خلاصة تجربتي من زواجه علي ونصايحي للزوجات الاوليات (زوجات ناجحات)

الف مبارك رجوع زوجك اليك وعودا سليما مباركا ان شاء الله ولا ننسى الزوجه الثانيه ان ربي يعوضها خير وانها تتزوج من رجل ا خر حتى تنصرف عن بال زوجك وحياته اللهم امييييييييييييييييييييييييييييييييييييييييييين
 
هلا ومرحبا اختي الغالية كنت احلم
اولا اسال الله العلي القدير ان يشفيك ويعافيك واساله ان يكتب لك الاجر بكل مامريتي به
ثانيا اهنئك على اسلوبك الرائع وحبك لااخواتك الزوجات الاوليات وجزاك الله كل خير عن كل كلمة كتبتيها واردت بها تصحيح وضع اخت لك عاشت الم وذاقت مرارة لايشعر بها الامن تجرعها
ثالثا اسال الله برحمته ان يرحم كل زوجة اولى ويربط على قلبها ويرزقها الصبر والرضاء فهي رغم جرحها النازف الانها تتجلد وتكافح من اجل ان تستمر بها الحياة
رابعا اللهم يامن تجيب المظطر اذا دعاه وتكشف السوء اسالك بقدرتك التي لايعجزها شي بالسموات والارض ان تكشف السوء عن كل زوجة اولى وترد ها زوجها ردا جميلا
وتحياتي لك بالغلاء
 
أسأل الله الكريم رب العرش العظيم أن يشفيك ويسعدك في الدنيا والآخرة

نفس قصتك

مرت عليه

يارب أقدر أكتبها لكم :(

بس أختي عليك بالدعاء والتحصن وأخذي حقوقك كاااااااااااملة وزود عليها

ولا تعطينه أكبر من حجمه
يعني خليها عادي

ولاتغيرن شيء وخليك على شخصيتك ولا تلقين له بال

هو هو ماراح يتغير
وأنتبهي زييييييييييييين

تراه في فترة نقاههة
يعني

أعتبريه مريض وخذي حذرك وخليه جزء من حياتك

لاتخلين العاطفة تجرف له كثير

هم هم خونه مايتغيرون
اول مايشوفون أنفسهم يجرون وينسونا ويدوسون علينا ولا يهتمون بجراحنا ولا أنيننا ولا صراخنا

فلاتعطيه اكبر من حجمة تراه ماتغير

لو كان سعيد كان مارجع لك

يعني لو لقى السعادة والله لايسحب عليك وعلى عياله

فخليك متوازنه

وخلي الطلاق قرار خاص فيه لايأخر ولا يقدم بحياتك ولا تجيبين طاريها بخير ولا بشر
وعيشي حياتك وخليك منتبه لكل حركة وخليه لو بعد يغير رقمه أحسن

لانه ماراح تخليه بتشغله وهو مسكيين بيحن لها وبيرحمها ولا هو غريب بعد يقولون أنها أنتحرت وفي المستشفى وتحتريك بتموت ووالخ

ويرجع يعلق بها

<<<خبرة

حسبي الله ونعم الوكيل

أختي ما بقسي قلبك عليه بس

بذكر بنقاط لاتنسيها

نفسك أسعديها وخذي حقوقك وأنتبهي له زين مازين

الله يسعد قلبك وقلب كل أخت هنا مبتلاه

ولاتنسوني من الدعاء بحاجتكم والله
​
 
مبروك رجعت زوجك لك الله لايغيره عليك

والله كنت كل يوم اتابع قصتك واتأثرت كثير وادعيلك
 
1000000000000000000مليون مبروك وعقبال ماتباركواللللللللللللللللللللللللللللللللللللللي
 
كنت احلم قال:
قاعده بس ابكي ودقات قلبي سريعه من التوتر
ياما عرفت اسطر كلام في دفاتر يومياتي
وياما قدرت اني اقنعه باسلوبي
الآن طاع مني الكلام مدري كيف استقبله الليله
هل مثل كل ليله وانا كاشخه


وش اقول لهم الله يبارك فيكم وبعدين وش يبون ؟ ماني عارفه طول هالشهور تركوني ليه الآن بالذات يتصلون هل عادت الاقنعه من جديد


وله وش بيقولون لي بيقولون لي صبرتي ونلتي وله كيف اقنعتيه

هل فيه مزيد من الحسد والحقد والغل
أنقر للتوسيع...
عزيزتي كنت احلم
الآن أنتي زوجته الوحيدة تعاملي معه ع هالأساس أولاً وع حسب شخصيته ثانياً
الناس خليكي ع طبيعتكي معهم والإتصالات والرسايل لا تردين عليها وإذا تقدرين تغلقين الموبايل إغلقيه وبتلاقين 1000000 عذر X عذر واحد وهو مشغوووووووووووووووووولة :19: وبس يا حياتي ما يحتاج تبررين
الإنسان حر في تصرفاته والناس ما يملى أفواههم غير التراب
عيشي حياتكي الآن وكأنكي تزوجتي الآن ولا تفكرين بأحد ولما تسترجعين عافيتكي يصير خير
تمنياتي لكي بحياة ملؤها السعادة والعافية وراحة البال
 
عزيزتي
جعلها الله خيره والله لايغير عليك
وربي يعوضك كل ماتتمنين
ولايسعني الا ان اقول الله يكتب لك الخيره
بس نفسي اسال سؤال هي كم جلست سنه معه؟؟؟؟؟
نفسي اعرف كم جلست سنه عنده؟وهل تقابلتي معها اومافيه شي بينك وبينه؟
ولك كل التقدير
 
والله وانا اقرا قصتك تميت اصيح..وانا هالموقف مر عليه
وحاسه بشعورج..بس فيه فرق انه ريلي طلقني وتزوج عشيقته
وهانت عليه عشرة 11 سنه...الله يعطيني نفس قوتج وصبرج
ويبعد عن ريلج بنات الحرام..وما يشوف حد غيرج..ويباركلج في عيالج.
 
يا حياتي والله يا خواتي ما قصرتوا بنصايحك ووقفاتكم

عسى الله لا يحرمني منكم يا رب وعسى الله ينولكم ما تتمنونه عاجلا غير آجل

دعوه من قلب لكم ان الله يزيل همكم وتكونون اسعد الناس اللهم آمين

.............

رجع زوجي لعشه الوحيد :32:

وانا وش سويت مدري والله بس يا دوب قدرت اوقف على رجولي

واستقبله وابتسمت وما قدرت امسك نفسي فجأه بكيت بصوت عالي ما قدرت والله اني اكون قويه

لمني وسلم على راسي وقال لي هااا جاهزه بنطلع

قلت له تقهوى وريح اشوي

قال لا ما يحتاج خلينا نغير جو

وقبل ما نطلع يقول لي ليه مو جاهزين ؟؟

قلت الا شوفنا لابسين والعيال مبسوطين لانهم بكره ما راح يروحون المدرسه

الا يقول لي انا كنت اقصد تجهزوا يعني جهزوا الشنط :31:

قلت حالا وانا طايره من الفرحه ولا ادري اساسا مسافرين وله وين راح نروح

قلت له كم يوم بنقعد

الا يقول لي يوم بس نسيتي المدارس

حسيت روحي بعالم ثاني

اشيل ملابس عيالي وملابسي ودموعي اربع اربع

واقول الحمدلله الحمدلله الحمدلله

وودانا فندق حاجز لنا جناح وعند البحر روعه روعه روعه

وش اقول بس مو قادره اعبر عن فرحتي وسعادتي

ونزلنا بوفيه بالليل اكلنا بالفندق وبعدها العيال نامو وجلسنا اشوي بالكوفي شوب انا وهو

وفتح الموضوع :33:وليته ما فتح الموضوع ولا قال اسباب الطلاق

كنت اتوقع ان شروطي سبب رئيسي انها تضغط عليه وبالنهايه يوصلون لمرحلة الطلاق

طلع شي ما كنت متوقعته نهائيا

ولا جه ببالي اساسا ان ممكن يصير

زوجي الليله الي قبلها لما جه كان تعبان نفسيا وسكر على نفسه المجلس

كان بيروح لها العصر ساعتين نفس كل يوم

لكن لما اتصل فيها لقى تلفونها ان عندها خط

وبعد ما راح لها طلعت من غرفتها عشان تروح تجيب له قهوى وحلى

وبالوقت هذا شيك تلفونها

لقى رقم ولما اتصل رد عليه واحد

ولما رد على زوجي قال لها هاا حبيبتي راح الحمار الي عندك

يعني لسه ما تكلم زوجي الا هذاك قايل كذا

وعلى طول يسكر بوجهه وقعد يفتش الجوال الرسايل

يقول ما حصلت لهم رسايل الا رساله وحده بس

ما مداها انها تمسحه وهي تقول له قبل ما يجيها زوجي

حبيبي تراا بيجي الحين وبعد ما يمشي اتصل فيك ولسه ما قررت متى بشوفك

انا وقتها بس كنت ساكته

ولما ابي حتى اني اتكلم حسيت بقهر

حسيت اني ودي اصرخ فيه واروح لها الآن واسوي فيها الي ما سويته من قبل

ما كانت وجه ستر ولا محل ثقه ابدا

يقول لي انا ندمان وما عمري راح اشوف غيرك

صدقيني عمري ما راح اخونك اقسم بالله اني ندمان ندمان على كل شي

ندمان انك عانيتي وانك صبرتي

واحس نفسي اساسا ما استاهل انك تكونين لي

بس اوعدك وربي الشاهد على ما اقول اني عمري ما راح اقصر معك

ولا يوم يجي ببالك ان ممكن اني اخون او اتزوج

ومدري بعدها وش قال

لاني كنت بعالم ثاني احس الدنيا ظلمت وما عدت اشوف شي الا هو

لكن مو قادره اني اسمعه احس ان صورته بشكل نقط وحسيت بدوخه

وما حسيت بروحي الا وهو ماسك ايدي

يقول لي وش تامرين عليه وش تبين اسوي لك

عشان اسعدك عشان ترتاحين وتنسين

قلت له ابي اروح العمره

قال ابشري متى تبين

قلت له هالاسبوع قبل العمليه

نروح انا وانت وما نبي نفتح الموضوع مره ثانيه

انا ما بقلبي عليك شي لكن اتقي الله فيني تراني ما قد مره اذيتك بشي

وربي الشاهد اني ما عمري حتى باب بيتي عديته الا بأمرك وشورك

ولا قد مره خبيت عليك شي وانت تدري وعارف ...

وانتهت الليله على احسن ما يكون وما عاد تكلمنا بالموضوع الى الحين

لكن لما شلت اغراضنا واحنا طالعين ورجعنا البيت قبل ما اعطي الشغاله

الملابس للغسيل شفت ورقه بثوبه

عرفت ان طلقها بشكل رسمي بالمحكمه مو طلاق شفوي وبس

حطيت الورقه بدرج بعيد عن نظري ونظره بفايل

ولعل هالذكرى ننساه للابد

رجعت البيت ولما ارتحت اشوي

وعيالي نامو قعدت امشي من غرفه لغرفه

احس ان بيتي رجع لي رغم اني ما تركته يوم

احس اني صرت اشوف كل تفاصيله الحلوه بكل ركن

مو زي الايام الي عدت سواد بسواد

احس رجعت لي الذكريات الحلوه

ودخلت المطبخ الا اشوف الشغاله تناظرني وكأنها تنتظر البشاره

قلت لها خلاص خلاص

وسوت حركه اشوه ان ما صادها شد عضلي لانها كبيره

لدرجة ان يا دوب تسوي شغلها بالبيت

قامت ترقص بشكل هستيري انا بروحي خفت منها

سوت الي ما قدرت انا اسويه لما سمعت الخبر

وقامت تبخر البيت وتدلع العيال يا ربي سلم قلبها ما قصرت

فرحت لي عسى الله يسعدها

وبعد ما خلصت من كل شي جت تقول لي

ماما انا ما ابي اروح اندونيسيا بقعد هنا على طول :11:

ههههههههههههه

راجعه اكمل لكم الموضوع بعد ما خلصت من معاناتي وعسى الله

يعضوضني وإياكم عن كل يوم عسر بيسر ان شاء الله

عزيزة نفس
سناء
منوره حياتي
مايا احمد

والاخوات جميعا لن انسى وقوفكم معي
احبكم في الله

وفقكم الله واثابكم على عمل الخير
 
هي قدرت انها تبعده عن ربه بالفتره الي كان معها على علاقه

لدرجة ان وصلوا لمرحلة الزنا

اما انا طلبي للعمره خلال هالاسبوع

راح اباشر اني اشاركه بطاعة الله

واقوي علاقته بربه زي قبل وازيد

وادعي الله سبحانه وتعالى ان الله يهديه للصلاح

من هالنقطه اقدر اني اثق فيه

لو شفته من العابدين لله عز وجل

لأن الطاعه والعباده والصلاة والقيام والسجود

راااااااااادع لكل شيء

وعسى الله ينولني صلاحه وصلاح عيالي يا رب
 
يالله دموعي نزلت والله كنت اقرا قصتك بصمت لكن الحين ماقدرت امسك ايدي عن الكتابه لك الف الف مبروك وتستاهلين والله الي مثلك ينشرى وينعاف غيرك اصلا مااعرف اشلون زوجك كان يستسيغ يجلس مع غيرك مع اني متاكده انه غصب عنه موفقه يالغلا والله يسخره لك ولعيالك
 
ياااااااااااااااااااااااااالله كم أنت راااااااااااااااااااائعة أختي الكريمة..وماتستااااااااااااااااااااهلين إلا كل خييييييير والله..
تدرين إني جالسة بس أستنى رجوعك للمنتدى عشان أتطمن عليك..وفرررررررررررحت برجعتك لدرجة ماتتوقعينها..
والله العظيم إني أُكبر وأُجل فيك دينك وتقاك..وتدرين إن عيوني تهلّ أربع أربع من أول الفاجعة إلى آخرها..ومع إن دمعتي ثقييييييييييييلة وماتطلع بالسااااااااااهل..بس معك غييييييييير..ليش مأدري!!!!!!!!!
بس رجاااااااااء خاص..وطالبتك طلبة لا ترديني..تكفين حاولي تفيدينا- بعد انتهاء الأزمة ورجوع المياه إلى مجاريها- بكل الأخطاء التي سببت لك هذا كله..وماهو الشيء الذي استفدتيه منها..<<<بالتفصيييييييييل الممللللللل
وفي النهاااااااااااااية أقول لك بكل صدق وإخلاااااااااص لوجهه تعاااااااالى
أحبك في الللللللللللللللللله
 
نسيت اني اكتب لكم ..

انا كنت مغيره رقم موبايلي عشان هي ما تتصل فيني

لكن للاسف الظاهر خذت الرقم من حماتي الي صارت صديقتها

واليوم الصباح شفت لها رساله

على موبايلي

تقول ....

اكيد الحين مستانسه اني تطلقت

عسى الله يهد حيلج اكثر واكثر وتمرضين زياده

واسمع خبرج قريب

وما تتهنين بعيالج ولا بزوجج نفس ما خليتيه يطلقني

..........

كنت لسه بالفندق وكان زوجي قاعد معي قبل ما نشيل اغراضنا للرجوع للبيت

سألني من راسل لك

قلت له لا تكدر خاطرك ما في شي

وخليت موبايلي ودخلت الحمام كرمكم الله وانا متأكده

انه بيشوف رسالتها لي

ولما طلعت

يقول لي : ...

بغير لك رقمك للمره الثانيه وما ابيك تعطين احد رقمك نهائيا الا لي ولخواتك واهلك بس

قلت له لا تتكلم بالموضوع مره ثانيه انت وعدتني

بيني وبينكم

ما راح اسمح لها تاخذ لو ثانيه وحده من حياتي اني افكر فيها

وله اضيع وقتي مع زوجي بالحديث بموضوعها

عبادتي و سعادتي وسعادته واطفالي وبيتي اهم عندي اني اضيع وقتي فيه حاليا

ما راح اسمح لها انها تاخذ اكثر من وقتي ونفسيتي وحياتي الي كانت على وشك الانهيار يوما ما بسببها
 
ماشاء الله تبارك الله عسى الله يعطيج الصحه والعافيه وينولك مرادك ويبعد عنك وعنا الهم والحزن خصوصا في أزواجنا وأبنائنا وصحتنا ..... الله فكج من الضره ويفكج إن شاء الله من أذاها ويقر عينج في زوجج وعيالج وعافيتج​
 
ماشالله تباارك الله انتي انسانه قوويه ومتززنه في التحكم بتصرفاتك

والحمد الله ياارب ان ربي اسعدك برجوع زوجك للبيتك وعيالك الحمد الله

والله فرحت فرح ماتتخيلينه ان ربي سهل اموورك مع زوجك عسى ياارب تكون سعاده دايمه ومايتعكر صفوكم يارب


دعواتك لي اختي كنت احلم ان ربي يسهل اموري وييسرهاا لي بالدنيا والاخرره
دعواتكم لي ان ربي حبيبي يرجع زوجي للي ولبيتي وعيالي ومايشووف ولايحب احد غيري بعد حبه للربه ورسوله
دعواتكم ان ربي يألف مابين قلبي وقلب زوجي ويبعد عناا السوء والشر والمكرووه
دعواتكم اني ابشركم وافرحكم عن قريب برجووع زوجي للحضني ويهديه ويسخره ربي لي وللعيالي
محتااااااااااااااااجه دعواتكم عسى ربي يفرجها علي وعليكم وعلى كل المسلمييييييييين ياحي يااقيووم

ياارب تثبتنا على دينك الثابت وترزقنا الصبر والحلم ويرد لي زوجي ردا جميلاا ويرد ازواج الزوجاات الأوليات للأحضانهم وعيالهم يا ارحم الرااحميييييييييين إن مع العسر يسرى إن مع العسر يسرى


الحمد الله يارب على كل حال الحمد الله والثنااء لوجه الله الحمد الله حمدا يليق بوجهه وعظيم سلطاانه
لاإله الا انت سبحانك إني كنت من الظاالمين لاحول ولاقوة الا بالله
 
ماشاء الله لاقوة الا بالله الله يدوم عليك السعاده يارب ويعوضك على صبرك خير آمين ~
 
سبحااااااان الله استغرب من بعض النساء وقوة صبرها
ماشاء الله عليك ""مثال للقدوة الطيبة
 
ال الف مبروووك الله يهينك ويسعدك ويسخر لك ويكفيك شر من اردك بشر يارب
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل