دردشة الشمالى

الحالة
مغلق و غير مفتوح للمزيد من الردود.
وجد (انا من راى انك ماتسمعين كلامة اذا كان شمالى غربى
واجلسى عندة لحين الولادة وهو اللى يوديك للمستشفى
الطفل طفلة وهو المسؤل
وكثرة البعد عنة خطررررررررررررررررررررررر
 
احساس ماينداس
وش قصدك يوم قلتي اشك انه يوافق
تقصدي رح يوافق على اكمال الدراسه او رح يرفض؟
 
احساس من وجهتك نظركـ

ليش ؟؟؟

طيب يسوي كذا ؟؟
 
ام احلى بنت (اقصد انة بيرفض )
وجد يسوى كذا هروب من المسؤلية وانة مايتحمل يشوفك تعابنة
بس اذا صممتى انك تجلسين خلاص يتعود
 
وش ذا التحطيم
تهيء تهيء
بجد يااحساس ودي اسوي شي بحياتي
يعني لاوظيفه ولادراسه اجل وش فايدتي بالمجتمع
ابسألك انت موظفه؟
وشلون تستفيدي من وقتك؟
 
غاليتي إحساس ماينداس ابي منك لوتكرمتي توضيح بعض الامور بما انك شماليه شوشو مره يضايقني بتجريحه وكثرة الانتقادات وتحطيمي حتى لو ابدا في عمل شي وأبي اتغير يحطمني وماقدر اكمل وبعدين يسبق بالشر علي اي تصرف ودائما يعصب على أتفه الامور ولو تتناقشين معه في موضوع وتبدين وجه نظرك يستنقد ولايبي يكون هو الصح في هذا الامر كيف ارد اسلك الامور ولا ابدي وجهت نظري وبكيفه واذا انتقدني كيف ارد واذا عصب على سبب تافه يرضى بسرعه ويكلمني عادي كيف أتصرف ارد ولا اتثيقل وكيف اخليه يحترمني ومايرفع صوته علي
 
ام احلى بنت أنا موظفه والوظيفه ترتب جدولك وتنظمك وتبعد عنك الفوضى أنا جنوبيه واحب ألراحه بس لما توظفت حبيت شغلي كثير على انه متعب بس لهيت كثيرررررررر عن ابو الشباب الي مايعرفك لا في الإجازات ولا الويك اند الي ثلاث أرباعه زعل
 
ام احلى بنت
شوفي زوجي اكتشفت انه شمالي شرقي
بس كنت مؤمنة من قبل انه دقة قديمة وتحفة اثرية وعائش بمتحف اللوثر ووده اني اعيش بخيمه ويصك عليه
مع ذلك ولله الحمد اشتغلت وكملت دراسات عليا وفيه بعض الأشياء مااقول كثير بل بعض الأشياء قدرت اسويها , مو سهل يرضاها الشرقي التقليدي ....كيف ؟؟؟وهذا هو المهم

شوفي :
بما انه يحب الشي التقليدي لاتتوقعي يرضى بفكرة ماحد سواها قبلك في مجتمعكم
بالتالي تبغين تقنعينه لازم تقولين له فلانة قريبتنا درست عن بعد وفلانة اللي تقرب لك درست عن بعد ومرت صاحبك درست عن بعد وماشا الله عليها اختك حتى هي ناوية تكمل عن بعد....ههههههههه طبعا مو كلهم دفعة واحدة كل كم يوم جيبي سيرة واحدة وامدحي تجربتها ويساعدك في بالك انك تعرضي فكرتك على خواته وسلايفك واول ماواحدة تقول كلمة ايجابيى تستثمرين كلمتها لصالحك مثلا لو قالت امه الشاطره تكمل دراستها وهي متزوجة تروحين تقولين له ترى حتى امك تقول....
يعني كأنك تقولين
فكرتي مو جديدة بل تقليدية
عشان يسهل عليه تبنيها

ابرزي انك تميلين للشيء هذا وان حبك للدراسى يطغى على حبك للهبقات والسفر وزوارات الحريم وقعدات الصوالين وانك ماتدرين كيف فلانة كل يوم في فرح وفلانة الله يصلحها كل اسبوع في المولات تفرفر واظهري بدون ضغط عليه ان املك تكملين دراسة ... حطي السكر على الشاهي وخليه على نار هادية

هذا الشي يخليه يقول ""بينه وبين نفسه"""يوه مرتي عاقلة واكبر همها الدراسة خلها تنشغل بالدراسة ولاتجي بكرة تقول صوالين هبقات

خلك سنعة وتجمعين وتوفقين
يعني تطبخين وتنظفين وتربين عيالك وماشا الله كلهم بوقت واحد
وابرزي انك رغم ذلك عندك فراغ ماتدرين اش تسوين وفلانة حقت الأفراح عزمتك لكن مايعجبك وفلانة راعية المولات نادتك معاها لكن ماودك تضيعين وقتك لالا هذي كلها الخرابيط ماتدخل مزاجك, انتي واحدة راعية علم ومثقفة
ولو انتي "معليش" باردة من قبل او مو منظمة ثقي مابيوافق لو تسوين له سحر اسود

لو الدراسة بفلوس لاتتأملين يتكفل بالدفع

شي اخير
عزيزتي
التعليم عن بعد خساير على الفاضي الا اذا كانت الشهادة معتمدة لن الشمالي ماعنده استعداد يدفع لك مليم في تسلية​

تحياتي
 
ام احلى بنت (انا معلمة )
زوجك يصارخ ويعلى صوتة لان هذا طبعة بس مافى قلبة شى
والدليل انة بسرعة ينسى اللى صار بس انتى اللى تزعلين
مرة ثانية لاتزعلين وتنكدين على نفسك وعلية وفى الاساس اعرفى ان قلبة ابيض ولايحقد ويعصب منقهرة عليك ولمصلحتك
والا اللى فى الشارع مايهمونة
وهو مايحب الزوجة تشتغل او تدرس لانها تنشغل عنة وهو يحب التدليل
نصيحة دليلة واجلسى فى بيتكمعززة مكرمة واهتمى فية وافهمية ولاتزعلين منة تراة كنز
 
ام احلى البنوتات
انت موظفه ياحظك وش وضيفتك وبناتك وين تحطيهم؟
نور الشمعدان
عجبني اسلوووبك في الكلام عن الشمالي
بس التعليم عن بعد
الحين عن طريق الانترنت
يعني يعرضون المحاضرات صوت وصوره
ويحطون الواجب ونحلها يعني يسمى تعليم الكتروني مو انتساب تقليدي
يسمى انتساب مطووور
والاختبار اروح اختبر في مركز
وهي جامعة الملك عبدالعزيز وفي جامعة الملك فيصل وجامعة الامام محمد بن سعوود
اما من ناحية هل هي معتمده او لا هذا الشي مااعرفه يعني تطلع شهاده غير معتمده؟
وفيها رسوووم بس مومكلفه الفين كل ترم
طيب عطوني حلووول ثانيه والله طفست من حياتي
 
أنا معلمه وبناتي في المدرسه والتعليم عن بعد كويس ياقلبي أحسن لك زوجي يدرس في جامعة الملك فيصل كويسه يحضر محاضرات ويحل واجبات يعني بيشغلك ومن قالك ان شهادتك مو نعتمده الا ولاماكن احد درس وبعدين حطيها بعين الشمالي الي يحب الشهادات
 
أشكرك جدا يااااااااااااااااااحسااااااااااااااس على الموضوع من كل قلبي
 
اها راح بالي تعليم جامعات برى
اغلب اللي بررى مو معتمد عندنا


مادام اللي هنا
حاولي فيه بس على مراحل
مابيقتنع من مرة واحدة
ومعظم الشماليين زي مالاحظت يحبون الشهادة والزوجة المتعلمة
بالعكس
من دواعي اعتزازه بنفسه قدام الناس ان زوجته متعلمة
كأنه هو اللي شاري له الشهادة مو تعبها
شي يدعم حسه العملي وسعيه للنجاح
هو من الصنف اللي يبغى عياله
اول الطابور
اول درج في الفصل
يسجلون اهداف
زوجته متعلمة
موظفة
وهكذا
كلها رموز نجاح​

تحياتي لك
وموفقه​
 
مشكوره ام احلى بنوتات
ونور الشمعدان
بس عندي سؤال هل اقدر اسجل الترم الثاني؟
وهل تقدري تسالي ياام البنوتات زوجك عن التخصصات بجامعة الملك فيصل هل في حاسب آلي؟
 
واللهي حبيبتي انا هدا الترم سجلت بجامعة الملك فيصل
انتساب
كان في عربي انجلش ودراسات اسلاميه واجتماعيات وادارة اعمال
 
Bnota sugar
الله لقيت وحده مثلي تيب انا ملحقت اسجل بالترم الاول هل اقدر اسجل الترم الثاني
بنات وش رأيكم اختار إدارة اعمال او أنجلش اذا وافق زوجي؟
 
نعم انا زوجي شمالي و لو بايده كلما اخلص جامعة ادخل جامعة اخرى حتى مرة قال لي انه كانت من اهم الصفات العقلية الي خلته يخطبني اني ادرس ماجستير يعني نفس تحصيله العلمي و طبعا هذا شي يفرح ما يزعل
 
الحالة
مغلق و غير مفتوح للمزيد من الردود.
عودة
أعلى أسفل