خلاصة تجربتي من زواجه علي ونصايحي للزوجات الاوليات (زوجات ناجحات)

اسال الله العظيم رب العرش العظيم ان يشفيك شفاء لا يغادر سقما
اسال الله العظيم رب العرش العظيم ان يشفيك شفاء لا يغادر سقما
اسال الله العظيم رب العرش العظيم ان يشفيك شفاء لا يغادر سقما
اسال الله العظيم رب العرش العظيم ان يشفيك شفاء لا يغادر سقما
اسال الله العظيم رب العرش العظيم ان يشفيك شفاء لا يغادر سقما
اسال الله العظيم رب العرش العظيم ان يشفيك شفاء لا يغادر سقما
اسال الله العظيم رب العرش العظيم ان يشفيك شفاء لا يغادر سقما
اسال الله العظيم رب العرش العظيم ان يشفيك شفاء لا يغادر سقما
 
وينك حبيبتي..والله اشتقنا لك!!!!!!
ترانا معك على طول الخط ..لاتطولين علينااااااااااا..
وإن شاء الله تكونين بخير وعافية..
الله يشفيك ويعافيك من كل ماأصابك ..
وجعل الله لك بكل كلمة تتكتبينها وتنصحينا فيها حسنة..
ووضع الله بها عنك سيئة..
وفرّج الله بها عنك كل همّ وغمّ وأذى وضائقة..
أرجووووووووووك محتاجينك..فلاتنسينااااااااااااااااا.
كل يوم لاااااااااازم أطل على صفحتك لعل وعسى أجد ماينفعني في الدنيا والآخرة..الله لايحرمك الأجر..قولي آمييييييييييييييييين..
 
إختي الحبيبة والناصحة القريبة
تحية إكبار وإجلال خالصة لك لك
وانا أفتخر ان اول مشاركة لي في هذا المنتدى هو مشاركة في موضوعك الرائع الذي كان لي مثل البلسم الشافي لجرحي المعطوب
بل إن موضوعك القيم كان سبب في تسجيلي عضوة في هذا المنتدى الرائع ,بعد أن نكبت حديثا مثل غيري
بدخول زوجة جديدة في حياتي وما يتبع هذا الحدث من مشاكل وهموم ومعانات لا نهاية لها إلابالصبر او
التصبر والإحتساب حتى يأتي فرج الله (أسال الله أن يجعلة قريبا)
حينما أخذت ابحث في كل مصادر البحث على هذة الشبكه عن نصائح او قصص تصبر قلبي المكلوم الذي يأبي ان يبث شجونة لأقرب قريب حتى لايكدر حياتهم,فوقعت بفضل الله ورحمته على موضوعك الرائع والرائد لمن ارادت أن تحول محنتها الى منحه ترضي بها الله وتسعى الى تغير حياتها الى الأفضل من غير ان تهدد كيان أسرتها أو تعترض على قضاء الله فيها فتخسر خير الدنياء والأخرة.
اختي الغالية:
إستمري لاحرمنا من نصائحك وتوجيهاتك القيمة التي أصبحت دواء لاأستطيع النوم قبل أخذة والدعاء لمن سخرت نفسها ووقتها وخلاصة تجربتها لخدمة اخواتها المجروحات مثلها .
والله أسال بإسمه الأعظم وكلماته التامة ووجهه الكريم وسلطانه القديم وبأنه الواحد الأحد الفرد الصمد الذي لم يلد ولم يولد أن يجعل لك من كل هم فرج ومن كل ضيق مخرج ومن بلاء عافية
اللهم انزل على اختي (كنت أحلم) شفاء لايغادرة سقم وإجعل عاقبة امرها الى خير وإرزقها الذرية الصالحه وطمن قلبها على نتائجها وإجعل شفائها من عندك ياكريم فلا تتكلها الى غيرك
اللهم إني أحبها فيك ولم ارها لكن رأيت حسن منطقها في عباراتها التي سطرتها بحرارة صدق من قلب صادق ناصح,
فإجعلنا وإياها ممن قلت فيهم(المتحابون في جلالي لهم منابر من نور يغبطهم النبيين والشهداء )
وإشملنا وإياها بعفوك وجودك ورضاك ورحمتك ووالدينا وجميع المسلمين برحمتك ياأرحم الراحمين.
 
الله يجزاكم خير على دعواتكم الطيبه لي

والله ان إضافاتكم تسعدني لدرجة ان دموعي تنزل لطيب قلوبكم ومحبتكم ..

وما اقول الا

الله يوفقكم ويسعدكم ويفرج عليكم عاجلا غير آجل

اللهم آمين ..

خواتي لا تنسون بكل صلاة ان تدعون لخواتكم في الله

ان الله يفرج على الجميع ويصبر قلوبهم ويشغلهم بحب الله ويسخرهم لطاعته

كل موضوع تقرينه لكل وحده لها مشكله ما عندك وقت تردين وتنصحينها وتساعدينها

ادعي لها عسى الله تكونين انتي بدعائك سبب لتفريج كربتها وكربتك ويبعد عنك وعنها

كل ما يضيق الصدر ولا يبلاك حتى لو كنتي بحالة يسر تذكري ان الله يدفع البلاء عن الانسان

بصدق دعائه للغير بتفريج الكرب والهموم ..

والله يستجاب دعواتنا للجميع ان شاء الله

.......

دقايق بس الين ما اكتب اضافتي الجديده
إن شاء الله ..
 
كان وعدي لكم اني اضيف لكم كيف تغيرت على الصعيد الشخصي والاجتماعي

وان شاء الله اببتدي معكم بتوضيح بعض خصال النمط الشمالي الشرقي الي انا من هالنمط

لاني قريت اكثر من موضوع

كم اخت تنادي الشماليات الشرقيات بتوضيح نمطهم حتى يستعينون بشخصياتنا ويقدرون يتأقلمون مع وضع ازواجهم الشمالين الشرقين ..

بدايتا الكل يشكو من صمت الشمالي الشرقي وعصبيته نوعا ما

وارتباطه بعاداته وانه ما يحب التغيير

ولعل البعض يعتقد ان هالنمط انسان مو سهل التعامل معه

او انسان مغرور ومتكبر ومسيطر وياخذ الامور كلها بجديه

لكن لكل نمط له مميزات ايجابيه وسلبيه بلا شك

نمطي يالغاليات

انا انسانه احاول قدر الامكان اني ما ازيد الاشخاص بحياتي

يعني صديقاتي عندي بس ثنتين وحده اعرفها من 15 سنه والثانيه 17 سنه

ما احب اني اختلف معهم دائما هم يزعلون مني لكن انا دائما اكون هادئه مع صديقاتي

الشي الي يزعلهم صراحتي وجرأتي بالنصيحه او رأيي الصريح لكن احاول قدر الامكان اني ما اجرح الا ان كان الخطأ مره مره كبير ذكرت هالشي للأمانه اني اكون صريحه معكم ..

واغلب الامور الي يعصبني تقليل حق الانسان لنفسه يعني هدر كرامته ..

نمطي اني اهتم بتفاصيل الامور وادقق عليها كثير كثير

البعض يصفنا بالوسواسين ولكن احنا نعتبرها مثاليه بإتمام الامور عندنا

البعض يعتبر ان صمتنا غرور وتكبر وان ما في شي يعجبنا

لكن احنا نشوف ان كثر الكلام ما ينفعنا ولكن عمليين

نبين حبنا بأفعالنا مو بالكلام

ممكن ان من كثر الزن على راسنا عشان نتكلم ونطلع الي بخاطرنا ننفجر ونذكر سوالف مضت وصارت ولكن اثرت فينا وسكتنا ولكن ننفجر مره وحده شفتو الجمل كيف يحمل يحمل لكن ما ينسى

هذا نمط الشمالي الشرقي ووالله ما عندي فكره عن الشمالي الغربي

لكن انا عملت الاختبار على نفسي وتأكدت اني شماليه شرقيه وعشان كذا اوضح هالامور على حسب ما اشوفه على نفسي لعل بعض الاخوات تفهم نمط زوجها ..

بعض الاخوات تعتقد ان تدقيق زوجها على اعمالها المنزليه او تربيتها لعيالها او علاقاتها الشخصيه نوع من الوسواس او ...

لكن الحقيقه عند الشمالي الشرقي ان ما يحس انه يقلل من شأنك ولكن حاب انه ينصحك ويتمنى انك تكونين زيه دقيقه عشان يعتبر ان الحياه تمشي دائما بخط مستقيم ..

احنا الشمالين الشرقين نخاف من التغير نخاف من الجديد والمغامره

لكن نحاول قدر الامكان دراسة اي شي جديد بشكل مضبوط قبل ما نخوض فيه

حتى لو كان حديث مهم نحاول اننا نجهز له مسبقا حتى يكون كلامنا واضح وصريح وما يحتاج ان الشخص الي قدامنا يفسره بطريقه خاطئه ..

لان برضوا انا من النوع الي ممكن كلمه وحده يخليني ما انام الليل وانا ادقق وش يعني هالشي وش يقصد ؟؟

لأن الوضوح بالكلمات يعادل الافعال عندنا عشان كذا نكون قليلين الكلام وان تكلمنا قصدنا كلامنا بالحرف الواحد

الشمالي الشرقي ان ارتبط مع شخص ما هذا يعني انه يرتبط فيه كليا

عشان كذا دائما الصديقه الوحده او ثنتين يكفينا لان نرتبط معهم من جميع النواحي

نحاول قدر الامكان ان ما نزعلهم ولا نزعل منهم طبعا هم يزعلون لان نمطنا اشوي يبي له صبر هههه لكن برضوا اخلاصنا للصداقه يخلينا نحاول اننا نراضيهم ونوضح الامور قبل فوات الاوان

لكن بنفس الوقت ان كان الحق مع الشمالي الشرقي دائما هالنمط ما يحاول ان هو يبادر بالصلح ان كان واثق مئه بالمئه انه صحيح وما اخطأ

مره من المرات .. صديقتي زعلت مني بسبب تافه جدا ..

وطلعت من عندي ولما جه موعد زيارتها الاسبوعيه لي انتظرتها ما جت

بالتالي لما اتصلت قالت متى ما ...... بجي

امممم وكأنها تربطني يا انك تسوين كذا او ما اجيك ... هههه

وقتها قلت لها خير ان شاء الله بالتالي

تمت ثلاث اربع اسابيع بعدها جتني من نفسها

قالت لي اعرف اني غلطانه لاني اعرفك لو كنتي غلطانه كان بادرتي انتي بالصلح

ورجعت المياه لمجاريها ..

طبعا ذكرت لكم هالسالفه عشان تعرفون بس النمط كيف ؟؟

لا تستغربين من الشمالي الشرقي

لو اكتشفتي ان مثلا عندك صديقه شماليه شرقيه ولما تجيك

تحب انها تقعد معك لحالك بدون صديقات ثانيات معكم ..

لانها اولا تعتبرك صديقتها وهي ما عندها غيرك ولو عندها احد لمجرد

انك المقربه لها تعتبرك انك ملزومه انك تتخلين عن كل ما يشغلك لمجرد زيارتها لك

ما تحب انها تقعد معك وتجامل مع فلانه وعلانه هي جايه تتكلم معك انتي بكل صراحه عن حياتها عن حياتك عن مواضيع حتى لو كانت بسيطه لكن هي من النوعيه الي ما تتجرأ انها تتكلم ومعك احد ..

احناااااا الشمالين الشرقين خجولين نوعا ما ..

وينقصنا الجرأه على الصعيد الاجتماعي اشوي مو كثير ههه الا يبي لنا شغل عدل الين ما نفكها

نحتاج لجلسات كثيره مع الشخص الجديد الي تعرفنا عليه الين ما نفكها

لو حصل لنا اي موقف خارج البيت ومن هالموقف تعرفنا على احد

لازم هالشخص هو الي يبادر بالاتصال والزياره عشان نرتبط فيه هذا لعل وعسى هههه

نحب الناس ونتمنى الخير للناس لكن ما نعطي ثقتنا الا للاشخاص الي خلاص عرفنا طبعهم وحسينا براحه معهم

وممكن برضوا نسوي لهم اختبارات

مثلا بعد ما نفكها بعد ما تطمنا ان هالشخص مرتاحين منه

نعطيه سر بسيط

لو يوم بس عرفنا ان هالسر طلع يمين يسار

خلااااااااااااص مستحيل نعيد الكره

لو حصل يوم من الايام زوجك الشمالي الشرقي قال لك شي يخصه شي محرج منه او موقف شين له

وانتي بعد مشاجره قعدتي تذكرين له مواقفه الشينه وفشيتي خلقك انت قلت لي وانت اعترفت وانت وانت

وقتها تأكدي ان الشمالي الشرقي ما راح يقدر يرجع ثقته فيك بسرعه ...

طيب انا اعرف كم جاره وعلاقتي معهم مره كويسه

لكن انا ما تعرفت عليهم هم الي تعرفوا علي

هم الي جو وزاروني ومو من اول زياره قدرت اني اتشجع وازورهم

مو غرور ولا تكبر بس زيادة خجل ..

مع ان كم وحده قالتها لي بصريح العباره كم مره جيناك ولا تردين الزياره وووو

احاول اني اراضيهم لكن نمط الشمالي الشرقي مستحيل يطلع نفسه انه خجول

بالتالي بعض الناس يعتبر هالشي فينا طبع شين ما يعتبره خجل لأن قوة الشخصيه واضحه

ولما ننحط بمواقف ان احد سألنا شي او سالفه معينه خضنا فيها عادي نتكلم ونبدي راينا ويمكن ندخل بتفاصيل ونفصفص السالفه الين ما نبين لهم نتيجة او نوصل لهم المعلومه بطريقتنا

عشان كذا ما يجي ببالهم ان نمطنا فعلا نكون خجولين

احنا نحب المنطق كثير ونحب نتفلسف ان سكتنا سكتنا لكن ان تكلمنا نلف وندور الين ما نوصل المعلومه بطريقه احنا نشوف انها حلوه بالنسبه لنا ..

كيف تغيرت الآن ..

ترا ما تغيرت كثير الين الآن لكن احاول قدر الامكان اني اقنع نفسي

ان ما احتاج لصداقات جديده لكن احتاج اني اختلط مع الناس حتى اخفف اشوي من خجلي

واغير من عاداتي اشوي واخفف على نفسي الضغط اني اشغل نفسي بالناس بخبراتهم بطريقة حياتهم

ومو من عادتي اني اقلد احد الا ان كان هالشي لصالحي

لان نفس ما ذكرت ان نمطنا نحاول اننا ندرس كل شي وندقق بتفاصيله قبل التجربه

وحبيت اني اضيف شي مهم ( الاشياء الي نغضب منها )

نمطنا ان طلعنا نحب نرجع بسرعه وكأن الدنيا بتطير

نحب المواعيد الدقيقه اممم مدري والله كم مره عصبت لو حتى بالمشغل تأخروا علي الين ما يجي دوري

دائما نعصب لو حصل خطأ وغير لنا روتينا ونحاول قدر الامكان ان نلحق على اعمارنا بس اهم شي كل شي يكون ماشي صح زي كل يوم ..

نحس بالذنب لو حصل قصور لكن ما نحاول نبين لأحد ناكل بروحنا ليه سويت كذا ليه ما خلصت كذا ليه تأخرت على ولدي وما قدرت اني احضر له هالدرس لبكره لاحظوا لبكره يعني الدرس ما عطوه لكن حنا كذا ننظم لكل شي ..

يعني مخليه حتى عيالي على نظام ان حتى لو لسه ما عطوه الدرس اقعد احضر له واشرح له قبل ما يعطونه

اقول لنفسي عشان يكون فاهم

لو ما فهم للاستاذ على الاقل يكون عنده خلفيه

عشان يشارك ويلفت نظر الاستاذ

عشان يسهل علي المراجعه له للامتحانات واكون خلاص محضره له مسبقا وانا برضوا يكون عندي فكره عن هالدرس لما ابي اراجع له

شوفي كيف الافكار مع بعض يجي ببالنا

شي متعب صح ؟؟

لا تقولين زوجي صاااااااااااامت

تراااا مخه شغال وش بيسوي وايش عنده بكره وليه وكيف ؟؟

ما باقي الا يطلع من طوره ويقول لك يالهوووووووووووووي لما تقولين له حبيبي ليه ما تقول لي كلام حلو

ههههههههههه

بس تطمني لما يجيك تأكدي انه يجيك كله على بعضه

ما يجيك الا انه راغب حاب مخلص لك كان يفكر فيك

وخلص كل شي عشان يجيك

انبسطي عاد هههههههههه

بالنسبه للنساء يعني الموضوع اخف اشوي على الزوج ان يتقبلها

اولا مهما يصير فهي انثى تحب تتقرب لزوجها رغم كل شي

ولانها منظمه امورها فهي اكيد ببالها ان من واجباتها الزوجيه ايضا انها

تعطيه حقه حتى قبل ما يطلب

الشماليه الشرقيه

تحاول قدر الامكان ان لمجرد انها حفظت زوجها مواعيده ان يتغدى بساعة معينه او يصحى بساعه معينه

فتأكدي انها راح تسوي هالشي بالتوقيت المناسب

اكثر الرجال الي متزوجين الشماليه الشرقيه يكون مرتاح لانها دقيقه شغوله منظمه تعطيه كل ما يحتاجه وما تتكاسل براحته

ولها سلبيات ايضا

انها تحب ان يعاملها بالمثل ان يكون دقيق بطلباتها لاحتياجاتها وما الى ذلك وان ما حصل هالشي تعصب طبعا

لكن برضوا تعلمنا ان الانماط يختلفون بالطباع بالتالي نحاول نثقف روحنا ان اشوي اشوي نشوف اعذارهم ونحاول نخفف من نظرتنا لهم خصتا الجنوبين ...

كيف بديت اغير عاداتي ...

مثال :

قبل لو وحده ولدت افتح علبتي ههههه

شوفي النظام بس كيف ؟؟

علبه فيها كروت للمناسبات الخاصه

اطلع المناسب الوردي للبنت والازرق للولد يعيني :31:

ويلا اكتب كلام حلو فيه وابارك لها واحط مبلغ

وبكذا اكون راضيه اني ما ضيعت وقتي نفس ما قلت تراني مشغوله للنخاع

ولما اروح لها اخفف الزياره ابارك ادعي لها .. وان حصل مجال اتقهوى بسرعه

واغلب الظن اني امشي لو فيه ناس كثير اختنق من نظراتهم

وكأني احس اني كائن فضائي من نظراتهم لي ههههه

احنا كذا نحس اننا اغراب مع الناس وكأننا من عالم ثاني نخجل كثير ..

......

الآن وش الي صار ..

صارت عندي زاويه للف الهدايا وتزينها

بس لسه تراني منظمه موضوع الهديه

لو هههه عرفت ان فلانه حامل اروح اشتري لها بأقرب فرصه واخبي الهديه

ولاني ما اعرف جنس الطفل اختار الوان حياديه للاولاد والبنات ما اجوز اول بأول وش يدريني يمكن ما يكون عندي وقت اروح السوق واكون مشغوله ..

المهم بعد ما اسمع انها ولدت على طول

اشغل نفسي بالهديه

اريح نفسي اقول الدنيا ما بتطير

استمتع بوقتي لما الف الهديه وابدع بكل تفاصيلها

وقتها عرفت ان بعض الامور الي كنت اضحك عليها

سابقا لما كنت اشوف بعض الحريم يتكلفون باللف والتعليب ووو ههههه والتزين

اقول يووووووووه اكيد ما عندها شي يشغلها

لكن بعدها تأكدت ان استمتاعي بالوقت هذا يدل على ان لي حق

اني اهتم بالناس الي حولي واوفر لهم وقت اني ابين لهم محبتي واهتمامي بمناسبتهم

وبرضوا استفدت ان عقلي وقتها يتوقف وانشغل كليا على كل ما يضيق صدري

ولما اروح تعلمت ان حتى لما اكون مع الناس

ما اخاف من صمتي وخجلي

بالعكس وش فيها لو كنت ساكته

ان احد تكلم معي ارد على قد الكلام

قبل كنت اخجل لدرجة اني ما ابي اقعد وان مره مره مجبوره يجيني وقت ان خاطري الوقت يمر بسرعه واطلع وارجع لحياتي لبيتي لكل الي يشغلني

الآن اخذ راحتي اجلس واقول الدنيا ما بتطير

الناس ما بياكلوني

نظراتهم لي يعني انهم شايفين شي يجذبهم وله عاجبهم دام مو مسويه بروحي شي ولا راسمه لروحي شنب هههه فهذي نظرات بريئه بالتأكيد

يحاولون من خلال نظراتهم انهم يرسمون لي صورة عن شخصيتي قبل ما يبتدون الكلام معي من حقهم خايفين من سكوتي هههههه

احيانا اوعد نفسي اني اتكلم اشوي

واعلق على بعض الامور لعل وعسى ان اقدر اشوي اتأقلم ..

وحده الله يذكرها بالخير

تعرفت عليها عن طريق منتدى ثاني

عرفتها وعرفتني وتكلمنا كثير عن طريق الماسنجر واحيانا التلفون

بالنهايه اعزمتني على عرسها

وهي بديره ثانيه الله يوفقها ان شاء الله لسه علاقتنا جيده مع بعض

لكن انصدمت من هدوئي لما شافتني وجها لوجه

تقول ولا كأنك انتي الي ياما كنت اسكتك على المسن من سوالفك

لكن بعد عدت زيارات لبعض تأقلمت تدريجيا اني انا ابتدي السوالف ووو الين ما وصلنا خلاص صرت اقطع سالفتها واقول سالفتي وتقول وين قبل وين الحين ..

على فكره نمطنا ندقق حتى بالمدح

يعني لو كان المدح مو بمحله اكيد ما راح نتقبله وما راح نصدقه اساسا

ونقول ان مجامله مو صدق .. عكس الجنوبي الي يحب المدح ..

لي رجعه إن شاء الله عما قريب وسامحوني على التقصير ..



 
الله يكتب اجرك زوجي شرقي شمالي كثير من كلامك ينطبق عليه بالذات الخجل
12 سنه زواج ولازلت احس انه جاي من الفضا عمري ماواجهت في حياتي شخصيه مثله
غموض كتمان نمطيه خجل انطوائيه نظام روتين خوف التغيير
الله يعين
 
بجد بجد بجد
جزاااااااااااااااااااااااااااااااااااك الله خيررررررررررررررا كثيرااااااااااااا
والله لا تتصورين قد ايه استفدت من كلامك
كانك بتتكلمي عني لكن مع فرق بسيط
انا شمالية غربية
يعني مش منظمة قوي
وزوجي جنوبي شرقي بيموت ف النظام
وده اعتقد الشئ الوحيد اللي هو شايفه ناقص فيه
بصراحة نفسي اعود نفسي النظام ونظافة البيت اكتر من كده
انا لا اعمل وعندي طفل صغير عمره سنة ملتصق بيا كتييييييير
لا يتركني اعمل اي شئ
ياريت تذكري كيف بتنظمي وقتك وشغل بيتك
وبالذات قبل ما تجيلك الخادمة
بجد بقيت مبسوطة وانا اقرا ازاي بتتكلمي عن نفسك وتشرحي
شئ جميل ان الواحد يحس حد زيه وفاهم طبعه وبالذات ان اللي حوالين الشخص
وكل اللي بيتعامل معاه بيحسه غريب ومختلف وشاذ عنهم
اسال الله ان يعظم لك الاجر والمثوبة
وان يرزقك العفو والعافية
في انتظار دررك
وكيف اتغيرتي على الصعيد الاجتماعي
واسمحيلي انسخ موضوعك على جهازي لعظم الاستفادة اللي فيه
 
سؤال مهم هل الشماليه الشرقيه يناسبها الشمالي الشرقي
 
:a084:ماشاء الله تبارك الرحمن انما يوفى الصابرون اجرهم بغير حساب اللهم كما اعطيت اختي كنت احلم هذه القوة والثبات اعطينا وثبتنا على الحق .........امييييييييين
 
يااااااااااسلاااااااااااااااااام الموضوع اختلف وانا ما ادري ( وجه معصب ) خخخخخخخ

بجد بجد انت رائعه يا اختي كنت احلم وانا زيك شماليه شرقيه لكن مو خجوله بالعكس احب اشوف نظرات الاعجاب من اللي حوالي والكل ينطر يشوفني في المناسبات لاني على قولتهم مميزه بستايلي

وحتى من ايام المدرسه والكليه الكل يقولي انت مميزه لك ديزاين خاص وحضور خاص

وجريئه جدا ولكن لي اسلوب لما انحط بمشكله او يطلع عني كلام اطنش ولا اعاتب ابدددد مو خوفا من احد

لا علشان ما احقق لهم رغباتهم هم يبوني اعصب واحزن لا ابين لهم اني عايشه حياتي وهم ولاشي خخخخخخخخخخخخخخخخخخخخخخخخخخخخخخخخخخخخخ

واحب اساعد الناس مرررررررره حتى بدون لايطلبون بس احس ان احد محتاج شي طيرررران احب اخدم

جعله الله في ميزان حسناتك هالموضوع
 
السلام عليكم
كنت أحلم الله يسعدك دنيا وأخره
ويقر عينك باأولادك وزوجك وصحتك وعافيتك ويشفيك اللهم امين
ماتتخيلي قد أيش استفدت منك ومن كلامك الي زي العسل:32:
تحليلك بده الجزئيه نفسي بالضبط أنا مااحب اعطي سري لاحد واكتشف انه قاله على طول ماقوله اسراري واكون مره حريصه بكلامي معاه حتي زوجي لانه اكتشفت انه فشي اسراري عند أهله بطلت اقوله شي أحس ده الشي حلو بشخصيتنا لانه يوفر علينا متاعب كثيره من كثره الكلام هههههههه
خير الكلام ماقل ودل
نحب الناس ونتمنى الخير للناس لكن ما نعطي ثقتنا الا للاشخاص الي خلاص عرفنا طبعهم وحسينا براحه معهم

وممكن برضوا نسوي لهم اختبارات

مثلا بعد ما نفكها بعد ما تطمنا ان هالشخص مرتاحين منه

نعطيه سر بسيط

لو يوم بس عرفنا ان هالسر طلع يمين يسار

خلااااااااااااص مستحيل نعيد الكره
 
الله يشفيك شفاء عاجلا لايغادر سقما
ويفرح قلبك بكل شيئ تحبينه في دنياك واخراكي
كم انتي رائعه والله عوضك بصبرك وثباتك
بس بصراحه شخصية الشمالي الشرقي متعبه في التعامل للغايه
 
صباح الخير والخيرات على الجميع

حبيباتي اشكر لكم تواجدكم جدا سعيده بمشاركاتكم ..

الله لا يحرمني منكم ..

.........

امة الله الضعيفه

ابرسل لك يالغاليه رابط فيه عن اموري ببيتي كيف كنت مضبطه كل شي

بس ما اقدر اضيفه على العام لان من خارج المنتدى

بس متأكده ان شاء الله ان راح يعجبك وتقدرين تضبطين كل امورك من خلال مواضيعي بذاك المنتدى وكل ما تستفيدين من مواضيعي الي بتقرينهم على الرابط اتمنى دعائك لي بظهر الغيب لما تطبقين اي فكره من افكاري المنزليه او بحياتك وحسيتي بالفرق والراحه اذكريني وادعي لي , وان كان فيه شي ثاني ارسلي لي ابساعدك ان شاء الله ..

.........


نكمل حبيباتي

على الصعيد الشخصي كيف تغيرت ..

اممم مدري والله اخاف اقول لكم كم شغاله غيرت خلال سنه تنصدمون

تقريبا بحدود 17 خادمه

كل وحده مشيتها لسبب خاص فيني

كنت اشوف انهم كسالى لاني عمليه اكثر منهم

كنت اعرف ان مستحيل تجيني خادمه نفسي تقدر انها تنظم كل امور البيت من غير ما تسبب تغيير بروتيني

كل الي كنت اتمناه خادمه تسوي كل شي نفسي بالضبط

لدرجة ان كنت لما اجيب اي وحده اعلمها امور تافهه وادقق عليها جدا

يعني اخليها يمكن اسبوعين تشوفني كيف اسوي كل الاشياء عشان تتعلم

لكن بعد اسبوعين اعطيها مجال اسبوع او اكثر اول الايام تكون ماشيه زي ما ابي

لكن بعدها يبتدي حماسها يختفي لشغل البيت والنظام الي عودتها عليه

ما كنت احس اني اظلمها لاني انا فعلا كذا

كنت اسوي كل شي بنفسي كل يوم كل يوم نفس الشي

ليه ما كنت اتعب اجل المفروض هي ما تمل

دام انا قدرت على كل شي لمدة سنين اجل ليه هي ما تقدر

بعدها صرت اطلب الخادمات على مواصفات معينه لعل وعسى تضبط معي

لكن ابدا اطول فتره تمت عندي وحده لمدة ثلاث شهور وجزاي الله خير اني استحملت

لان كنت اتغاضى كثير عن القصور

ما اذكر كم مره صديقتي قالت لي انتي مهبوله ؟

لان كم مره شافتني اقوم من مكاني واخذ منها شغلها بدون سبب واسويه بطريقتي انا

كم مره اقعد من النوم وارجع التحف لمكانهم الصحيح الي انا متعوده عليه ان ما يتغير وضعيتهم

كم مره اضبط الشرشف مع ان هي مرتبته بس انا طريقتي غير

بالتالي تعب الجسد افضل من التعب النفسي

كنت امشيهم يشوفون رزقهم بمكان ثاني

حتى بدون مشاكل كنت اراضيهم وامشيهم

واعرف اني من النوع الي ما ارضى الا بإلي انا متعوده عليه

الآآآآآآآآآن :

بعد ما مريت بالمرحله الصعبه

عرفت إن ألزم ما علي نفسي وعيالي وبس

شغل البيت مو اختصاصي الآن

ما راح اخسر شي الا صحتي لو هلكت نفسي بالطريقه هذي

عرفت ان لي حق اني ارتاح

وعرفت ان حياتي لازم تتغير

بدل ما ادقق على الشغاله راح ادقق على طبخي وعيالي وتربيتي لهم

ما كنت مقصره من ناحيتهم بالسابق

لكن ..

الآن صار عندي وقت لنفسي

استغليت وجودها بالعباده ان اختلي بنفسي وربي بجو ثاني انسى فيه كل شي

اقنعت نفسي ان وجودها مهم بحياتي حاليا

ليه ما اصوم بالايام العاديه دام هي موجوده فهذا الشي اقدر استغله بشي انا ما كنت اقدر اسويه كل اسبوع

ليه ما ارجع لهواياتي ليه ما اعزم على راحتي واخفف على نفسي التفكير والهموم وانشغل بإلي احبهم ويحبوني

ليه بدل ما ادقق على المفرش وغيره ادقق

على حياتي العمليه اقعد مع نفسي افكر بيومي كيف اقضيه بشي له فائده

اما الاهتمام بالنفس هذا شي ثاني

قبل لما كنت اروح لصديقتي تقول ليه قمتي اجلسي بعد اشوي

اقول لها لا اليوم موعد الحمام المغربي هههه كل شي مواعيد على فكره الحمام المغربي انا اسويه بالبيت

يعني عندي موعد مع نفسي ههههه

تضحك !!!!!!

ترااا اتكلم جد دام بجدول اهتمامي لنفسي ان اليوم حمام مغربي مو شغلي ابسويه ابسويه

دام ان الانسان لازم ياكل ثلاث وجبات باليوم راح اكل يعني راح اكل ههههههه

هي تضحك بعدها عاد تعودت على طبعي

لكن الآن خففت مواعيدي ونظامي كثير

طيب يا ماما عادي تفرج على التلفزيون اشوي مو مشكله

وقتها عيون ولدي اشوي وتطلع برااا وين النظام وين القوانين ؟؟

فلوهااااااااااا اشوي عرفت ان ما يسوى الي كنت اسويه بنفسي

كان يمدحني عند الغير لاني كذا امشيه العيال والبيت بالدقه

لكن ........ وش نفع ؟؟

عندي مواعيد لنفسي بس مو انا الي اسويه هو الي يسويه الآن

اليوم الجمعه ههههه طلعني مشيني ودني جيبني ونسني

ما اقولها له كذا مباشره

لكن عرفت ان صراحتي ما نفع وياه من قبل

الآن عرفت كيف انا اخليه هو يقول لي قومي اطلعك

او اسوي لك او اعمل لك جلسة مساج وغيره من الدلع الي ياما وياما انا سويت وتفننت فيه

عرفت اني انساااااااااااانه ولي حق انه يعاملني بالشكل الي يرضيني

ما كنت يوم من الايام اتصور ان زوجي لو طلبت منه هالاشياء ممكن ان يسويها

كان يكفيني نظره حب او احترام منه

لكن فهمت بعدها ان طبعه غير عن طبعي

يحب اني اطلب واتشرط بطريقة الدلع او البكاء

او نظره حزينه او اسوي نفسي زهقانه عشان يحس نفسه البطل المغوار ويطلعني من الجو الي انا فيه

كنت الاحظ هالشي فيه من قبل قبل ما يتزوج علي

لكن ما كنت ارضى بالشي ذأه كنت اعتقد اصراري ان انا الي اسوي واقدم

الافضل لحياتي الزوجيه

كنت اضحي عشاان راحته او راحة عياله او راحة حتى اهله او اي احد بحياتي احبه واغليه

عرفت ان كلمة لا ما اقدر المفروض اقولها بكل بساطه

عرفت ان لما ارفض اي شي انا مو رغبانه اني اسويه هذا ما يعني ان حب الشخص الثاني بيقل لي او اني راح اخسره

وان خسرته هذا ما يعني اني انا الملامه هذا يعني قلة العقل اني اخسر شخص لان انا ما ابي اسوي شي انا ما ابيه ..

ياما كنت اروح مع اهله عزيمه انا مو رغبانه اني اروح معهم

كنت اروح بس عشان ارضي الي حولي

مو عشان كلام الناس لا حبا لرضا الي كنت اهتم فيهم واحبهم

مره من المرات اختي اصرت اني اسافر معها وانا ما ارغب بالسفر

لاني انسانه ما اقدر ابتعد عن بيتي فتره طويله بالساعات فما بالكم بالايام

زوجي قال لي روحي لكن بداخلي كنت ما ابي اروح

لكن اختي تتمنى اني اروح معها

ولما رحت ما نالني الا التعب النفسي ولا قدرت اني استمتع بأي شي

كنت على اعصابي

والآن اسأل نفسي وش كانت حكاية ذيك السفره ليه رحت ؟؟

كان ما رحت هم استانسوا لكن انا ما استانست

سويت هالشي لرضا غيري وبس

وش فيها لو قلت لااااا آسفه ما ابي اروح

حاليا الشي الي يخليني ما ارتاح نفسيا اقول لا بكل بساطه من غير ما احس بتأنيب الضمير

لي حق بالرفض نفس غيري

لكن في خطوط ما اقدر اتعداها مثلا

لو وحده من الي اعرفهم محتاجه لشي ضروري ما اقدر اني اقول لها لا لو كنت فعلا اقدر اسوي لها

وهذا الشي الوحيد الي مو بنيتي اني اغيره

لاني واثقه تمام الثقه ان هالشي صح ميه بالميه

رغم ان حصلت بعض الاتهامات من حولي

مثلا اختي تقول : مو هم الي سويتي لهم وووو واخر شي شفتي وش صار ؟؟

انا ما ادخل المواضيع ببعض سويته لوجه الله وبس ما انتظرت شي منهم

صحيح في ناس يجرحون بعد ما وقفتي معهم لكن ان كنتي انتي مجروحه فكري بالصح دايما

قولي اني ما قدمت هالشي الا لوجهه الكريم مو لأحد ثاني

لكن برضوا تذكري ان الله لا يكلف نفسا الا وسعها

هنا بس عرفت متى اقول لا ومتى اقبل التضحيه بوقتي عشان انشغل بمصالح الغير .. وتقديم المساعده ..

على الصعيد الشخصي :

مع زوجي عرفت ان كثر التضحيات للرجل ما راح يجيب معه نتيجه الا ضياع الحقوق بس

اخذي حقك اول بأول ان كنتي زوجه اولى او زوجة خائن او كنتي زوجه وحبيبه وما في غيرك بحياته

احتفظي بتضحياتك ان حسيتي انه ضحى من اجلك براحته

وقتها انتي عليك الدور انك تبينين له انك مستعده تضحين بوقتك عشان تسعدينه

عرفت بعد الي صار كم موقف انا ضحيت فيه وكم موقف هو ضحى فيه

وعرفت ان فعلا انا قدمت الكثير من التضحيات وهدر الوقت في سبيل اسعاده

لكن بالمقابل كان هو يقدم القليل وبالنهايه ضاع حقي

لكن رحمه من الله سبحانه وتعالى انقلب كل شي بعد الصبر والدعاء

احيانا يقول لي احس ان لو اقدم لك كل شي ما راح يرضيك وتنسين

واحيانا يقول والله لو اتم طول حياتي اسوي لك الي تبينه برضوا اعرف انك تستاهلين

واحيانا يقول انتي الآن الي تمشيني واحيانا يقول وش تبين بس اسوي لك وترجعين زي قبل

وانا بكل براءه ؟؟

كيف ارجع زي قبل ؟؟

ابي نظرتك لي نفس النظرات قبل نظرة الحب والاعجاب وان انا كل شي بحياتك

انا ما تغيرت بأفعالي اهتم فيه وكل شي

لكن فعلا نظراتي اقدر اوصل له كل الي اتمناه ان يوصل له

قبل كنت اهدد بشكل مو طبيعي لو لو لو ما تلوم

لكن الآن مجرد يدخل البيت لو ناظرته بالشكل الي اشككه بنفسه

صرت اقدر ؟؟ اني اخليه يشك بنفسه

لدرجة ان يجي يسألني وش فيك صار شي انا ما سويت شي يزعلك وش فيك علي

انا مو قاعده اعذبه لكن

كل شخص يمر عليه ظروفه فعلا يوقف وقفه مع نفسه

ويقول لنفسه ليه صار كذا

كلنا نعرف ان الله الي كاتبه بيصير

بس انا متأكده ان كثر ما هدرت وقتي عشان راحته

كثر ما استغل هالشي واعتبره اني برضى بأي شي

لأنه كان يتوقع ان تضحياتي و سعادتي اني اهتم فيه بأدق التفاصيل

يعني حبي له الي يخليه واثق اني ما اقدر يوم من الايام اتغير عليه

لو خان او تزوج او سوااا اي شي ما يرضيني

لكن بعد ما اكتشف اني تغيرت ووالله اني ما احاول اني امثل عليه

لكن فعلا تغيرت نفسيا كثير لدرجة اني ودي ارجع ذكرياتي كيف كنت ما عدت اتذكر

الا القليل نفس ما قاعده الآن اذكر لكم كيف كنت وكيف صرت

لكن اني ارجع نفسي لحالتي السابقه

صعب جدا صعب

ما عاد فيني اني ارجع زي قبل ابدا .. لاني نسيت اساسا طريق الرجعه ..

ونسيت روتيني كيف كان وله وش كان يشغلني اساسا ..

لاني كرهت كل شي الي كان يشغلني عن اني ما اشك فيه بالعكس عطيت وسويت

ولا شكيت ...

كذا كرهت حياتي سابقا ..

رغم انه منصدم من شخصيتي الحاليه ..

صمتي ما يدل على خجلي عنده ولا على اني زي قبل

صمتي يدل عنده اني شاااااااااايله او فيني شي من ناحيته

ويقول ويردد تراا مستعد اخسر كل شي الا انتي ..

تراا ما بكيت على ابوي الله يرحمه الا لما بكيتي انتي وسمعت كلامك انك تيتمتي مرتين رأفت على حالك بدل حالي

وانا ادري انه يحبني ومتأكده والله لا يغيره علي

واسأل الله ان كان التغير الي حصل لي فيه صلاح لي ان الله يثبتي لأن هالشي صار غصبا علي ما اقدر اني ارجع تلقائيا لحياتي السابقه الا بأمر من الله ..


لكني اشوف ان حياتي معه افضل من السابق حياة زوجيه كنت اتمناها يوم من الايام وكنت اعتقد ان مستحيل يتغير لعل التغير الي حصل هو الي غيره او الظروف الي مرينا فيها قربتنا من بعض اكثر ..

والله العالم ..

لي رجعه حبيباتي عشان اكمل ..
 
اسالك الله تدعيلي كل ماجي في خاطرك الله يسعدك يارب ويرد لي زوجي راغبا ونادما يارب
 
غروري عزوتي

الله يسعدك ويوفقك وينولك كل ما تتمنينه ان شاء الله

ويرده لك ردا جميلا

ويجعل ما بينكم الموده والرحمه

اللهم آمين
 
أحس بطيبة قلبك بين السطور

ربنا يشفيكي ويرزقك الجنة

وعليكي ياأختاه بالرقية وماء زمزم

وقلوبنا جميعا معاكي

وأحببناكي والله في الله
 
استفدت كثيرا من تجربتك وأسالك الله أن يعطيك كل ما تتمنين
شخصيتي تشبهك كثيرا ان لم تكن مطابقة سبحان الله
احبك في الله
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل