خلاصة تجربتي من زواجه علي ونصايحي للزوجات الاوليات (زوجات ناجحات)

الله يعطيك العافيه على ماانرتي عقولنا به وعلى طرحك المميز جعله الله في ميزان حسناتك وبارك الله فيك ياغاليتي ونتمنى منك المزيد
استغفر الله واتوب اليه
 
ماشاء الله عليكي بصراحه قراءة في موضوعك اشياء ماكنت اعرفها وناويه انشاء الله اطبقها وتسلمين يالغاليه بصراحه انا حطيت الموضوع في المفضله وكل ماحصلت فرصه على الجهاز اخذت جرعه تنشيطيه وعدت قراءة الموضوع من جديد الله يحفظكي ويعمي عنك عيون الحساد
 
كنت احلم قال:
قبل ما اطلع نسيت اني اضيف اضافه مهمه جدا

بالنسبه للرجل الجنوبي

تراا ما يحب المرأه الي تشتغل

يحبها مرأه ناعمه مو شرط معتمده على نفسها لكن معتمده عليه

هذا الشي يرضي رجولته عكس الشمالي

ولكن يحبها مرأه مليانه انوثه وامومه ومراعيه بيتها وعاطفيه وووو

لكن حبيباتي انا تغيرت على الصعيد العملي

مو لأجله عشان يرتبط فيني اكثر

راح اوضح لكم ليه مع اثباتات سابقه كانت مؤثره لما كتبتها لكم بعز انهياري

راح اخذكم معي من بداية التغير الى نهايته ان شاء الله

لكن راح اعطي نصايح لربة البيت الي ما تعمل

لعل تقدر تساعد نفسها من خلال سطوري وتقوم نفسها بنفسها

خصتا لزوجات الرجل الجنوبي الغربي

على فكره يمكن هالاضافه تكون بصفح 51 لكن اضافتي الاساسيه بصفحة 50 ههههه

للتوضيح فقط

واسعدني تواجد الجميع للمتابعه

الى اللقاء إن شاء الله
أنقر للتوسيع...


واااااااااااااااو

اهنيك صراحه والي الامام انا زوجي جنوبي غربي

وحابه استشيرك في اشياء كثيره

فعلا الجنوبي الغربي سهل بس بنفس الوقت يخوف في اي لحظه ممكن يخون

الله يحفظ لك زوجك ويحفظ لي زوجي
 
ماشاء الله لااله الاالله
متابعه معك الله يشفيك يارب
ويجعل كلامك ونصائحك بموازين حسناتك آمين
 
الله يعااافيك ويخليك لعيالك ويسخر لك زوجك ويرزقك الذرية الصالحة
 
الف مبروك
عليك بالف عافيه رجوع زوجك لك
ادعي بهذا الدعاء اللهم ياملك الملوك ويامالك قلوب الملوك ويامالك قلب فلان ولد فلانه ملكني قلبه واصرف قلبه عن من سواي اللهم اميييين
والله يعطيك الصحه والعافيه والله ان ادموعي على خدي من الفرحه الله ييسر لك كل امورك ويخلليلك عيالك ويبارك لك فيهم
 
ماشاء الله لااله الاالله
متابعه معك الله يشفيك يارب
ويجعل كلامك ونصائحك بموازين حسناتك آمين
 
الله يشفيك وعافيك ورجعك لعيالك بصحة وعافية

والله يرحم عمك ويغفر له ويسكنه فسيح جناته



[كنت احلم;]


ورحت لزوجي قلت له ابي صدقه

قال لي اخذي كثر ما تبين من محفضتي

وفتحت محفضته ولفت انتباهي

شي ملفوف لف زي جلد الحيه

بكيس نايلون مربوط بالخيط الابيض

ولان الوقت كان ضيق والحرمه تستناني

فخذت الفلوس وعطيتها وتيسرت الله ييسر لها امورها يا رب

لو ما الله ثم هالحرمه ما شفت الي شفته

المهم اني رجعت لزوجي سألته

قال لا هذا لواحد عطاني زي الحرز عشان العين والحسد

قلت له وش يدريك يمكن انه يكون عمل

قال لي والله هالشخص الي عطاني ما في منه بالطيبه انا اثق فيه

برضوا ما اقتنعت

من متى يكون الواحد يرقي نفسه من العين ويحفظ نفسه بجلد الثعبان
أنقر للتوسيع...


المفروض نبهتي زوجك إن الحجاب والحرز شئ لايجوز

حرام .

اللي يحافظ على الشخص أذكار الصباح والمساء



يرثني ويرث آل يعقوب واجعله رب رضيا .
أنقر للتوسيع...

حبيت أصححلك الايه

(يرثني ويرث من آل يعقوب واجعله رب رضيا)


كذلك حبيت أنبه الجميع

(الله) تكتب بالهاء وليس التاء المربوطة

(إن شاء الله) تكتب هكذا

(العظيم) تكتب أيضاً هكذا وليس (العضيم)
 
الله معك والله يوفقك ويسهل امورك كلها

يارب العالمين ويشافيك ويعافيك ويبعد عنكم

شياطين الانس والجن انه سميع مجيب الدعوات

متابعه معك لعلي اجد ضالتي بين سطورك

وراحة قلبي وثقتي بزوجي الي فقدتها

ولا اعلم متى احصل عليها
احبك في الله
 
والقيت عليك محبة مني ولتصنع على عيني إذ تمشي أختك فتقول هل أدلكم على من يكفله فرجعناك الى امك كي تقر عينها ولا تحزن وقتلت نفسا فنجيناك من الغم وفتناك فتونا . زين للناس حب الشهوات من النساء والبنين والقناطير المقنطره من الذهب والفضه والخيل المسومه والأنعام والحرث ذلك متاع الحياة الدنيا والله عنده حسن المآب .
قل ان كنتم تحبون الله فأتبعوني يحببكم الله ويغفر لكم ذنوبكم والله غفور رحيم .
يحبونهم كحب الله والذين آمنوا أشد حبا لله ولو يرى الذين ظلموا إذ يرون العذاب أن القوة لله جميعا وأن الله شديد العقاب .
قد شغفها حبا إنا لنراها في ظلال مبين .
فإذا عزمت توكل على الله إن الله يحب المتوكلين .
يحبهم ويحبونه اذلة على المؤمنين اعزة على الكافرين .
لا تحسبن الذين يفرحون بما أتوا ويحبون أن يحمدوا بما لم يفعلوا فلا تحسبنهم بمفازة من العذاب ولهم عذاب أليم .
فقال إني أحببت حب الخير عن ذكر ربي حتى توارت بالحجاب .
ردوها علي فطفق مسحا بالسوق والأعناق .
وأخرى تحبونها نصر من الله وفتح قريب وبشر المؤمنين .
بنفس الصيغة تقوليها فهميني الله يرضى عليك ما فهمت يعني اقولها ورى بعضها والله يجزاك خير
 
ماشااااااااااااااااااااء الله ..تبااااااااااارك الله..
كل ماالموضوع يحلى أكثر وأكثر..
صراحة موضوع خطييييييييييييييير وبطلللللللللللللللللللل بنفس الوقت..
الله يعطيك العافية..ويعطينا مماأعطاك ياااااااااارب..
موفقة بإذن الكريم سبحانه.
 
دقايق ان شاء الله وراجعه اكمل لكم ادري طولت عليكم ..

فسامحوني على التأخير ..

اسعدني تواجدكم غالياتي ووالله ان كل ما اشوف رد احس بسعاده

واتشجع اني اكمل اتمنى مواصلة تشجيعكم لي لمواصلة الموضوع ..

...........

بالنسبه للدعاء يالغاليه ايه نعم كله مع بعض نفس ما قلت ..

.........

بالنسبه لتصحيح الخطأ الي حصل والاخت ما شاء الله نبهتنا عليه

فسامحوني لاني اكتب بسرعه ولا راجعت الي كتبته
فجزاها الله خير للتصحيح ..

و بالنسبه للحرز يالغاليه اكيد فهمت زوجي عنه انه اكيد سحر ..

بس انا حبيت اشوف وش فيه

وكان مثل ما ذكرت اني انعمي انا عن عيوبه وما اشك فيه ابدا

وفعلا طول سنتين كنت انا ابادر بإسعاده وهو كان يشوفني بطريقه ثانيه

ولما وديته للشيخ وفكه حسيت براحه فتره طويله وما عادت تجيني ذيك الاحلام

الي كانت تزعجني ..

......

سامحوني على قصوري بالنسبه لردي لكثير من العضوات

احاول قدر الامكان اني ما انسى اي سؤال

.......

نبراس

يا رب يا كريم عسى الله يريح قلبك ويفرج همك

ويشرح صدرك ويرده لك ردا جميلا

عسى الله يجملك بعينه ويجمله بعينك

ولا يشوف غيرك ..

اللهم آمين

.......

اببتدي اضيف ان شاء الله التكمله دقايق بس الين ما اكتب ..

ولا تنسوني من دعواتكم الطيبه ..
 
نكمل حبيباتي ..

انا يالغاليات صار لي اكثر من ست سنوات قاعده بالبيت بدون عمل ..

وهو ما قصر نفس ما ذكرت لكم ماديا .. ولكن

بنفس الوقت كنت احس بالمسؤوليه بتجاه حياتنا لما اكون ماسكه زمام المصروف

زوجي من النوع الي يصرف كثير وياريت على نفسه وبس

الا حتى على ربعه مو مشكله عنده يروح معهم اي مكان وهو يدفع للكل

مع ان كلهم موظفين معه بنفس المكان او ربعه يكون رواتبهم اعلى منه

بس انه دايما يحس انه ملزوم من الناس الي معه

حسيت بالراحه والاستقرار المادي بعد ما خلاني انا المسؤوله ماديا

والحمدلله قدرت اني افوت عليه ازمات ماليه عديده من الي كنت اجمعهم من الراتب

خصتا علاج امه وابوه الله يرحمه ..

بعد كل الي صار ...

بوشو تغيرت ..

مستمره على الدعاء ولكن بسبب حالتي النفسيه فيني نزيف مستمر

لا استطيع الصلاة

افكر اني احطه قدام امر الواقع

اترك البيت واخذ الاولاد

وين اروح ؟؟ ما ادري مالي احد

اشتغل بالبيوت وله اشحت

اهون علي من المرض النفسي الي صرت اعاني منه

كوابيس امراض

نزيف مرض اطفالي من غير سبب

شرود ذهن زوجي مع انه يتمنى رضاي
أنقر للتوسيع...


هذي اضافه من موضوعي اول موضوع لما عرفت مصيبت زواجه علي

شوفوا وش كتبت وين اروح ..؟؟

كيف اصرف على نفسي ؟؟

فعلا الي كنت اكتبه كتبته من قلب

كتبته بعقلي

اعتمدت عليه لمده طويله

لدرجة ان البحث عن العمل بسهوله صعب والله اني احصل على عمل

واقدر افتح لي بيت انا وعيالي

ومثل ما ذكرت انا تربيت بتفكك اسري

والله يرحم والدي واموات المسلمين

وانا اعتبر دخولي على خواتي والله مو بصالحهم وعيب بحق نفسي وعيالي

كل وحده متزوجه ولها ظروفها الخاص فيها

وما في احد يستحمل احد بهذي الزمن الا قليل والله

كل الي كتبته بالسابق قررت ..

وكانت من ظمن شروطي لما كانت على ذمته ان يعطيني مبلغ ابتدي مشروعي الي كنت احلم فيه

الآن اختكم في الله

باقي لها ان شاء الله ..

شهر ان شاء الله ..

وينفتح مشروعي

عباره عن مطعم عائلي

طابقين ببرتيشنات واكلات انترناشونال ..

وانا مقيمه بالبحرين والمطاعم العائليه والله قليله خصتا بموضوع البرتشينات

صحيح المطعم كلفني الكثير لدرجة اني طلبت من انسانه عزيزه انها تدخل معي شراكه

والله وفقنا وقدرنا نسدد كل تكاليف المطعم لانه فخم وكبير

والله يجعله ان شاء الله فاتحة خير علي وعليها ..

شريكتي لها من الارباح اقل من النص

ولكن كل شي بأسمي

وما عطيت زوجي مجال انه يتدخل بأي شي

وانا ما راح ادير المطعم اساسا

انا علي المتابعه من بعيد ولي ناس ثقه انا اعرفهم ان شاء الله بيساعدوني

وقتها اساسا ما راح يقيدني زي قبل

لا تروحين الدوام ووووو ويعور راسي

خلاص ما في دوام ولكن ...

ادعوا الله عز وجل ان الله يوفقني

كنت خايفه من الناحيه الماديه كيف ابتدي حياتي لو تركني لو طلقني لو هجرته

خصتا ان ما لي اهل اعتمد عليهم ..

وهذي رساله لزوجي ..

اني منفصله عنه ماديا من اليوم ورايح وان شاء الله على طول

لو حاول يجرحني مره ثانيه

اتمنى انه يفكر مليووووووون مره

كثيرات نفس حالتي يخافون من الطلاق

يخافون من الهجر

يخافون من الزواج الثاني

والخيانه والعشيقات والسبب

مو بس حبا بالرجل ولكن ايضا ماديا مالها اي مصير واضح ...

..........

مو كل الزوجات يهب لهم ازواجهم رضاوه انها تسوي نفسي او نفس غيري

لكن في وحده بالمنتدى معنا

وارسلت لها وحبيت والله اني اذكرها بالاضافه هذي

قالت بدون ذكر اسم عضويتي

هي نفس حالتي بالضبط ولكن عطاها مبلغ بسيط

ولا قالت له اساسا انها ناويه تبتدي مشروع او شي

لكن المبلغ كان مره بسيط

تخيلوا عطاها خمس آلاف

مع ان زواجه الثاني كلفه اربعين ألف

لكن قدرت بتشجيع من صديقاتها

انها تبتدي مشروعها المنزلي

وقدرت انها توقف على رجولها

رغم ان زوجها ما كان مقصر معها

لكن الآن صار لها زوجه اولى لسبع سنوات

وما شاء الله قدرت من المنزل انها تفتح لها مشغل

وما شاء الله لا حول ولا قوة الا بالله

قدرت انها تشتري لها ارض بأسمها

وانصدم زوجها ..

ولسه تجاهد وتنتظر انها تكمل المشوار

وتبني بيت احلامها على هالارض

الي تقول رغم صغر مساحته الا انها فرحانه وسعيده

وحابه انها توجه نصيحه للاوليات ..

تقول ان الزوجه الاولى المجروحه لمجرد انها

توجه اهتمامها وحبها بشي تحبه وتخلي جهدها بشي زي مشروع

او هوايه جديده راح يكون لها بلسم لجروحها

كل نجاح راح يخليها تحس بثقه بنفسها

وكل خطوه للامام تحس انها انسانه ناجحه لها دور ومهمه بحياة الغير

وعلى فكره الاخت الرائعه

ذكرت ايضا

ان هي كانت توفر سابقا لزوجها

وكانت كل ما تشتري اسهم او اي شي

كانت تكتبه باسمه

الين ما جمع وجمعت واخر شي تزوج عليها ..

فهذا كان درس لها

قصرت على نفسها وعلى عيالها ووفرت وبينت له ان هم صابرين

قنوعين ما يحتاج الخساير ما يحتاج هذا غالي نبي الرخيص وغيره من الكلام الي ذكرته لكم

وبالنهايه الزوج يقتنع ان اساسا مهو مقصر على بيته الاولي

بالتالي يبحث عن زوجه ويفتح له بيت ثاني ..

والله الحين دارج عند الرجال مجرد ما يشوف الخير

يقول يلاااا بالزواج الثاني ولمجرد الحرمه الاولى راضيه بالقليل قال يكفيها ما قصرت عليها دام

هي راضيه هذا يعني اني اعطيها الين ما سكتت ولا عاد لها طلبات ..

...........

وانتي غاليتي ..

لو كنتي موظفه حافظي على وظيفتك وتراك مو ملزومه انك تدفعين وتساعدينه الا بإلي تقدرين عليه لو كان وضعه متأزم مررره ..

ياما سمعنا قصص عن الموظفات اخذوا قروض

ولي يعافيكم الى متى ؟؟

على الاقل فكري بوضع اي وحده اوليه لو كنتي مكانها وش بيحصل فيك لو قال لك خيارين

يا انك تتقبلين الزوجه الثانيه او روحي لاهلك

والقرض يا ولد الناس من بيدفعه ؟؟؟

طبعا مو هو لان عنده عروسه جديده ومصاريف وغيره وحفايض بكره للعيال وحليب ووو

قبل ما تقدمين على خطوة القرض او اي شي اطلبي حقوقك اولا

ان كان القرض للبناء اطلبي حقك يكون النص بأسمك

يا متعلمه يا موظفه والله الانسان ما يعرف وش راح يحصل بكره

.........

وانتي غاليتي

ربة البيت ..

وش تفكرين فيه الآن ..

كيف راح يكون لك حياة عمليه خاصه فيك ..

مو شرط عمل مو شرط مشروع

لكن لو هوايه ..

تخففين عن نفسك عبء التفكير بالماضي

زاويه خاصه لك للخياطه ..

زاويه خاصه لك للكروشيه او الرسم ..

راح يخليك ترتاحين وتركزين تفكيرك بعيدا عن عالم الحياة الزوجيه

ركن خاص بك كأنثى كإنسانه لها حق ان يكون لها عالم خاص فيها

حتى لو كتاب يشغل تفكيرك ..

كاتب معين يكون لك خير صديق تتابعين كتاباته ..

......

احيانا انشغال الانسان بشي مفيد

يفتح له افاق جديده يبتكر لنفسه عالم خاص فيه

.....

كنت اموت بشي اسمه طبخ حلويات وموالح وغيره

كنت اموت بأطقم البوفيهات

وكل عزيمه عند خواتي لضيوفهم كانوا يطلبون مني اني انا اطبخ

مع اني مو معزومه هههههه

بس كانت ترسل لي الاغراض وشغالتها واتسلى

وقتها الكل مدح وعلى بالهم ان كل الاكلات من الحلويات الى المقبلات وغيره

من مطعم ..

وانصدموا ان شغل بيت ..

واختي صارت تسوي لي دعايات والله من غير ما اقول لها

بس صارو يطلبون منها وهي كانت تشجعني بالبدايه

وفعلا ..

وقت ما ابي اسوي ووقت ما اكون مشغوله كنت اقول عندي مواعيد ثانيه

وبيوم من الايام

من زود الطلبات الي صارت عندي

وانا قاعده بمطبخي

رحت لمكان بعيد

حلمت بحلم جميل ..

ان يوم من الايام يكون عندي مطبخ كبير

لا لا مطعم يا كنت احلم مطعم لي ..

وكان تفكيري بسيط جدا

كنت احلم

بمطعم صغير حتى بدون طاولات ولا كراسي

مطعم سفري

بوفيهات بس

الي يجي يشوف من خلال البوفيهات وياخذ وهو ماشي

هذا كان حلمي

والله سبحانه وتعالى وفقني وعطاني اكبر من حلمي

ادعوا لي اخياتي

بالتوفيق ..

عسى الله يحقق لكم احلامكم

ولا تنسوني ان هناك ملك يقول ولك بالمثل ..

.......

راجعه اكمل وتراني خلصت من الناحيه العمليه

ولكن عندي بعض الملاحظات راح اضيفها ان شاء الله عما قريب
 
يااااااااااااااااالله ياكرييييييييييييييم..يارب العرش العظييييييييييم..
أسألك أن تفتح لأختي(كنت أحلم) أبواب الرزق والتوفيق ..
اللهم ارزقها من حيث لاتحتسب..وسخر لها عبادك الصالحين..
اللهم اجعله رزقا حلالا طيبا مباركا واسعا ..
اللهم واجعل عملها في طاعتك..وسددها إلى الخير..وقرب الخير إليها..
ولاتصرفها عن عبادتك..بعد أن ذاقت حلاوتهاااااااااا..
اللهم آآآآآآآآآآآآآآآآآآآآآآآآآآآآمين يارب العااااااالمين.
 
الله يوفقك بمشرووعك يارب ويفتح لك باب رزقك ويبارك لك فيه يارب ... ويسخر لك زوجك ويجعلك اجمل النساء بعينه امين يارب العالمين
 
الله يوفقك اختي كنت احلم
ويصلح احوالك وزوجك وابنائك
ويشفيك يعافيك من كل داأاااء
رجاءا اختي لا تهملين نفسك وصحتك
انا اعتقد اللي فيك ده سحر
وده مش بعيد على واحدة زيها انها تعمله
وياريت تطمنينا على نتيجة التحاليل
شفت قصتك من الامس ولم استطع ان انام حتى اقرأها
وتاثرت كثيرا بكل موقف فيها
اسال الله ان يعظم اجرك
استفدت من نصائحك كثيرا جددددددا
بارك الله فيك
ولي عودة لمتابعة باقي الدرر التي تكتبينها​
 
حبيباتي والله سعيده بتواجدكم

كلكم غاليات عندي ويعلم الله اني احبكم في الله من كل قلبي

واتمنى لكم الخير والتوفيق

........

بالنسبه لتحاليلي

والله لو كان عندي خبر سار كان قلته لكم .. من زمان ..

لكن ..

لسه مو عارفين وش فيني ولا يعرفون اساسا هالاكياس الي شرحته سابقا

من ايش وليه وكيف تكون ؟؟

الحمدلله على كل حال الحمدلله الحمدلله على كل شي

احيانا اتعب واحيانا اكون بخير

والتعب الي يجيني سرعة بدقات القلب

ولما عملت تحاليل وكشوفات للقلب ..

برضوا ما في اي شي

لكن الدكتور مستغرب ان لما ادخل الطوارئ

يخافون ان من سرعة الدقات ان يحصل لي جلطه لا سمح الله

تعبت من الكشوفات والمواعيد

واخر موعد لي يوم الاحد القادم ان شاء الله

وان شاء الله اطلع بنتيجه او اني استلم التقارير

واسافر مع ان الدكتوره الاستشاريه

حاولت قدر الامكان انها تتواصل معي وتخبربني

انها حاولت انها ترسل التقارير والصور وغيره من التحاليل

لدكاتره واستشارين بالخارج معارفها

لكن ما توصلت لأي نتيجه دائما تردد ان اول حاله يجيهم ..

طبعا هي شالت جزء وحصل لي انخفاض بالضغط ودقات القلب

فتوقفت من اكمال العمليه

لكن بعد اخر سونار لي

تبين ان الكيس المتبقى رجع لحجمه

ولا كأن شالته اساسا يعني هي تقول بقى قليل

وخلال اسبوعين رجع زاد

الله المعين والشافي ...

كل الي ادعوا فيه

اللهم اجعل علاجي ايسره

واشفني وعافني واشفي جميع مرضى المسلمين

اللهم آمين
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل