دردشات زوجات&*<<<<<<<<<>الشمالي الشرقي>>>>>>>>>*&

الحالة
مغلق و غير مفتوح للمزيد من الردود.
انا بطلع ويمكن ارجع بعدين يلاباي
 
اووه لقيت هنا صديقات
الشمالي الشرقي يابنات مخلوق عجيب
جدا
المهم اني قريب عرفت صفاته
وانا لي فوق الست سنوات
الحمدالله
وش تعلمت
تعلمت اني اقلل كلامي
اشيل منه الجمل اللي فيها عواطف
اخليه مختصر
ومفيد
يعني باختصار افقد الانوثه آآه
تعلمت اني اذا شفته معصب
ارركض اطلع برا المكان
او انشغل باي شي حتى مايهجم علي ويهاوشني ويدخلني في المشكله
تعلمت
اني مااجادله كثير ولا ابكي عنده حتى ماتلوع كبده واحس انا بشعور خايس لما اشوف اللي قدامي قرفان مني
تعلمت
اني ادور عن المشاعر عند غيره
اكتب شعر اكلم صديقاتي
احضن اولادي وادلعهم
بس يبقى نقص في العاطفه آآه
تعلمت اني استغفر كثير
صدقوني الاستغفار يفك لكم هالمعضله
وفيه معضله اصعب من الشمالي الشرقي
تخيلو
اليوم جا من العمل ولقاني مطلعه سرير ولدي برا ومسويه تصفيه للاغراض وملمعه الغرفه
ابتسم وفرح وقال كلمتين حلوين !
فرحت قلت يمكن تجيني بوسه
يووووووووووه بنات ترا من زمااااان ماجتني بوسه
المهم
طبوا عليه العيال وسلمو عليه وكل واحد بوسه
الا انا
ياحراام
كملت شغلي وانا ساكته
يعني وش بيضرك لو فرحتني ببوسه
قبل كنت اشحت منه اطر
اذا تحممت اجي عنده اقوله شكلك نسيت بوسه السباحه
واذا ماقلت مايبوسني
بطلت خلااص عندي عزة نفس
مابغى اشحت
المهم
وش تعلمت بعد

مااتصل عليه اذا طلع
اخليه
وهو مستغرب ليه ماصرت اتصل
وبيني وبينكم يأست
خلاص هوه مع اصدقائه انسوه
يووه بنات
تذكرت موقف علا طاري اصدقائه
تخيلو مره في مباره
وهو جالس يتابع الا وتجيه رساله من صديق
شفت الهدف مدري ايش ...... تعليق علا المباراه
قام ورد عليه هههه وكلام.....
يوووووه انا طارت عيوني
انا ارسل له رسايل مايرد علي ابدا وشمعنى هالصديق رد عليه
لنا الله يازوجات ش ش
تعلمت اني ماالصق فيه
ولا ارسل رسايل
الا اذا في شي مهم
حتى مااعرض نفسي لموقف بايخ
تعلمت امدح وامدح والله يابنات مفعوله جدا رائع
مره ساعدني بالولد وانا مريضه
رحت من بكره ارسلت ايميل
انت وانت ومدحته وحاولت ماابالغ لان الشمالي يفرق بين الصدق والمجامله
وصار معاي حبوب هذيك اليومين

المهم هذا اللي تعلمته واللي محيرني اكثر
ابي منكم
محيرني كيف اطلبه فلوس
محيرني كيف اخليه يدلعني يعطيني حنان
احسه قااااسي وعملي ورسمي آه
محيرني كيف اخليه يهتم بطلباتنا ومايقدم عليها طلبات الناس والاصدقاء
محيرني كيف اقدر اقنعه بانه يطلع معاي ويخفف من الطلعه مع ربعه آه
محيرني انه مايستمتع بالطلعه معاي يزهق بسرعه ويبغانا نرجع
هذا اللي عندي

 
انا هنا ما اساله ولا ادق علييييه ولا وين رايح ولا وين جااااااي
عايشه حياتي ومخليته براحته
بس من يساافر ينقلب كياااني
يتغيير المود حقي
اتعب والافكااار تاخذني وتوديني
وما اسيطرر على اعصااااااابي
 
لا يا بنات انا زوجي مدري هو شمالي شرقي غربي جنوبي مدري ما اعرف احدد نمطه

لكن يتكلم معي كلام حب ويبغاني اقوله كلام حب بس هو يبغاني انا اللي دوم وراه وهو عادي يغيب

يعالم وشي نمطه تكفووووووووون احسه ضامن حبي له عشان كذا ما يدق المشكله اني انا طماعه ابيه كل شوي يدق وكل شوي يكلمني لاني احببببه مشلكتي آآآآآآآآآه بس
 
بنات تدرون اذا غبت عنه او قلت مشغوله تاصل انه يشك فيني يعني ما يبغى شي يشغلني عنه
 
وينك ياحب..لاتعانديه ياقلبي
خليك عادييييييييييييييه واذا سافر جربي مرة وطنشي وخليك هاديةوتشوفين
إذا تعدل لك اعرفي ان اسلوبك خطأ

نصيحة يابنات إحنا نغير انفسنا اول ونشووووف
وبعدها نقرر الخطأ مننا ولا منهم



طولت بالسهر
تصبحون على خير
 
azoooza الله يقطع ابليسك يالله كتبت اسمك لاني با الانقلش كيف الحال ولله اني تعبانه منه با المره ما ني قادره اتأقلم كل يومlزعل طفشت منه اذا ركبت السياره نزلت زعلانه واذاكلمته قفلت وانا زعلانه غالبآ وحتى الرسائل ما سلمت منه واذا جلست معه قمت زعلانه وووووووووو لاتقولين انت حساسه وتزعلين لا هو يطفش مره وصرت ما اتحمله بعد خيانته الي وصلت للللللللللللللللل وسامحته بس عجزت انسى مع اسلوبه الزفت
 
بحاااااول
والله انا غيرررت من نفسي كثيير عشان تمشي الحياااه
لكن الى الان فيييه تتشاات تتتعبني
ومشكورين خففتووا عني الله يعاافيكم
ويعننا على هوانا الشمااالي
 
روووووز..الشمالي لاتشحذيه الحب والرومانسيه
بس تقدرين تحسسينه بالشيء اللي تبغينه بطريق ظريفه
زي لما بغيتيه يبوسك...بإمكانك تقربين خدك وتحطين يدينك وراء ظهرك وهو بيفهم وبيبوسك ويضحك اكيد
إلا إذا مافهم اعطيه بقس وقتها ههههههههه امزح والله
بس اوقات فعلا انكسح كثيييير احتسبي بس

ياعمري ياعطريه
ادعي الله يبرد على قلبك ويلهمك الصبر والصواب
حاولي تتغيرين عشان نفسك عشان تعيشين مبسوطة
لآن للأسف سعادتنا مرتبطة فيهم
لاحظي انك إذا تغيرتي انتي حيتغير وتصيرين تشوفين نتائج حلوة لتعبك وتغيرك

الله يسخرهم لنا ياااااااااااااااااااااااااااااارب
 
ههههههه اعطيه بوكس
فيه ارض ورانا يحفرونها اليوم صبو الاسمنت
اخااف الاقي نفسي فيها


صح نسيت بنات
اذا تبين تقنعينه بشي
اقنعيه بالمنطق والعقل مش بالعاطفه
قوليله اسباب مرتبه
وكل ماصرتي عقليه بسوالفك كل ما استمعلك اكثر وعجبتيه
 
الله يوفقكم انا زوجي متققققققققلب ما ادري هو من اي نمط

اذا طنشته يزعل واحسه اوقات يحقد علي واذا كلمته بالحب يجي معي ولا يبغاني اعاتبه
 
ساااااااااااااااااااااااااااااااعدوني الحب بلوى اللهم لا تعلق قلوبنا الا بك
 
والله اني تغيرت كثير وتقربت من الله اكثر وخاصه تغير ي بعد دخول مملكه بلقيس تغيرت شخصيتي معه بالذات اكثر والله يعين بس ابغى حل معه الاحترام عنده صفر مايعوض مايدلع انت تطلبين لا بس انا اقول
 
رووووز ذا ون
عجبني كلامك فاهمه الشمالي
ممكن تكتبين رسالة المدح الي كتبتيها بالتفصيل
لان زوجي لامدحته يقولي اني ابالغ وانه شي مو من قلبي واني لماامدحه بهالطريقه يحس اني اذمه
 
انا جنوبية وابو الشباب شمالي شرقي
معروف يكره الاتصاق وغير رومنسي
ينتقد ولا يمدح يكره الجدال يرى انه خصام مايعرف النقاش
اللي يكدرني اذا ماقالي كلمة حلوه ازعل واخلق اشياء تزعلني منه
لو شافني زعلانة او ابكي يروح ينام ولاهمه شي
الصفة اللي تنسيني عيوبه ما عنده علاقات وهذا شي جميل ويريحني
الشمالي الشرقي اعتقد ايجابياته اكثر من سلبياته لكن الأهم كيف نكسبهم
قد نعرف مفتاح شخصية الشم شر لكن في كثير من الاحيان لانطبق ما نعرفه

​
 
الحالة
مغلق و غير مفتوح للمزيد من الردود.
عودة
أعلى أسفل