خلاصة تجربتي من زواجه علي ونصايحي للزوجات الاوليات (زوجات ناجحات)

وينك حلومة ؟
اشتقنا لنصائحك الرائعة ، لا تطولين عنّا الله يعطيك العافية.
 
كما وعدتكم غالياتي رجعت عشان اضيف اضافتي بعنوان

كيف كنت وكيف اصبحت ؟

بعض التغيرات حصلت والله من غير ما إني اقررها يعني شي نفسي

وبعض التغيرات لا انا حاولت مرارا وتكرارا الين ما قدرت اني اتقن بعض الامور

نبتدي على الصعيد العاطفي ::

بما اننا نحن النساء على اختلاف الانماط الا اننا عاطفيات بدرجات مختلفه

اول شي يأثر علينا نفسيا بأمور العاطفه

خصتا بعد تجربه مريره سواء خيانه زواج او مشاكل مع الزوج ..

بالنسبه لي التغير الي ما كان لي يد فيه

اني صرت جامده ببعض الأمور مثل الاهتمام لصغائر المشاكل

وكأن المشكله الي حصلت والازمه الي مريت فيها هونت علي امور صغيره

واختلافات كثيره بأشياء تافهه ممكن تحصل بين اي زوجين بحياتهم اليوميه

صرت ما ادقق على هالامور وامشيها ولا كأن في شي

ولا اشد الحبل ولا هم يحزنون بالعكس صرت اهدأ بكثير

سبحان الله ما قد مره بالسابق كنت امشي شي الا لما ادقق فيه

الآن تغيرت فعلا صرت مرتاحه نفسيا اكثر من السابق وما اهتم

وهالشي غريب بالنسبه لشخصيتي لاني شماليه شرقيه واخاف من ابسط الامور

الي ممكن يغير لي روتيني اليومي

مثال : لما يحصل امر طارئ ويتغير نظامي اليومي

كنت بالسابق اخاف من هالتغير وكأن بخسر شي اقعد افكر كيف ارجع الامور لنصابها

مع ان شي تافه جدا ولكن شخصيتي كذا

احب كل شي يكون ماشي على نظام معين

مرتبه جدا لاموري واي مشكله لو كانت بسيطه اسارع بحلها

واقعد اكل بروحي إلين ما اتوصل لنتيجه لحل المشكله او الخلاف بيني وبين

زوجي او اي شخص من الاهل او المعارف بس الاهم اني اخلص كل شي بوقته

وهالشي طبعا اثر على نوعية العلاقه بيني وبين زوجي فأنا دائما الي كنت اسارع بالصلح

انا الي كنت دائما اهتم بصغائر الامور عشان ارتب له حياته وروتينه الي متعود عليه

الآن لا كل شي تغير

وان ما راضيته وش بيصير ؟؟

ما كنت اراضيه قبل وش سوااا ...

بالعكس اكتشفت اني لما ابتعد احسسه بالذنب

صحيح الجنوبي الغربي مستحيل يقول انه غلطان

لكن تطنيشه يأثر عليه لانه انسان عاطفي رغم انه يخفي مشاعره الجياشه لاحتياجه العاطفي

لانه رغم انه انسان كسول ويحب ان يتكل على الغير

الا انه ما يحب يظهر ضعفه من هالناحيه

عشان كذا دائما يبين العكس ان كان غلط

يحاول يبرر الامور لصالحه دائما

ووقت التطنيش يحاول يتقرب مثلا بامور كثيره

يطلب حقه الشرعي او انه يطلب حتى شي تافه مثل كاس شاي

وهالشي بالنسبه له كفيل ان يحل الموضوع فيه

لانه انسان يخاف المواجهه ويهرب من المواجهه والمشاكل والنقاشات الي

عارف تمام المعرفه ان مو بصالحه لان راح يكشف الستار عن عيوبه وعن اخطاءه

الي حاصل الآن اني مستحيييييييييييل اراضيه

الا ان كنت انا اخطأت بالكلام او الفعل

اما لو حصل شي من ناحيته

اطنش واشغل نفسي واعطيه نظرات حزينه وان لاحظت

ان مره مره يناظرني لاني على الصامت ومو حابه اني اشتكي له من تصرفاته

الي اسويه بس اني ابين له اني سرحانه وان سألني

وكثير يحصل هالشي ....

لان فعلا يسوي نفسه مهو عارف وش فيك

وكل هذا فعلا بالجنوبي الغربي

انه يسأل رغم انه عارف انه السبب الرئيسي بنظرات الحزن الي تناظرينه

وقتها اناظره وادمع عيني اشوي بدون ما انزل دموعي

واقول له سلامتك ما فيني شي

ويحاول ويحاول ويحاول طبعا ان يعرف ايش فيني

الين ما يراضيني بسوالف ثانيه من اهتمام او غيره

لكن ابدا ما يكون مستعد للنقاش بالي صار من قبل

بس عموما انا فهمت ان مجرد ان يمزح او يطلب شي

او يفتح مواضيع حلوه ويبي يقعد معي جلسه حلوه

اكون خلاص فهمت ان يحاول يراضيني

وقتها تدريجيا انسجم معه بالجو

بالسابق كنت ما انتظر سؤاله لمجرد جلوسي معه

اقول له انت وانت وانت

بالنهايه الاخ يطلع من الغرفه ويدور على شي يسليه

او ينهي النقاش على اساس انه مظلوم وانا الظالمه

او يبرر بصراخ ان الي حصل مو خطأه بل ظني السيء فيه

وما الى ذلك من اساليب الرجل الجنوبي الغربي العاطفي الهارب من المشاكل

............

من ناحيه ثانيه تعلمت من تجربتي

اني اخفي ذكائي والظاهر بخفيه للابد بعد ما شفت النتيجه

قبل كنت لما اتكلم معه اتكلم بمواضيع يا ساتر

كنت احسه متأثر من المعلومات الي عندي

سواء طبيا او سياسيا او غيره من المعلومات

والله ان احيانا ما ابحث ولكن احب اني اتابع البرامج الثقافيه كثير

واحب اشترك ويجيني ايميلات ثقافيه ومعلومات عامه

لما يحصل بيني وبينه اي نقاش لو ان شاء الله عن شي يخص الحيوانات كرمكم الله

اجي عاد اعطيه كل المعلومات الي اعرفه

ويقول لي صدق والله ؟؟

اقول له ايه واكمل كلامي ...

