دكتوره ناعمه ماهي علامات الزوج الخائن ....

  • بادئ الموضوع بادئ الموضوع Lo0oLo0o
  • تاريخ البدء تاريخ البدء
الحالة
مغلق و غير مفتوح للمزيد من الردود.
يهتم وايد بلبسه وكشخته ...........يدمن شي اسمه دخون وعطور..........لا وتلاحظينه يدخن السيارة...........يهتم وايد بالحلاقة لازم في الاسبوع يحلق مرتين...........ياخذ شور طويل......وكله يسمع اغاني. حب وعشق......وتلاحظين تلفونه صامت....وكله يكتب مسجات....واذا جلس بيجلس بعيد عنج........عشان ما تشوفين تلفونه اذا رن .......او تقرائي مسجاته............كله برع البيت ويتعذر بزيارة اهله وربعه باوقات غير طبيعية......تلفونه كله خط ثاني.......ويهتم برنات التلفون ......واذا اتصلتي يطول الين ما يرد عليج واحيانا ماير د عليج .............تكثر اعذاره ويكذب وايد.........والتلفون طبعا مسكر برقم سري.....ويبنده وقت النوم اول ما يقوم من النوم سيده على الموبايل.......واذا مواعد ولا شي تلاحظينه ما ينام كل شوي يسال عن الساعة ومن الليل يخبرج ان باجر توعينه بدري مواعد ريال ولا عنده مواعد........بس نصيحة اذا شكيتي انه يكذب ركزي على اعذاره عشان اتواجينه بكذبه المرة اليايه.................
 
صدق والله كله هذي االاشياااااااااااااااااء موجوده.سبحان الله ما على الله عجب!!!!!!!!!!!!!!
 
مو شرط يا أخواتي العزيزات اللي قلتوه صح بس مو دايما من تجربتي مع زوجي كان عادي معايه ولا تغير في شي بالعكس زاد من قربه لية وجواله مفتوح ووضعه عايدي ما يدل على خيانة وفي الأخير اكتشفت الحقيقة المرة
 
لاتنسوا ايضا انو الجنس بيصير نادرا وبيكون كانه مجبور عالعمل يعنى مو مبسوط
 
ياليت الاستاذة ناعمة تفيدنا في هذا الموضوع انا عندما اتصل بزوجي يتضايق من ذلك ايضا يتأخر في الرد او لايرد ثم يعاود الاتصال ويبرر ذلك بأنشغاله او انه لم يسمع فهل معناه انه يخون كما انه لايتحدث كثير الصمت ارجو افادتي
 
اختي المعلمه الي قلتيه لايعني الخيانه كثير من الرجال هذا حالهم والرجال مايحبون الحنه يعني لاتكلمينه الا للضروره والله يبعد عنك الشر ويسعدك
 
لا باقي من علامات الخاين انه يخبي السكاكين والسواطير عنك بس انا اكتشفت شي اذا جاء بتلفزيون اي شي عن الخيانه او الزواج المسيار تلاقين زوجك يتكهرب اعرفي انه وراه مصيبه كبيره
 
الله العالم لان اغلبها تكون هالموصفات في الرجال يعني معقوله كلهم خونه الله يستر علينا ويبعد عنهم بنات الحرام
 
من صفات الزوج الخائن يكون دايما معصب وطفشان من زوجته ومن حياته ويندم انه اتزوج
وتلقيه دايما يقول الراتب انتهى (طبعا انتهى على الشحن)
وتلقي عنده جوال ثاني من غير ما تعرفه زوجته الضعيفه دايما مخليه في السيارة
 
في رياييل اذكياء مايبين عليهم:cool:
ولاتتغير تصرفاتهم لابالفراش ولامعاملة
وبعضهم يدلع حرمته اكثر واكثر :a200:علشان ماتشك فيه ويعيشها بعسل ليمن تغرق فيه:a200:
وبعدين عصبيته:a049: وافتعاله للمشاكل والنفس الخايسة مودليل خياته!
يمكن نتيجة لضغوط العمل او هبوط البورصة او الزوجة نكدية وترفع الضغط:e136:

​
 
آآآآآآآآآآآآآآآآآآآه انا زوجي يخوني بس مع


شي اسمه لابتوب

22 ساعة من ال 24 ساعة وياه وين ما يروح وياة :icon28:

وحاط فية رقم سري ...

ولمن سألته ليش حاط قفل عليه

قال عشان انا كله قاطه بالديوانية وعيال اخوي يتعبثون فيييه:sly:

والله يستر من الخافي ....:icon1366:
 
مشكوووووووووووررررررررررررين اخواتي على مروركم الجميل اللي عطر صفحتي
:icon1366:اختي البحر غدار :icon1366: ليتني ماكتبت الموضوع :icon1366::frown::eek:
السالفه ومافيها انه دخل علي وشافني اتمقل بمهند :blushing:... اكيد مافي وحده ماتعرف بطل مسلسل نور
طبعا استلمت :a043: تهزيئه معتبره
ومن يومها وهو حارق نفسه رياضه ...
هو من يوم ما تزوجته وهو مسجل بنادي رياضي لكن ما كان يداوم عليه
بس بعد هذيك السالفه صرت ما اشوفه من كثر النادي المشكله مو هنا ...
المشكله اني ساكنه ببلد اجنبي والنادي اللي يروحه بوسط حانات وانتوا بكرامه والوقت اللي يروحله
تكون المنطقه متشبعه عاهرات الله يعزكم
طبعا مالاحظت شي غير انه غير الرقم السري حق لابتوبه وحق ايميله لاني كنت اعرفهم بالاول
....مادري ليه لما قريت ردودكم احس ان في علامات اكثر واعمق للخيانه لكني موعارفه شلون اعبر عنها
تسلمون على مروركم​
 
لهالدرجه ما في احد يعرف علامات علميه للزوج الخائن ؟؟؟؟؟؟
 
خبرة خمسة عشر سنة مع زوج مو خاين وبس لا منافق وكذاب وله مليون وجه ولا يهمه يسوي العلط ويطلعك انت الغلطانة كل اللي قلتوه حبايبي في هذا الذي ابتلاني ربي به .
ليه ----ليه---؟
 
الأمور اللي قلتوها صحيحه وقد تكون خاطئه ولكن الرجال في بعض الأحيان أذكياء...جدا
أنا أول ماإتزوجت كنت ماأتخيل ولم يخطر في بالي أبدا إن زوجي ممكن يكلم وحده غيري....لكن تخيلوا إن ثاني إسبوع من زواجي وجواله ماوقف إتصالات وأنا أقول ياحليله اللي يحبونه واجد يباركون له بالزواج....وطلعت أنا اللي حليلي...
طلع عنده ملف من السوابق....وقال هذه وحده شكلها تعرفني...وبس تبي تنكد علينا.....غيرانه!!!!!!!
ونسيت المشكله....ولكن طلع الأخ مستانس وأنا ياغافل لكم الله .......والله يابنات ماكان مبين عليه إن فيه شيء
بالعكس مايطلع ولا يخليني أروح عند أحد...حتى أكثر الأحيان يخلي جواله عندي....بس طلع متفق ماتدق هي عليه
ياحليله...يوفر عليها..............
 
ايضا شكه الزايد بك
فهو يحسبك مثله تخونين لهذا تجدينه يشك بك كثيرا والله رياييل هالزمان ما منهم امان
 
يممممممممة والله يخرعون
.... وش رايكم كل وحده تدش تكتب سالفتها...
اذا مرت عليها خيانه في حياتها الزوجيه لاقدر الله...
واحنا راح نحاول نستنتج العلامات المتكررة بكل القصص اللي تدل عالخيانه...
 


انا احس ان بداخل جسم المرأة جهاز حسااااااااس جدا جدا
تقدر تعرف زوجها يخونها او لا من كل شي حواليها​
 
الحالة
مغلق و غير مفتوح للمزيد من الردود.
عودة
أعلى أسفل