بداية الحمدلله على نعمه ظاهرة وباطنة والحمدلله أن هدانا لهذا المنتدى والصرح والأخوات الفاضلات وماكنا لنهتدي لولا أن هدانا الله... ويارب يديم نعمته علينا وعليكم جميع
ثانيا اشكركم جميعا من كل قلبي بماساهمتم به من نقاشات وحلول مفيدة لكل من مر عليها...
وبصراحة كنت منشغلة الفترة الماضية وماقدرت اخش ولكنني حريصة على التجرع بين فترة واخرى بجرعات مناعة من خلال هذا المنتدى الرائع..
اليوم عندي استفسار حابه اسمع تعليقكم عليه:
زوجي الشمالي الشرقي هالفترة يصر إني افتش جواله من وراه مع إنه مقفله على طول
بس شاك اني اعرف الرقم واني افتح جواله من وراه
مع إني من زماااااااااااااااااااااااااااااان شلت فكرة محاولة معرفة محتويات جواله وذلك لأسباب عدة
1- صعب افتح جواله وانا مااعرف الرقم
2-من مبدأ ابعد عن الشر وغني له
3- من مبدأ لاتسألوا عن اشياء إن تبد لكم تسؤكم
ووالله يا أخواتي اني مااهتم مره في جواله وحتى لو بالدرج او بجيبه ماافكر نهائي اشيك عليه او حتى اعرف ان كان شغال او مقفل نهائي نهائي ماامسكه بس زوجي مصر اصرار قوي اني افتش جواله من وراه
((صار موقف في رمضان بصراحة ومن يومها وزوجي مهتم >>> على الساعة 2 ونص بالليل جاه اتصال وكانت نغمته اغنية حب مصرية وهزأت اولادي على بالي جوالاتهم قلت اغاني وفي رمضان بعد
قالوا لي هذا جوال بابا وكان الجوال في المطبخ وزوجي نايم المهم دق مره ثانية وجاني فضول اشوف منو المتصل يومه حاط له نغمة حب وغزل وشفته ولد جيراننا بس زي الاصحاب يمنون على بعض
وكفشوني عيالي وانا اطالع قمت قلت لهم ودوه لبابا وقالوا له اني كنت اطالع في جواله يعني يعلقون علي ماما تبغى تعرف لمين هالنغمة الغريبة قمت رديت انو استحقرت اغنية تنحط كنغمة واستغربت لمنو
قام قالي بالله مين جا ببالك؟؟ اكيد وحدة قلت والله ماجا ببالي احد بس حبيت اشوف الاسم مو اكثر
وبين فترة وفترة يقولي بالله بالله مين جا ببالك لمن دق جوالي هذيك المرة أكيد وحدة صح؟؟ وانا ماارد عليه اسكت))
الحين ابغى افهم ليه زوجي مصر كذا اني افتش عليه
آخرتها اليوم مواعد حقون الغاز قام قالي:: الرجال دق علي وحدد الموعد بعد العصر ويقول لان جوالك دايما مقفل قلت له والله البلى من حرمتي بس تفتش علي ارجع اقفله ايش اسوي
رديت عليه انا وقلت
تدري والله والله مايهمني جوالك
لكن انتا ليه خايف افتش فيه؟؟ فيه شيء؟؟
طلع ومارد علي..
فسروا هالتصرف إن وجدتم له تفسير..
علما ان زوجي يفتش جوالي من ورايه بس مرات اطب عليه يقوم يقولي ماعندي رسايل حلوة وارجع ادور في جوالك وأرسل من جوالك ماترسلين لي انتي مع اني ارسل له..
والله محتارة وجايني فضول اعرف ايش سر هالتصرف وهالتعليقات اللي مالها داعي..