وكنت لما اتكلم اقول له ليه هالحيوان مثلا يعمل كذا ؟

يقول مدري والله او يعطيني جواب خاطئ

اجي عاد انا اصحح له اقول له لا لان كذا وكذا

لدرجة ان مره من المرات كنت اشرح له تفسير آيه

والاخ غااااار لما عرف هالمعلومه مني يقول لا المعلومه خاطئه

قال قولي قولي الايه مره ثانيه

قلت له وما قدر يستوعبها اساسا الا لما فتحت له القرآن وخليته هو يقرأ

وبعدين استوعب كلامي عن شرحي لتفسيره

بعدين قال ايه والله صح ..

الايه كانت الله يسلمكم عن سورة الكهف

كنت اقول له ان الايه الي كانت عن قصة الي كانو عندهم جنتين ووووو

قلت له تدري ان ما كنت عارفه ان المقصود من الايه ان بس واحد منهم عنده جنتين

قال لا الا اثنينهم عندهم جنتين مو واحد

وقعدت اشرح اشرح الين ما اقتنع

لما قرأ كلمة ( أحدهما ) هذا يعني ان الله رزق فقط واحد منهم مو اثنينهم

لاحظت ان لما تزوج

ما كان معطي فكره لزوجته عني الا بالخير

لكن كان يكرر عليها دائما اني ذكيه

مع ان عمره ما قالها لي بصريح العباره رغم مدحي المتواصل له

الا انه ما عمره مدحني لما انجز اي امر كبير او صغير او ان متعب

واستغربت من خوف زوجته مني

كانت دائما تقول لي انتي داهيه بتفكيرك

لمجرد عرفتي موضوع زواجه مني

قدرتي تربطين كل الامور لصالحك

قدرتي تعرفين تاريخ قصتنا على حسب التغيرات الي حصلت قبل سنتين

عليك عقل و ذاكره غريبه

لدرجة انك ربطتي الامور بذكريات احنا كانت لنا وانتي عرفتيها وانا نسيته

قالت اشياء كثيره عني وادري ان هالصفات فيني فعلا

انا ما انتظر مدحه لان واثقه من قدرتي على اني اثقف نفسي

او اربط بعض الامور لصالحي او لصالح عيالي

بس اعرف اني شماليه شرقيه وما احب اي شي عالق بحياتي الا اتصرف فيه

ما احب الهروب من المشاكل ولكن انسانه عقلانيه اكثر ما اكون عاطفيه

والدليل اني وفرت له العيشه الي كانت مريحته ولكن ما طالبته بتوفير العاطفه بكل معانيها

كان يكفيني تقديره احترامه توفير بعض الامور العاطفيه الي يربطني فيه

لكن بالنهايه اكتشفت

ان زوجي انسان يخاف من المرأه الذكيه

ولكن ما يقدر يستغني عنها

يحتاجها لأطفاله او لإدارة شؤونه

ولنفسه حبا بإمتلاك امرأه مميزه

لكن يخاف منها .

ياما كان يمدحني عندها ولكن كان يقول لها

آآآآآآه بس لو درت مدري والله وش بتسوي

تقول يخااااااااف منك

لدرجة ان يقول لها ...

انا ادير ناس بعملي ما ينحسبون على الاصابع

اديرهم لسنين بمواقع كثيره

واتواصل معهم

ولكن ما قدرت عليها اني اديرها

بدونها ما اقدر اقعد حتى لعملي

هي الي دايرتني ودايره البيت بالعيال بكل شي

حتى اهلي امي الي هي امي تستشيرها

والمصيبه احيانا ان تسمع كلامها

وفعلا ايام كثيره لما كانت تشتكي لي امه من الناحيه الماديه

ان راتبها كله رايح على بيتها وعيالها كبار وكذا

وقتها رغم ان اعرف انها من النوعيه الي لو قدمت لها سواء الكثير او القليل

ما يجي بعينها ولكن انا ما قد مره رديت احد

ولا اقدر اني انام الا لما اقدم قد ما اقدر الي يريح ضميري

قلت لها لا عاد تعطين احد ابد

وفري لنفسك سافري تعالي روحي

عيالك موظفين ليه ؟؟

وبالنهايه تغيرت فتره طويله عليهم

واستسلمت لما ابتعدت عنها فتره ورجعت لعادتها ورجع رصيدها صفر

وبعد ما استسلمت قالت ان فلانه هي الي قالت لي ..

فعرف زوجي ان قادره ااثر على امه حتى بمشترياتها

لو لي مزاج امشيها امشيها بس بالوقت المناسب

لمجرد استشاره اعرف كيف ادبر امورهم

لكن من نفسي مستحيل اتليقف ابدا

اذا زوجي خايف مني

زوجي يخاف من جلستي

يخاف اختلط بأهله وافتح فمي ويعرفون اني مو انسانه سهله او تفكيرها سطحي

غيرت كل عاداتي معه

لما عرفت ان ماخذ فكره عن طليقته انها بريئه ولا لها خبره بالحياه

عرفت ان ابسط الامور لازم استشيره

وعرفت ان بعض المواضيع الي بالنسبه لي تافهه

اسوي روحي فيها غبيه واسأله ليه كذا و كيف حصل

حتى اني سألته النووي وش معناته ههههههه

وحسيت والله منه نظره غريبه

اول شي استنكر سؤالي

لكن اقنعته اني فعلا ما اعرف الجواب

وبدى يشرح ويتفلسف وبالنهايه

حسيييييييييت انه راضي عن نفسه

وكأنه انتصر ...

وكأنه يحس اني ضعيفه واحتاج مو بس انه يفهمني

احتاجه لامور كثيره

تعلمت ان الرجل الجنوبي الغربي

يحتاج من المرأه احتياجها له رغم كسله

وتذكرت

ان اذكى النساء من تعرف كيف تسوي نفسها غبيه بحالات كثيره

ممكن حتى انها تطلع من اي مشكله لانها اتقنت فن الغباء

والتمثيل انها بريئه وقتها ما راح يلومها ..

.........

الي كانوا يقولون لا تركبين لمبه خليه هو الي يركبها

لا تعملين اي شي مو عملك اساسا

انا اقول لك مليون بالمئه هالكلام صحيح

لااااااااااااااااااااا عاد

تعتمدين على نفسك وبس من اليوم ورايح

لازم يعرف انك محتاجه لمساعدة رجل

لان بالنسبه لي الرجل الجنوبي الغربي

عرفت ان مهما سويت عشان انه كسلان واتكالي

بالنهايه دور على انسانه

اتكاليه وتمثل البراءه والاحتياج لرجل يوقف معها حتى ينصفها من قسوة الزمن

لي تكمله يالغاليات بالنسبه للامور العاطفيه ولسه بتعمق ببعض الامور العاطفيه

انتظروني ..

واذا ما عليكم امر ..

ابي عطر تواجدكم يفوح بين صفحات هالموضوع

فهذا الشي يشجعني ويسعدني كثير ..

وصباحكم سكر ..
 
ربي يسعدك ويوفقك ويسخر لك زوجك ما شاء الله تبارك الله إنتي إنسانة وزوجة مميزة
شوفي هذي أنا أكبر منك في العمر ولكن استفدت من تجربتك وتعلمت منك حاجات كثير
 
فديتج والله ماقصرتي
ويارب الله يجازيج كل خير عن كل حرف كتبتيه ويوفق عيالج ويبعدهم عن اصدقاء السوء وينور طريقهم ويسعد قلبج وييسر امورج ويحفظ لج ابو عيالج ويعمي عيونه عن بنات ابليس ومايشوف فهالدنيا غيرج
 
حلومة كلامك درر
تصدقين إني استفدت كثير من تجربتك وكل يوم رازة وجهي في موضوعك أدوّر على الجديد فتواصلي معنا أرجوك واكسبي فينا أجر والله لا يحرمك من استجابة دعائنا لك .
 
بسم الله الرحمن الرحيم
الله لا يحرمنا منج ياأختي ومن كلامج
الله يزيدج ويعطيج على قد نيتج ويجزيج كل خير على تخفيفج الامنا ومعناتنا...
وان شاء الله لي تواصل معاج
 
بارك الله فيك يااختي واسال الله انه يوفقك دنيا واخره ويسخرلك زوجك ويبارك في عيالك ويخليهم لك ويحقق لك الذي تتمنينه ويشافيك اللهم امييييييييييين كلامك دررفقد اثلجتي صدري وخففتي عني الشي الكثير وانا من المتابعين لك بشغف واسلوبك اكثر من رائع فقد سجلت واحببت ان اكون قريبه منك لاحضى بالردعليك استمري واسال الله ان يكون في ميزان حسناتك
 
السلام عليكم ورحمة الله وبركاااته​

اختي كنت احلم​

انا متاابعه لك من البدايه ع الصاامت ماكنت ارد والله
الا بدعواتي لك
صدقيني والله حتى في اخر الليل وماكنت حابه اذكر هالشيء لكن اضطريت اقوله عشان تعرفين معزتك عندي​

غاليتي
انا زوجي جنوبي غربي وانا شماليه شرقيه اقسم بالله العظيم كأنك تتكلمين عني وعنه لما كنتي تتكلمين عن زوجك ونفسك ​

تخيلي والله صكيت نفسي بكف لما قريت الفقرة الاخيره لك لانك نفس اسلوبي انا شغوووووووووووووفه جدا بالقراااءة واحب اتثقف في كل شيء ​

تخيلي مثل ماقلتي كنت اسأله عن معلومه سمعتها او قرأتها واعلمه بخطأ الاجابه ان كان مخطيء وهذا أأخر ماحصل البارح قبل ماانام
يااااااااااااااربــــــــــــــــــــــــي ​

وش السواااااااااا ة ​


والله العظيم فيه شغله ابغاها منه قبل كم اسبوع استغرقت تقريبا ثلاث اسابيع ماجابها ويتأخر فيها اخر شيء الاسبوع اللي فات نظرت فيه وقلت له انت بتخلص هالشغله والا لا
وكنت حااازمه في امري نظر فيني و سكت
قلت اقسم بالله انها اخر مرة انبهك على هالشغله كنت معصبه من جد انا لي كم اسبوع اطلبه وهويقضي اشغال اصعب منها واسهل منها ويطنشني لكن بعد ماقلت له هالكلام عصب علي وحلف مايخلصها لي وقعد يقول ليه تهددين يعني بتخوفيني ​

انا بس نظرت فيه ومارديت طلعت برى الغرفه ​

والله ماجاء الليل الا وهومخلصها هالاغراض وجايبها لي طبعا تصالحنا وقالي انا اصلا كنت ابجيبها من قبل بس انسى بعدين قال تدرين اقسم بالله خفت منك والله اتفاجأت منه لما قالها ​


صحيح مايمدحني ولاادري عنه اذا كان يمدحني من وراي لكن والله من اول ماقرات قصتك وانا اقول هذي انا نفس شخصيتي اما زوجي الله يستر علييه​


للمعلوميه والله انا مااحب اتكلم عن حياتي الزوجيه ودائما مااخفيها قدر الامكان في المنتديات بالذات لكن اللحين طفح بي الكيل وقلت لااااااازم اقول لكنت احلم حياااتي لعلها تفيدني وضرووووري جدا اريد التواصل معها ​

جعلك ربي واخواااتي الكريمااات من اهل جنته ومن اهل خاااااااصته آآآآآآآآآآآآمــــــــــــيـــــــن​
 
ربي يسعدك ويوفقك ويسخر لك زوجك ما شاء الله تبارك الله إنتي إنسانة وزوجة مميزة
شوفي هذي أنا أكبر منك في العمر ولكن استفدت من تجربتك وتعلمت منك حاجات كثير

 
الود ودي يالغاليات اني ارد على الجميع

بس والله ابيكم تتأكدون ان اي رد ينكتب بالموضوع

اني اقراه مرات ومرات ويسعدني تشجيعكم لي للمواصله

احاول اني اشوي اكون هنا عندكم واشوي على الرسايل

وما ودي والله اهمل رسايلكم وكلماتكم الطيبه الي ترسلونها لي

لأن تعني لي الكثير وكثر ما تتأثرون من بعض ردودي الا اني

اتأثر من كل حكايه اقراها على صفحات الرسايل

اتمنى اني امسح دمعات الكثيرات وارسم الفرحه بحياتكم

فعسى الله ينولكن الصبر ويستجاب دعواتنا اللهم آمين

............

طيب ابكمل حبيباتي ..

تغييراتي على الصعيد العاطفي :

اكتشفت ان كل الانماط ما يحبون اللصقه

ما يحبون ان المرأه تكون نفس ظلهم كل ما يدخل البيت

يشوفها لاصقه فيه

وبعض الحريم الله يهديهم هههه انا كنت بالاول كذا بس يناموا العيال

ما يحلى لي الجلسه الا بحضنه حتى لو نتابع التلفزيون

بالنسبه لنا نعتبره ( من زود الحب نطلب القرب + او نقص من اهتمامه نقعد نشحت حتى لو بس تحضين يكفينا عشان يخمد النار الي بقلوبنا من الطفش من حالة الركود العاطفي بين الزوج وزوجته )

بالنسبه له ( يقول اووووف جت تضايقني الآن + ياربي حتى بالبيت مو مرتاح + يا ترااا وش تبي الحين اترك التلفزيون طبعا عشان ترضى واقعد اسولف معها بشنو طيب ما عاد في شي نتكلم عنه )

وان كان مره مره مشتاق طبعا بيبين عليه انه مبسوط

بس عطيه اشوي مجال بتشوفين عجب العجاب بيقول بمد رجولي ايدي تعبت
احس الجو حر كل انواع الاعذار يجيبها ويصفها بس يبي الفكه من وضع التحضين الي صار بالنسبه له روتين

هذي طبيعتي كنت اعتقد ان من بداية زواجي مجرد هذي عادتنا ما راح يتغير شي

وبعد كل مره كنت اجر خيبة املي واطلع من الغرفه لو مل من جلوسي بحضنه

وكنت اظن ان خلاص ما عدت اعجبه اكيد يكرهني اكيد مل مني افكار كثيره براسي والوسواس شغال

واليوم الثاني كنت انتظر رجوعه واسوي نفس الشي ابد ما كنت اتعلم اهم شي

اني اخذ الكميه الي احتاجها من الاهتمام هذا المهم بالنسبه لي حتى لو كان بيفشلني مرات ومرات

بعد كل الي حصل بديت اقرأ اكثر واكثر عن طبيعة الرجل

وعن نمطه ..

اكتشفت ان زوجي يجذبه الكلام الحلو اكثر من اللمس والتحضين

لدرجة ان بالكلام الحلو هو الي يتقرب ويطلب مني اجلس جمبه ويمسك ايدي وووو

صدقوني لو ناقشتيه بالموضوع بطريقه جاده مثل ما كنت انا اسوي بالسابق

انتي بعد كل نقاش بتحسين انك مكسوره ما حصلتي منه اي نتيجه يرضيك ويعطيك الاحساس الي تتمنينه بقربه

ولما تحسين انك مهمله راح ينعكس هالشي على تصرفاتك

ولمجرد انك تكلمتي بالموضوع معه

هذا بيعني له انك مهمله فعلا من ناحيته وكأنك توضحين له ( ما عدت انا الشي الي كنت تتمنى قربه زي ايام زمان )

ممكن حتى يفكر صحيح تفكيرها صحيح ما عاد فيها شي يجذبني

لان اساسا الرجال ما يترجم افعاله كثر ما يترجم الكلام الي تتهمينه فيه

مثل ما عاد لي لزمه

ما تحبني

انا صرت قديمه

مالك خاطر فيني

انت بايعني وما تهتم وووو

اما افعاله الطبيعيه على حسب نمطه شي طبيعي

ان ما بيترجمه لان هذي من طبيعته

لكن برضوا من كلامك بيحس فعلا انا ما ابيها تقعد بحضني ليه ؟

يمكن تكون هي صادقه

احبها بس ما ادري ليه ما عدت ابي قربها

انت بنفسك تعطينه مجال ان يبحث ما بين كلامك على اعذار ويصدقها ..

لا تجين ترزين للرجل الجنوبي الغربي

كل الكلام الحلو والعاطفي والغزل بدون داعي

يكفي دخلته عليك تقولين كلمه حلوه

ان قلتي شي يأثر على عاطفته صدقيني طول الليل مزاجه معك توووووووب بالعلالي

ههههه قد مره سويتها ببداية ازمتي

قال لي كيفك حياتي ؟؟

زفتتتتتتتتتتتت ( مدري ليه اساسا زعل هههه وش بيكون حالي مثلا هههه صار لي يومين مكتشفه بلاويك )

ههههههه والله انقلب الرجال مئه وتسعين درجه وتمينا طول الليل مشاكل ونقاشات

ومن يومها انا واعده نفسي وماخذه عهد على نفسي

اني ما ارد عليه الا بكل شي حلو لو كلمه حلوه بس

الحمدلله طيبه دام شفتك حبيبي

الحمدلله الآن انا طيبه برجوعك

اكيد طيبه حبيبي من يشوف هالوجه و ....

الرجل الجنوبي الغربي يموووووووت بالكلام الحلو

بس مو من غير مناسبه يعني

دخل سلم نفس ما وضحت

طلب منك شي تجيبينه له :

ما طلبت شي حبيبي ( لما اركض عشان اجيب له الي يبيه ارجع واشوف وجهه ياللله مدري كيف اوصف لكم تغيير شامل بالرجل الجنوبي يطلع مواهبه العاطفيه كلها على وجهه يكون جاهز ان يعطيك مو جرعه وحده الا جرعات )

اعتبريه زي المكيف ان ما ضغطتي على زر التشغيل ما راح يدفع لك اي هواء بارد يبرد على قلبك ( وش ذأه التشبيه )

بس والله اني صادقه هالرجال بالذات هذا الي يبيه شغليه بكلمه حلوه اول ما يدخل البيت

اول ما يبي ياكل ذكريه ان يسمي بطريقه حلوه

اول ما يقوم من على الاكل ( خلصت حبيبي بالعافيه ان شاء الله )

يتسبح يلبس عاد انتي وشطارتك كل مره عطيه كلام غير

بيطلع من بيتك وهو مبسوط ويرجع لك وهو يتمنى بس يرجع ويلاقيك نفس مودك تعطينه من حبك

لا تجين صوبه الا لما يقول لك

وصدقيني ما راح يطول الا وهو يطلب منك تجين عنده

يعني ما راح تخسرين شي

انتي عطيه من الكلام الحلو بس بالوقت المناسب نفس ما قلت

وشوفي كيف مزاجه يتغير ينسى كل شي ويعطيك الاولويه

وياما طلعني بنص الليل يمشيني عشان من زود وناسته مهو قادر ينام الاخ

لو كنت اساسا معطته ريق ناشف من دخوله كان شفت منه هوايل اتهامات ووووو

ولا عاد يشوف هالوجه :30:لما تكونين معصبه هالوجه احلى بالنسبه له بس على خفيف عاد :8:

بس مو اول ما يدخل اشوي اشوي

هههه مثل ما قلت لكم لما يناظرك او يسألك وش فيك هذا يعني

ابتدى دورك الآن غمضي اشوي وتذكري اسوء مرحله بحياتك ههههه

عشان بس تدمع عيونك وطالعيه بكل براءه وقولي له سلامتك حبيبي ما فيني شي

دام قلتي له بكل هداوه ان ما فيك شي وقلتي له حبيبي

هذا والله بيعطيه دافع ان يتقرب منك ويسوي لك الي تبينه بس بعقل عاد مو مباشره تطلعين كل الي بقلبك ..

اقول لكم على شي بس ما تضحكون ..

مرت علي ايام صدق صدق منهاره نفسيا من الي حصل يعني بأول اربع ايام

وش صار ؟؟

كل ما يحصل شي

اقعد اصارخ واقول له الآن الآن تروح وتجلس مع نفسك وتسأل نفسك كيف تراضيني

يلا راضيني بسرعه قول لي كلام الي يريحني

وانا ادري لو يصفف لي كلام وكلام ما راح ارتاح نفسيا

لاني كنت بحالة من الانهيار اني اساسا ما كنت عارفه وش الي يريحني

صحيح انه وقف معي لكن لو مزودتها بعد زياده

يعني لو مسويه هالطريقه معه بعد شهر من الي صار

كان والله ما يعطيني اي اهتمام ويصفق الباب وهو طالع

لكن تغيرت لأن فكرت بالعقل :

راح اخسر كل شي
راح تفرح ضرتي لو واصلت بالطريقه هذي
بيلاقي راحته عندها او او او
لاااااا

والله ان احيانا يجيني نفس الوسواس وما اطيقه ولا اطيق وجوده

لكن احط على نفسي لان ابتسامه عند دخوله او كلمه حلوه

جو البيت كله يتغير وعيالي ينبسطون بقعدة ابوهم

لأن بيكون عنده مزاج يلعب معهم ياكل معهم او يطلعهم ...

شي ثاني :

كنت دائما اقول له تحبني ؟

اممم + ايه + اموت عليك + اكيد + انتي وش تحسين

هذي الردود الي كنت احصل عليها لا اكثر ولا اقل

تدرون الآن وش اقول له :

حبيبي انا ادري انك تحبني واني دلوعتك

انت ياما اهتميت فيني الله يخليك لي ما قصرت بحقي يوم

انت حبيبي ياما دلعتني اساسا انا اختربت من كثر ما دلعتني

الناس يحسدوني على الدلع الي تدلعني وطريقتك معي

ونفس الوقت يقولون لي وش اسوي لك اقول لهم اني بس احبك

واموت فيك اقول لهم اني انا عندك من وانا صغيره يعني انت الي مربيني

هو الي عودني على الدلع وما يقدر على بعدي ولا يهون عليه دمعتي ....

صدقوني صدقوني .......

الي حصل بعدها ...

بين فتره وفتره اعطيه من الافكار الايجابيه وادخل براسه الصوره الحلوه الي

بيني وبينه بدل ما اسأله تحبني وبس ؟

اقنعه انه مدمن علي اقنعه اني دلوعته

ما عاد يرفض لي طلب ما شاء الله لا حول ولا قوة الا بالله

يخاف علي كثير وكأني لسه طفله

ما عاد يقدر ينتظر رجوعي من زياره خفيفه يقول يلا ارجعي انا بروحي قاعد ..

والاكثر من كذا

مره مدري والله ولدي وش قال اعتقد ان رفض انه يدخل غرفته يدرس

ابوه يقول له اسمع كلام امك احسن لك وما ارضى مره ثانيه تكلم كذا فاهم

طبعا بنتي من النوع الي تنكت وتحب الفرفشه

قامت تقول هوووووووووووب هوووووووووووب بس وقفوا حب وغرام

ولأول مره فتحت فمي من المفاجأه زوجي كان يستحي يقول قدام عياله كلمه غزل او ...

هالمره تخيلوا وش قال ؟

قال لهم نفس الكلام الي كنت افهمه

هذي دلوعتي

تدري يا بابا اني اخذتها من بيت اهلها وهي اكبر منك بس بكم سنه

يعني انا الي مكبرها ووووو

...............

انتي بيدك تغيرين افكاره على حسب اسلوبك

شوفي وش ودك تدخلين راسه واتبعي طريقتي

مره ومرتين وثلاث وشوفي بعدها المعامله كيف ونظرته لك كيف

بيقدرك وبيحترمك ؟؟

لان اساسا انتي زرعتي في عقله انه ما يقدر يعيش بدونك انه مدمن عليك ويحبك ,,,

بس شوفي الوقت المناسب وتمريني كويس على الطريقه الجديده وشوفي كيف تقدرين تأثرين عليه

لا تنتظرين النتيجه مباشره لكن اكيد راح تحسين من عينه ان كلامك مؤثر بالنسبه له

لانك تمدحينه انه مو مقصر ومدلعك وانك سعيده معك

بس ما يقدر يقرأ ما بين السطور

لانك ناويه على نيه انك تدخلين برضوا كلام يمين شمال

انك غاليه وانه ما يقدر يستغني ووووو وانتي وشطارتك

انا بالبدايه كنت اكتب العاميه بورقه وصرت اتمرن على الكلام

وكنت اضحك بالبدايه على نفسي

لكن بعدها قدرت اني مو بس اتقن الي بقوله

الا اعطيه نكهه من العاطفه وكأن هالشي حقيقه

انا اقتنعت فيه قبل ما اقنعه

.............


لي رجعه حبيباتي
 
موضوع حلو ويعذب

بالنسبه للقاعد يسويه زوجك اغلب المتزوجين على زوجاتهم يسوونه

خصوصا اذا كان خايف يخسر بيته اما زوجه الي تزوج عليها زوجها وحسسته انها ماتقدر تعيش من دونه بتلاحظين زوجها بيطنشها

اما الي يحس باي لحظه ممكن تتركه فبتلاقينه يسوي كامل حقوقها ومارح يقصر معاها علشان لما تطلب الطلاق ماتلقى عذر

اتمنى ان زوجك يرد لك ويحفظك لبعض طول العمر
 
السلام عليكم ورحمة الله وبركاته اختي كنت احلم واخواتي البلقيسيات

ههههههههههه من اليوم ورايح راح ارد على موضوعك وماراح ابقى على الصامت خخخخ

اسعدكن الرحمن وطيب حياااتكن بذكره


واصلي عزيزتي جدا متابعات لك بشغف واكثر من الاول بعد:a200::c011::c011:​
 
تصدقين إني استفدت كثير من تجربتك وكل يوم ادخل موضوعك أدوّر على الجديد فتواصلي معنا أرجوك واكسبي فينا أجر والله لا يحرمك من استجابة دعائنا لك .
 
يسلمووووووووووووووووووووووووووووووووو
التوفيق من رب العالمين
اله يسير اموزنا كلنا
ويجعلنا اجمل النساء في اعينهم
 
ماشاء الله عليكي وربنا يحميكي من كل عين يارب

ويلم شملك إنت وزوجك وولادك على خير


ماشاء الله أتحفتينا بردك الأخير

وتولد عندي إحساس من ناحيتك مثل إحساسي بأم بسمة لما قريت قصتها


نفسكما تخدموا كل المتزوجات وما بتبخلوا عليهما بالنصايح

جزاكما الله عنا كل خير


أحس بك بتتعاملي معانا هنا كأنه إحنا فعلا أخواتك من جد

نفسك إنه مافي حد يوقع بنفس الأخطاء للي وقعتي فيها



بتحاولي تشرحي بكذا طريقة حتى لاتتجرع الأخوات نفس الألم والمرارة التي عشتي فيها


سبحان الله



قليل جدا أن تجدي ناس في مثل مواصفاتك

ربنا يشفيكي ويبارك لك في صحتك وأولادك وزوجك

ويجعل ثواب كل حرف كتبتيه في ميزان حسناتك يارب



أحبك في الله ياأختي
 
مساء الخير

نورتوا صفحاتي ..
الله لا يحرمني منكم

ويوفقكم ويسعدكم
اللهم آمين

..........

نكمل حبيباتي ..

يلااااااااا..

قبل ما اعرف عن الانماط وغيره

كنت الاحظ على زوجي اشياء وكنت اعتقد ان

كل الرجال ممكن يلفت نظرهم شي من الاشياء الي كنت اسويها

له و كان يلاحظه بتعجب ..

كنت اعتقد ان هالشي من طبيعة الرجل عامتا

مثال :

لما كنت اخذ دوش سريع ما قبل النوم

وبعدها ارجع لغرفتي ويكون طبعا هو يتجهز للنوم كمان

يشوف شي يسليه ما قبل النوم قصه

أو مجلة ماجد هههههههه المفضله عنده

كنت أنا اباشر بترطيب جسمي من والى هذي كانت عادتي من زمان

لكن بكل مره كنت الاحظ عليه انه يناظر بشكل مو طبيعي

مو نظره مغريه كثر ما هي نظره انبهار بالاهتمام والدلع

كنت اظن ان كل الرجال كذا ينبهرون بالمرأه المهتمه

الرجل الجنوبي الغربي

بالنسبه له إن المرأه المميزه هي الي تهتم بنفسها

تدلع روحها بأي طريقه وبكل وقت تكون كيووووووووووت بمعنى الكلمه

ما يحب يشوفها مهمله ابدا لنفسها

حتى بأختيارك للكوب الي بتشربين فيه الكوفي او الشاي

لو خصصتي لنفسك احلى كوب وافضلهم ولك لوحدك

راح يحس انك فعلا تدلعين نفسك

مثال مبسط لكن فعلا هالنمط يحس بكذا

كريماتك غاليه = الغالي للغالي

لو بيهديك يوم من الايام شي ما راح يهدي الا الشي المميز

لأنك مو مقصره على عمرك

بعض الاحيان الرجل الجنوبي يصبر على اهمالك لنفسك

لكن عند اول فرصه اووه رحتي ملح

يعني بيقول لك بطريقه تجرح مشاعرك

لأن لمجرد اهمالك لنفسك هذا يعني له ان مو هي الي اتمناها لنفسي

ويخاف من هالتغيير

يحبك دائما نعومه جميله مبتسمه مهتمه باكسسواراتك وتحافظين على التغيير

يحب يطلع من عندك وانتي لابسه ويرجع وانتي لابسه شي ثاني

يحب انك تكونين فوااااااااااااااااااحه من كل صوب بجسمك

شعرك جسمك المنطقه الخاصه دولابك غرفة نومك كل شي يخصك

حتى الشامبو الغالي الفواح ان خصصتيه لنفسك بس يعني مو للعائله كلها

راح يشوفك بنظره غير شكل

خلونا نرجع للكلام عن العاظفه ...

بالسابق كنت :::

البس قمصان نوم وقت الي اعرف ان امس ما ..

فأكيد اليوم ...


فكنت اتهيء لكل شي اتروش وادلع نفسي عدل واجيه وانا كلي جاهزه

وقتها كان يفهمها من غير كلام لكن مو دائما كنت اتوصل لنتيجه

يعني احيانا ايوه واحيانا لازم انتظر الين ما يخلص الفلم الي يتابعه وبعدين

يمدح وووو الين ....

احيانا كنت اعصب ..

واحيانا كنت انتظر

واحيانا نفس ما ذكرت كنت اقط روحي بحضنه

الآن .........

وش التغير الي حصل

ياما يا حبيبي كنت اجيك وانا جاهزه وبفتره سنتين كنت مشغول مع ذيك ..

كنت تعتقد اني ما راح اتغير ودائما على استعداد اني افتح لك ذراعي وارحب فيك

لكن تغيرت فعلا

ابتديت مع قمصان نومي ..

لما تجيني الدوره

كنت البسهم وانام فيهم

كنت اوضح له ان قمصاني لمتعتي وبس

كان بالبدايه يناظرني بشكل مو طبيعي

واخر شي يقول لي

انتي ما قلتي فيك الدوره ؟

ايوه :1:

أجل ليه لابسه ولا بعد جديد ما عمرك لبستيه

ليه انت تعتقد ان قمصاني بس لل....

انت ما تدري انا ليه كنت البسهم انا عمري ما لبستهم عشانك وبس

احيانا البسهم بعد ما تروح العمل وانام

لاني احس براحه واحب الدلع

يبتسم ..

وابخ من عطوراتي الغاليه واسرح شعري

وافكه وانام ....

بعد ما خلصت الدوره

نفس الطريقه ما غيرتها يوم القميص محتشم ويوم اشوي نص ونص

ويوم خلاااااااااااعه

وما قمت ابادر ابدا

ما عدت البس واروح له ما البسهم الا لما ابي انام وبس

عشان يعرف ان قمصاني لهم وقت معين وقت راحتي

وصار يتدخل بوقت راحتي ويبي راحتي كمان يشاركني فيه

صار وقت ما يبي او ما يبي انا جاهزه لكن ما ابادر

لكن ...

صرت من ناحيه ثانيه اعرف ان الرجل الجنوبي الغربي

يحب التغيير بالجنس بطريقه غريبه

يحب الجديد

يحب الدلع والكلام يثيره جدا

وقت ...

عرفت اني لو قلت له بوسط ...

انا الحين ابسوي الي ابي ...

وقتها بصير انسان مجنون فيني

انسان مو طبيعي فعلا اشياء كثيره بينت على حقيقتها لما انا تغيرت

عرفت ان كان بخاطره اشياء كثيره يسويها لكن يستحي ان يتكلم

مع ان انا مو مقصره بالجديد من ...

لكن هذا هو الجنوبي الغربي

لكن انتبهوا من شي لا طاعه في معصية الخالق

كيف ثقفت نفسي عن طرق وحركات الجنس

طبعا الكل يعرف ان متابعة الافلام الخليعه ووو حرام

لكن عن طريق النت قدرت اني اثقف نفسي بحركات جديده

عن طريق رسم فقط يعني ما يثير لانه ما يبين رسم الاعضاء وغيره

ولكن رسم طريقة الجسد وقت الجماع ..

تغير معي كثير وعرفت ان رغم ان نمطه يحب التغيير بالجنس

وان اكثر الرجال الي يخونون هم الجنوبين

الا انهم خجولين مع الزوجه ممكن يتهمها بالقصور بأي شي

بس ما يقدر يقول لها انتي ما تعرفين تسوين كذا وله كذا

الا ان فورتي دمه مره ولا هو قادر اساسا يخون وقتها بينفجر بوجهك

فلما ينفجر هوني على نفسك والله ان افضل من خجله ودوارته يمين يسار عشان يغير

انا خلصت على الصعيد العاطفي .. وان تذكرت شي اضفته ان شاء الله لكم


:::::::::::::::::::::::::

ابتكلم على الصعيد العملي ....


بدايتا تراني تغيرت من هالناحيه كثييييييير

وان شاء الله من خلال سطوري راح تفهمون كيف التغير حصل

عندي نصيحه للخوات

خصتا الي توهم متزوجات من البدايه علميه على الشي الزين لما تختارينه لنفسك

حتى لو كانت ماديته مو كويسه يكفي ان مجرد تروحين تقضين لنفسك ثلاث مرات او ... بالسنه

اهم شي انك ما تقصرين على نفسك بالشي الزين الغالي ما عنده مو مشكله يجمع لكن انا ما ارضى الا بالغالي الكويس الي بينفعني ...

وراح تشوفين كيف زوجك بيعتبر هالشي مو بس انانيه الا بيترجمها بأشياء كثيره بتكون لصالحك راح اوضح بعدين ...


ابدا ابدا لا تقولين لا هذا غالي المحل الثاني فيه ارخص

ياما ترااا سويتها لكن كان يلفت انتباهه بعض النساء الي لابسات ماركات وغيره

وقتها حسمت الموضوع من فتره طويله حتى قبل زواجه

ولأسباب ثانيه كمان انا قررت اني ما اخلي شي بخاطري ابدا ابدا ابدا

اقول لكم ليه ؟؟

زوجي ما يقصر على اهله ابدا

خواته يستغلونه شر استغلال

هذا الشي طيب ولكن مو بطريقه مرضيه نفس ما كان حاصل

شي ثاني هو اساسا مو مقصر معهم بس ما يقدر يرد احد ابدا

مع ان اخته متزوجه والثانيات لا بس برضوا يعاملهم بالنسبه للمصروف سواسيه

وقتها انا كنت افكر بشكل عقلاني اكثر

كنت اتمنى البيت والسياره وحساب بالبنك يريح عيالي لما يكبرون

كنت اتمنى ان ولدي او بنتي ما يكبرون الا سياراتهم موجوده وقيمتها محفوظه

عشان يروحون الجامعه بدل الاحتياج للتوصيل

كنت اتمنى ان اسفرهم للدراسه للخارج وهذا حلمي الي ما حققته لنفسي

كنت افكر بالطريقه هذي

لما شفت طريقة تعامله معي كيف ومع اهله كيف

عرفت ان الخطأ مني انا

بديت اهدده اني ابي اشتغل

وعارفه تمام المعرفه ان هالشي ما يحبه

يعرف اني جذابه ويعرف ان اكثر الاماكن عندنا فيه اختلاط بالعمل

ويعرف سوالف السكرتيرات حتى لو كانوا محافظات لكن الرجل كيف طريقته بتفكيره للمرأه

مو هي كانت سكرتيرته !!!!

انا كنت اعمل وكنت مرتاحه وما اشتغلت الا لما عيالي

راحوا الروضه يعني مو من بداية زواجي

كان مكرهني بعيشتي وقتها لانه يغاااااااار جدا مو بس علي

يغار من اي شهادة شكر اجيبها البيت

يغار من اي اهداء من الموظفين

واتذكر مره كنت راجعه وعندي باقه من الورد

بعد تكريمي ..

كان مبتسم لكن واضح عليه الغيره

واساسا مكتوب بالكرت ان من مجموعة العمل كعامه

يعني من الاداره وبس ..

لكن ادري انه كان ميت قهر لاني مو محتاجه له

الين ما جه قرار اداري من نقلي من مكتب الاداره

الى مكتب اخر لحالي بقسم اخر

وصرت رئيسة قسم الانتساب للخارج للدراسات العليا

كنت طايره من الفرح

لكن لمجرد اني فتحت باب شقتي عرفت حقيقة عيشتي

اني مع رجل غيور من اي نجاح حتى لو كان نسبي

قلت له بالي حصل وكنت انتظر ردة فعله

بين انه فرحان وسعيد لي

لكن كان ينتظر الوقت المناسب ان يطلع لحقيقته

وابسط شي الصباح

يأخرني عن دوامي عشان انه انسان كسول اتكالي

عشان كاسة شاي السكر ناقص زايد يسوي لي سالفه

الين ما خلاااااااص تأزمت الاوضاع بالبيت

بدل النظام والروتين الي يعيشوا فيه كل الموظفات

انا كنت ارجع الاقي مشاكل وتكسير واتهامات بالقصور مع اني ما كنت مقصره

انا دوامي فقط صباحي كيف اكون مقصره

ما يجون عيالي الا انا وعندهم

ما انام الا طبخي جاهز لهم لليوم الثاني كيف مقصره ؟

إلين ما قدر الله وما شاء فعل

كنت اعمل بمكتبي و اباشر على حجز صالة للاجتماع

وغيره من الترتيبات وقتها كان في اكثر من دكتور

من الخارج للدراسات العليا المفروض اخلص اجراءاتهم ووو

و ترجيته اني احضر هالاجتماع ما يصير ما اروح

مع ان الاجتماع كان بالفتره الصباحيه يعني بدل ما اروح الدوام اروح

للصاله الخاصه الي حجزتها وخلصت معهم للاجتماع هذا ..

وبعد مشاكل ومشاكل اعطاني الموافقه

ولما رحت لقيت هناك اكثر من دكتور كنت اتواصل معهم بس على التلفون

بما يخص العمل وغيره

يعني فترات طويله كنت اتابع معهم بالتلفون وصار ان تلاقينا وجها لوجه

وقتها دار حديث بينا عن الدراسه

واشوي حسيت اني حنيت لحلمي السابق

اكمل الجامعه ..

رجعت بحلمي لبيتي ومع الايام صرت اتناقش معه

يا اخي بس انتساب بس انتساب ارحمني

هذا الشي مو بس لي هذا الشي لعيالي ابفيدهم بالمستقبل ووو

لكن لا رجاااااااااء مع هالرجل

بالنهايه خسرت المعركه بعد تصادم مستمر

وقدمت استقالتي وضاع الامل بكل شي كنت احلمه على الصعيد العملي ...

بعدها بسنتين ..

فتحت معه موضوع الوظيفه من جديد

ووافق ..

لعل اوضاعه الماديه هي الي خلته يوافق

ورجعت اقدم

ولقيت بشركه تسويق ... والشي الي كنا نسوق من اجله او نعمل له اعلانات يقدر بعشرة الاف ريال

واشتغلت فتره ثلاث شهور وبعدها

صرت توب سيلز قدرت من خلال الاعلان اني ابيع باول شهرين 17 جهاز كل جهاز بعشرة الاف ريال

الين الشهر الثالث ارتفعت نسبة المبيعات عندي

وبعدها عطوني شهادة ولسه محتفظه فيه

عليه صورتي و نسبة مبيعاتي وكلام مره مؤثر بالنسبه لي وقتها من المدير العام

رجعت البيت عند اول صدام بيني وبينه

قلت خلاص ما فيني انا بستقيل

قال لي اليوم الثاني قومي روحي دوامك خلاص

قلت له لااااااا انت ملزوم مني

وطنشته بدون كلام ابدا اسوي واجباتي

واعطيه حقه الشرعي وبس

اما كلام قعده كلمه حلوه لمسه حلوه ابدا ابدا

حتى الاتيكيت نسيته معه بتقديم الوجبات

بالنهايه هو من نفسه جه وقال لي رضاوتك

كل شهر اعطيك راتبي كله واخذ بس الي ابيه

وفعلا تم هالشي لسنين طويله الى يومكم

ولو شهر واحد يتأخر امد البوز

صحيح اني ناعمه بتعاملي معه لانه ما يجي الا بالكلام الحلو

لكن برضوا يعرف اني قوية بحالات الي يخص من حقه يوفي بوعده

ودائما ادخل الفكره براسه انت عودتني انت الي خليتني كذا

انت الي علمتني ...

وقتها ما في تراجع يعرف اني ما اغصبه

دام يراضي فلان وعلان

انا برضوا لي الاولويه بمراضاتي

راجعه اكمل لكم وش صار بعدها وكيف قدرت اتغير

على الصعيد العملي .....

 
قبل ما اطلع نسيت اني اضيف اضافه مهمه جدا

بالنسبه للرجل الجنوبي

تراا ما يحب المرأه الي تشتغل

يحبها مرأه ناعمه مو شرط معتمده على نفسها لكن معتمده عليه

هذا الشي يرضي رجولته عكس الشمالي

ولكن يحبها مرأه مليانه انوثه وامومه ومراعيه بيتها وعاطفيه وووو

لكن حبيباتي انا تغيرت على الصعيد العملي

مو لأجله عشان يرتبط فيني اكثر

راح اوضح لكم ليه مع اثباتات سابقه كانت مؤثره لما كتبتها لكم بعز انهياري

راح اخذكم معي من بداية التغير الى نهايته ان شاء الله

لكن راح اعطي نصايح لربة البيت الي ما تعمل

لعل تقدر تساعد نفسها من خلال سطوري وتقوم نفسها بنفسها

خصتا لزوجات الرجل الجنوبي الغربي

على فكره يمكن هالاضافه تكون بصفح 51 لكن اضافتي الاساسيه بصفحة 50 ههههه

للتوضيح فقط

واسعدني تواجد الجميع للمتابعه

الى اللقاء إن شاء الله
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل