دردشات زوجات&*<<<<<<<<<>الشمالي الشرقي>>>>>>>>>*&

الحالة
مغلق و غير مفتوح للمزيد من الردود.
عجزت العرف زوجي متقلب مرة شمالي ومرة شرقي ومرة غريبي بس ما هو صريح
 
الله يعافيكم بنات بسألكم

انا زوجي يدرس برى و ما يدق علي كل يوم يعني يوم ورى يوم انا اتضايق ابيه يشتاقي لي وكل شوي يدق علي

تكفووووون هل انه ما يحملي حب ولا اش سالفته تراي ضايقه وعجزت احدد شخصيته من اي نمط

لاني اذا خليته ما دقيت عليه ولا اهتميت فيه يزعل ويقول وش مشغلك

احس يبغاني انا بس الاحق وراااه

قولولي كيف اعامله وهل هو تصرفه معي طبيعي
 
تصدقون اكتشفت ان اغلبكم اكتسب صفات حلوه بسبب العشره مع الشمالي
يعني الشمالي مخلوق من مخلوقات الله الجميله هههههههههههههه
 
روح القلم رسلي له رسائل حب وشوق
وذا اتصل قولي له كلام حلو جننيه بكلامك
وراح يشتاق انه يتصل
 
مخلوقات الله الجميله وينهم وين الجمال الله يخلف
 
روح القلم
اذا قال ليه ماتدقين قولي له والله ياحبيبي ابي اشوف غلاتي عندك اذا غاليه بتدق علي
وعادي مره علي الاتصال ومره عليك
لاتعودينه انك انت الي دايم تتصلي
ومافي داعي انه كل يوم يكلمك يوم ورأ يوم يكفي
 
عاشقة الطبيعة يعني ارسله يرسلي بس انا ابيه هو يبدا مو انا ولا عادي هم كذا الرجال
 
عاشقة الغالي عيدي الإختبار على شخصية زوجك عشان تتاكدين من نمطه


عطريه ليه متضايقة مرررررة كذا
اش مشكلتك يمكن نقدر نساعدك
كلنا اخوات هنا وان شاءالله نعاون بعض
 
صعبه اقناع زوجي
عنده ان لي شههر جايه من برا ليش اسافرر وليش تتركين العيال وليش وليش
وبعيدين وش الي يخلييك تسافرين لي قلت اتمشى معاك نقعد ليلتين حلوووه رد الحمدلله هذا شي مهم
آآآآآآآآآآآآآآآآآآه بغيت ادخل عليه من السماعه واعطيه بقس على عييييينه
انا معاد يهمني السفرر لكن ليش هالجفاف
وهل زعلي معاه وقت السفررر خطررررررررررررررر
هذا اهم شي
 
الحين وش ملاحظاتكم على العضوه وين حبك
والعضوه روح القلم من خلال المشكلتين الي هم كتبوها
يعني وش التصرفات الي سووها مع الشمالي وهي تصرفات غلط بنظركم ولاتناسب الشخصيه الشماليه
 
بس تدرون انا حاسة انة شمالي شرقي تكفون سعدوني ودي العرف نمط شخصيتة علشان العرف التعامل معة
 
روح القلم طنشيه وهو بيرجع يتصل عليك اكيد
لاتعودينه على اتصالك
وإذا اتصل لاتردين من اول مرة تغلي
 
روح ابدئي انت رسايل شوق ولاتزعلي اذا مارد
روح خلاص مادام عادك جايه وش تبي
والشمالي بشوفك انانيه وماتقدري اشغاله
استاذنكم زوجي جاء اذا نام برجع لكم
 
وينك ياحب ترا والله بسس تتعبين نفسك وهو ولاهمه
طنشيه بس لاتزعلي ولاتعاتبينه
اذا دق ردي وانت مبسوووطه وخلي إسالت الشك
اذا شافك ثقيله ومبسوطه مو نكديه وحزينه ومعلقه سعادتك فيه
صدقيني بتجذبينه اكثر ويمكن هو من نفسه يرجع يقول تعالي عندي جربي منت خسرانه
 
ام احلى بنت حلو سؤالك...

وينك ياحب..قيدته باسالتها واشعرته بقلقها وصار يعرف لو اتصلت يمكن ماتنتهي المكالمة بخير
فصار بس هجومي عليها لآنه مايحب اللي تساله وتقيده

روح القلم ..هي تبغاه كل يوم يكلمها ويدلعها ويتعاطف معاها وهو مايعترف بهالشيء
هو يحتاجها هي تدعمه باسلوب حلو مو تطالبه بشيء


اتوقع كذا ..لك المايك ههههههه
 
احس الشمالي يبغى زوجته جاااااااااااااريه
لاتطالبه ولاتعاتبه بس تدلع وتلبي احتياجاته بدون مايحكي حتى

ولا اش رايكم
 
الله يعينا
مالنا الا الصبر
خاااااصه انا حالتي مستعصييييه مشغووول ومسافرر طووول الوقت
لا ويستهزئ فيني يقووول وش رايك اذا رجعت امسك العيال وتساافرين مع صديقتك>> بنتحرر
قلت ياليت احلاها ساااعه
 
عزوزا
ماشالله كتبتي الكلام الي كنت ناويه اقوله بالضبط
وهم لازم يعرفوا
ان الشمالي يحب الثقيله ويكره اللصقه والي تلاحقه وبس تحقق معه وينفر منها
ان الشمالي يموت بالبنت الثقيله ويكره اللصقه والي دايم تلاحقه وبس تحقق معه وينفر منها
 
الحالة
مغلق و غير مفتوح للمزيد من الردود.
عودة
أعلى أسفل