضاء في ه كما رضيتي بابيه
 
صدقوني ياخواتي صدقوني هذا كلامكم ماله واقع من الصحة ليكون عبالكم الحياة مثالية الولد هو اللي بينظلم صدقوني وانا دايم اجوف وجدام عيوني عنده ابوه تعامله عدل وانا راح ابوه او طلع طقته وهددته ياناس تركوا عنكم المثاليات ترى والله الولد هذا اللي بينظلم من جور مرة الابو ولاتقولين انا طيبه وانا حبوبه صدقيني ماراح ترحمينه مثل امه خليه يرده لامه وكل خميس وجمعه يسير عليكم اما سالفتانه يعيش عندج انا اعتررررررررررررررض وسامحيني بس والله ماراح تحبينه مثل ضناج انا متاكده ومبين من كلامج انج ماودج فيه فاذا كان فالبيت ياترى شراح تون معاملتج معاه
 
غرشوبة راشد ايش هالراي
هذا طفل ماله ذنب
اقنعي زوجك يخليه عند امه حرام عليه يحرمها منه
 
نعومه كول تبين الصج انتي عمرج شفتي مرة الابو زينه مع عيال ريلها ؟؟؟
اللي تكون زينه نادرا واو انها ماتجيب يهال عشان جذي تكون زينه
 
وبيني وبينج الولد اذا كان عندها ماراح تحبه ومبين من اسلوبها انها ماتبيه
واذا نام عندهم ماراح ترحمه مثل امه
خلوا الولد لامه خلوه يرد لامه ارحمه له منج
ولا تزعلين علي فديتج
 
عادي مافيها شي اقبلي فيه وصيري صديقته والله العظيم وخذيها مني اناربيت ولدزوجي وحنيته مره
وزوجي تغير معي كثير وصاريطلعناويمشيناوبعدين حطي ببالك انك بتستمتعين مع الولدوفعلا
تصيرلانه لذيذانك تنسقين له ملابس وتلعبين معه وعااااادي اناينام معنا بالغرفه00
 
اخذي اجــــــــــــــــــر


والدنيا دوراه


ماتدرين عيالك يطيحون في يد منووو

الحين هذا والولد ماجا تقولين ماتبينه يرقد بفراشك

هو قالك انه بيجيبه يرقد بينكم


لااااااااااا تبررين بتبريرات مالها داااااااعي


وزوجك لوو يبي ولده عنده بيجيبه

واذا امه للحين موجوده يرجعهااا وخلاااااااااااص




وهي تربي ولده
 
ما شاء الله عليج اختي "بتمون"
ومثلج نادر بهالزمن
ومبين قلبج المااااااااااااااااااااااااااااااااااس
فديتج عسى الله لايحرمج منه
 
والله الطفل ماله ذنب بالعكس راح يجي عندك مكسور القلب يدور على امه

وبعدين كم عرمه 4 سنوات ياناس وربي حرام ينحرم من امه

لكن طالما هذا الوضع فاكسبي في الولد اجر ولا تشدي عليه ربيه وعامليه كانه ولدك بحق
ماتعرفي امكن يكون لكي عون في يوم من الايام وربي يفرج همك بسبب دا الولد
وان قدرتي تقنعيه يخليه لامه يكون افضل على الاقل شوية يكبر
قولي له حرام الولد ينحرم من امه بعدين تتعقد نفسيته ويكبر مريض مكسور
انا بكون حنونة عليه واحبه لكن برضو مو مثل امه
اقنعيه على الاقل يجي عندك زيارات في البداية للين تتعودي على الولد ويتعود عليكي

وفي الاول والاخير لاتنسي انه مثل اليتيم بدون امه
في مثل عندنا يقول الي ماله ام حاله يغم
لاتظلمي الولد ترا الظلم ظلمات
 
حبيبتي /

اذا كانت أم الطفل تزوجت وتخلت عن طفلها
أرجورك احتسبـــــــــــــــــــــــــي الاجر من ربي
واعتبريه ولدك
وربي راح يجازيك
اعتبريه يتيم
اعطفي عليه حني عليه
ليه يابنات تتكلمون كذا
ماتبون لاختكم الاجر والمثوبه من الله
اعرف قريبتي الحين عندها بنتين بنات زوجها وحده عمرها 6 والثانيه 2 ولا بعد هي بنت مابعد ولدت وجوا البنات عندها وربي تعتبرهم بناتها
حتى صحة البنات زانت واستوت عن قبل لانهم قبل ترعاهم شغله عن أم زوجها
تأكدي راح تلاقين الاجر من ربي
وكله ميزان حسنات
وباكر ماتدرين ويش يسوي الزمن فيك يمكن ماينفعك الا هالولد لانه راح يعتبرك امه لانك ربيتيه غشلتي له حنيتي لها
ووو
سهل الله أمرك ويسر دربك
 
الدموع تجمعت :tears::tears:بعيونـــــــــــــــــــــــــــــــــــــــــــي

اذا حاسه انك تبي تظلمين الصغير وماراح تكونين له أم جيبيه لي والا اعطيه أحد حنون
 
بعدين تذكري انه يتيم من غير ام يعني راح يجيك رزق واجر من ربي سبحان الله

راح ينفتح بوجهك كل شي

طيب خبرينا عندك عيال وليش ماتبينه وووضحي ........؟؟

شقي يعني او مايفهم او شوو القصه يقلبوووو
 
شكرا على كل وحده ردت عليه بس اتعرفون ريلي هو الي يكرهني في ولده لان وايد يهتم فيه وانا وبنته ولا جنه موجودين واصلا ريلي اسلوبه مش زين عشان انل لحب ولده يعني لو ريلي كان يكسبني ويحببني فيه جان حبيت ولده
 
segar_uae قال:
شكرا على كل وحده ردت عليه بس اتعرفون ريلي هو الي يكرهني في ولده لان وايد يهتم فيه وانا وبنته ولا جنه موجودين واصلا ريلي اسلوبه مش زين عشان انل لحب ولده يعني لو ريلي كان يكسبني ويحببني فيه جان حبيت ولده
أنقر للتوسيع...


والله حاسين فيكي دايم الرجال اسلوبهم شين

الله المستعان

بس اذا هوه اسلوبه شين تكونين انتي مثله

خليك ارفع منه وارقى منه واحسن منه

عامليه مثل بنتك صدقيني يمكن تتغير حياتك ويحبك زوجك موت بسبب هالولد

وليش زوجك اناني مايخلي الولد عند امه

اصللااا الولد يخير يقلبي في الشرع يختار واكيد بيختار امه

فليش زوجك اسلوبه هيك

قوليله الولد يخير

واذا هوه مصر يجيبه حاولي تعامليه مثل بنتك

وجزاك الله الف خير

لاتنظري الي اسلوب زوجك وانما انظري لربي سبحانه

تحياتيـ​
 
منك والله احطه بعيوني منشان ربي اولاااا

وثم خاطر زوجي

دامني احب زوجي اكيد بحب طيفه وخياله والى يجي منه

يحررريم الى اعرفه انه قلوبكم حنونه اكسبي الولد منشان تكسبي ابووو الولد

وبعدين ربما ضاره نافعه انتي تفكرين انه مضره عليكم وماتدرين يمكن يصير احسن من عيالك

انتي حطي ربي قدامك واكسبي الولد وحني عليه ربي يتممها على خير

ربي يسخر للولد القلوب الرحيمه شو ذنبه بدنيا رديه
 
عادي وطبيعي
يعامل الولد غير معاملتكم
لان يخاف الولد يحس بالنقص
خاصه ان ماعنده أم
يعني أكيد فرق واحد عايش بين أمه وابوه
وبين واحد عايش مع ابوه وحرم ابوه
اسمحي لي الغاليه
تصرف زوجج طبيعي
ان يعامله غير
انتي بس اكتسبي الولد وأبو الولد في تعاملج ومحبتج واحترامج وودج
واعلنيها صريحه اذا ما انتي قادره على الولد الصغير وماراح تعاملينه زين أو تكريهنه حرام الولد يعيش كذا :tears::tears::sad_1:
ان شاءالله أبوه يوديه لامه والا يرد أمه له يكون يعيش بين أمه وأبوه ..
هذا الكلام الواقعي الصحيح:blushing:
 
طيف الروح قال:
لو انا منك والله احطه بعيوني منشان ربي اولاااا

وثم خاطر زوجي

دامني احب زوجي اكيد بحب طيفه وخياله والى يجي منه

يحررريم الى اعرفه انه قلوبكم حنونه اكسبي الولد منشان تكسبي ابووو الولد

وبعدين ربما ضاره نافعه انتي تفكرين انه مضره عليكم وماتدرين يمكن يصير احسن من عيالك

انتي حطي ربي قدامك واكسبي الولد وحني عليه ربي يتممها على خير

ربي يسخر للولد القلوب الرحيمه شو ذنبه بدنيا رديه
أنقر للتوسيع...
خووووش كلاااام
ترى انا اعرف وحده ربت عيال زوجها وكبروا وتزوجوا والحين زوجها حاطها على راسه ومقدرها ودايما يقول الام اللي ربت مو اللي ولدت
وبعدين انت وشطارتج جهزيله غرفه تناسبه وحطي له العاب واشياء يحبها وعوديه ينام فيها بس لمدة شهر نامي معاه وقوليله قصص وبس ينام روحي غرفتج وبيني له انه بطل وقوي وصار ريال لانه ينام بروحه وعوديه على ترتيب غرفته وحببيه بهالشي وصدقيني باجر بترتاحين لمن يصير عندج اولاد لأنه بيساعدج باللعب وياهم وانت تلقين لج أوقات حق ريلج وهواياتج وشغلج
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل