خلاصة تجربتي من زواجه علي ونصايحي للزوجات الاوليات (زوجات ناجحات)

حبيبتي وربي اللي شاهد اني بكيت وبكيت
مدري وش اكتب من فرحتي لك
الحمد لله ان ربي نصرك عليها
صراحة كلام كثير براسي بس مشتتته من فرحتي
االف الف الف مبروك حبيبتي شفتي ربي كيف
يبتلي عبده يشوووفوه ايش رده هل بالرضا او السخط
والحمد لله حبيبتي كنت من الراضين عليهم ان شاء الله
والله فرحت لك عسى ربي يحقق لك مرادك ويعطيك على قد نيتك
 
كنت احلم قال:
حبيباتي ..
البارحه رجع زوجي تعبان ووجهه مفضوح ان فيه شي
الآن بس يالغوالي
قال لي طلقتها !!!!!!!!!!
ما ادري وش صار
وما عندي تفاصيل
حتى ما قدرت اني اقول له شي
ما قدرت حتى ارد عليه
وانا طول الوقت ساكته وبس دموع
لكن والله اني احس لاني فرحانه ولاني حزينه
حاسه بس اني كنت احلم
لان ما عندي اساسا اي فكره ليه طلقها
او كيف اخذ قراره والله العالم ان كان بيقول لي او لا
ولكن ما عندي استعداد اني اسأله
عشان ما يعتبرني متشمته فيه او كنت اتمنى هالشي يصير
أنقر للتوسيع...
والله لقد أدمعتي عيني:a025:مدري يمكن لأني مريت بمثل هذا الموقف
الآن لا أملك غير هذا الدعاء { الحمدلله الذي كشف عنكي الضر }
ويارب يسخر لكي زوجكي ويجعلكي دم قلبه وماء عينه ولب عقله فلا يرى ولا يحب ولا يعقل غيركي من النساء
 
حاليا عيالي يتغدون وانا مو مشتهيه اكل مدري ليه متوتره وكأني خلاص تأقلمت على الوضع الجديد

صار لي يومين بس راجعه من المستشفى وعندي تنويم برضوا على الاسبوع القادم ان شاء الله

قاعده بس ابكي ودقات قلبي سريعه من التوتر

ياما عرفت اسطر كلام في دفاتر يومياتي

وياما قدرت اني اقنعه باسلوبي

الآن طاع مني الكلام مدري كيف استقبله الليله

هل مثل كل ليله وانا كاشخه

واقول لنفسي اختشي اشوي يا بنت واثقلي

ودي اقط روحي عليه من الدور الثاني عشان اصقع فيه بقوه ولا يقدر يشيلني هههههههههه

تراا من صدقي ما ادري وش اسوي كيف استقبله وش اقول له

كيف اخلي ملامح وجهي

مدري خايفه يعتبر ملامحي شي ثاني ويفهمني غلط

لكن ربي العالم اني ما طالبته بشي ولكن شكيت لربي من قلب ان يبعدها عنا

وكنت دائما ادعي هالدعاء

اللهم فرج همي كما يرضيك

هالدعاء جه ببالي من اليوم الثاني من اكتشافي زواجه

لكن خفت اني ادعيه بصراحه

لان لازم العبد يكون واثق تمام الثقه

ان يمكن الفرج ما يكون بصالحه

يعني يمكن ان وجودها يرضي رب العالمين

وقتها كنت متشتته كيف ادعي بالدعاء هذا وانا ابي فراقها من زوجي

الين ما رضيت بالقسمه والنصيب

وكنت على يقين ان الله قد اختار لي وهو سبحانه وتعالى ما راح يضيع تعبي ان شاء الله

وقلت هالدعاء وانا على يقين ان اي حل وفرج يكتبه علي ربي وفيه رضى لجلاله

فهذا الشي لصالحي ان شاء الله وفيه الخيره ان شاء الله

حبيباتي يا زوجات الاوليات يا اميرات قلوبنا يا صابرات

كوني على يقين بأن الله معك بكل لحظه

ارجو من الحريم الي عندها مشاكل وهم او خيانه

تسوي هالشي ضروري فلعل الله فرج علي بسبب هالشي

حبيباتي قياااااااااااااااااااااااااااااام الليل

ركعتين بس كنت اصليهم كل ليله بعد الساعه 2

بكل ركعه الفاتحه ثم سورة يس

وبعد السلام كنت اقول الدعاء الي كتبته

وبرضوا وقت مرضي كانوا الدكاتره شاكين ان الي فيني ورم خبيث

وتم استأصال ورم وباقي لي عمليه ثانيه نفس ما قلت لكم

بعد الدعاء كنت اقول

الله اجعل علاجي من مرضي ايسره

ولله الحمد والشكر انه ورم حميد

صحيح عانيت بالعمليه ولسه باقي لي عمليه ثانيه

الا اني كنت اقول لو انه ورم خبيث لو ان عيالي فقدوني

اللهم لك الحمد والشكر

ايام وليالي كنت اعاني فيهم حتى قبل ما اكتشف خيانته

كنت اعاني من مسؤولياتي كنت اعاني اني تعبانه من كل همومي

من البيت من العيال من المدارس من كل شي على راسي

واطلب من الله الفرج اطلب من الله ان يلتفت لي زوجي ويساعدني

وكأن الله سخر لي هالحرمه انها تدخل بحياتي

ومن خلالها يعرف زوجي قدري وتضحيتي كل هالسنين

لاول مره اطلب منكم التواصل وابيكم تقولون لي

هل يحق لي اني افرح لما يجي

اقدر اتكشخ نفس كل ليله

ابتسم وله اضحك

قولو لي ما ابي اجرحه ولا ابيه يفهمني غلط

وش اسوووووووووووووي ؟؟

يمكن تقولون اني استجنيت وصرت ادقق على جيته الآن هههه

بس والله خايفه ان يفهمني غلط

بس اعتقد وجهي منتفخ من البكاء واكيد بيعرف اني كنت ابكي

ما قلت لأحد بس التلفون ما يسكت

اهله بعد كل هالمده تركوني

الآن اشوف اسمائهم واتصالهم بموبايلي ولا ارد

وش اقول لهم الله يبارك فيكم وبعدين وش يبون ؟ ماني عارفه طول هالشهور تركوني ليه الآن بالذات يتصلون هل عادت الاقنعه من جديد

وله وش بيقولون لي بيقولون لي صبرتي ونلتي وله كيف اقنعتيه

هل فيه مزيد من الحسد والحقد والغل


 
اليوم بكيت على رحمة رب العالمين لي وفرجه علي

وبكيت على هالموضوع

http://www.niswh.com/vb/showthread.php?t=227721

تذكرت اول موضوع لي تذكرت ردودكم وقريتها وقريت كيف كنت منهاره وقتها

كيف كنت حزينه واليوم فرج الله علي

عسى ربي يفرج على كل زوجه مهمومه بفرج قريب عاجل غير آجل

عسى الله يعوضكم عن كل يوم مريتوا فيه وانتم مهمومين وشايلين احزان بقلوبكم

الرضا الرضا الرضا بما رزقك الله به من عسر قبل اليسر

هو سر سر الفرج اخياتي

اليوم دعيت للجميع كما كنت ادعي لنفسي بكل مره

اليوم وكل يوم ما راح انسى مقدار حزن الزوجه الاولى

ما راح انساها من دعائي لها بالخير والفرج القريب

ولكل قلب مجروح من الخيانه عسى الله يربط على قلبها ويسخر لها زوجها

راجعه حبيباتي اكمل الموضوع رغم كل شي
 
الف الف مبروك حبيبتي توني فاتحة الاب توب ابي اشوف اخبارك بس والله فرحتلك الله يباركلك في زوجك وعيالك ويتمم فرحتك على خير وسعادة بالنسبة لحيرتك في كيفية استقباله صلي استخارة والله يجمعكم على خير ويألف بين قلوبكم آآآآآآمين
 
حبيبتي والله لاتسوين شي خلي امورك طبيعي عشان مايقكر تفكير تاني
بس خليها يوم مهم عندك وسوي احلي بااارت وكمان اطلعو عمرة اذا ربي يسرها عليك والزمن كفيل بنسيانك اللماضي عيشي قوية .. ابية مايهزك ريح وبينى انك ماعليك يالموضوع اصلا وهو ماراح ان شالله يكرر هالقصة واعتبريها
مرحلة عشتيها بالصبر واحمدلله واشكرية انة عطاك الصبر القوة لتخطي هاللازمة
الله يوفقك ويسعدك ويخلك لعيالك ويسخر لك زوجك وبجعلك اجمل النساء في عينة واحبعن الي قلبة ويبارك لك فية وبعيالك ورزقك برهم عاجل غير اجل والله يوفقك ادعيلي ان ربي يصرف عنة النساء لانة جنوبي متل زوجك
والحمدللله من قبل ومن بعد
دوام الحال من المحال
استغفرالله الحي القيومواتوب الية
 
الف الف الف مبرووووووووك لك يالغاليه
والله اني مااعرفك الا من خلا ل كتاباتك لكن دموعي نزلت من الفرحه لك الله يتم عليك فرحتك ويسخرلك
زوجك ويكفيكم كل شر يااااارب ...
 
كنت احلم قال:
تذكرت اول موضوع لي تذكرت ردودكم وقريتها وقريت كيف كنت منهاره وقتها
راجعه حبيباتي اكمل الموضوع رغم كل شي
أنقر للتوسيع...
خلاص حبيبتي لا تفتحين مواضيع واطلبي من الإدارة حذف كل مواضيعكي ( إلا هذا طبعاً :32: ) وبانتظاركي الغلا وربي يتمم عليكي سعادتكي بشفاءكي شفاءً لا يغادر سقما
 
1000بل 1000000 مبروووووووووووووووك لك يالغالية ..فرحتيني بهالخبر السعيييييييييييييد..والله كأنك وحدة من أخواتي ..فرحتلك من كل قلبي..
وعشان كذا الله الله بطاعة الله لاتهمليييييييييييييها أبدا ..هي اللي نجتك من هالغم كله..قال صلى الله عليه وسلم(تعرّف على الله في الرخاء يعرفك في الشدة)..وقال تعالى(أمّن يجيب دعوة المضطر إذا دعاه ويكشف السوء).
ماااااااااااأدري وش أكتب لك ...خانتني الكلماااااااااات!!!!!ولاأقول إلا (اللهم لك الحمد حتى ترضى ولك الحمد إذا رضيت ولك الحمد بعد الرضى)..(اللهم لك الحمد كله ولك الشكر كله...كمايليق بجلالك وعظيم سلطانك)..
أما بالنسبة لسؤالك من رأئي إنك تكوني متزنة قدر استطاعتك ..لافرح واضح ولاحزن واضح..لحد ماتشوفين ردة فعله هو أول ..عشان يحس إنك مظلومة فعلا..وأنت تعرفين إنه في كلا الحالتين (الفرح أو الحزن) أنت متهمة!!!!!!أخلصي النية لله وطهري قلبك كما في السابق ويحلها رب العالمين..يعني إزهليها على ربك وهو القادر على تسهيلها ..ومثل ماسهل الأول يسهل الثاني..
أماااااااااااا الناس اللي حواليك اتركييييييييييهم وابعديهم عن عقلك ولاتهتمين فيهم..ولا تأولين وتفسرين تصرفااااااااااتهم ولا يهمك رضاهم أو زعلهم ..وعامليهم بما يرضي الله فققققققط..يعني أحسني معاملتهم في حدود الشرع..
ومره ثانية 2000000 مبروك من الأعماااق والله:32:
 
فديتك

وربي فرحت لك

الله يسخره لكم اكثر واكثر

وبالعكس حاولي تهتمين فيه اكثر

لانه مشكله اذا لاحظ انك قبل طلاقها وبعده زي ماانتي

يعني لو لاقدر الله بيرجعها بيعرف انك مابتتغيرين

جعل ربي يسعدكم ويحفظكم ويبعد عنكم بنات الحرام

تقبلي تحياتي

وهذي بوسه مني لك بمناسبة رجوعه لاحضانك

امووووووووووووووووووووواه
 
الحمدلله اني دعيت لك بقلب مؤمن تقي ونقي دعيت لك ربي يخلصك من همها


لنه حس بالفرق بين المؤمنة النظيفه التقيه


واختلائه لحاله كان بغرض انه يراجع حساباته شاف حجم معاناتك وصبرك وتفانيك

بس ربي ياختي يحبك وربي اني حبيتك لنصايحك الطيبة وكل كلامك


ربي يفرح قلبك ويكون هذا مثال ليطلق فكرة الزواج من راسه نهائيا



ربي يسبغ عليكم بنعمه يارب يارب وطمنينا ياغاليه
 
والله لو مكانك اقوله: قدّر الله وماشاء فعل


انتي تعرفين انه جنوبي يعني مابينساها بيوم وليله ولو طلقها وانتي انسانه راضيه بقضاء الله وقدره


خلّي الليه زي كل يوم ...وقولي له ...سبحان الله كنت كل يوم يازوجي الحبيب ادعي لك ربي يوسع رزقك يفرح قلبك( ويشل ويبعدك احزانك)<<< يعني قصدك هيه جابت له الحزن من كلامك




راح يكون متضايق ربما يتظاهر (لانه جنوبي) بالسعاده لكن خليكي كما عرفناكي حكيمة وعاقله
 
الحمد لله
تابعت قصتش كاااااااااااااملة وعمري ماجلست على موضوع كامل كثر ماجلست على موضوعش ساعات كثييييييييييييييييرة اقضيها اقرأ كلامش

الف مبرووووك يارب اجعلها اخر الاحزان يارب تعيشين سعاده ابديه سعادة الدنيا والاخرة مع زوجش وعيالش
امين يارب العالمين


بس اني لسه بنت ومقبلة على زواااج اتمنى منش اني تسوين لنا موضوع خاص تحطين لنا فيه نصائح
على الرغم من ايماني بإن كل حياة تعتبر تجربة مختلفة عن الاخرى
يعني حياتي مع زوجي بالمستقبل بتكون تجربة مختلفة عشان كذا لازم نبتعد قدر الامكان عن التقليد الاعمى
لان كل رجال بشخصيته وبعاداته وتقاليده وطريقة تربيته حتى انماط الشخصيات لو تساوت تظل طريقة التربية تؤثر برضه وتخليه مختلف عن رجل اخر بنفس النمط
هذا اللي اكتشفته من حياتي
بس برضه احس اني صرت خااااااااااااااااااايفه من الزواج والله اكلمكن بحرقة قلب صرت خايفة من اللي جاي
اتمنى انش انتي وكل المتزوجات مايبخلون علينا بمواضيع خاصة بالمقبلات على الزواج وتكسبون فينا اجر

ربنا يعطيكن العافية ويحقق مبتغاكن ونلقاكن بجنة الفردوس انه على كل شي قدير
 
الحمد لله رب العالمين
بصراحه ضاعت الكلمات مني
يارب الله يقربكم من بعض اكثر
 
قرات اول موضوع لك ياختي ،... شدني انك بكيتي بحضنه وتظاهر لك بانه غير سعيد وانتي على علم بانه سعيد في تلك الفتره ياه مااكرمك ياربي



والاخوات ماقصرو بالنصايح


وينك طمنينا ياغاليه
 
الحمدلله على الصبر اللي صبرتيه والله جزاك فيه كل خير .. صحيح من يكن مع الله يكن الله معه

اتمنى لك حياة سعيده والله يسخر لك زوجك ويقر عينك يعيالك ويدخل الجنه بالاخره يارب
 
أو ل ماقريت خبر طلاقها والله اني صحت والدموع نزلت من عيوني من الفرحه وثاني شيء قلته الله يرزقني مثل مارزقت أختي كنت أحلم

لأني في نفس موقفج الحين بس الفرق انه محد يعرف بزواجه
غيري وما يبا حد يعرف. الحمدلله أنا في فترة هدوء وطمانينه بعد عدة انهيارات

والله يصبرني ويثبتني يارب


والله اين فرحتلج واااايد والله يهنيكم يارب وعله مايشوف غيرج مره ثانيه
ودعواتكم لي
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل