روايتي (سارة والمكنسة)

[مشجعة الدين]

حلو البارت بس ما تنسي كلامي ههه

 

[ندى العطر]

:33:روعه تاااااااااااااااااااااااتبعي :33:

 

[لييييين2010]

رااااااااااااائع
لاتتأخري علينا ياعسل
روايتك حمااااااااس
:18:​

 

[عـــــــلا]

الا جبتلك عصيده مع ذاك السمن عشان تدفين في ذا البرد
بانتظار البارت يا عسل
​

 

[الأمنية]

برررررررررد + قشده + قهوة = حماس

خخخخخخخ بانتظارك يا عسل>>خابرتك عصيد

 

[عصيد]

سمر تورطت كيف تسولف مع سارة ومنال قايلتها عن سارة حكي مب زين..فاضطرت إنها تمثل على سارة اللي انفقعت مرارتها وهي تلاحق أختها سمر
سمر تمثل على أختها وتصرخ:خير وش تبين؟يالله مناك روحي يالله
سارة وتفتح عينها:وش فيك؟سويتلك شي أنا؟سموووووووووووور؟
سمر وتحط إيدها على خواصرها:ماتفهمين؟أقولك لاعاد تحاكيني..يووووه منك,,غبية!
سحر وتفتح عينها يوم سمعتها:والله ماغبي إلا إنتِ..
سمر وتلتفت:غبيات وتطلع لسانها وتلتفت وتروح تضحك ..على أشكال خواتها​

يوم فضيت الناس أبو راشد أعلن التعب:والله عاد اسمحولي..أنا تعبااااااااان..
راشد ويحب راس أبوه:يعطيك العافية أبويه..ماتقصر يالغالي..جعلي ماأفقدك يانور عيني
وأبوعادل يبتسم ...ويدعي لعياله...
أبوراشد:ياولد لاتستحي هذا واجبي وسويته معاك..وإنته أصلا تستاهل
راشد ويحب راس أبوه..
الشباب قاعدين يرقصون...ولاهم هنا..
يزيد تعب وجلس وكان فيه أبو سعد:تسلم ماتقصر يايزيد
يزيد مبتسم:الله يسلمك..الله يتمملكم بخير وعقبال ماعندكم
أبو سعد انقهر وكلهم يناظرونه: إنت بخيل ياولدي؟
يزيد استغرب:ليش؟
أبو سعد:ليش ماتقول عقبالك؟
(سعد وطلال يدخلون الخيمة)
يزيد:ليش؟ حرام عليك !أم سعد سكرة
سعد ويمشي لسانه على شفايفه ويبتسم..
أم سعد:حتى لو سكرة هههههههه مايصير آخذ عليها؟ياخي تجديد ​

يزيد وبحنية:لاااااااااااااا وتهون عليك العشرة,,ليش ماتقول أنا وهي نسافر نروح نجدد ونعيد أيامنا الحلوة..مش تروح تتزوج..إنته قد الزواج التاني؟فيك تتحمل دلع وأبغى أمي ومدري إش كمان؟
ويضحك أبو سعد:ههههههههههههههههههه
أبو راشد:هذا قليل خاتمة..
أبو سعد: ياخي وشفيها ؟الله ماقال؟ماحلله لنا؟...
سعد انقهر:وإنت ماشاء الله مافلحت إلا فهاذي تحفظها إنها حلال؟
أبوسعد:مسويلي فيها حبيب أمك؟..هذا بدال ماتخاويني..
طلال ويحضن سعد من أكتافه:إيه حبيب أمه..أجل تبي تثني على خالتي؟والله ماهقيتك خوان!
أبو راشد وهو يشرب قشر:قلتلكم قليل خاتمة..
يزيد ابتسم:أظن إنهم مو موافقين على فكرتك...أنصحك تتنازل عن فكرتك
ويدخل أبوعادل ويسكتون لأنه كبير وله احترامه وهو جاد حبتين..
أبوعادل يشوف طلال حاضن سعد وباستغراب يسأل:سعد إنت تعبان؟
وكلهم يناظرون باستغراب ويرد سعد:لا مو تعبان..ليش ياعمي؟
أبو عادل ويقبض حواجبه:وليش طايح على ولد عمك؟قم عنه أشوف!
ويضحكون كلهم...وأبوعادل يناظرهم باستغراب
................................
العنود تكلمها أمها:ها كيف قضيتوا أمس؟
العنود مستحية:كويس ..بس مدري إشفيني خجلانة؟وهو عادي يتكلم ويتصرف كأنه فبيته
أم علي تضحك:هههههههه وهو فين يعني؟
العنود وأمها:هههههههههههههههه
أم علي:الله يصلحك يابنتي.اسمعيني عنودي..زي ماهو بيته كمان هو بيتك,مشكلة الحساسية اللي عندك حتروح على طول بس هي كذا البداية خجل وحساسية بس بعدين عادي ياماما..
العنود بقلة حيلة:بس..أنــ
أم علي وهي تحضنها من أكتافها:مع تعاملك معاه وروحتكم وجيتكم مع بعض حينفك الخط,,إنتِ بس امشي على طبيعتك طيب؟
العنود:حاضر
أمها:ماكأني قلت الكلام هذا من أول!
العنود وتبتسم بخجل:الكلام ياماما مو زي لما يكون واقعي جالسة أنا أجربه
أمها:ياماما عادي,حياة جديدة وقاعدة تجربيها ومع زوجك وحبيبك لاتتحسسي..
وتجي أم راشد تبتسم:هاعروستنا إشفيها؟
أم علي مبتسمة:الحساسية هاذي لو تخليها..
أم راشد وتناظرهم الثنتين وبعدها تستقر على العنود:راشد بالمرة سهل..يعني يتصرف على طبيعته لاتتحسسين منه,يعني شوفي عيالي كلهم في صفة وراشد هذا فصفة,فعلا وماأكذب عليكِ راشد ولدي بالمرة يريحك..إنتِ بس امشي معاه ولاتفكرين كثير..ماشي؟
العنود مبتسمة بخجل:ماشي ياعمة
أم راشد وتسلم عليها:فديتك ياعسل,الله يسعدكم ويهنيكم يارب..
العنود تبتسم بخجل وأمها:آمين يارب
تجي زعيمة الفريق أم سعيد:ها تعشيتي يابنتي زين؟أنا ماشفتك تاكلين ..لعبتِ بالملعقة وقمتِ!أخاف إنك ماتبغين تسمنين عشان راشد؟
ويضحكون...
العنود بخجل:لا ياجدة..أكلت بس ذاك الوقت كان برد وقلت شويه بجلس وبعدين باكل
أم سعيد وتبتسم وكانت فإيدها برتقالة تقرشها:الله يجعله بالعافية يارب..هيا طيب قومي خليك تسلمين على عمك ..هيا بنتي الله يوجهلك
العنود وتقوم وكانت مغطية جسمها من فوق وراحت مع جدتها ودخلوا المجلس
ويجي أبو راشد ويروح يسلم على زوجة راشد ويدخل وهي كانت جالسة ويوم شافته استحت وأطرافها باردة وراح لها أبوراشد وسلم عليها ويصافحها:كيف حالك؟وش أخبارك؟ ليش إيدك باردة؟تستحين؟لاتستحين أنا زي أبوك
العنود مبتسمة ومنزلة راسها:الله يعطيك العافية عمي..ماتقصر
ويدخل راشد ويشوفها مستحية ويبتسم ويروح عندهم
أبو راشد:ها راشد زين معك؟إنتي بنتنا ذحين أي شي يسويلك إياه راشد تعالي عندي..لايردك إلا لسانك..
أم سعيد وتزحلقلها حلقة برتقالة فبطنها:لا راشد عسل وطيب وبنتنا بعد طيوبة
العنود مستحية:تسلم ياعمي مشكور..
راشد بمزح:إش تسلم؟يعني عاجبك بتروحين تشتكين علي عند أبوي؟
العنود مستحية..
أبو راشد:إيوه تجي.لاتخافين منه ,,
راشد يضحك:يابختك!تاج راسنا واقف معك..خلاص وش تبين فيني؟
أم سعيد:كيف وش تبين فيني؟إنت الخير والبركة,,أبوك يحب يمزح
أبوراشد:لاماأمزح
أم سعيد:وشبك إنته بعد؟كل ماقفلنا جيت تتكلم؟
ويضحكون...
أبو راشد يضحك:هههههههههه هيا مابتهرج خلاص بقفل..
............................................
فالحوش
عادل:طلال وين نودي هاذي الفواكه؟
طلال كان لاف ثوبه على خصره:وديها المطبخ ياعادل​

سعد كان يلم الكاسات البلاستيك من على العشب..
عادل راح المطبخ ومعاه كرتون الفواكه وماكان فيه أحد...
وهو يحط الكرتون يسمع أحد يقول:ألحين شلون أطلع هذا غرفتي؟أوففففففففف
عادل ويقبض حواجبه وبخاطره:من وين هالصوت؟
وهز راسه متعجب من وين هالصوت؟؟
وهو خارج ...سمع صوت شي طاح وانكسر ويناظر المطبخ وهو مركز يبي يشوف وين ..وبخاطره:وين هالصوت؟أنا بتجنن والله
سمر وتتألم فالمخزن..الخبلة كانت تبي تدخل كل اللي لمته من الصحون فعلبه زجاج ولها غطا متحرك مو ثابت بالعلبة وهي تفضي علبة اللوز فالكيس عشان تاخذ العلبة فتروح تشيله من الغطا وتمسك شويه من العلبة وماقدرت تتحكم فيه وكسرته ...وجت خرجت من المخزن عشان تاخذ مكنسة وتشوف عادل وتنزل راسها وتشرد المخزن...
عادل انفجع يوم شافها خارجة من المخزن بس فجأة يبي يضحك وسمر بالمرة محرجة..
سمر بخاطرها:ياويلي ألحين بيقول كانت تاكل...أوووووووووه ياربي شهالتوقيت؟وبعدين هذا وش دخله المطبخ؟ أووووف
عادل مبتسم:تعورتي؟
سمر معصبة,,,
عادل:أجي أشوف؟
سمر وتفتح عينها وتناظر فالمخزن وتلاقي حافظة للأكل وتفرها عليه ويضحك عادل ويخرج..​

.....................................
أسيل وتناظر ساعتها كانت الساعة 2 وتناظر فعبير وعبير فهمتها وراحتلها:تبينا نمشي؟
أسيل:ياريت!أنا من جد عندي نوم..
عبير تبتسم وتمشي على شعر أسيل:حاضر ياقلبي..ألحين أكلم أسيل ونروح
وتتصل على يزيد:هلا عيني.
يزيد ويبعد عنهم:هلا بروحي..خلاص نمشي؟
عبير:إي والله خلاص..
يزيد مبتسم:يالله طيب أنا أنتظركم برا حياتي,,سلام
عبير:سلام عيني
منال وتناظرها وبخاطرها حركات وقمنا نصف حكي
..........................................
عالساعة 4 البيت صار فاضي ..أم سعيد وأبوراشد وأم راشد جالسين عشان صلاةالفجر وشوية دخلوا العيال والبنات من أول طلعوا عشان لبسهم.. حتى راشد ماشافهم..
وسارة معصبة من سمر وراحتلها ..سمر من أول غيرت وقاعدة تاكل فوق سريرها..
سارة تفتح الباب بقوة:إنتِ هيه؟ليش تصرخين علي قدامهم هاه؟أبي اعرف ليش معصبة علي؟
سمر وتاكل وتتغزل فالفطاير:ياااااااااااااعمري أنا عالطعم..
سارة وتمسك العلبة:إنتِ بتاكلين هذا كله؟
سمر وتصرخ:هاتي العلبة يالخبلة!
سارة ومستغربة من سمر:ليش تصرخين هاه؟
سمر وتاكل:مايسير أتكلم وأنا آكل..
سارة وتجلس فسرير سحر وسمر ماقدرت تاكل لأنهم يناظرون فيها...
سحر:ترى أمي شافتك وإنتي تصرخين عليها.قليلة الأدب!
سمر وتناظر أختها سحر وبهدوء:سحــر؟كلمة زيادة وانسي إن لك وجه!
وتشمق وتكمل أكل...
سارة وتناظر سحر:عيب ياسحر هاذي اختك الكبيرة!
سمر وهي تناظر أختها سارة:وإنتِ؟منال تبيني أكلم أبويه يزوجك
سارة وسحر فاتحين عيونهم وتفاعلوا مع سمر
سارة مبهتة:ليش تقولك هالكلام؟
سمر وهي تاكل:تقول إنك تعرفين وحدة تحب البنات وإن آخرتك زي عبير,,قلتلها أنا بقول أبويه,,لأنها ناوية تفتن عليك عند أمي..
وسارة مستغربة وسحر عصبت:لايكون يتخافين منها؟ماعليك منها اللئيمة!
سارة:طيب ماقلتيلي ليش كنتِ تصارخين علي؟
سمر:هي كانت مقهورة..وأنا حبيت أشفي غليلها شوي وقمت أسبك معها...
سحر:تسبين أختك عند منال؟
سارة فهمت سمر:إمممممم فهمتك..بس ماتوقعتها تقول هالكلام..ولكي إنتي بعد؟
سمر: إش يعني أنا بعد؟
سارة:ليش يعني إنتي بالذات تقولك هالكلام؟
سمر:هي ماقالته على طول بس قلتلك مشيت معها بالكلام وعرفت وش تبي..
سارة تبتسم:عادي إنه يطلع منها هالكلام..
سحر:وش بتسوين؟
سارة:ولاشي ماعندي إلا أصلي وأدعي
سمر:وشوفيلك صرفة مع جنى..
سارة:خلاص قد شفت صرفة مع جنى
سمر وتناظر فأختها اللي نظرتها صارت حزينة وتاكل:عادل ولد عمكم شافني اليوم
وعلى طول سارة اندمجت مع اختها:وش جابه عندك؟
سحر:فالمطبخ؟
سمر:إيه فالمطبخ وفريت عليه حافظة الجريش
وشهقوا خواتها
سارة متفاجئة:ماتستحين على وجهك؟
سمر:والله هو قليل حيا!يقول ..خليني ساكتة بس..
سارة تعترف:حتى أنا العيال طيحوني عالعشب وبانت رجليني من فوق وجلسوا يضحكون علي​

ويجي واحد قد شفته فالسوبر ماركت ..مد إيده ويقول هاتي إيدك والله مت من الخوف
سمر وسحر يناظرون فيها
سمر بقهر:شهالوقاحة فيهم؟
سحر:طيب وعطيتيه إيدك؟
سارة وتلتفت لأختها:لا ماعطيته..أقولك مت من الخوف
سمر:هاذي منحرفة..إش تبينها تعطيه إيدها؟
سحر:لاماأقصد..بس ليش يقولك هالكلام؟
سارة:مدري ياسحر..نفسي أعرف!مسببلي الخوف
سمر:لاتخافين من الرجال تراهم زي العيال ..كلنا بشر!اللهم الرجال شوية فيهم خشونة ولا العقل والتفكير نقدر نوصلهم ماعليك..بس اللي قاهرني هذا ولد عمكم المطلق جايبلي صعرورة فراسي
ويضحكون خواتها....
سمر:ليش تضحكون؟
سارة:شكله يحبك ههههههههههههه
سحر:ههههههههههههههههههه
سمر وتقوم تضربهم الثنتين وتضحك معاهم
....................................................
فبيت راشد
بعد مالبس بجامته راح السرير..وشاف العنود داخلة ويبتسم:تعبتِ اليوم؟
العنود مستحية:لا ماتعبت.بالعكس استانست اليوم
راشد:إنتِ ليش تستحين مني؟
العنود:مدري والله..حتى أسأل أمي
راشد:ههههههههههههه..إش سألتيها؟
العنود مبتسمة وتجلس عالسرير:قلتلها مدري وشفيني مستحية؟
راشد وينسدح:هههههههههه مني؟
العنود وتهز راسها بنعم وراشد يحضنها:ألحين مستحية؟
العنود:إيه,,
راشد ويضمها لصدره:هههههههههه ياروحي.
.......................................
تمر يومين...
على طاولة الأكل...
أمل:أبويه تسمحلي أروح السوق اليوم؟
أبوعادل:تروحين مع تركي وأمك
أمل:حاضر ياأبويه
أبوعادل:شوفي تركي إذا كان فاضي..وخليه يوديك..​

ويناظر أم عادل:تحتاجين فلوس؟
أم عادل:لا مشكور ماتقصر عندي اللي يكفيني وزيادة
وتتفاجأ أمل وعادل من الرد..
عادل ويطلق الخبر:أنا عندي انتداب فالصين لمدة 3 سنوات
كلهم ناظروا فيه...
أبوعادل:وش قررت؟
عادل:ماعطيتهم الرد...باقي
أم عادل ناظرت فولدها ونزلت راسها..
.......................................
فالمغرب
أم سعيد كلمها عادل وهي دعتله بالتوفيق وراحت تتصل على أبوعادل وجمعت أولادها
أبوعادل وأبو راشد:بغيتكم فهرجة..
أبوعادل:قولي يما وش بغيتي؟
أم سعيد:بغيت ولدك عادل لبنتي سمر ..
أبو راشد فتح عينه..
أبوعادل:يما الولد ماعاد يبي زواج..
أم سعيد:لا مافي مايبي زواج..إنت تدري عنه؟ها أبو راشد وش قلت؟
أبو راشد متفاجئ:والله يما فاجئتيني بهالموضوع!بس أنا من ألحين أقولك بنتي ماراح أغصب عليها إذا تبي ولد عمها والله ماعندي أي مانع..
أم سعيد:وإنته؟
قصدها على أبوعادل
أبوعادل:حتى أنا يما ماأغصب عليه...إذا كان يبي قمت معاه
أم سعيد يوم تأكدت من عيالها:الحمد لله..أجل خلاص خلوا العيال علي..يعنوا إنتم موافقين؟
أبوعادل وأبو راشد:ماعندنا مانع..
أم سعيد وتتنهد براحة..
......................................
فالصالة
كانت أنوارها صفرا وكلها دخان وجنى كانت منسدحة وتدخن...
وهي مخلصة علبة سجاير وبدت فالثانية..وقاعدة تتفنن وهي تخرج الدخان من صدرها..وتدخل وسام وعصبت من جنى:مجنونة إنتِ؟لك 3أيام ماأكلتِ وفوق هالطاعون تشربين؟
جنى ماترد..ووسام تهزها:قومي غيري ملابسك وتسبحي
جنى ماترد
وسام:ترى سمعت البنات يقولون المعدلات طلعت للخريجات..
جنى ماترد..​

وسام تصرخ:جنــــــــــــــى!
جنى تناظر فوسام:نعم..سمعتك خلاص فارقينا ولا أقولك أنا أقوم أحسن لي.
وتقوم وتحس بدوخة وتمسكها وسام وتفرها جنى وتروح تنتظر سواقها يجي ياخذها البيت..
وهي فالسيارة تناظر جوالها وتشوف صورة سارة..
سارة كانت بغرفتها كانت رايحة لغرفة سهيل عشان تعطيهم الرقم الجامعي عشان تشوف
معدلها...وشوية جت فبالها جنى..وتبي تسأل عن نتيجتها ومسكت جوالها وتتصل عليها
وجنى فزت يوم شافت جوالها ينور باسم (حبي يتصل بكِ) وتبلع ريقها وتكلم السواق:قفل الشبابيك
السواق:ريحة سجارة مرة مو كويس
جنى وصوتها مشحوط وناشف :أقولك قفل! وتبلع ريقها وترد:ألو
سارة استغربت الصوت:جنى؟
جنى وتدمع وتغمض عينها:إيه أنا جنى..
سارة وخايفة عليها:وشفيه صوتك؟هاه؟وينك إنتِ؟
جنى وتمسح دموعها:مافيني شي أنا بخير..
سارة بقلق:متأكدة؟
جنى:هههههههه متأكدة
سارة وتسمع صوتها المشحوط:جنى إنتِ برا؟
جنى:إيه فالسيارة رايحة البيت..
سارة:تجين عندي؟
جنى وبسرعة:لا...أنا ..أقصد ..لالاماأقدر أجي...
سارة:تعالي عيني تعالي أنا أنتظرك..شوفي حتى أنا نازلة الحوش أنتظرك
جنى وتشوف لبسها وريحتها :ماأقدر ياسارة..
سارة:ماأسمع..ترى أنتظرك تحت..بسرعة...سلام
وجنى تناظر جوالها وفخاطرها:فديت هالصوت
وتكلم السواق يوديها عند سارة
سارة تروح تودي طقم الألماس حقها لغرفة أمها:يما ممكن أدخل؟
أم راشد وتخبي الكرت تحت الوسادة:تعالي
سارة تدخل:هلا يما..هذا طقم الألماس..
أم راشد:حطيه هنا عالتواليت..
سارة وحطته وتلم شفايفها وأم راشد حست إنها تبي شي
أم راشد:تبين شي؟
سارة:أبي أستئذنك..جنى ممكن تجي بيتنا؟
ام راشد تبتسم:ممكن تجي..بس لاتطلعون فالصالة عشان أخوانك وأبوكِ طيب؟
سارة فرحانة:طيب يما..مشكورة ماتقصرين
.........................................
فالمطبخ
سمر كانت تاكل فالمطبخ وتدخل جدتها وسمر تشوفها:تعالي كلي معايا
أم سعيد:إنتِ وش رايك تجيبين الأكل وتجين غرفتي ناكل..لاتجي أمك وتصيح عليك..
سمر وتقفل عين :أول مرة تقولين شي صاحي..يالله طيب تعالي شيلي ترمس الشاي وأنا بلملم الصحون وأحطها فصحن كبير...
وتروح عند جدتها ويقفلون الباب ويفتحون التلفزيون وياكلون..
سمر وهي تعطيها كوب الشاي:تراك ماتحبين الأكل فغرفتك!وش الطاري؟
أم سعيد:والله ودي بهرجة معك..
سمر:دريت..قولي وش عندك؟
أم سعيد:أنا أبغى أزوج عادل..
سمر:المطلق هذا..
أم سعيد:الله المستعان عليك!وش مطلق؟تدرين إن أمه اللي خلته يطلق وراك تسبينه؟عيب عليك..
سمر:طيب..وش بغيتِ مني؟..ترى بنات ماأعرف..لاتقولين دوري ..إيه أنا مابي مشاكل بكرة
أم سعيد:ههههههههههه فديتك أنا..أنا أسألك وش رايك فيه؟
سمر وتفكر:والله شغله ممتاز وهو بعد ممتاز بس مدري عن أخلاقه..وأمه قشرا..وش بعد؟
أم سعيد وتضربها فركبتها:الله والوصف !بنت؟
سمر:هاه؟
أم سعيد وبصوت منخفض:أنا أبيك لعادل ماأبيك تصرخين ولاتحشريني بصوتك..اسمعي أنا أبيك تفكرين زين..تراه يحبك ويغليك والله إنه مثل اخوك راشد..طيب ومسكين والله إن مافي زيه
سمر وكأن صخرة كبيرة رميتيها على راسها وصوتها تغير:جدة وش قاعدة تقولين؟أنا ماأبي أتزوج..وتقوم بسرعة وتشرد غرفتها وأنفاسها كانت مسموعة ومليانة خوف..
ودخلت غرفتها وقفلت الباب..
سمر:يما وش أسوي؟أنا ماأقدر أتزوج ماأقدر..شلون ياربي؟شلون؟
ومين سمعها امها وهي ماشية فالممر وتفتح عليها الباب وسمر كانت وراه..
أم راشد:سمر افتحي الباب,,
سمر تشهق:لااااااااااااء..مابي يما روحي الله يخليك روحي..
أم راشد وزاد فضولها وتدف الباب:سمر وشفيك؟
سمر وتبكي:يما جدة تبي تزوجني عادل
أم راشد تفاجئت:طيب؟
سمر وتبكي:يما ماأقدر أتزوج ماأقدر
أم راشد وفز قلبها من بنتها:ليش يما؟
سمر وتبكي بصوت عالي:مابـــــــــــــــــــي قلت مابي ..يما كلمي جدة وقوليلها مابي ..والله بسمع كلامها ولا بضايقها..بس لاتزوجني
أم راشد وعينها فيها دموع وتنزل لبنتها وترفعها:لاتخافين أنا معاكِ..وماراح تتزوجين إلا برضاك ياعيون يما..لاتبكين تعالي غسلي وجهك..تعالي ..مين يغصب سمر؟ولا حد يقدر على سمر وأنا فيه..تعالي بس تعالي ويدخلون الحمام وتخليها تغسل وجهها..وتجلسها وتمسح وجهها بالمنشفة:طيب ألحين أنا رايحة عند جدة وأقولها إنك مو موافقة طيب؟
سمر:إيه يما قوليلها أنا مابي زواج بالمرة..
أم راشد:حااااااضر من عيوني الحين أنزلها...لاتخافين هاه؟أنا معاكِ
وتهز راسها سمر..
وتنزل أم راشد...
...............................
سارة كانت فالحوش تكنس تحتري جنى...وتشوف ساعتها:وشفيها تأخرت؟ وتتصل عليها
وترد جنى:أنا عند الباب...
وتفتحلها سارة وتشوف جنى كانت تفجع صدق..
سارة مفجوعة:جنى وشفيك؟
جنى بسخرية:قلتلك مابي أجي..أصريتِ إنك تشوفيني..يالله هذا أنا قدامك
سارة ودخلتها وقفلت الباب...
سارة:جنى شهالريحة؟
جنى بملل:سجاير..إذا بتتضايقـ...
سارة قطعتها:لالا خلاص آسفة تعالي نطلع فوق..ويطلعون من ورى البيت من مخزن المطبخ على غرفة الغسيل على الدرج على غرفة سارة..
..................................
أم راشد تدخل على أم سعيد:مساء الخير يما
أم سعيد قلقانة:شفتِ سمر يما؟
أم راشد:يما ليش تكلمينها فجأة؟
أم سعيد:والله ماغدى فبالي إنها بتخترع بهالشكل..ولا والله ماأهرجها يابنتي..وإني والله ماأبغى لها إلا الخير
أم راشد وتبتسم:أدري يما والله أدري..بس تعرفينها سمر صوتها دايما عالي وتمزح وتضحك بس قلبها ضعيف ورهيف يايما تراها جبانة..
أم سعيد:واللد ألحين دريت..والله إني متحسفة كلمتها...لكن مافتحت الموضوع إلا إن عادل بيروح الصين..وأنا قلت مابيه يسافر لحاله وهو مابيقعد أسبوعين ولا شهر بيجلس 3 سنين..وأنا قلت أزوجه قبل لايطلع ..وهناك سمر تكمل دراستها وتدرس وتاخذلها علم ينفعها..
أم راشد تبي عادل:أنا موافقة يما..بس كأنك تعديتيني
أم سعيد:والله ماتاخذين على خاطرك..وإني والله ماغدى فبالي شي..إني والله مستعجلة وإني أعوذ بالله من الشيطان الرجيم..لكن ودي والله إنها تتزوجه..أحسن لها من برا
أم راشد:أنا معاكِ يما موافقة وإن شاء الله ربي يوفق الجميع..بس يما لاعاد تنسيني أنا أمها ولي حق فبنتي
أم سعيد:سامحيني يابنتي والله ماأخذتها في خاطري..
أم راشد:ماعليه يما ..أنا ماأزعل عليك..ولاشي..إنتِ الخير والبركة والله لو مو إنتِ كان إحنا شي ثاني..لكن وقفتك معايا ماأنساها الله لايخليني منك يارب..
أم سعيد:طيب طالما ذاب الزعل اللي في قلبك..وش تشوفين؟
أم راشد:ماعليك يما أنا بكلمها..وأقنعها
أم سعيد:الله يوفقك وينور دربك ويسعدك دنيا وآخرة ولاتخافين عالسكن..مابخليها تعيش إلا فبيت لوحدها...
أم راشد ابتسمت:الله يخليك لنا يما ولاننحرم منك يارب...
.........................................
سارة تمسك جنى:عيني وش رايك تتسبحين؟
جنى ويالله تفتح عينها:مافيني حيل..
سارة:كم لك مادخلتِ الحمام؟
جنى:مدري..فيني ريحة؟
سارة:ريحة السجاير مغطية عليك..وفيك ريحة مدري شو هي بالضبط؟
جنى وفهمت:طيب بروح أتسبح...
سارة وتشوفها وهي رايحة وجنى تلتفت..
جنى:طلعيلي ملابس مريحة..
سارة تبتسم:حاضر..
وتروح جنى الحمام وترد الباب ماتقفله تحس بتعب مو طبيعي,,يعني مايتحمله الجسم
وسارة تاخذ عباتها عشان بتغسلها...وتفتح بلكونة غرفتها عشان الريحة
....................................
فالحمام
تفتح موية المرش وتشيل ملابسها وتتروش وهي تاخذ من الشامبو لشعرها حست إنها مو قادرة تشيل جسمها وهي ماسكة الشامبو وشوي تتسند عالجدار وماتقدر وتطيح فالبانيو..
سمر فغرفتها سمعت الصوت وتمسح دموعها وتفز:هاذي غرفة سارة وتركض لغرفة أختها وتنادي:سارة...سارة...وتروح الحمام وتشوف الباب مردود وتدفه وتشوف وحدة طايحة مو أختها لن جنى بيضاء..وسمر تطلع بسرعة:ياربي هاذي جنى..ليش طايحة؟
سمر:استغفر الله يارب...وتدخل الحمام وتقفل الموية وتاخذ روب الحمام وتلف جسمها وتسحبها برا وتكلمها سمر:جنى..جنى..ردي علي جنى؟
أم راشد تدخل غرفة سارة وتسمع حس سمر:سمر؟
سمر:يما تعالي هنا..
أم راشد تدخل وتفتح عينها:جنى وشفيها؟
سمر:مدري يما شفتها طايحة بالحمام..
أم راشد:شوية ياسمر..وتشيلها ام راشد وتحطها بالسرير وكانت مزرقة جنى..
سارة طلعت وشافت جنى طايحة فسريرها وتخترع:يما؟وشفيها جنى؟
أم راشد وتقلبها وتضربها من ظهرها...
............................
أبو سعد يتصل على أمه ويكلمها إن أبولافي طالب القرب من أبو راشد وأبو راشد ماوافق..
أم سعيد عصبت إنه ليش يرفض..وسارة مابخاطره يزوجها؟
ياترى وش بيصير...تابعوني فالجزء القادم

​

​

​

​

​

​

​

​

​

​

​

​

​

​

​

 

[لييييين2010]

ابداااااااااااااااع
بانتظار جديدك ياعسل​

 

[عروس الجزيره]

السلام عليكم عصوده دائما مبدعه الجزء كان رائع

 

[NAD08]

شكرا عصود على جزئك يالله كملي حمستيني ههههههه

 

[صفاء العين]

تسلمي الله يعاطيكي العافيه

 

[مشجعة الدين]

البارت كثير رائع ويارب تتجوز سمر عادل وسارة سعد

 

[الأمنية]

 

[عـــــــلا]

البارت روووعهـ
وبانتظارك يا عسل
​

 

[عصيد]

[ تسلمي
رررررررررروعه ]

الله يسلمك مشكورة
أهلا حبيبتي

 

[عصيد]

وييييييييييييييييييييييييينك بسرعه كملي الروايه انا من المتابعين لك بس بصمت بس احس مرارتي انفقعت من الحماس خلصينا ياحلوه

أنا موجودة هلا بأم أسارين..
تشرفت بقارئتي العزيزة
وبسم الله على مرارتك حبيبتي
بس خلصينا؟والله أنا مو ماكينة!
أصابعي مو سريعة وش أسوي؟
مشكورة عزيزتي عالإطراء الحلو
هلا بك

 

[عصيد]

انا بعتقد لو نهيتى القصة بزواج سارة من سعد هتكون احلى من انك تنهيها بزواج سارة من ابن ام لافى

والله شو نسوي؟هيك الأقدار..
هلا بمشجعة الدين..مشكورة عيني

 

[عصيد]

تسلمي على هذي الاجزاء بجد روعة الله يعطيكي الف عافية

هلا بالأمورة ,,
مرحبابك..
الله يسلمك حبيبتي والأروع كلامك الحلو
ويعطيكِ ربي العافية ويصبب عليكِ سجال عفوه إنه على ذلك لقدير

 

[عصيد]

حلو البارت بس ما تنسي كلامي ههه

يحلي أيامك ربي,,وأرجع وأعيد أنا كلامي هههههه

 

[عصيد]

:33:روعه تاااااااااااااااااااااااتبعي :33:

الأروع إنتِ ياعسل,,
ياهلا بندى العطر
لاقلنا عطر تنتشي صدورنا..أجل لو كان ندى العطر
وش بتسير سمانا؟؟
الأروع مرورك الجميل..يسلمك ربي من كل مكروه

 

[عصيد]

رااااااااااااائع

لاتتأخري علينا ياعسل
روايتك حمااااااااس

:18:​

هلا بليونة العسولة
شلونك ياعسل؟
الأروع دخولك والعسل سطورك
والحماس فمدودك
مشكووورة حبيبتي:32: