رشيقات المستقبل ــــــــــ > الفريق الثاني

[شوق22]

ظلال غريبه
الله يسلمك من كل شر حبيبتي

ملووووووكه
الله يسلمك حبوبه
زين لحقتي قبل لا تطردك رومانسيه ههههههه
والعفووووووو يا رشيقات أبي أحمسكم بالمقاله وحتى أنا تحمست لما قريتها

سيكررررررررت
والله حرام عليكم آآآآآه لو إني عندك < ماأدري شو أسوي فيك
والمصيبه إني شفت الإستشارات الطبيه هنا وتقول الدكتوره إذا ما سوى غسيل معده ممكن يصيبه زي النزف من أسفل أو يطلع له صدرررررررر < وااااااي مررره خايفه كل شوي اناظره يارب يحميه من كل شررر
ربي يسلمكم من كل شرررررررر

شوووق
ممنوع الإقتباس من النت نبي نشوف أكلك على الطبيعه < تضحكين علينا
شوفي حبوبه المفروض تكون الرياضه طول حياتك تمارسينها يقول الدكتور أقل شئ 6 ساعات في الأسبوع تمارسين رياضه من مشي أو سباحه أو أي رياضه تعجبك < يعني بالعربي نوعي علشان ما تملين....
العفووو حبيبتي وإن شاء الله استفدتوا ....... هههههههه ما ابيكم تتحطمون .

فانيلا
وييييييي مررره تخوف
ألف شكر.

ههههههههههههههههه خط القلم يووووووووووووه استري علينا كافي فضايح :harhar1::harhar1:
خخخخخخخخخخخخخخخخخ

 

[شوق22]

وين الحلوة اللي سئلتني عن الال بي جي ؟؟؟ :blush-anim-cl:
هو شوفي يا طويله العمر ما اقول لج ما يعور هو يعور بس قولي حق الممرضه او البنت اللي تسوي لج اياه ان تخفف من قوة الشفط وان شاء الله مابيعورج، ترى هو مايعور بس لان احنا فينا سيليولايت فعشان جذي يعور.. لو اي احد بس يغرز شوي صبعه مكان السيليولايت بيعورنا... وبالنسبه للنتيجه انا شفتها بعد الجلسه الثانيه و كانت مبينه ان الزوايد اللي عندي على الاجناب خفت، ما اقولج بشكل كبير لا بس يبين الفرق و ان شاء الله بعد اخر جلسه انبهر بالنتيجه خخخخخخخخخخخخخ:clap::c045: وانهبل مرة وحده خخخخخخخخخخخخخخخخخخ

_______________________________________________

ملوووووووووووووووووكه ازيك يا عسل
تسلمييييييييين ياغاليه جفت الكل يمدح ال بي حي
يبالي اجربه :schmoll:
:showoff: طبعا مع الرياضه النتائج روووووووعه:icon30:

 

[شوق22]

هلا حبيباتي ..
..

خط القم .. عيون حربيه .. سويت التحليل و طلع لي موجب ..ان شاء الله اليوم بسير العيادة و بتأكد زياااااااده ..

اممممممم كنت اتريا بنتي تكمل سنه و نص عقب احمل .. بس الحمدلله على كل حال ..


شنو الحييييييييييينه .. خلاص مطروووووده

:bigsmile::shiny::shiny: امييييييييييييييييييييره ياقلبي شخبارج احم احم اخبار حلووووه فيه :icon30:
سلااااااااااااامتج ما تشوفين شر ان شاء الله
وبعد اوووويييييييييييييييهاااااااااااااا اويهااااااااااااااااا كلوووووووووووووووووش كلووووووووووووووووووووووووش مبروووووووك الحمل ياغاليه والله يتمم على خير :shiny:
والله يحفظ لج البنوته الاموره :icon31:

 

[شوق22]

رومانسيه شخبارج يالغلا طمنينا عنج ؟
والرشيقات الامورات الله يوفقني ويوفقكم ياااااااارب

اسمحولي هالايام ما صايره ادخل وايد لظروف واليوم انقطعت عنا الكهرباء
بس مستمره معاكم قلبا وقالبا

 

[طـــمـــوووح]

:icon26:السلام عليكم

مرحبا بنات كيفكم.......... انا اول مره اشارك بالمنتدى واعجبني الموضوع
ودي اشارك معاكم والا متأخره

امممممممممممممم ,, انا طـــمـــوووح طولي 156 وزني سابقا 64 وزني حاليا 61
نقصت 3 كيلو بس
الوزن المطلوب 53:bigsmile:
مشكلتي : الفخوذ عندي كبيره مره ودي تنحف وتصير مشدوده + المؤخره عريضه بس مو مررره بارزه


انا مااعتمد على نظام معين بس احاول اخفف قد مااقدر وتركت المشروبات الغازيه

بس خاطري انحف بالاسبوع كيلو او 2 كيلو

من عندها نظام حلو


الشيء الثاني : في وحده هنا تكلمت عن ال بي جي ؟؟؟:detective2:
ايش هو؟ وايش الفايده نه.
.
.
.


بنات لاحد يطنشني لاني مررره متحمسه ودي تشجعوني وتحمسوني معاكم

 

[عيون حربية]

هلا حبيباتي ..
..

خط القم .. عيون حربيه .. سويت التحليل و طلع لي موجب ..ان شاء الله اليوم بسير العيادة و بتأكد زياااااااده ..

اممممممم كنت اتريا بنتي تكمل سنه و نص عقب احمل .. بس الحمدلله على كل حال ..


شنو الحييييييييييينه .. خلاص مطروووووده

مبرووووووووك يا امووووووووووووووره الله يتمملك على خير ...
ترى التحدي لسى ماانطردتي وشوفي وزنك معانا... بس بعدها حولي على منتدى الحمل والولااااااااااااده خخخخخخخخخخخخ
​

 

[طـــمـــوووح]

بناااااااااااات كيف التسجيل ؟؟؟؟؟

ابغى اشترك معاكم؟؟؟؟؟؟؟؟

 

[خط القلم]

طموووح
أهلا وسهلا فيك تشرفنا
شوفي هالرد وبتعرفين كيف تدخلين ؟؟؟؟؟

بدائع الزهور ووحيدة زوجها
أهلا وسهلا فيك
اطلعي على القرارات والرياضه اللي تناسبك في الصفحات السابقه
وادخلي معنا في التحدي القادم بعد اسبوع ونصف تقريبا
التسجيل عند رومانسيه ضايعه .....

 

[خط القلم]

شوووق
صايره مررره غيابه < حشى في مدرسه احنا
وااااي ذكرتيني بالكهربا الظاهر بتطفي علينا هاليومين لأننا ما سددنا < الله يعين عالكسل
لا تطولين الغيبه بتوحشينا....

 

[طـــمـــوووح]

للاسف ... مااقدر ارسل رساله خاصه
لان مشاركاتي شوي

بس ان شاءالله اكون مشاركه في الفريق الجديد بعد الاختبارات

دعواتكم لي انجح وانحف

 

[رومانسيه^^ضايعه]

السلام عليكم اخواتي العزيزات

بدايه السموحه واسفه على عدم التزامي هاليومين بالدخول وكتابه يومياتي وانا اللي المفروض التزم واشجعكم
بس الحمد لله اليوم احسن من حيث الزكام بس اطفالي لسه كحه والحاله حاله والحمد لله على كل حال

ولا تسألوني عن يومياتي كلها سواااااااااااااااااااائل ساخنه ما عدا على الغدا سلطه خضراء وبين الوجبات لي يومين يا اشرب عصير اناناس او اكل قطعتين اناناس من المعلبه بس بعد ما اغسلها بالماء علشان ازيل المحلول الي منقوعه فيه



صدفه جمعتنا في البدايه مشكوره على الجدول الي حطيتيه بصراحه انصدمت لاني اول مره اعرف سالفه السعرات الحراريه لكن لازلت ما اعرف شلون اطلعها على مغلفات الاطعمه يعني شلون تنحسب ؟؟ بادور على الجوجل يمكن اعرف
وترى الحاله اللي صابتك صابتني امس واليوم بكاء وضيقه ما دري وش فيني يعني تمللت وابي اشوف نتائج سريعه وتمللت من اني احاسب نفسي على كل شي اكله او اشربه ولا شايفه نتائج على نفسي ومن الرياضه اللي هدت حيلي واوجاع ما قدرت انام منها لي ثلاث ايام خصوصا صدري حسيت انو لاسمح الله جاتني سكته من الالم حتى زوجي قلق شوي بالرغم من اني ما سويت رياضه عنيفه بس لان العضلات تحركت اخيرا فتمللت وقلت يارب متى نفتك ونصير رشيقات ونتمتع باننا نلبس ونرجع ثقتنا بنفسنا وبجسمنا
وبجد ماقدرت انام طول الليل من التفكير ومن الاحباط لكن قلت ان رجعت خطوه معناها انا الخسرانه والشيطان رابح لذلك رتبت المجلس لان ما حد يدخل علينا ويزورنا وايد فرتبته لاني كنت حاطه فيه الاجهزه الرياضيه ونسقتهم ورتبتهم وخليتهم كاني جيم وصارت غرفتي اللي سميتها غرفه الوصول الى الرشاقه ونسقت جدول لوضع صح امام كل شي اعمله او عملته ومشي الحال شوي الله يعين بس ونوصل لهدفنا بحماس ونبعد عن الاحباط والملل

ظلال غربيه يومياتك حلوه داومي ومعلش لو اكلتي قطعه شيكولاته للتذوق لكن لا تزيدين عزيزتي


ملووووكه شوفي بالنسبه للالبي جي ما اؤيده لاني شفت النتايج على رفيجتي مصاريف على الفاضي ووجع والم على الفاضي عاد ما دري يمكن من جسم لجسم يختلف بس رفيجتي ضعيفه وما فيها الا كروشه من بعد القيصري يمكن هني المشكله لكن بالنسبه لي مستحيل افكر فيه برروحي من الرياضه احس وجع ومكسره شلون مع هالجهاز والشفط باموت من الالم
وبالنسبه لفحص الحمل ذكرتيني بنفسي والله في بنتي الاولى لاني تاخرت سنتين لين حملت كانت الحلوه مش منتظمه وكنت كل ما تأخرت اعمل على طول فحص دم وشوفي المصاريف اللي على الفاضي راحت وبعدين في بنتي الثانيه حملت لما كنت توني والده لي اربع اشهر وانصدمت لاني كنت تعبانه في حملي بالاولى وصارت اني رحت اتعالج عند عياده جلديه لحبوب وجهي اللي طلعت لي في حملي
فقال بعطيكي علاج لكن لازم تشوفي ان كنتي حامل والا لا قلت يا دكتور متأكده مو حامل قال لا لازم تتأكدين ورحت وفحصت واتاري لي شهرين ونص وانا حامل وما ادري خخخخخخخخخخ المهم في حملي الماضي الثالث كانت دورتي منتظمه لكن تأخرت شهر وما انتبهت وكنت اسوي رياضه عنيفه وفجأه طحت ودوخه الا واكتشف اني حامل لي شهر ونص او اكثر تقريبا خخخخخخخخخ كنت لاهيه ويا بناتي اللي مثل التوأم وناسيه نفسي وناسيه دورتي

والحمد لله على كل حال



فانيلا يومياتك حلوه حلوه حلوه داومي عزيزتي وتوقيعك يخوف خخخخخخخخخخخخ

خط القلم كيفك عزيزتي وحشتيني والله ووحشني حماسك
شلون ولدك الحين ان شاء الله احسن ويومياتك حلوه احس حسبتيها صح من عقب ما عرفتي بسالفه السعرات الحراريه خخخخخخخخخخخخخ
واللي ناقلته يجنن يعني احس البنت شملت بكلامها كل شي متعلق بعالم التخسيس والرشاقه


شوق اخبارك عزيزتي واخبار الرشاقه وياك

عيون حربيه ما شاء الله ملتزمه وان شاء الله دوم هالحماس لكن من عطاكي الحق تقولين لاميره ريلي انها ما انطردت من التحدي خخخخخخخخخخخخخخخخخخخخخخخ لا لا والف لا ممنوع الحوامل خخخخخخخخ اخاف من مفاجأتها بحملها تطردني انا وتعطيني صاروخ مثل اللي عطتني ياه شوق هههههههههههههههه



وحيده زوجها ارسلت لك التفاصيل على الخاص عزيزتي لكن بجد ضحكت يوم قلتي البنات قالولي اسجل عندك اتاري البنات ذاكرين اسمي هنا خخخخخخخخخ حسيت نفسي خطابه ما ادري ليه
وطبعا بما انك نورتي لنا التجمع فلازم الالتزام ومو لازم التحدي اللي احنا داخلين فيه حاليا هو مو شامل الكل لكن بس لزياده الحماس وانتي لا يقل حماسك عزيزتي وبما انك دخلتي وفي خاطرك تتغيرين فخلاص ودعي الكسل وتعالي معانا لجسم احلى وحياه احلى وثقه اكثر بالنفس والجسم


طموح يا هلا بك عزيزتي بالنسبه للارداف هاي سهله احسها اسهل من الي لهم كرشه مثلي خخخخخخخ اول شي الالتزام بالسيكل يشد الارداف والمؤخره بشكل خيال وادهني اردافك بكريم نيفيا للسيليولايت يمدحونه وانا استخدمه لين الحين ما حصلت نتيجه وان شاء الله اشوفها عن قريب وبعد جل دوف لشد البشره يمدحونه ادهني بعد ما تاخدين حمام دافي مع شور جل دوف لشد البشره ولما تخلصين الحمام نشفي جسمك على بسيط وادهني الكريم
وفيه تمرين ثاني وهو انك تنامين على ظهرك وترفعين رجلك وتتخيلين انك راكبه سيكل وتحركين بطريقه دائريه اكيد بيفيدك هالتمرين وان شاء الله تنقصين وتوصلين لهدفك عزيزتي
وبامكانك بعد في الحمام تاخدين قهوه تركيه تخلطيها بخل تفاح وشويه ليمون وتدعكين المناطق اللي تبينها بحركات دائريه من اسفل لاعلى وراح تحسين بنعومه ويوم عن يوم مع الاستخدام والالتزام يقولون راح شوفين بياض وتنحيف وشد للمناطق انا توني باديه فيها
بالنسبه للالبي جي والله يمدحونه لكن انا ما شفت نتيجه تذكر على رفيجتي يمكن من جسم لجسم يختلف واساسا ما له داعي رياضه وتخفيف ويمشي الحال خل هالحل اخر شي



بدائع الزهور اتمنى اني اقدر اساعدك لازم في حالتك عزيزتي لازم تروحين عند اخصائيه تغذيه لانها راح تهتم فيكي اكثر وعموما تقليل الدهون في الاكل واستبدله بزيت الزيتون وزيت بذره الكتان من الممكن يخفف من الدهون في جسمك وسمعت انو بذره الكتان تطحن ملعقه وقت اكلها وتغلى وتشرب تنقص الوزن مع التخفيف في الاكل وتؤخد بعد الاكل مع زيت بذره الكتان بس اخاف يأثر على الضغط ما ادري
ان شاء الله شوفي هالمقال يمكن يفيدك
علاج ضغط الدم المرتفع بالاعشاب
هناك عوامل عامة لها تأثير سلبي على مستويات ضغط الدم مثل السمنة والافراط في تناول الملح وكذلك قلة النشاط والحركة، ورغم ان هناك علاجاً بالعقاقير الطبية يوصف من قبل الأطباء إلا ان الغذاء قد يكون أحد أسباب الوقاية وكذلك علاجه باذن الله
بالاضافة الي خفض التوتر النفسي وضغوط الحياة الزوجية وتقليل المشاكل والعمل علي حلها وكذلك تخفيفف ضغوط العمل وحسم الامور واعطاء النفس وقت للتامل والراحة
وينصح للوقاية من ضغط الدم الاقلال من تناول الدهون المشبعة (مثل السمن البلدي، الزبدة والقشطة" وكذلك الابتعاد عن الأغذية عالية الكوليسترول مثل المخ، والكبدة واللحوم الحمراء. وهذا الاحتياط يؤدي إلى انقاص والحد من خطر حدوث أمراض القلب والأوعية، كما ان استهلاك الكحول له تأثير مباشر برفع الضغط كذلك لابد من زيادة تناول الخضار والفواكه والبقول "فول وعدس" وكذلك الحبوب الكاملة "البر" القمح وينصح باستهلاك منتجات الألبان قليلة الدسم أو بدون دسم. كما ان بعض العناصر المعدنية مثل الكالسيوم والماغنزيوم والسيلينوم وفتيامين ج ومضادات الأكسدة لها دور مباشر ونافع في خفض ضغط الدم.
ولابد ان نضع في الحسبان ان عملية خفض الضغط عند المسنين من الأمور المهمة حيث ان ذلك له فوائد في الحد من مخاطر حدوث السكتة الدماغية "الجلطة" وكذلك أمراض القلب.
انقاص الوزن وانقاص كمية الصوديوم "الملح" وزيادة المجهود البدني "التمارين" لها جميعا الأثر الجيد لدى الاشخاص المصابين بضغط الدم حيث هبط الضغط بمعدلات جيدة. من هذه كلها واستناداً للتوصيات الغذائية غير الدوائية المنبثقة من اللجنة الوطنية الامريكية المشتركة للوقاية من ضغط الدم والتي تركز وتوضح أهمية انجاح الطرق العلاجية غير الدوائية في معالجة ارتفاع الضغط عند المسنين.
علاج ضغط الدم بالاعشاب
الوصفة سهلة جدا ومفيدة جدا
1- الكركديه
2- أوراق الزيتون
يؤخذ ملعقتين كبيرتين من أوراق الزيتون الطازجة والغضة او الجافة وتغسل جيدا وملعقتين من زهور الكركدبه وتخلط معا ثم توضع في قدر ويضاف لها كوبان من الماء البارد ثم توضع على النار حتى درجة الغليان ثم يزاح من على النار ويغطى ويترك جانبا لمدة عشر دقائق ويصفى ويمكن ان يحلي بالعسل او بدون ويشرب المريض مقدار كوب بعد كل وجبة غذائية.
الخلطة مفيدة للكبار والصغار
جرعة الاطفال نصف جرعة الكبار
بالفعل قمت بوصفها للعديد من الاشخاص وقد كانت النتائج اكثر من ممتازة وانخفض ضغط الدم للمستويات الطبيعية
ملاحظة
لا تتوقف عن اخذ العلاج الطبي الا بعد استشارة الطبيب المعاج
المشروب يساعد على خفض ضغط الدم المرتفع، وينظم الضغط ويحافظ علي ضربات القلب بشكل منظم.
د عبد الله نصار

وترى بالنسبه للربو مغلي اليانسون مفيد في هالحاله
وان شاء الله توصلي لهدفك وتنقصين وتظلين على حماسك للتغيير عزيزتي بس لا تتراجعين او تتكاسلي وفكري في نفسك وحياتك وارجاع ثقتك بجسمك ونفسك واكيد بتنجحين في تحقيق حلمك

 

[رومانسيه^^ضايعه]

طموح خلك على حماسك واكتبي يومياتك معانا لغايه يوم التحدي القادم

 

[طـــمـــوووح]

:bigsmile:رومانسيه : :icon26:
حمستيني بس متى يوم التحدي القادم؟:showoff:

بعد اسبوع؟؟
​

انشاءالله ابدى معاكم وانا وزني 60 بس يمكن مع نهاية اختباراتي بصوم عشان كذا ودي نظام خفيف يصلح فطور وسحور:icon31:


وبالنسبه للكرشه الحمدلله ماعندي كرش بس احيانا تطلع كروشه صغيرونه بس انا لسى بداية زواجي ومالي اطفال
يعني مافي ذيك الكرشه بس الفخوذ معقدتني وحاليا اتمرن على جهاز اوربتراك بس يتعبني ومو مره ملتزمه عليه
عشان كذا انا ودي انحف قبل مااحمل ويتضاعف وزني اكثر + ان زوجي مسافر للشغل ومطول يعني 4 او 5 شهور وودي يرجع وانا بستايل جديد وحده رشيقه:blush-anim-cl:

 

[صدفه جمعتنا]

مرحبا بنات وش اخباركم اليوم صراحه حقدت على نفسي اف ياليت مافي اربعاء وخميس احس اني خبصت الدنيا كلها
ياطويلات العمر زوجي جى من العمل وقال مشتهي بطاطس مشوي وقال وش رايك نروح نتغدا برا فيه مكان معين يبيعها قلت يالله وحسيتها دسمه شوي

المهم يومياتي
الفطور
ـــــــــــــــــــــــــــــــــــــــــــ لاشي
الغدا
بطاطس مشوي فوقه مخلل خيار شمندر فاصوليا حمرا وبزاليا وقطع مرتديلا

العشاء
برضو احس اني كثرت اهلي جايين عندي وطلبت عشاء بس يعلم الله اني ماكليت الا فول وحمص ويمكن 4 قطع فطائر بس كثرت فول وحمص اف ياني ندمانه ندم

وبعد شوي بسوي شاهي اخظر وشويه مشي عالسير ويالله نحرق الي كليته

واعيد واقول ياشين الاربعاء والخميس ومتى يجي يوم الاحد ابي اوزن معد فيني صبر<<<مخلصه

 

[خط القلم]

رومانسيه ياقلبي والله حتى أنتي واحشتنا
خبرك عن الدوره والله مخليه نفسيتي زفت وصرت ما آكل لا غدا ولا فطور بس وجبة العشا
مررررررررررره اشتقت للرياضه والمساج.....
اليوم زوجي اعترف باعتراف خطير يقول مووووووو حلو الحرمه يكون فيها ترهل في بطنها ممكن يصبر الرجل 9 شهور أو سنه بعدين يمل من هالمنظر والله انقهرت موووووووووووت وقلت له الحمدلله أنا مافيني ترهل < ههه ما عندي جواب غيره ....
حبيبتي ما يشوفون شر عيالك وربنا يشفيهم لك آآآآمين
ولدي الحمدلله بخير مبسوط
وسالفة السعرات والله مررررره عجبتني وراح أمشي عليها إن شاء الله الله يجزاها خير صدووووووفه ما قصرت...

والإحباط والله حتى انا احيانا أحس بهذا الشئ بس أهم شئ مانستسلم أبد وأنا دائما أحط في بالي إن مزاجي ما راح يكون رايق للأبد فأستعد لفترات الإحباط وأحاول وقتها إني ما اترك رياضتي يلا الله يعين ويساعد.

 

[وحيده زوجها]

اممممممممم فديتج رومانسيه وربي انج رفعتي معنويااتي

 

[ظلال غريبة]

صباااااااااااااااااح الخير:icon26:
الافطار : ليتر ماي
الغداء والعشاء بعدين بخبركم :harhar1:
أميييييييرة كللللللللللللللللللللللللللللللووووووووووووووووش:clap::clap::clap: مبرووووووووووووووك :icon26:
خلج ويانا يا عسوله علشان ندلعج :icon31:
أمس رحت عند أهلي .......وقالولي ما شاء الله ضعفانه :blush-anim-cl: عاد أوني:bleh:
بناااااااااااااااااااات الرشااااااااااااااااااااااااااقة:showoff:
إلى الامااااااااااااااااااااااااااااام سررررر:busted_red:​

 

[رومانسيه^^ضايعه]

مرحبا بنات وش اخباركم اليوم صراحه حقدت على نفسي اف ياليت مافي اربعاء وخميس احس اني خبصت الدنيا كلها
ياطويلات العمر زوجي جى من العمل وقال مشتهي بطاطس مشوي وقال وش رايك نروح نتغدا برا فيه مكان معين يبيعها قلت يالله وحسيتها دسمه شوي

المهم يومياتي
الفطور
ـــــــــــــــــــــــــــــــــــــــــــ لاشي
الغدا
بطاطس مشوي فوقه مخلل خيار شمندر فاصوليا حمرا وبزاليا وقطع مرتديلا

العشاء
برضو احس اني كثرت اهلي جايين عندي وطلبت عشاء بس يعلم الله اني ماكليت الا فول وحمص ويمكن 4 قطع فطائر بس كثرت فول وحمص اف ياني ندمانه ندم

وبعد شوي بسوي شاهي اخظر وشويه مشي عالسير ويالله نحرق الي كليته

واعيد واقول ياشين الاربعاء والخميس ومتى يجي يوم الاحد ابي اوزن معد فيني صبر<<<مخلصه

ان كنتي تكرهين الاربعاء والخميس ترى انا اكره الجمعه والسبت لان هاي اجازه من الدوام عند زوجي وشوفي عاد ما اقدر اعمل ولاشي ويخبصها تخبيص وتيجي على راسي لانه يوم الطلعات عندنا يوم الجمعه الغدا عند اهلي يوم السبت طلعات لازم ولازم غدا ف المطاعم الله يعين\

بس انتي ما خبصتيها وايد يعني شوفي اي شي تاكلينه وخايفه منه اشربي بعد ساعه شاي اخضر بالزنجبيل او كلي قطعتين اناناس يحرق الدهون حرق او اشربي عصيراناناس
انا اللي كنت اكره الاناناس صرت اعشقه عشقه والله اني كنت اكره حتى ريحته استغفر الله الحين علبه رايحه وعلبه جايه وانتي بكرامه حتى صرت احس اروح الحمام وايد ولون ال.... تغير لان انا بروحي تيجيني التهابات احيانا في الكليه وفي المسالك فاحس الاناناس ريحني الحمد لله

وامشي في مكانك هاي نصيحه اختنا الغايبه حاليا (((ونيس الروح))) وصرت اطبقها وانا اشوف تلفزيون احيانا من الطفش والملل خخخخخخخخخخخ بس لا يصيبك احباط ترى انتي وخط القلم لين صابكم احباط انعكس علي لاني احسكم شادين حيلكم حييييييييييييل ومتحمسين مررره حتى عيون حربيه ما شاء الله عليها قمه في الحماس الله يديم عليكم نعمه النشاط يا رب ويبعد عنكم الكسل

 

[رومانسيه^^ضايعه]

رومانسيه ياقلبي والله حتى أنتي واحشتنا
خبرك عن الدوره والله مخليه نفسيتي زفت وصرت ما آكل لا غدا ولا فطور بس وجبة العشا
مررررررررررره اشتقت للرياضه والمساج.....
اليوم زوجي اعترف باعتراف خطير يقول مووووووو حلو الحرمه يكون فيها ترهل في بطنها ممكن يصبر الرجل 9 شهور أو سنه بعدين يمل من هالمنظر والله انقهرت موووووووووووت وقلت له الحمدلله أنا مافيني ترهل < ههه ما عندي جواب غيره ....
حبيبتي ما يشوفون شر عيالك وربنا يشفيهم لك آآآآمين
ولدي الحمدلله بخير مبسوط
وسالفة السعرات والله مررررره عجبتني وراح أمشي عليها إن شاء الله الله يجزاها خير صدووووووفه ما قصرت...

والإحباط والله حتى انا احيانا أحس بهذا الشئ بس أهم شئ مانستسلم أبد وأنا دائما أحط في بالي إن مزاجي ما راح يكون رايق للأبد فأستعد لفترات الإحباط وأحاول وقتها إني ما اترك رياضتي يلا الله يعين ويساعد.

يا شين تعليقات الزوج لين علق انا زوجي احيانا بضحك يقول اوه عندك كرشه اتصنع قدامه اني عادي بس ادخل الحمام واصير اضرب فيها خخخخخخخخخخخ تعقدت شايفه شلون

والترهل بطني شبه رايحه وكل انواع الترهل موجود في كرشتي تخيلي عشان هيك شاده حيلي في تمارين البطن والاوربتراك صرت اعشقه عشق ولازلت الوم نفسي على الايام اللي خليته فريسه للغبار ولتعليق الاغراض عليه

بالنسبه للاحباط صايره قمه الاحباط بس مو مخليته يسيطر علي وقررت قرار اني لما تصيبني هالحاله على طول ما اخلي نفسي فريسه للعصبيه على عيالي لانهم ما لهم ذنب في حالاتي المزاجيه بس قررت على طول ابعد غضبي باني اركب على جهاز الاوربتراك واحط فشتي فيه وان كان ما لي خلق اقرا كتاب من المكتبه اللي ما تم شي ما شريته منها وهالايام اقرا كتاب (كيف تصبحين ربه بيت مثاليه ) لانثيا تيرنر هذا هو:

بجد حسيت نفسي لا افقه شي في امور البيت والترتيب حتى اني احيانا اتمنى اكون نفس شخصيه (بري) في مسلسل desperate housewives احسها ربه منزل ناجحه بمعنى الكلمه صحيح كله تمثيل لكن اتمنى اكون هالشخصيه من اهتمام بالاولاد وبيت مرتب وطباخه ناجحه واهتمام بالجسم وو ليش لا ان شاء الله اصير هيك واحسن بعد ما اقولك اني مهمله لكن بنفس الوقت تقليديه واكره هالشي ابي اكون فوق العاده خخخخخخخخخخخخخخخ

والحمد لله انو ولدك بخير ان شاء الله ربنا يحفظه من كل شر

 

[رومانسيه^^ضايعه]

اممممممممم فديتج رومانسيه وربي انج رفعتي معنويااتي

ولو ليش احنا هنا مش علشان نشجع بعض ونفرح لنجاح كل واحده يعني اذا انتي وصلتي لهدفك وانا لسه اكيد راح افرحلك وانبسط كاني انا الفايزه واكيد هالشي راح يحصل لكل واحده فينا:showoff: