معلومات قلبي يستنزف ألم
خلاص بيطلقني الظالم
حسبي الله ونعم الوكيل بعد معاناه طويله من تعذيب وضرب واهانات وسب وشتم وتقصير في الحقوق قرر سي السيد يطلقني قال ايش خلاص حنا ما نناسب بعض والمشكله عندنا طفل لسه صغير 3شهور ما خاف الله فيه بس يفكر بنفسه وهو تابعه لخواته يقولون له طلقها ما تناسبك ما تتوافق الارواح خير وش ارواح وين قاعدين نحضر تعويذه؟ المشكله هو مريض نفسي وضايق ويحسب الضغوطات اللي هو فيها بسببي مع اني ما اطلب منه شي لاني اعرف ما يلبي طلباتي ودايم ما عندي والحين يقول شيلي اغراضك بتزوج من وين له الفلوس اللي بيتزوج فها وهو حتى ايجار الشقه ما دفعها ويقولي بيعي ذهبك عشان اجيب شغاله بحكم اني ادرس ولازم احد يمسك الطفل انسان اناني والله حتى لفظ كلمة انسان حرام عليه كارهني وما خاف الله فيني حسبي الله عليه وعلى اهله الظلمه احس اني متلخبطه ومشوشه والله ما سويت له شي حتى انه يسب اهلي ما عنده ادب ولا احترام شخص متخلف في التفكير وهو قال لي انا ما ابيك وادور عليك الزله انا تعبت وراح ارميك بالله عليكم هذا انسان يخاف الله؟ المشكله اذا جت لخواته المتزوجات مشكله ما يرضى عليهم ويسب ازواجهم اما انا حلال يعذبني وما يقوم بحقوقي بس بغيت منكن ايش الخطوه التاليه اللي اسويها لاني منهاره ومصدومه فيه انغشيت فيه حسبي الله عليه جعله ما يتوفق في حياته الخاصه والعمليه
اسم الموضوع : خلاص بيطلقني الظالم
|
المصدر : الأستشارات الزوجية العامة