روايتي (سارة والمكنسة)

  • بادئ الموضوع بادئ الموضوع عصيد
  • تاريخ البدء تاريخ البدء
الحالة
مغلق و غير مفتوح للمزيد من الردود.
عـــــــلا قال:
الا جبتلك عصيده مع ذاك السمن عشان تدفين في ذا البرد

بانتظار البارت يا عسل​
أنقر للتوسيع...
هلا والله بعلا..الله يعلي مقدارك
فديت مين تذكرني بالعصيد والسمن..:32:
والعسل روحك الطيبة ,,مشكورة حبيبتي
 
الأمنية قال:
برررررررررد + قشده + قهوة = حماس

خخخخخخخ بانتظارك يا عسل>>خابرتك عصيد
أنقر للتوسيع...
البسي ملابس تدفيك,,لايحوشك برد وتختفين..
وقشدة وقهوة ياأمنية وين نروح بعدها؟:33:
قولي برد+تمر+قشدة (ضاربة البنت لغة عربية)+قهوة=حماس:22:
ههههههه الله يسعدك يارب,,وحشتينا أمنية :18:
مشكورة حبيبتي عالرد
​
 
هلا بكن حبيباتي,,
شكرا على كلامكن الحلو,,وعلى روحكن الطيبة
أنا خلصت من الجزء 38 وراح تضيفه لنا أم هموسة فديتها,,
تابعوا أحداث هذا الجزء ,,في غضون عدة أيام راح ينزل الجزء 39
مشكورات حبيباتي عالإنتظار,,ألف شكر وأرق تحية لأناملكن الجميلة
وهبوب نسائمكن الطيبة...أحبكن جميعكن​




الجزء 38
كانت خارجة من العيادة وتشوف شاشة موبايلها وتتصل:إنته برا؟
طلال:إيه يما,أول ماتطلعين على إيدك اليمين على طول.
رفيعة:طيب,يالله سلام
وبعد ماوصلت يكلمها طلال:ها يما شلون كانت الجلسة؟
أم راشد:طويلة شوي..بس عدت على خير الحمد لله.
طلال:الحمد لله.
.............................................
فالحمام
تفتح موية المرش وتشيل ملابسها وتتروش وهي تاخذ من الشامبو لشعرها حست إنها مو قادرة تشيل جسمها وهي ماسكة الشامبو وشوي تتسند عالجدار وماتقدر وتطيح فالبانيو..
سمر فغرفتها سمعت الصوت وتمسح دموعها وتفز:هاذي غرفة سارة وتركض لغرفة أختها وتنادي:سارة...سارة...وتروح الحمام وتشوف الباب مردود وتدفه وتشوف وحدة طايحة مو أختها لن جنى بيضاء..وسمر تطلع بسرعة:ياربي هاذي جنى..ليش طايحة؟
سمر:استغفر الله يارب...وتدخل الحمام وتقفل الموية وتاخذ روب الحمام وتلف جسمها وتسحبها برا وتكلمها سمر:جنى..جنى..ردي علي جنى؟
أم راشد تدخل غرفة سارة وتسمع حس سمر:سمر؟
سمر:يما تعالي هنا..
أم راشد تدخل وتفتح عينها:جنى وشفيها؟
سمر:مدري يما شفتها طايحة بالحمام..
أم راشد:شوية ياسمر..وتشيلها ام راشد وتحطها بالسرير وكانت مزرقة جنى..
سارة طلعت وشافت جنى طايحة فسريرها وتخترع:يما؟وشفيها جنى؟
أم راشد وتقلبها وتضربها من ظهرها...
سارة يوم شافت جنى شهقت:يما وش فيها؟
أم راشد وتناظر سارة:ماتشوفين وجهها مصفر؟عندها فقر دم أكيد..أقولك جيبي جوالي خليني أوديها المستشفى..وتناظر سمر:روحي البسي..
سمر متفاجئة:أنا؟
أم راشد وترفع حواجبها وبنظرة قوية:إيه..بسرعة
سارة تجيب الجوال وتتصل أم راشد على السواق اللي متعاقدة معاه..
أم راشد:سحر خليكِ هنا فالبيت مع جدة وشوفي طلباتها.
سحر:حاضر
أم راشد:وإنتِ أنا رايحة ألبس وأجيب شنطتي,إنتِ البسي خليك تجلسين مع جنى وحطي عليها ملابس بدال هالروب
سارة:حاضر..
وبعد ماراحت أم راشد..سارة ترجع لجنى:جنى تسمعيني؟ياربيييييييي!جنــــــــــــى؟اسمعيني أنا سارة
جنى حاسة باللي حولها بس من زود التعب وماعاد فيه طاقة فما مافي رد..
.....................................
فغرفة سمر
سمر بخاطرها:أمي ليش تقول البسي....وطنشت تفكيرها وقاعدة تكمل لبس.
.............................................
أم راشد فغرفتها..
أم راشد وحاطة إيدها على صدرها:بنتي ليش تقول ماتبي زواج؟هي وش خايفة منه؟يمكن من عادل لأنه مطلق؟ بس بنتي قالت مابي زواج!أنا برجع وأسألها..بس لازم أعرف أنا قلبي قاعد يقرصني..
......................................................
فغرفة سارة
سارة طلعت ملابس داخلية وتفكها من علبتها لأنه مايسير تلبسها ملابسها الداخلية وراحت تلبسها وسارة حيل تعبت:جنى ..ياالله ساعديني شوي بس!
وتروح تاخذ من سمر ملابس:سمر الله يسعدك..عطيني من بنطلوناتك حقت الرياضة لأن جنى ماتحب الجلابيات
سمر:هناك فالدرج الأخير...وتاخذلها سارة بنطلون أسود وقميص أكمامه طويلة لونه أسود وركض على جنى.
سارة:وهي تلبسها القميص تدخل سمر وتشوفها تلبسها
سمر تاخذ البنطلون وتلبسها وتجي أم راشد:السواق وصل..وين عباية جنى؟
سارة:يما فيها موية ..
أم راشد:طيب عطوني عباية عشان أنزل البنت..
وسحر تجيب عبايتها الثانية وتلبسها أم راشد وتشيلها ترى ام راشد قوية..ماشاء الله لاأنضلها ألحين..
..........................................
أم سعد وتتصل على جوال سارة وماردت وتتصل ثاني مرة وترد سارة:هلا خالة اعذريني مارديت عليكِ كنت بعيدة عن الجوال
أم سعد تبتسم:ماعليه حبيبتي.أقول سارة؟
سارة:هلا خالة
أم سعد: أبيك بسالفة..إنتِ فاضية؟
سارة:أنا فاضية ياخالة..
أم سعد:طيب وش رايك ببكرة؟
سارة:على راحتك ياخالة..حياكِ الله
أم سعد:مشكورة عيني .مع السلامة
سارة:مع السلامة
وتنزل سارة
.........................................
بيت يزيد
يزيد دخل البيت ويشوف محد جالس فالصالة..ويروح غرفة النوم وياخذله حمام وخرج بروب الحمام وجلس عالسرير ويمدد رجله ويطقطق رقبته ومستغرب مايسمع صوت ويروح يلبس ملابسه قميص أحمر غامق وشورت كحلي ويخرج يدور عليهم ويفتح باب غرفة أسيل وكانوا الثنتين فالغرفة.أسيل عالسرير منسدحة على بطنها وحاطة سماعة على إذنها اليسار وعبير ماخذه السلك الثاني من السماعة وتسمع مع أسيل كانوا يشوفون إجراء لعملية قلب مفتوح..وكانوا منسجمين يتفرجون وأسيل تشرح لعبير لأن اللغة ألمانية
ويزيد يتفرج فيهم ويهز راسه وبخاطره:شفلك هيا!أنا تكفيني المجنونة هادي!كمان ساحبتلي زوجتي!شكلها تبغى تموتني المجنونة! ويشوف عبير مو فاهمة بس بالقوة بتدخل عمرها..ويشغل يزيد النور
أسيل بصوت عالي:ليـــــــــــــــــــش؟
عبير استحت
يزيد بابتسامة واسعة:مساء الخير
عبير كانت بترد بس أسيل صوتها كان أعلى:مســـــــــــــــــاء النــــــــــــــور
يزيد ويحط إيدينه على خواصره ويميل براسه ويناظر عبير بحب:هممم؟ماسمعت
أسيل وتثبت نظارتها بإيدها وتناظر عبير وش بتقول..
عبير بحيا:مساء الخير..نور البيت
أسيل وتناظر فيهم:إش رايكم تطلعوا من غرفتي؟
عبير تضحك وتقوم تروح تجيب منشفة..ويزيد كالعادة مع أخته يغايضون بعض
وتوقف عبير عند الباب ومعاها المنشفة:يزيد
يزيد وعلى طول يلتفت:إيوه..
عبير مبتسمة:يزيد تعال أجففلك شعرك لاتمرض!
ويروحلها يزيد ويجلس عالكنبة وعبير تجفف شعره ويزيد:خايفة علي؟
عبير مستحية:إيوه..وتعض على شفايفها بخفة
يزيد ويحضن خصرها:ياقلبي عاللي خجلانين!
..................................
IN THE HOSPITAL
فالمستشفى
كشفت الدكتورة على جنى وسوولها تحاليل..
أم راشد عند الرسبشن تنتظر الموظف يطبعلها الكشفية وتدفع رسوم لجنى
وقيمة التحاليل وكشفية لبنتها سمر عند استشارية نساء وولادة بدون ماتدري سمر..
وتروح لسارة وسمر:سارة تعالي أوديك غرفة الطوارئ
وتوديها وهم فالغرفة:سارة هنا انتظري جنى. أنا رايحة أشوف باقي إجراءات جنى
سارة:الله يعطيك العافية يما ماتقصرين.
أم راشد:الله يعافيك يما. لاتخرجين من الغرفة
سارة وهي تحط شنطتها:حاضر يما.
وتناظر سمر:سمر يالله تعالي
سارة:خليها يما تجلس معي
أم راشد:لاأبيها تجي معاي..يالله سمر
وتأكدت كل شكوك سمر..إن أمها تبيها تاخذها لدكتورة وحمرت سمر وبدت ترجف
وقلبها يدق بقوة وتمشي ورى أمها..ويدخلون غرفة انتظار وماكان فيه أحد
وتجلس أم راشد:سمر تعالي اجلسي بسولف معك
سمر وتجلس وتقوم أمها وتجلس جنبها:سمر نظيفة إنتِ؟
سمر وتناظر أمها وبصوت منخفض:إيه نظيفة..حتى تروشت فالعصر عشان طبخت
أم راشد وتغمض عينها وتفتحها:أقصد من تحت!
سمر ويحمر وجهها:إيه..ليش يما تسألين؟
أم راشد:أنا سمعت إن هالأيام فيه فيروس منــــــ
سمر تقطعها:يما لاتضحكين علي!ليش ماتقولين الصدق؟
أم راشد وتتنهد:سمر ليش ماتخليني أكمل؟
سمر وبتبكي:يما إنتِ خايفة على نفسك من الفضيحة مافكرت فيني..حتى ماسألتيني على طول بتدخليني عند الدكتورة..
أم راشد:يما والله خايفة عليك..وبعدين طريقتك وإنت تصرخين فغرفتك خلتني أقلق عليك.إنت ماتبين تريحين هالقلب وتحط أمها على صدر بنتها وتناظر فيها سمر ودموعها تنزل وأم راشد دموعها بعينها وبهمس:هممم؟
سمر وتناظر أمها:..............
أم راشد وتضغط بإيدها على صدر بنتها مكان القلب وإيدها الثانية على كتف بنتها:ماعليك مني..ولاتهتمين فيني تخيلي ألحين إنك تحاكين سمر تحاكين عمرك مو أنا..وتخيلي نفسك قاعدة تسألك متى تريحيني من هالعذاب؟متى بنام وأنا مرتاحة؟
سمر تناظر أمها ودموعها تنزل وبصوت منخفض:بس أنا مرتاحة..
أم راشد بنظرة شك:متأكدة؟خليك صادقة مع نفسك.أنا مو مقتنعة بكلامك!تذكري إني أنا نفسك..
سمر وتبلع ريقها وتنزل راسها:وش يضمنلي إنك بتصدقيني؟
أم راشد وضربات قلبها تضرب ضرب بس تتذكر كلام الدكتورة وتغمض عينها وتفتحها:قلتلك أنا نفسك..
سمر بقهر:إيه أدري وش يضمنلي إنك بتصدقيني؟
أم راشد:أنا بساعدك وماراح أخليك..
سمر وبإيدها تمشي دموعها:مايكفي..
أم راشد وتسحب ورقة من شنطتها وتطلع قلم:بنكتب عقد..إنك راح تعترفينلي وأنا بدوري أصدقك وأساعدك وأعطيك الضمان إني لو ماصدقتك أو علاقتي فيك تغيرت عليك أو حسيتِ بشي مني يضايقك..ولو نقضت اللي فالعقد راح أختفي من حياتك..
سمر وتفتح عينها:يما وش هالكلام؟
أمها بإصرار:أنا عندكلامي وتكتب العقد رفيعة..
وسمر تبكي وتمسك أمها:لاتسوين كذا!وشفيك؟
أمها وتناظرها:لو أنا مكانك بسوي اللي سويتيه لأنه من حقي أسويلي ضمانات
وتوقع أم راشد وتعطي بنتها توقع وتعطي بنتها الورقة:خذي خليها معاكِ ..
سمر وتاخذها وتمسكها بكل قوتها ..
أم راشد:الكلام اللي قاعد يسير بينا مابيه يطلع حتى لخواتك..هذا كلام انقال هنا وبيندفن هنا
وتأكدي إنه لو صار اللي ببالك تأكدي إني ماراح أخليكِ..ماشي؟
سمر وتنزل راسها:ماشي
.......................................
غرفة الطوارئ
يدخلون جنى بعد ماضربوها إبرة حديد وسوولها الجلوكوز وسألتها سارة وردت عليها الدكتورة:فقر دم ..ووزنها نازل جدددا ..أنا كتبتلها مقويات طبعا لمدة 5 أيام راح تجي تضرب إبرة الحديد..وكمان بتدخن
سارة تنزل راسها وتكمل الدكتورة:عندها قرحة فالمعدة ..طبعا كتبتلها الأدوية حتاخديها من الصيدلية اللي هنا..حننتظر دلوأتي الجلوكوز لحد مايخلص ,وحتراجعني الأسبوع الجاي يوم الأحد..ماشي؟
سارة:ماشي
الدكتورة مبتسمة:ألف سلامة عليها
سارة:شكرا دكتورة تسلم إيدك
الدكتورة:العفو حبيبتي..
.............................................
بيت أبو راشد..
أبو راشد يدخل ويسلم على أمه كانت فالصالة ومعاها سحر
أم سعيد:هلا والله حياك تعال
سحر تروح تجيب لأبوها القهوة وتجلس..
بعد ماتقهوى أوراشد ويسولف مسكين ومحد عاطيه وجه..
أبو راشد:سحورة مارجعوا أمك وخواتك؟
سحر:لا يابابا باقي مارجعوا..
أبوراشد:الله يرجعهم بالسلامة.
أم سعيد ومعصبة بس صوتها هادي:إنت مين قالك ترفض؟
أبو راشد ويتنحنح ويبتسم:يما تعالي نروح غرفتك أحسن..تعالي..سحورة لاتشيلين القهوة ...
سحر وباستغراب من أسلوب جدتها:حاضر يابابا.
................................
وتنادي الممرضة اسم سمر..وتقوم أم راشد وتناظر سمر وتسألها:يالله؟
سمر وتقوم ويدخلون عند الدكتورة..
الدكتورة وهي تشوف ملف سمر:إزيك ياسمر؟
سمر بصوت منخفض:الحمد لله بخير
الدكتورة تبتسم وتناظر فيهم:هممم؟إيه المشكلة؟ها ياسمر بتشتكي من إيه؟
أم راشد وتتكلم:بنتي صارت عروسة
الدكتورة ماخلتها تكمل:ماشاء الله ..عروسة زي القمر(خلوا الحكي لهجة مصرية)
أم راشد تبتسم:الله يسلمك.بس هي حابة تكشفي عليها وتتأكد إن الرحم عندها سليم..وكــ...وكمان تبغى تتأكد من ا..
قطعتها الدكتورة وبابتسامة واسعة:فهمتك ياأم سمر. ماتخافيش ياسمر !هو إنتِ زعلانة؟
همممم؟
سمر:لا
الدكتورة:إزا مش عاوزاني أكشف خلاص مش مهم..أهم حاجة تكوني راضية..ماشي؟
سمر:ماشي.
الدكتورة:نكشف طيب؟
سمر:نكشف..
الدكتورة:طيب حكتبلك على أشعة عشان نطمن عالرحم كويس وحعملك تحليل للهرمون عشان نتأكد ..بس دلوأتي عشان نتأكد من البكارة عاوزة توقعولي عالورقة اللي حكتبها وحنوقعها من مدير المستفى وبكرة ماناكلش حاجة ياسمر وحنشرب أربعة علب مية (موية) وحنعمل أشعة للرحم واليوم حتعملي تحليل للهرمون وحنكشف عالغشا ماشي حبيبتي؟
سمر:ماشي..بس أنا وتسكت
الدكتورة تبتسم:ماتخافيش مافيش خلع ملابس ههههههههه ياحبيبتي..
ويروحون يسوون الإجراءات اللي طلبتها والتحليل وسمر ميتة خوف المهم سوولها تحليل وأشعة الغشا وطلعوا الأشعة لفوق عند الدكتورة والتحليل يبيله خمس ساعات عشان يطلع..
أم راشد تكلم سمر:تبينا نروح نشوف جنى؟
سمر وهي جالسة وبإصرار:مابي.بحتري رد الدكتورة..
أم راشد تبتسم بس ماتوري سمر:أوكيه أجل نحتري..
وتنادي الممرضة عليهم ويدخلون...
الدكتورة مبتسمة:هاياسمر؟خايفة كمان دلوأتي؟
سمر وتهز راسها بلا..
أم راشد:طمنيني دكتورة..
سمر تراقب نظرات الدكتورة وكل حركة تطلع منها..
الدكتورة مبتسمة:دا سمر زي الفل..ماشاء الله .ماتخافيش خلاص ريحي نفسك بأى (يعني بقى..مدري شلون يقولونها )
سمر وتبتسم ابتسامة واسعة:من جد؟ههههههههه يما تسمعين؟
أم راشد مبتسمة:شفتِ؟قولي الحمد لله..شكرا دكتورة
الدكتورة مبتسمة:العفو دا واجبي..ويالله ماتنسوش تعزموني على فرح سمر..ربنا يتمملك بخير ياعروسة..
أم راشد ويوقف نبض قلبها المتسارع وتموت عظامها وتحط إيدها على صدرها وفبالها الحمد لله..
سمر وتهز راسها بإيه وفخاطرها:الحمد لله ياربي الحمد لله
..................................................
بيت أبو راشد..
أم سعيد معصبة:تدري إن بنتك قاعدة تكبر فعمرها!ماتخاف الله تقطع نصيبها؟
أبو راشد:لاحول ولا قوة إلا بالله!يما الله يسعدك وش هالكلام؟شلون أقطع نصيب بنتي؟
أم سعيد:مدري عنك؟اسمع ياولد أنا ماسكة نفسي عنك من أول!
أبوراشد مبتسم:إنا لله وإنا إليه راجعون!يما ليش هالكلام؟
أم سعيد وبنظرة قوية:قد سألتها؟قد قلتلها يابنتي ترى جاك واحد يخطبك..مخلينها على الأول تفكر فيه!ماخذه راحتها..حتى البنت قفلت راسها ماعاد تبغى تسمع سيرة زواج!اسمعني هالمرة فزواج راشد سألوا عنها والله والله لو رفضت لأوريك شغلك سامع؟
أبو راشد ومنزل راسه:حاضر يما.بس المشكلة يايما ماقعد يجيها من جماعتنا قعد يجونها من برا
أم سعيد وتفتح عينها:ولد النصيب إذا جا مايعرف هذيلا من الجماعة ولا من برا!خلي البنت تتيسر وتروح لاإنت ولاأمها بتدومون لها بتقعد تحت ظل زوجها.
يضحك أبوراشد..متعجب من كلام أمه
ابو راشد:طيب إنتِ ألحين وش تامرين عليه؟
أم سعيد:جايينها خطاب وأنا مانويت أخليهم هالمرة..
أبو راشد:حتى لو من برا جماعتنا؟
أم سعيد:إيه!حتى لو من برا..تسأل أول شي عن الولد زين وبعدها يوم تتأكد منه تحاكي بنتك إنت وأمها وتخلونها تستخير..
أبو راشد:طيب وإن ماصار هالكلام؟
أم سعيد:خلك تخلف شي من كلامي..بتشوف شي ماشفته
أبو راشد مبتسم ويعض على شفايفه :حاضر يما مايسير خاطرك إلا طيب..أنا والله بغيت أزوجها واحد من ثوبنا نعرفه ويعرفنا
أم سعيد:المصيبة فجماعتنا!أناا مدري وش معلقك بهالجماعة؟الله ماقال زوجوا بناتكم من جماعتكم..
أبو راشد:بس إحنا كذا من زمان وهاذي عاداتنا
أم سعيد:عاد لاتقعد ذحين تصدع راسي..الكلام اللي قلته مابعيده..البنت هاذي إن ماسرحتها..والله مايسرحها إلا أنا.لاتخلي ضناك يدعي عليك..
أبو راشد ويقوم يحب راس أمه:ماتشوفين إلا اللي يرضي خاطرك.وإن صار شي وجاها نصيبها والله مابقطعه..لأنها بنتي وأبغالها الخير...
أم سعيد وبدون ماتعطيه وجه:الله يخليك لعيالك ماينحرمون منك.بس إنت بعد لاتزودها!الله بكرة بيسألك عن رعيتك.لاتقعد تحمل على أكتافك.
أبو راشد:حاااااااااااااااااضر مايسير خاطرك إلا طيب.
أم سعيد:هيا اطلع بعدي أرقد!
أم راشد:لا والله ماترقدين تعالي تقهوي معي..يالله بس قومي..وبعدين ماتعشيتِ ولا ضربتِ إبرة الإنسولين...يالله بس قومي أزيتلك لاتخليني أشيلك..
وتبتسم أم سعيد ويمسكها ولدها ويروحون...
.......................................
فغرفة الطوارئ
سارة تناظر فجنى وفجسمها شلون تغير وتتذكر وهي تلبسها وتتحسس عظام خصرها
وتهز راسها وتدمع عينها وتناظر إيدها اللي فيها الجلوكوز وتمسكها بشويش وتمشي عليها وبهمس:ياربي اشفيها يارب .ياربي إني أحبها فيك يارب اشفيها يارب..اللهم جملها بالعافية وزينها بلباس الشفاء والستر واهدها كما تحب واجعلها لك كما تحب يارب يارحيم
وتبكي بهدوئها المعتاد ..جنى كانت تسمعها بس تحس لو فتحت عينها بترجع (بتستفرغ)
وتدخل أم راشد وسمر ويشوفون سارة وتجي أم راشد عند سارة وبصوت منخفض:امسحي دموعك!ليش تبكين؟هاذي هي زي الفل بسم الله عليها.. وش قالت الدكتورة؟
سارة وتعلمها..
أم راشد:الحمد لله ما فيها شي.قولي الحمد لله!أظن إحنا مرينا بحالة فقر دم ياسارة صح ولا لا؟
قصدها يوم مات خطيبها جاها فقر دم...
سارة وتمسح دموعها بإيدها:إلا اتذكر..يما بس شكلها مرة تغير.مرة تعبان شكلها
وأم راشد تغز بنتها بما معناه اسكتي لأنها تسمعك!
......................................
بيت أبو لافي..
أم لافي وأبو لافي فالصالة
أم لافي:ها متى نقدم نخطب البنت؟
أبو لافي:والله ماكلمته من يوم العزومة.بس بكرة إن شاء الله فصلاة الفجر حاخد منه موعد
ويدخل الجد:هاه؟ليش لحالكم تفرحوا؟فرحونا معاكم!
أبو لافي ويقوم يجلس أبوه:ياحبيبي ياأبويه تعال تفضل.إنته تاج روسنا ياحبيبي
الجد يضحك:هيا بطل من كلمة حبيبي!شف مرتك جالسة تسوي شرارة
أبو لافي:إنتِ ياحرمة!لايكون تغاري من أبوية؟
أم لافي:لااااااااه.حرام عليك!وأنا أغار من أبويه حبيبي..
الجد يضحك:تسلميلي يابنتي.لسانك كله عسل
أبو لافي وبنظرة مكر لأبوه:هااااه؟مين اللي قاعد يسوي للتاني شرارة؟
الجد ويمزح مع ولده بس مايضحك فوجهه:إشبك؟إش هاااااااه حقتك هادي؟أنا حر أغازلها زي ماأبغى
أبو لافي:لاياحبيبي دورلك على وحدة عجوزة تغازلها وبعد عن مرتي أقولك!إنته جالس تطبقلي كلام عبد المجيد عبدالله؟والله ينخاف منك!
الجد:والله خوفتك؟هههههههههه ويمسك ذراع ولده وبحنية:أمزح معاك ياولدي بس والله لو جازتلي الحكاية أنا حسأل أم لافي ترضي فيني؟
أبو لافي معصب:أبوووووووووويه
أم لافي والجد:هههههههههههههههه
..........................................
فالسيارة
أم راشد تنزل السوبر ماركت ومعاها سمر ويشترون أغراض وسمر تروح عند أمها:يما؟
أم راشد:نعم
سمر:أبي أروح أخم.
أم راشد باستغراب:وش تخمين؟السوبر ماركت؟
سمر:ههههههههه لا!أقصد بخم أشياء لي..
أم راشد تبتسم:طيب روحي خمي..تقدرين تقولين بشتريلي أغراض صح؟
سمر مبتسمة:يوووه يما!لاتدققين وتروح سمر وتاخذ من كل شي
وأم راشد تناظر بنتها مبتسمة وتحاسب أم راشد وتطلع أغراض سمر ب200
بنات تراه بس أكل!خخخخخخخخخخ
فالسيارة
كانت مضللة وبين السواق وبينهم ستارة..
سارة خايفة لايكون جنى أغمى عليها..وتحط أصابعها عند أنف جنى
جنى:حية مامت
سارة بصوت منخفض:بسم الله عليك من الموت!ليش تحكين كذا ياجنى؟
جنى مغمضة عينها,,
سارة ومترددة تبي تكلمها إنو لازم تكلمين أهلك..لايقلقون عليك
جنى وتضم إيدينها وتحط راسها على كتف سارة:فيك حكي ها؟
سارة وماتبي يسير مثل أول:لا عيني ماعندي حكي ..إنتِ ارتاحي ألحين..
جنى وتبتسم وفكرة إنها منسدحة على سارة تكفيها:سارة؟
سارة:هممم
جنى:أبي أرجع!
سارة:مافي حمام قريب.لحظة أطلعلك كيس..
جنى وتمسك سارة:خلاص ماحس بشي..إلا وتبين تتحركين!مابي خليك بمكانك.
سارة وتجلس بمكانها وجنى راسها على رقبة سارة وماسكة ذراعها اليمين
سارة:انتظري ياجنى ألحين بنوصل البيت(خايفة لاترجع عليهاخخخخ)
جنى تبتسم ومغمضة عينها من التعب:لاتخافين مابرجع ..خليك بمكانك لاتتحركين أبي أنام
سارة:ياعيني نامي.آسفة إني أزعجتك
جنى:تأسفي بعد..
سارة:هاه؟
جنى وهي مغمضة:تحبيني؟
سارة:أكيد مو صديقتي؟
جنى:طيب قوليلي أنا احبك
سارة تبتسم:أنا أحبك في الله..
جنى ماعجبها وتمسك راس سارة وترجعه:أقول سندي راسك خليني أعرف أنام بس!
قال أحبك فالله قال!
سارة:وش قلتِ؟
جنى:ولا شي روحي, ولا شي..
.........................................
فشقة راشد
العنود وتطلع للصالة وتشوف راشد مو موجود وتروح مكتبه وتلاقيه جالس:راشد؟
راشد:هلا عيني
العنود:ترى فالقصيم برد..تبيني أسوي شنطتك ولا لك طريقة؟
راشد يبتسم:لاعيني عادي نفس طريقتك..
العنود:آها!يعني أحطلك فسلتين وجلابيات وبناطيل وـــ
راشد:إيه وإذا فيه ألوان صارخة عشان أطرطع قدني أسمر وولعي فيني
العنود:هههههههه..طيب
راشد ويشوفها تروح:لحظة جاي أرتب معاكِ
هم مسافرين القصيم عشان أهل العنود من أبوها عايشين هناك..فبتسافر تسلم عليهم..
...................................
يوصلون البيت..
أبوراشد كان فمكتبه وأم سعيد كانت نايمة وسحر كانت ترطب رجلها فغرفتها..
والعيال سهيل كان يسبح وعبيد وطلال كانوا يلعبون سلة وأمهم أشرتلهم يبعدون وسهيل كان فالمسبح
سهيل ويكلم أخوانه:إشفيها أمي شلون تدخل حريم؟مو خايفة على شرفي؟
كان لابس شورت السباحة بس ومايدرون مساكين إن خواتهم مع أمهم..
طلال وعبيد يضحكون:يوووووووه الله يسامحها أمي..ماسوت خير فيكِ ياعلياء!
سهيل ويحضن نفسه وبصوت منخفض:يااااااااااااي شرفي ياجماعة..إهئ إهئ إهئ
طلال ويرمي الكورة على راس أخوه سهيل:إهئ إهئ!علياء اسكتي يالله لايشوفونك الرجال
سهيل:ليش تضربني ياسعيد؟
طلال وبدلع:حبيبي إنتِ أغار عليك..مابيهم يسمعون صوتك
عبيد:الله يرحم كل وحدة اسمها علياء من هالشعر اللي بصدرك
طلال ويضحك:ههههههههههههههههه الله يسامحك ياعبيد وراك تجرح مشاعرها؟
سهيل ويسوي نفسه يبكي:ماحبكم..والله ماحبكم يامعفنين
طلال بسخرية:والله؟
سهيل:والله..ياحمار ياخائن
طلال:أنا حمار هاااه؟
سهيل يدلع:إيه حمارين كلكم.
عبيد:الله يشفيك جتك الحالة؟
سهيل:انقلع ياللي شعرك ناعم.
طلال:بيصلع الولد.لاتقعد تزن على شعره..
سهيل ويطلع لسانه
طلال ويرمي عليه الإسفنجة:يالله عاد يالله!قم اطلع من الموية لك ساعتين وإنت بهالمسبح قم يالقنفذ
عبيد:ههههههههههههه..
سهيل:قنفذ؟ويناظر شعر صدره ويكمل:والله القنفذ أبوك!على مين طالع أنا؟على أبوك يالضفدع إنت وهالعيون تقول عيون نعامة
عبيد:هههههههههههههههههههههههه
طلال يضحك:هههههههههههههههه هين ياسهيل خلي أمي تدخل والله لأوريك شغلك.
سهيل:ههههههههههه يالله روح روح ..ياضفدع
............................................
سمر تركض على غرفتها تتوضا وتصلي ركعتين وتبكي وتحمد ربي وربكم على الخبر اللي سمعته!كان أحلى خبر سمعته فحياتها,حست إن محد قدها فهالفرحة,حتى من خوفها من هالشي كان يسيطر عليها,يمكن كانت تفكر إنها بنت ولالا أكثر من إنها تقلق عالنسبة(نسبة الثانوي) !كانت تدعي عاللي تحرش فيها بالموت!
وتناظر سجادتها:الحمد لله يارب..الحمد لله ..هم وانزاح من صدري..
وفخاطرها:الله يسامحك ياخالي فيصل إنت لو تدري بحجم معاناتي اللي كنت أعانيها من كنت صغيرة للحين!آآآآآآآآآه ياربي لك الحمد
ويمر شريط هالذكرى اللي تبي خلاص تنساها..
كان عمرها 8 سنين وكانت تلعب فالحوش مع بنات خالتها وخواتها ويأذن المغرب وهم داخلين البيت راحوا البنات الحمام يغسلون رجلينهم فكانت سمر ماسكة المرش للبنات وهي تغسل رجلها يدخل خالها فيصل الحمام ويسكر الباب
وهو يسوي نفسه متألم:تعالي شوفي هنا شي يعورني تعالي وتروحله سمر بكل براءة :وين ياخال الألم؟
وتغمض سمر عينها:آآآآآآآآآه بس ياسمر لاعاد تعيدين هالشريط..بس!
وتدخل أمها الغرفة وتجلس جنبها وتبتسم:خلاص ارتحتِ ألحين؟
سمر مبتسمة وتهز راسها بإيه..
أم راشد وتحضنها من أكتافها:طيب ماتقدرين تقولينلي من متى وحاسة بهالإحساس؟
سمر بحزن ومنزلة راسها:من عمري 8 سنوات
أم راشد وتفتح عينها وتبلع ريقها بس مابينت لبنتها إنها تفاجئت:طيب ليش ماجيتي علمتي أمك؟
سمر:يما ماكان أحد يقدر يكلمك..كنتِ مرة عصبية..
أم راشد وتعض على شفايفها وتنزل راسها:سامحيني يما..بس مين اللي فجعك؟إنتِ شفتِ؟ولاأحد سوالك شي؟
سمر وتبتسم بحزن:لا يما شفت وسوالي بعد!
أم راشد ونبضات قلبها تزيد وبهمس:وعمرك 8 سنين؟
سمر وتهز راسها بإيه..
أم راشد:طيب مين اللي سوالك؟
سمر تبتسم:خليه يما يروح ,,خلاص طالما كشفت وقالتلي الدكتورة إني كويسة ,,خليه يما أنا سامحته وأسأل ربي إنه يهديه..
أم راشد وتحضن بنتها:سمـــــر سامحيني يما ماكنت ادري والله سامحيني وتبكي
وسمر تحضنها:يما خلاص لاتبكين ولاتشيلين بخاطرك,زين إني طلعت بخير الحمد لله..
أم راشد وتبكي بألم:سامحيني يما..سامحيني..
سمر وتربت على كتفها:خلاص يما لاتبكين لايجي أبوي ويحسب إني ضربتك!ترى ماباقي إلا هي..أبلة رفيعة يالله انتهت الحصة..
أمها تضحك وسمر تمسح دموع أمها:خلاص يما لاتبكين..أنا بخير خليه يروح لحاله..
أم راشد:طيب مابتعلميني مين؟
سمر:يما قلتلك خلاص خلينا نطوي هالصفحة.
وفعلا تطوي ام راشد الصفحة بس ترجع تسأل بنتها:سمر
سمر:مابقولك ترى..
أم راشد:ههههههه خلاص قلتِ نطوي..بس خلينا فالمهم..إنتِ تبين عادل؟إذا ماتبينه عادي أنا أشن حرب عشانك أهم شي رضاك..
سمر وتبتسم وفخاطرها:مين قدي؟بيشنون حرب عشاني..
أم راشد وتغز بنتها:سمــــــــر؟تبينه؟هاه؟ترى هو ماعليه..بس أهم شي رضاك يما..
سمر فخاطرها:ياعيني والله وقامت تسأل عن رضاي
وأمها تحسب إن بنتها مستحية وتبي عادل وتحضن بنتها:فديت قلبك هههههههههه
وتبعد بنتها عن حضنها:استخيري عندك إسبوع وردي علي ماشي؟
سمر متفاجئة:الله أسبوع أستخير؟كثير والله!
أم راشد تبتسم:والله ياحبيبتي هذا زواج مو لعبة!استخيري لمدة أسبوع عشان تعيشين بعدها مرتاحة..
سمر:بس أمه مب زينة..
أم راشد وبدون اهتمام:ماعليك منها.إحنا علينا من عادل..طيب؟
سمر:طيب..
وتمطها أمها من خشمها..وتروح
وهي خارجة من غرفة بنتها:ياحليلها بنتي وأخيرا استحت..هههههههههه
.......................................
فغرفة سارة
سارة أكلت جنى وشربتها الدوا ونامت..وهي تلحف جنى شافت شاشة موبايل جنى تنور وراحت تشوف لقيت مكتوب (الأم) وراحت ترد سارة فغرفة الملابس عشان لاتسمعها جنى:ألو
أم جنى بقلق:ألو مين معايا؟
سارة بصوت منخفض:أنا صديقة جنى ..
أم جنى وبخوف:الله يسعدك بغيتك تعطيني جنى..
سارة احتاست وش تقولها:إنتِ أم جنى؟
أم جنى:إيه.وإنتِ؟
سارة:أنا سارة..هلا خالة
أم جنى:أنا اليوم ماشفتها حتى يوم طلعت غرفتها لقيتها إنها مابيتت فغرفتها من كم يوم
أبي أطمن عليها هي بخير؟
سارة وتهز راسها بأسف وتنهدت:خالة هي نايمة ألحين..بس تصحى أخليها تكلمك
أم جنى:إنتِ شكلك طيبة ياسارة ..الله يسعدك مافي داعي تكلمني بس كنت أبي أبلغها إني مسافرة الجزائر مع أهلي..مابيها تقلق علي..
سارة فخاطرها:لاحول ولا قوة إلا بالله..
أم جنى:باي سارة
سارة:مع السلامة..
سارة وتفتح الباب وتناظر صديقتها:ياروحي عليك..الله يعوضك خير ياصديقتي..
جنى كانت نايمة ومو حاسة بشي..وسارة راحت تشوف أهلها تحت..
..........................................
اليوم الثاني
يمر راشد والعنود يسلمون على أهاليهم إنهم رايحين خلاص القصيم وسلموا عليهم وطبعا وصوهم على أعمارهم وارجعو سالمين..وطمنونا يوم توصلون
..................................................
مر يومين
وانتشر خبر خطبة سمر فبيت أبو راشد
سهيل كان يلعب بلاي ستيشن:أووووووووووووه...مبروك والله بيتزوج صالح أخيرا..
طلال مبتسم:مين اللي خطبها؟
سهيل متفاجئ: عادل؟..لا تمزحون!
أم سعيد وهي تشرب القهوة:إيه عادل ليش نمزح؟شايفنا نهرج؟
سهيل:بس عادل أكبر من سمر..مو صح ياأبويه؟
أبو راشد مبتسم:إلا أكبر من سمر فعمر راشد..
سهيل:هذا بيموت قبل سمر..
وكلهم صرخوا عليه..
أبوراشد ويتكلم بنبرة حازمة:أنا ماراح أوافق إلا بعد ماتستخير سمر وتقولي وش يصير..ولو البنت ماارتاحت ماراح أوافق..
أم سعيد:والله إن عادل طيب
أبو راشد:ماقلنا شي..بس هاذي بنتي وماراح أفرط فيها ولد أخوي على عيني وراسي..ماقلنا شي لكن الحق حق!لازم أعطي بنتي وقتها فالتفكير..هذا من ألحين أقولك يما..
أم سعيد:دريت دريت الله يقدم اللي فيه الخير...
سهيل:وإنتِ يما وش رايك؟
أم راشد:والله عادل زين..بس بعد خلينا نشوف سمر
سهيل متفاجئ:يعني إنتِ موافقة على عادل؟
أم سعيد:وشفيك إنت؟
سهيل:عادل كبير على سمر عمره 29 وشفيكم؟
أبو راشد:سهيل..خلاص وأنا أبوك خلينا من هالسالفة..أنا قلت خلي أختكم تستخير ونشوف بعدها ..
سهيل:الله يكتبلها اللي فيه الخير
أم راشد وعبيد وطلال:من أول..
سهيل انفجع :وشفيكم؟
أم راشد:كان من أول اختصرت على عمرك الحكي..
........................................
فغرفة سارة
سمر كانت تطق ظهرها..توها مخلصة غسيل ملابس,, كانت جالسة فالأرض
سارة جابت جلابية وكانت عند غرفة الملابس وتناظر جنى اللي كانت منسدحة عالسرير وكان معاها ولاعة تولع بإيدها ..كانت لابسة مدري نسيت اسمها هاذي القمصان القطنية كان لساقها وشعرها طال حبتين عن أول ..وفيه من الجنبين كم خصلة ثلجية..ومو مسرح مروش شعرها بس ماسرحته...لأنه بعد الترويش بان طول شعرها
جنى مسكت راسها مع شعرها:سارة لاااااااء!والله ماألبسها
سمر:هههههههههههاااااااااااي...أما عاد بتلبسينها جلابية ههههههههههههه
سارة مبتسمة:ليش؟مب زينة؟
جنى وبنظرة رجا:سارة تكفين!قلتلك ماأحب هالمود من الملابس..خلاص كلمت السواق يجيبلي ملابس..
سارة: عيني جربيها..والله حلوة فاللبس..يالله هاتي إيدك
سمر وترجع لطبيعتها:إنتِ هيه!هندية إنتِ؟راسك مسندر؟غبية!
سارة:شفتِ خليتيها تسبني!
جنى وتجلس:سمور لاتسبين سارونتي ,,هاتي الجلابية ألبسها كياد فسمر..
سارة تبتسم وتروح تعطيها وجنى متضايقة:كيف تنلبس هاذي..اصبري سارة!
سمر تضحك:ههههههههه سارة ترى شكلها مو راكب مرة..تقولين سهيل وقاعدين نلبسه لبس حريم..
جنى باستغراب:مين سهيل؟
سمر:البسي البسي..خلف الله على أمن جابتك..
جنى:والله مادرت عني..ياليتها قعدت فبيت أبوها لاتزوجت ولا خلفتني..
سمر نزلت راسها ..وسارة:صل عالنبي لاتعصبين..
جنى وتأشر على سمر:هاذيك ياسارة قاعدة تستفزني...قوليلها تسكت عني..
سمر وتبتسم وتقلد جنى:أنا أستفزك؟شف اللي ماتستحي!أقول اصلبي وخلك حرمة
سارة:سمر اسكتي عنها..تونا مابدينا..وتبتسم فوجه جنى:يالله عيني البسي..
جنى وتفصخ القميص وسمر تصرخ عليها:إنتِ هيه ماتستحين على وجهك تفصخين قدامنا؟
جنى:طيب عادي..
سارة وصدع راسها منهم ومن جنى اللي عذبتها طريقة حياتها:جنى الله يهديكِ ياعيني..وين السنتيانة اللي عطيتك إياها؟
سمر وبصوت منخفض:كأنه فيه صدر ألحين..الله والصدر ألحين! مافي إلا دواير تقول حبات زيتون أسود
سارة :ههههههههههههههههه وتناظر فيها جنى وتضحك مو دارية وش السالفة..
سارة وتجلس على ركبها:حرام عليك ياسمرررر هههههههههههههههه
جنى وتبتسم:وشفيكم تضحكون
سمر مبتسمة:أنا أدري!صاجتنا إنت وياها..وتناظر جنى:إنتِ هيه استري نفسك..
جنى:طيب لابسة سروال!
سمر وتمسك نعالها:والله ين ماتلبسين بهالنعال ترى!
وسارة ميتة ضحك...
وتدق سحر الباب:سارة وصل كيس جنى..
جنى وتروح تاخذ الشنطة وسمر تصرخ:لااااء!تعالي هنا لاتفجعين البنت أنا بجيبه..
وتعطيها سمر وتفتح جنى الشنطة وسارة معاها:أوف كلها بنطلونات ياجنى؟
جنى مبتسمة وتطلع قميصها وتشمه:وحشتني ريحتي..وتلبس
سمر وفاتحة عيونها:بنت؟مافي سنتيانة؟
جنى:لا مافي..ماحبها تخنقني..
سمر:اووووه تخنقك!وين أمي عنك؟والله لو إنتِ بنتها وين ألحين بتكون ياسارة؟
سارة مبتسمة:فالقبر مافي كلام
جنى:حرام عليكم والله أمكم مافي أحلى منها..طيبة وحنان وذوق احمدوا ربكم بنات دلوعات
سمر:ههههههه..مسكينة إنتِ!
جنى وهي تلبس البنطلون:ليش وش قالولك؟مشاكسة إنتِ ياسمر...
سارة تطلع من شنطة جنى لاب توب:جنى
جنى:أحلى شي بخدامتنا تسمع الكلام..يسلملي راسها..اليوم بشوفكم فيلم خيااااااال..
سمر:لايكون بس منحرف..
جنى:والله ياحبيبتي تعلمي شوية انحراف وراك زواج
سارة:يعني إذا بتتزوج لازم تنحرف؟
جنى وتلتفت لسارة:ماتشوفينها تحمر كل ماجبتم طاري الزواج؟...ها شوفيها!
سمر منزلة راسها..وسارة تناظر فيها:لاتقولين مستحية؟
سمر:إيه والله...مستحية!أنا مو مجنني إلا يوم شافني وأنا آكل ألحين وش بيقول؟
جنى مبتسمة وتطلع فرشة شعرها:مفجوعة..ههههههه ألحين يوم زواجك بيبعد عنك خايف لاتاكلينه
سارة:ههههههههههههههه
سمر وتتريق عليهم:هههههههههههههه..مرة يضحك يووووووووووووه بمووووووووووت
جنى:قومي سرحي شعري..قومي يالله
سارة وتقوم:طيب أنا رايحة أشوف إذا فيه شي..وأجيب شوية أشياء نتسلى عليها..
جنى:لاتتأخرين..شوفي لو تأخرتِ بلحقك والله لأسويها فيه سمر بتعلمني شلون أجيك..صح سمر؟
سمر:إيه..إنتِ وخصل المجانين ..حشى كأنها ختم البلدية
جنى تضحك:خاطري تسوين شغلك بدون ماتتريقين..
..................................................
أم راشد راحت هي وأختها وأم سعيد يخطبون لفيصل...وأم راشد خلت كل عيالها يروحون ينامون فشقة فيصل..
عشان البنات ياخذون راحتهم مع جنى..
وسارة كلمت أمها على وضع جنى وأمها قالتلها خليها أسبوع عندنا ..ترتاح..
.................................................
أم راشد مازالت مستمرة على زيارة الاستشارية عشان تعدل من شخصيتها وسلوكها وبدون محد يدري..
...........................................
وهي فالمطبخ
سارة ياترى خالتي وش تبي فيني..طيب ليش ماجت عندنا البيت..
أم سعد يوم درت إن جنى عند سارة وشافت شكل جنى صدقت بنتها منال وقالت لازم تكلم سارة..
...........................................
رائد:ليش ماسألتوني؟شايفيني عندكم فستان كل شويه تلبسوني حاجة؟
أبو لافي:ياولدي صل عالنبي واجلس إشبك؟
رائد:يعني ترضاها ياأبويه؟تزوجوني وحدة بدون ماتاخدوا رأيي؟والله حرام عليكم
أم لافي:إش اللي حرام عليكم!والله بنت زي السكرة مو حرمتك المجنونة اللي خرجتلي قرون!والله يارائد بنت ولا كل البنات..حتشكرني بعدين
رائد:لابعدين ولاقبلين..أنا ماراح أتزوج..ياأمي ماأبغى من بناتهم..الله يخليكِ
أبو لافي:وإشفيهم بناته؟والله متربين أحسن تربية..هدولا بناته هم اللي حيصونوا بيوت رجالهم
لين تجلس:وكمان أبوهم مطوع واااااااي مرة بيئة
الجد معصب:قومي شيلي نفسك من هنا!لاتخليني أكسرلك راسك ياقليلة الأدب..الله يعين زوجك على لسانك المتبري منك!
لين تنقهر وتقوم..
الجد:اسمع ياولد!أبوك جالس يمدحلك فالعيلة..وقالك هم ناس طيبين..هيا اعقل وأسمع الكلام
رائد:طيب عالأقل مو دحين..
كلهم:متى؟
رائد ينفجع:ههههههههههه إشبكم بسم الله الرحمن الرحيم...يعني اصبروا علي حبتين ..
الجد:مافي البنت لاتطير علينا هيا وحدة انخطبت مانبغى التانية تروح
رائد فخاطره:يارب تكون مو اللي فبالي..
أم لافي:فين سرحت؟خلاص إحنا حنخطب الأسبوع الجاي وماراح نحط وقت للملكة والخطوبة..طيب؟
رائد:حاضر..
أبو لافي:الله يوفقك ياولدي..
.............................................
سارة تطلع عند البنات وتشوفهم جالسات عالأرض وسمر منسدحة على رجلين جنى وتتفرج وسحر مع سارة..
جنى تناظر سحر:مين الحلوة ؟
سحر:سحر..ماتعرفيني؟
جنى:فديت قلبك إلا عرفتك ألحين..تعالي هنا جنبي تعالي..
سحر:لابجلس هنا جنب سارة
سارة تجلس جنب جنى وتجلس جنبها سحر وجنى تغمزلها وبهمس:فديت العيون..
سارة:ترى أي لقطة مب زينة بينقفل..من ألحين أقولكم
سمر:اسكتي ياحرمة
جنى:ورى ماتسكتين إنتِ
سارة وبرطمت:شفتِ ياسحر كلهم يهزئوني
جنى وتحضن سارة من جنب:ترى أنا أمزح معاكِ وتبوسها فخدها..
سمر تاخذ علبة العصير وتضرب جنى اللي تتألم:اقضبي شفايفك عنا..
جنى:ههههههههههه
...................................
راجع من العمل ويرن جواله..
عادل:هلا جدة..
ام سعيد:يما أنا كلمت أبوك ..على سمر وخلاص بنتي موافقة فديتها هيا لاتبطي..الله يوفقك
عادل متفاجئ:جدة إنتِ صادقة؟
أم سعيد:أجل أكذب..إيه صادقة...يالله لاتتأخر الله يوفقك
عادل فرحان:الله لايخليني منك ياجدة...
أم سعيد:ولا منك..
...........................
فالمغرب
جنى تلبس عباتها وتشوف سارة تقفل شنطتها وتروحلها:ليش حزينة؟
سارة حزينة:تعودنا عليك..
جنى وتبتسم وتفتح إيدينها:فديتك والله وتحضنها وتشم ريحتها:يازين هالريحة بشتاقلها
سارة:لاتهملين صحتك..وإذا مليتِ ولاحسيت إنك بتنحرفين تعالي
جنى وتبعد سارة عن حضنها:فديتك ماأنحرم منك..وتدخل سمر كالعادة
جنى تبتسم ابتسامة واسعة:هلا بالحبيب..
سمر تبتسم:فديت بيتنا..بيسير خفيف..أقول وش فيه منور..
جنى وبنظرة :متأكدة إنه بيكون منور؟تعالي هنا أشوف وتروحلها جنى وتحضنها:لاتزعلين سارة منك..وتعلمي فنون الدلع قبل الزواج ههههههههه تعودي تاكلين اللقمة صغيرة ههههههههههه وتضربها سمر:ياشين وصاياك..المهم الحمد لله على سلامتك ولاتنسينا زورينا لأن قانون بيتنا مايسمح إنا نزور صديقاتنا وإذا بغيتِ تدخنين روحي مصي هيل وصلي كلما عصبتِ تراها زينة..
جنى ومبتسمة وتحضن سمر:فديت الطيوبة سمورتي ..وتبوسها فخدها:الله لايحرمني منك
سمر وتبتسم :الجميع يارب..
جنى:وين الطعومة سحورة؟
سارة مبتسمة:تحطلك التارت اللي تعلمته فحافظة..
جنى:فديييييييييتها ياناس..وينها ببوسها
سمر:برضوا تبوسين؟اقضبيه هالفم..خافي الله فيه
جنى:هههههههههههههههه..بودعكم مابي أتحسف بعدين..
سارة:ماكأنا بنتشاوف..
جنى وتناظر سارة وتعض شفايفها:فديت هالشوف
سمر وتضربها على مؤخرة جنى:قومي امشي قدامي لاتخليني اشوتك..
جنى وتتحسس الضربة:أنا خايفة عليك لاتتطلقين
سمر:خليني أتزوج بالأول..
جنى وتناظر سارة:والله قوية سمر!ههههههههه
وتشوف سحر فالحوش حاطتلها أكل فالحافظة وتجي جنى وتحضنها:مسويتلي هذا كله؟ياربيييي لايحرمني منك..وااااااااااي ياعمري وتبوسها فخدها..
سحر :كلي زين..
جنى بحنية:آكل زين؟حاضر ياروحي باكل زين..وإنتِ بعد انتبهي على عمرك لاتعورين نفسك فالمطبخ..طيب؟
سحر:طيب..
جنى:فديتهم وتبوسها
تروح جنى ويسلمون عليها البنات ...وأم راشد توصيها على صحتها وبعد ماخرجت جنى دمعت عينها:ياالله ماأحلى حياتهم..بشتاقلكم والله وتتنهد وهي تركب السيارة وترمي لبيتهم بوسة كبيرة
..................................
أم راشد كالعادة تروح موعدها مع طلال بدون لحد يدري عند الاستشارية..
.................................
تتصل أم سعد على جوال سارة إنها وصلت وتروح سارة تفتحلها الباب وبعد السلام والسواليف والقيل والقال..
أم سعد:سارة أنا بخش فالموضوع على طول..ومابيك تشكين فخالتك..أنا مابقولك هالكلام إلا وأنا واعية تماما للي ابيك تفهمينه..
سارة مبتسمة:تفضلي خالة
أم سعد:إنتِ ياسارة مؤدبة وخلوقة ماتوقعتك إنك تصادقين بنت شاذة!
سارة وعلى طول رن فراسها منال وكلام سمر:خالة حرام تقولون عليها شاذة وإنتِ ماتعاملت معها..ولعلمك ياخالة تراها كانت مبيتة فبيتنا أسبوع وأمي معانا كانت..أنا مافكرت أصلا إني أضر نفسي ولاأهلي..أنا عارفة هالشي,,وتسلمين ياخالة عالنصيحة..بس فيه بعد شي أبي أقولك عليه..زين تذكرت..
أم سعد باستغراب:وشو؟
سارة:ملاك انتبهيلها..
أم سعد وبهتت:ايش؟
سارة:انتبهيلها ياخالة..بس هاذي نصيحتي لك..وأتمنى ماتزعلين مني..
أبو راشد ينادي على أهل البيت يبي شاي أخضر وسارة زعلت من خالتها إنها صدقت بنتها منال:نازلة ياأبويه
أم سعد وتحسفت إنها كلمت سارة:سارة..سارة
وماردت عليها وراحت أم سعد
......................................
فالحوش
جنى كانت تنظف السيارة اللي تركب فيها مع السواق وترمي كل علب السجاير والعلب الثانية حقت الشرب
وترمي أشرطة الأغاني والسيديهات..وتغسلها بالبخار وينزل أخوها محمد ويشوفها:جنى وش تسوين؟
جنى كانت لابسة قميص واسع لونه رصاصي وبنطلون أسود ورافعة شعرها ورابطة على وخصرها منشفة
وتبتسم:أنظف السيارة..
محمد ويشم السيارة:جنى بعد فيها ريحة خليها مفتوحة طول الليل تتهوى..وبعدين بخريها بعودة..
جنى مو مستوعبة:أبخرها بإيش؟
محمد يبتسم:بعودة..إنتِ متى بتسيرين حرمة؟
جنى:لاتتريق علي!شوف قاعدة أتعلم التنظيف..شوي شوي علي..
محمد ويروحلها:حياتي هاذي كذا تتنظف..
جنى وتناظر المكان اللي يأشر أخوها عليه وتنظفه
ويروح أخوها وتناديه جنى:محمد من وين أجيب العودة؟
محمد:فالعلب اللي فالصالة خذي اللي فالوسط...
جنى تبتسم:مشكور..ماننسالك المعروف ياأبو حمادة..
محمد يبتسم ويرميلها بوسة فالهوا..
جنى وتسحب نفس:هذا يبيله غسيل,,,
وتروح غرفتها وتخرج الصور من الدولاب وتقدرون تقولون كلها خلاعة..وتروح تحرقها فالحديقة..فبرميل وتاخذ الميموري اللي فجوالها وتحرقه وتروح تسوي تنظيف للجهاز (اللاب توب)وتشوف الرسايل اللي كانوا البنات يرسلونلها فالحفلات والكلية كانوا مهووسين بشكلها..وتحرقها وهي تضحك..وتجيب الدادا العودة وتروح جنى وتحطها فالسيارة تبخرها وتقفل الباب عليها ..وتروح تتروش..
......................................................
طلال وسهيل وعبيد وسحر..
سهيل:سمر ليش تأخرت؟
تدخل سمر..
طلال:وين كنتِ تأخرت؟
سمر:يالله قدرت آخذ بطاقتها..(ترى النتايج طلعت من زمان بس محد فضي..حتى ورجع روتين بيتهم بدوا يشوفون أشغالهم..)
سهيل ويدخل رقمها وينفتح ملف سارة وكانت ناجحة بامتياز..معدلها كان 4:98
سحر:وااااااو معدلها حلو..
طلال:أوشششششش ماشاء الله
سهيل:معدلها حلو..يسعدها ربي..
عبيد:يالله تخطيطكم..
وتدخل أمهم وبصوت منخفض:ها بشروا كم جابت؟
طلال مبتسم:لا مرة حلوة..ماعليك..
سهيل:هاوش بنسوي؟حفلة فالبيت مانبي...بتقعد تنظف..
كلهم:ههههههههههههههههههههههه
أم راشد:صادق..طيب دورولنا مكان أستأجرلكم فيه ليلة كاملة..
سهيل:مدري والله
طلال:وش رايكم باستراحة ماريبا؟
سهيل:أقولك مانبي شي تنظف فيه..نبي يكون فيه عاملات..
سحر:ليش مانحجز قاعة؟
طلال:لا وش قاعة..
عبيد:يما نأجرلها المطعم اللي فهليتون..صاحبي يسوون فيه حفلاتهم..تراه رهيب والله وأبشركم العاملين اللي عندهم مايعطيك فرصة للي زي سارة..
أم راشد:خلاص شوفوا إنتم ونسقوا وأنا علي أدفع...
سهيل:خلاص صار..بس لحظة أنا بعد أبي حفلة إني تخرجت من الكلية..محد عبرني..
طلال يضحك:هاذيك الأيام هههههههههه كانوا مشغولين براشد يوم توظف سووله عزيمة
سهيل:والله إنتم هاضمين حقي..أقولك يما
أم راشد مبتسمة:نعم..
سهيل:سوولي حفلة معاهم وأبي كيكة لتخرجي مايخصني..ترى بنحرف لو ماسويتولي..
أم راشد:طيب ياسهيل بس اسمعوا لازم تعزم صحباتها..مايسير
طلال:أجل اللي فهيلتون خليه مع صحباتها يعني للحريم وإحنا لنا يوم فاستراحتنا..وش قلتم؟
سمر ومشغولة مع عبيد تشوف نسبتها
سمر وتغمض عينها:لاتقولون..لاتقولون
وكلهم يقربون من عند الشاشة
عبيد:أوووووووف جبتِ 80
طلال:الله يفشلك...
أم راشد كانت واقفة عند الباب وحاطة إيدها على صدرها وتزعل يوم سمعت بنسبة بنتها..
وسمر تفتح شوية:كذابين..وتبكي على طوول
سهيل يحضنها:ياخايسين..لاتكذبون عليها..
سحر تمسك أختها من إيدها:ترى يمزحون نسبتك حلوة 97
أم راشد وتصفق لسمر:مبروك سمورة مبروك...
طلال وعبيد يضحكون:ههههههههههههههههه
سمر من بين دموعها وتشوف نسبتها..
طلال ويمشي على شعرها وسمر تعصب عليه:وخر يالغلس
ويضحكون..
أم راشد:لاتتعودين تضربين..بتتزوجين لاتخوفين الرجال..
سمر وبعد مااطمنت إنه اسمها راحت غرفتها تصلي ركعتين...
وخلصت ليلتهم وهم فرحانين بهالأخبار
...............................................
أبوعادل:ليش ماتوافقين؟
أم عادل:إيه ماأوافق !البنت صغيرة عليه
أمل:صغيرة بس والله يما شفتيها عاقلة..يما إشبك ماتعرفين سمر؟
أبوعادل:إنتِ مقهورة منهم..قوليها..يابنت الناس اسمعي الكلام البنت نعرفها ونعرف حياتهم وزين إنها وافقت عليه..ولاتقعدين تسوينلي كلام..
أم عادل:بس أنا قاعدة أجدد العلاقات مع مرته اللي طلقها
أبو عادل وصرخ:كيــــــــــــــــــف؟ إنتِ تبين تجلطيني؟مجنونة إنتِ؟والله لو تنطبق السما عالأرض ماترجعله قليلة الخاتمة ناكرة المعروف..وخذي هالكلام مني والله لو تدخلتِ فزواج عادل لتشوفين شي ماشفتيه..فاهمة؟
أم عادل:هين نشوف..
أبوعادل:اعقلي أحسلك ياناقصة العقل لاتخليني أقول كلام مايعجبك..
أمل برجا:يما وشفيك؟وش حلاتك كنتِ؟ليش كل ماجت سيرة زواج تسوين فأبوي هالشكل؟
أم عادل:إيه إنتم ماهمكم إلا أبوكم!ماتشوفين أختك كيف عايشة؟فشقة مع واحد مو من ثوبنا..
أمل:وشفيها إذا مو من ثوبنا..عايشة بسعادة الحمد لله...يايما صل عالنبي الله يخليك..لاتقعدين تعصبين وتتعبين عمرك ..يايما عادل يبي يتزوج قبل مايسافر..خليه يتزوج ويرتاح يايما..إنتِ ماتدرين باللي فقلوب أخواني..
أم عادل وعينها فيها دموع:يعني إنتم اللي فاهمين؟
أمل وتتنهد بحسرة مو عارفة وش تسوي معاهم..وتقوم تروح الحوش وتشوف عادل في فيلته كان مع تركي يسولفون:يارب تسعدك ياعادل,,وتهدي امي يارب اللهم اهديها..
................................................
جنى تكلم أبوها:يعني إنت موافق أروح؟
أبوها:موافق يابنتي..وخلي علي الإجراءات أنا أسويها..
جنى تبتسم:أنا سويت الإجراءات السكن والجامعة بس باقي الحجز..
أبوها:خلاص أجل يعني خالصة أمورك؟
جنى وترفع حواجبها:من زمان..
أبوها يناظر فيها ويبتسم بحنان ويشوفها تروح ويرفع صوتها:كم مدة دراستك؟
جنى:ثلاث سنين ونص..
أبوها:طيب أنا جاي معاك؟
جنى متفاجئة:هاه؟
أبوها يبتسم:جاي معاك ..اعتبريها أب بياخذ إجازة مع بنته لحالهم ..بدون الشغل وبدون أي شي..وش رايك؟
جنى تبتسم فمكانها
أبوها:كم نسبتك؟
جنى:99
أبوها بحنان:بسم الله عليك ..برافو ياجنى..يالله أجل نشد الرحال؟
جنى بإيدها مبتسمة:نشد الرحال وش ورانا؟
................................................
أم سعد مع ملاك..فغرفتها
ملاك طفشت من أمها:يما كم مرة أقولك محد لمسني..إشفيك؟
أم سعد وعينها مفتوحة بقوة وبإصرار:إلا فيه أحد لمسك انا شفتك!
ملاك تخربطت:شفتيني؟وين يما؟
أم سعد وضربات قلبها بقوة تضرب:شفتك وخلاص..بس أبيك تقوليلي
ملاك:يما أخاف تضربيني..
أم سعد وتغمض عينها:ماراح أضربك..إنتِ بس قوليلي وأنا بوريكِ فيه
ملاك بخوف:يما بس لاتعلمينه إني قلتلك!
أم سعد وتجلس على ركبها وتمسك إيدين بنتها:والله ياروح يما مابتكلم..قولي
ملاك وتناظر أمها وبكل براءة تعلم أمها اللي يسويه فيها:يما يبوسني في فمي ويشيل بنطلوني ويجلس يعورني
وأم سعد وتناظر بنتها بأسى وعينها تمتلي دموع:ياويلي عليك يما..ليش ماكلمتيني؟
ملاك:ماما هو يقول لا تعلمين أحد..بس هو حلو ياماما
أم سعد وتبكي:لاياماما مو حلو..والله مو حلو..ملاك ماما اسمعيني وتشهق أم سعد:ماما لاعاد تخبين على ماما..طيب؟
وتهز راسها ملاك
تتذكر أمها يوم سألتها ملاك عن الحمل
أم سعد:مين يسويلك كذا؟
ملاك ومافي شك:خالي فيصل
أم سعد وتغمض عينها:ملاك اسمعيني ماما هذا المكان وتمسك على بنطلونها:عيب ياماما محد يمسكه طيب هاذي الأماكن محد يمسكها ولاتخلين أحد يحط إيده عليها لأن هذا جسمك محد يلعب بجسم ملاك صح؟وتنزل دموعها وفمك ماتخلين أحد يبوسك فيه مو حلو ياماما مو حلو..بعدين تمرضين ..
ملاك ببراءة:إيوه حتى سارة تقول كذا..وأنا ماخليته يمسكني هو يناديني بس انا مارحت..حتى سارة قاعدة تحطلي فلوس عشان قاعدة أصلي..
ام سعد ودموعها تنزل:صح كلام سارة صح..طيب ماما روحي كملي لعب..أنا بدخل الحما أغسل وجهي..
ملاك وتمسح دموع أمها:يما لاتبكين أنا والله ماعاد رحت عنده والله يما راحت أيام كثيرة مارحت عنده
أم سعد وتبوس بنتها فخدها وتحضنها:ياروحي أنا!فديت قلبك الله يخليك لي يارب ولا يحرمني منك..
وتروح ملاك وأم سعد ركض عالحمام وتقفل الباب وتطيح تبكي بهياج..وتتصل على أختها زي المجنونة
أم راشد كانت تضحك مع عيالها وتشوف جوالها أختها وتروح المطبخ كان فيه سارة وترد أم راشد:هلا وخيتي..
أم سعد وتصيح:رفيعة بموت..رفيعة الحقي علي,,أنا خلاص قربت أتجنن
أم راشد وراحت الحوش ماتبي حد يسمعهم:وشفيك ياعيني..
أم سعد وتضرب فالأرض وأم راشد:وينك إنتِ؟أنا اجيك وينك؟
أم سعد:أنا فالحمام وتبكي بحسرة وقهر وتسحب قميصها بقهر وتشهق بقوة..
أم راشد:سمي بالرحمن واخرجي أنا جاية ألحين...
وتروح أم راشد لأم سعد
وأنا بعد بروح ,وأوعدكم بجزء ال39 يكون اروع وأجمل..
كل التحايا وأرقها أبعثها لكن حبيباتي,,,

 
التعديل الأخير بواسطة المشرف:
ما شاء الله يا عصوده عندك اسلوب رائع و السرد للاحداث جميل جدا و قولك احبك في لله
 
شوفي عصوووده ترى يدي كانت تحكني مررررره أبي أكتب تعليقاتي بس قلت
عيب البنت تقول لاأحد يرد قبل ماأنتهي من الروايه...

بس يديي خانتني يوم شفت الأخوات يكتبون وأنا لا ...أهئ أهئ.
قلت يابنت بس هاذي المره وخلاص..
وغاليتنا عصيد ماراح تزعل ((( فديتها والله..))

المهم البارت ولاأروع سلمت يداك..
بطني عورني من الضحك على أخوان سارة وهم عند المسبح يستهبلون . خخخ..

وياحليلها أم سعيد.. هي في كفه والباقين في كفه..
سلميلي عليها..

ومشكورة غاليتي .. دمتي في حفظ الله...​
 
الروايه روعه بس هذا البارت غيييييييير
خلاني اعيش جو ثاااني
ام سعيد :32:
سمر وجنى:31:
وملوكه وامها:33:
ومنال وام عادل وفيصل:30:
وبطلتنا ساره:9:
واقوى تحيه للكاتبه المبدعه عصيد:a194:​
 
السلام عليكم

شكرا حبيبتنا عصودة على هذا الجزء تسلميلنا يااروع كاتبة خليتيني احس بكل الاشخاص خاصة سمر وام راشد:33: بجد بكيت ربي يجازيك خير على فكرة انا فرحت لما ذكرتي الجزائر هههههههه
بلدي اذا نفسك تزوريها اعرفي انه هنا عندك صديقة تسقبلك فمرحبا بيكي عندنا :31:
 
خلااااااااااص افراااج صح ياعصوووووووود

هذاني جيت بطلع اللي في كبدي قبل لايجيني تضخم

حررررررررررررررررررررررررمه ماحد يلومني

تدرون بقولك ياعصود خبريه يمكن تنفع بالروايه (ماظن بس مشيها )

انا اخت سمر بالرضاعه

هههههههههههههههههههههه

يسلم قلبك من كل سوء ياعصود

جزء جدا رااااااائع

اخباااار جنى جدا رائعه وتبشر بخير

الموووووووووهيييييييييييم بطلتنا

اما اهل لافي ذولي لحالهم تحفه من تحف الروايه يهبلوووووووون

ادخل الله الانس الى قلبك كما اسعدتينا


ننتظررررر على احرررررررررر من الجمر ( احيان يكون الجمر بارد من قوة...........)

هههههههههههههههه
 
الحالة
مغلق و غير مفتوح للمزيد من الردود.
عودة
أعلى أسفل