خلاصة تجربتي من زواجه علي ونصايحي للزوجات الاوليات (زوجات ناجحات)

حبيبتى الله يوفقك كملى بس انامش عارفة اعرف نمطشخصية زوحى حاولت كتير وماعرفتش هو عنيدولايعترف بانه غلطان حتى لوهوغلطان حنين وطيب وشايف نفسه فيه حديعرف يقول لى نمطه ايه
 
ماشاء الله عليج ...ربي ينور دربج يارب

تصدقي اتخيل بس مكاني مكانج مدري ايش راح يصير فيني انجلط!! انتي ايمانك قوي ...ماشاء الله


بانتظار هذا الشي لني صدق كنت ناوية اسالك كذا سؤال بس خفت الخبط ترتيب افكارك ياغاليه



بالنسبه لوحدة مريضه نفسيا ايش عجبه فيها!!؟ هل لنها ضعيفه وحب يقف ويساعدها ولا عجبه فيها شي واين عرفها <<اهم شي عندي وين عرفها


لن زوجي حين خاني ...مب اي وحدة صديقه سابقه كان يعرفها ...لكن ماقارب الحرام ويارب مايفكر به خير. شر


بالنسبه للاكل ...ما امدح نفسي لكني طباخه نمبر 1 لكن زوجي هذه الايام حوالي شهر وشوي ماياكل في البيت كله بشغله !!! وكل ماسالته يقول بسوي ريجيم!!!

اهتماماته بشكله ومظهره سببه مقر الشغل الجديد !!! وعندي علم انه هناك موظفات جديدة ولكن مابيد حيلة! هذا رزقه
انصحينا جزاج الله خير
 
تعرف عليها لانها كانت سكرتيرته لمدة زمنيه بسيطه جدا

وخلال تواجدها بالفتره هذي كانت سافره وتلبس قصير وغيره

اما كيف تعلق فيها

لان الرجل الجنوبي الغربي

يحب يكتشف اي شخص وخصتا امرأه مرت عليه لو مرور الكرام

يحب يعرف شخصيتها ووووو

ومن خلال هالاشياء الي تجذبه لمعرفة شخصية المرأه الي قدامه

طلع معها وبعدين حصل الي حصل

كيف تزوجها ...

اتصل ابوها فيه اكثر من مره لانها حاولت الانتحار

لان تحبه وتعلقت فيه

لدرجة ان ابوها رغم ثروتها وعقاراته

قال لزوجي اخذها ببلاش بس لا تسوي بروحها شي

زوجي ما عرف انها تاخذ ادويه نفسيه الا بعد الزواج

اكتشف هالشي وصارحته وقالت له انا مريضه نفسيا

لو طلقتني راح اموت نفسي

الشي الثاني الي شده وما قدر ان يتركها

ان نوعية المرض النفسي والاكتئاب الي فيها

يحتم عليها انها تكون دائما بحالة بكاء وتوسل

وزوجي اعرفه عز المعرفه

قلبه طيب

والله يا اخواتي رغم الي صار

انا ادري ان زوجي مو انسان شرير او ان ماله قلب

ادري ان انسان له عيوب ولكن فيه طيبه مو طبيعيه الله يخليه لعياله يا رب ويحفظه

السالفه مو ان جابت راسه كثر ما انه انسان حساس بزياده اقل شي يتأثر

يا حبيبتي يا ملكة الاحاسيس

ان كان يعمل رجيم عاجلا ام آجلا بيبين على جسمه ههههه

والله يحفظه لك ويبعد عنه بنات الحرام

...............

بكمل بوقت لاحق ان شاء الله

واتمنى المزيد من التواصل بالموضوع حبيباتي

ولا تنسوني بدعائكم بظهر الغيب ان الله يهديني للصلاح ويستر علي

ويسخر لي زوجي ويسخرني له ويصلح لي اطفالي ..

اللهم آمين لي وللجميع ان شاء الله
 
الله يسخر لك زوجك ويوفقك
وفعلا مو كل الرجال مثل بعض
انا لو اقول نص شروووطك
بيقووول اجلسي ببيت اهلك
على ان شخصية زوجي ضعيفة
امام الناس يعنى الناس هي اللي
تمشي حياته معي ومستقوي علي
لدرجة انه ماسح شخصيتي ولا لي راي
او كلمه عليه او على احد ..
صحيح نسمع ان بكلمه رجال بمواقف كثيرة
واشياء ثانية لكن يستخدم رجولته الغير محلها معي
يعنى يسمع بالرجوووله وهو من جنبها
 
ولا تنسوني بدعائكم بظهر الغيب ان الله يهديني للصلاح ويستر علي

ويسخر لي زوجي ويسخرني له ويصلح لي اطفالي ..

اللهم آمين لي وللجميع ان شاء الله
أنقر للتوسيع...

آميـــــــــــــــــــــــــــــــــــــــــــــــــن~
 
وفية الزمن

حبيبتي يالغاليه كيف حالك عساك طيبه ان شاء الله

زين اني شفت اضافتك لاني نسيت اني اذكر هالشي

على مرور سنين زواجنا الي الحمدلله رب العالمين دخلنا 14 سنه

وان شاء الله هالسنه خير وسعاده علينا وعليكم يا رب

على طول هالسنين ببداية حياتنا الزوجيه لسه ما كملت اسبوع بس

طلب مني شغلات كثيره من ضمن هالشغلات

اني اكون مثل امه تراعيه واشوف طلباته

يحب اكل امه يحب اهتمامها يحب تضحيتها وتعبها

وهو المفضل الوحيد بالنسبه لعيالها

تحبه حب مو طبيعي تعتمد عليه اعتماد كلي

وهو يعطيها كل الاهتمام والرعايه لان ما قصرت بحق اي احد من

اخوانه وخواته ولكن كان له نصيب الاسد باهتمامها له بالذات

لما طلب هالشي ما طلب الا انه خايف على نفسه

والحين عرفت السبب الرئيسي

لان نمطه يحب الاعتماد وكسول يعني مو كثير زين انه يشتغل

ههههههههه

لكن بنفس الوقت ان حط راسه بشي يحب يكمله ويتفنن فيه

على حسب مزاجه طبعا ...

انا سويت قدر استطاعتي اني ما احسسه بالفرق ابدا

لدرجة اني تعلمت طباخ امه واتقنته وصار لما يروح بيت اهله

ويذوق طبخ امه يقول تصدقين بالله رغم اني اشتاق لجلستهم

الا ان طباخك صار احلى اقول له كيف ؟

يقول الوالده كبرت و صحتها على قدها

لكن الحمدلله ربي عوضني فيك ما احس اني اشتاق للطبخات الصعبه الي ما تقدر تسويه لي حاليا الوالده

رغم ان الجنوبي يحب المدح الا انه لا يمدح كثيرا امام الشخص نفسه الا انه يمدحه بغيابه

وسبحان الله ما وصل لي اخبار مدحه لي الا بعد ما اكتشفت كل سوالفه

وكمان لما احد يزعلني يحب ياخذ حقي حتى لو اقول حسبي ربي فحسبنا الله ونعم الوكيل على كل من ظلمني

برضوا يروح ياخذ حقي من الشخص الي تكلم فيني او جرحني حتى لو احد من اخوانه او اقرب الناس له

ولكن ما يبين لي

بعد فتره اكتشف ان الناس الي تكلموا فيني وانا سكت عنهم عشان العلاقه وصلة الرحم انقطعوا عني

وبعد مناقشات كثيره حول الانقطاع انصدم بالحقيقه

ان لمجرد ان يعرف من عيالي ان فلانه قالت لي كذا وانا بكيت وانا بالسياره راجعه لبيتي وهو مو معي

او لمجرد اني حزينه على الي صار

ما يرضى ابدا علي
يروح ياخذ حقي من الي تكلم او فعل هالشي

وكم حادث حصل لي من هالامور ويكون هو له يد

ولكن ينتقم لي بدون ما يقول لي وكأنه ينتقم لنفسه لان ما يحب يشوفني بحالة الحزن

الله يخليه لي يا رب

حبيباتي رغم الخيانه والزواج الثاني

تراا والله لو نقعد مع انفسنا نلاقي اشياء ايجابيه بالزوج

الله سبحانه وتعالى ياخذ ويعطي

والقناعه اهم شي بالانسان ما راح نقدر نحصل على انسان كامل

والزواج شراكه يكون هو منه قصور فانتي الي تكملينه والعكس الصحيح

نرجع للشي الي اكتشفته الي ممكن يكون له يد بالخيانه

مو بس بالطبخ والترتيب وغيره من الامور الي عملتها طبق الاصل نفس امه

في ادق التفاصيل قمت ادقق عليها

حتى درج ملابسه الداخليه ما يدله والله اني صادقه

حتى سبوحه انا اشرف عليه من حبي له وتفاني لخدمته

مو لاني ضعيفه انتم عرفتم شخصيتي من خلال موضوعي

ولكن لاني اعرف انه يستاهل رغم الي صار

لو ما يستاهل كان تركني من بعد الخيانه

يمكن هو فكر ان زواجه وخيانته شي يخصه ما يخصني

الدليل ان ما يوم من الايام ذمني وهو معها

لدرجة انها كانت متصوره او حاطه ببالها فكره اني ضعيفه جدا

تقول له دام تدلعك كل هالدلع معناته ما عندها شخصيه

يقول لها لولاها كان ضاع البيت والعيال

يقول لها انا اسافر سفرات العمل او كورسات بالخارج وانا

شايل هم خواتي الي ببيت اهلي لكن ما اشيل همها

لانها محل ثقه دائما

فلما عرفتني وعرفت شخصيتي وعرفت اني اخذ حقوقي وعارفه كيف اواجه الحقيقه

انصدمت اني طلعت غير عن الصوره الي راسمتها

لدرجة ان يوم من الايام قالت له انا اخاف من زوجتك زوجتك جدا ذكيه

اخاف انها تكيد لي المكائد

قال لها ذكيه صدقتي لكن تخاف من ربها فلا تخافين من شخص يخاف من ربه

فصرت مع الايام طبق الاصل من امه ولكن بستايل حديث جداااا هههه

لدرجة ان امه هي الي صارت تقلد اهتمامي بالبيت والعيال تحط عينها علي وتقارني بين سلفاتي او بناتها

وصارت هي الي تمدحني قدامه

لكن في نقطه مهمه جدا ما جت على بالي

لما الرجل ينشال عنه عبء الحياه كله

وصار مسؤوليته منحصره بس بالعمل

ولا يشيل هم شي ثاني

ولاني شماليه وحاره وابي كل شي بوقته بجدول منظم

لاني اطلب مثلا انه يوديني مستشفى وما قدر او سوق لاحتياجاتي الضروريه جدا وما قدر

لكسله لملله اووووو

فأنا بشخصيتي احب كل شي حار بحار

واخلص اموري اول بأول ما يهمني كيف لكن اهم شي انجزه

بالتالي انا تعودت وهو تعود على هالشي

الفراغ الي صار هو فيه من ترك المسؤوليات علي

قدر انه ينتهز الفرصه لملاقات هالانسانه وتخصيص وقت لها

وايضا لو انا ما كنت غرقانه الين النخاع بالمسؤوليات كان قدرت اني احسسه بانوثتي اكثر واكثر

ولاني كنت متحمله كل شي فكان كل حديثي عن حياتي الحاليه وايش صار فيه بالضبط وكأني كتاب مفتوح له

لا تتوقعون اني ما كنت اهتم بنفسي لان انا احب الاهتمام والدلع جدا جدا

الخطأ مو بالشي ذأه

الخطأ بالرجل الجنوبي الغربي

لمجرد ان المرأه تتحمل جميع المسؤوليات يحب هالشي

ولكن ايضا لو شافها متحمله اشياء مو المفروض تتحمله كمرأه

يشوفها وكأنها رجل

كنت احيانا اتهمه بالقصور وهالشي كان خطأ

لكن بالمدح قدرت اني اجيبه بعد ما قرأت عن نمطه

ما تغيرت حبيباتي

لسه اتحمل المسؤوليه

ولي طاقه والحمدلله للصبر

لكن احاول الآن اغير من نفسي واسترخي قدر الامكان

واكون على الصامت واخلي نفسي غامضه

لان فعلا هالشي خلاني الاحظ كيف يهتم ويعرف ايش صاير فيني

ان شاء الله وضحت الصوره

مع ان ودي اكتب ازيد وافصل الموضوع تفصيل

لكن حبل افكاري مشتت حاليا لاني جائعه ههههه
 
حبيبتي الله يوفقك ويسعدك ويسخره لك الف شكر لك على اخلاصك في النصيحه احنا محتاجين لفع معنوياتنا شكرا لك
 
تعجبيني يامتفائله باحلى كذا الثقه والا بلاش اتمنى اصير مثلك ماشاء الله عليك
 
ماشاء الله تبارك الله عليك


ولا تنسوني بدعائكم بظهر الغيب ان الله يهديني للصلاح ويستر علي

ويسخر لي زوجي ويسخرني له ويصلح لي اطفالي ..

اللهم آمين لي وللجميع ان شاء الله


آمين
 
ماشاء الله تبارك الله تعجبيني انتي

والله نادرا مانلقى زوجات مثلك

الله يكملك بعقلك ويسعدكم ويجعل ربي يوفقكم

بس الصراحه وضحتي لي اكثر عن نمط الجنوبي الغربي


فعلا زوجي يعشق اكل امه وتحديت الوقت والحمدلله سرت فنانه بس اللي باقي ماعرفته تعطيرها للملابس

دائما يمدح ريحة ابوه وريحة غرفة نومهم

بس عجزت اخلي غرفتنا مثلهم:)

وسارت تغير مني كثير لان زوجي ولدها المدلل

ومن ناحية الصوت فعلا يعشق الصوت الناعم

زوجي الله يسامحه كان يدور الحديث مع سلفتي ويتصيد اللحظات وكنت اغير وبموت ليه كذا

مع اني ماشاء الله ازين منها

ومرة زل لسانه قال صوتها هادي وناعم وانا سرت:( مفجوعه

وسرت انا كمان ناعمه اجيب المغص من الصوت الهادي والغنج

واذا كلمته بصوت عالي او عادي يقول خلاص مع السلامه ولايكمل الهرج

بالتوفيق يالغاليه
 
هههههههههههههههه

تصدقي يمين بالله اني توقعت هالشي بتقولينه؟ لنه زوجي ياما قالي :اكره ماعندي الحرمة تصير مثل الرجل شايله مسؤولية نفسها وبيتها !!! وتنبهت لذا الشي تخيلي كنت اقضي شهور حملي. في بيت اهلي عشان مارهقه ولاتعبه ! واهلي ياما وياما نصون اخرتها الحبيب من كثر الفضاوة قام يصادق ...


هالجنوبين صعب ينفهمون لنه يعتبرون الزوجة شي والصديقه شي اخر



بالنسبه لريجيمه ياكل بالدوام وزوجي لوياكل وجبة برع ماياكل بالبيت بس ياويله مني بقعد وراه لين يبطل هالعاده !!!!



كملي ياغاليه
 
حبيبتى عندى سؤال انازوجى بعدماصارحنى بزواجه وكان مخبى على لمدة بقول 3او5سنين والله اناكنت حاسة واقول له وهوينكر حتى قرران يقول لى حتى يريح ضميره هو لايبيت عندها ابدا ويذهب لهابمزاجه لمدة ساعتين اوثلاثة ويعتقد اننى مش عارفة ولكن والله لقدوضع الله حاصة عندالمراة تكون اشبه بالبوصلة تتحرك عندالاحساس باى تغير السؤال وجدت حبوب فى مكان يخصه ياخذمنهاحوالى ربع واحده فمافائدتها مع انه طبيعى جداوكويس فى المعاشرة
 
ايه وتذكرت شغله الجنوبي غالبا دلّوع امه مثل الي عندي !

يعني امه تقول شمال شمال يمي يمين


وتعبت لين خليته يقتنع برأيي وكلامي


ايش نصيحتك من حيث اصدقاء الجنوبي ؟
 
مايا يا مايا

فعلا مثل ما قلتي لي حكايتك مشابهه لي تقريبا

تدرين هذا وش يعني ؟؟ انه يحبك كثير وما يبي يجرح شعورك ويقول لك

انه يروح لها بالوقت هذا ويرجع من عندها بالوقت هذا

وانتي مكفيته انه يبات عندك نفس حالتي ولكن الزوجه الثانيه بالنسبه

لزوجي وزوجك هو مجرد تنفيس عما بداخله للتغير وبس

اما زوجي الي رابطه حاليا فيها واعتقد انه وصل لدرجة الغليان

انه يبي يفتك منها وما يقدر خايف ان يحصل لها شي او تموت نفسها

خصتا ان لها تاريخ طويل بالانتحار ..

اما الحبوب فأعتقد انه مقوي عشان ما يقصر بالجنس من الناحيتين

والله اعلم
 
ملكة الاحاسيس

ايه يالغاليه هو يسمع كلام امه او ابوه

لأن جنوبي غربي ما يحب يقرر ويتأخذ القرارات

لدرجة ان حتى ما يحب يختار وش بيلبس

يعني حالة مستعصيه بالتردد الدائم

ببداية حياتي معه كنت احتار وش بياكل وش بيلبس

وين بنروح اي مطعم وووو

بعدها لفت انتباهي دائما كان يقول كيفك

على راحتك شوفوا وين تبون تروحون

شوفوا كم تحتاجون

اهم شي نعطيه القرار النهائي وهو عليه التنفيذ

سواء ينفذه على السريع او لا على حسب مزاجية كسله وخموله :11:

ولكن ان كان الموضوع فيه فلوس فدائما مرتاح

يدفع وينهي الموضوع

يقطع عرج ويسيح دمه :7: ويحب الكل يكون راضي عنه ومو مقصر

خصتا بالماده

لدرجة احيانا الاحظ ان اهله مستغلينه اسوء استغلال من جميع النواحي

واحيانا اشوف مسجات من اخته الصغيره

تقول ابي فلوس يلاااااااا بسرعه محتاجه ضروري

واشوف بالمرسله ان يقول لها استني علي يومين مثلا

ترجع ترسل له كيف يعني يومين انا ابيهم الآن

هو طيب كثير وما يحب انه يرد احد

كم مره يوعدني انه يمسك ايده عشان نحوش لمستقبل العيال

يوعدني لدرجة ان يقول لهم خلاص من اليوم ورايح لكم هالقدر بس من المصروف

وما عندي غيره

هههههههههه كلها ايام بس ويعطيهم زياده

مع ان ادري ان اكثرهم يشتغلون

لكن كلهم جنوبين غربين

اتكالين ويحبون الزين لكن ما يتعبون انفسهم عليه عشان يجيبونه

لكن يساعدون الغير ما يساعدون اخوانهم الباقين الا زوجي من النوع

الجنوبي الغربي من الحاله المستعصيه

ودايما تحسينه يحس بالمظلوميه

وكأنه يفهمك انه عايش للغير ولكم ومن اجلكم

وحقه مهضوم يا حرام

اما عن اصدقائه

طبعا بيختار الجنوبين عشان يصادقهم

ليه لانهم دائما يساعدونه باللهو والمرح والقعدات الوناسه

اما من ناحية العمل دائما ينجذب للشمالين

لان يعرف تمام المعرفه ان يقدر يعتمد عليه عشان يخلص له اعماله المتراكمه

طبعا لانه دائما مشغول من اجل راحته ونفسيته الي ما ادري متى راح يوصل لذروته من الراحه النفسيه عشان يحرك بعض الامور الي يحتاج له التصرف فيه

المرأه الجنوبيه على حسب عاداتنا وتقاليدنا

منحصر دورها بالوناسه بالسوالف وخفت الدم والطلعات والجمعات

وهكذا ...

لكن بما ان الرجل ماله عيوب بالمجتمع

الا اذا قتل له احد مثلا :8:يمكن تخترب سمعته

لكن طبعا ساحة اللهو والوناسه دائما موجوده

وله خيارات كثيره ومتعدده لوناسته

ومن ضمن هالاشياء عاد

الحريم ( بنات الحرام ) الي ما عندهم مانع ان يتعرفون عليه شكلا ومضمونا

فتخيلي معي

مجموعه من الاصدقاء كلهم جنوبين غربين

وجالسين مع بعض واسلوبهم ونواياهم نفس بعض

وش يصير ؟؟؟ :33:

اخلي لك خيالك الواسع يجاوبك
 
الانثى الحنونه

كلامك صحيح يالغاليه

ما يحب الصراخ ويحب النعومه بكل شي بالمرأه

فحاولي ان صوتك يكون دائما هادي وناعم

وخلي هذا طبعك مع الكل عشان تتعودين

دائما خلصي اشغالك مع عيالك اوبالبيت

قبل ما يجي عشان تسترخين وما يكون شي يوترك بوجوده وتصارخين او

يرتفع ضغطك لان المفروض بوقت وجوده

تسترخين وتبينين له انك مسترخيه وتحبين الراحه هههه او قولي فيك خمول نفسه

لكن انتبهي هو يحب انك تلبين طلباته رغم استرخائك

يعني على مين بيعتمد مثلا غيرك ما في الا انتي

وسلامتك من الفجعه

رغم انهم رومانسين ويحبون الراحه

الا انهم سبحان الله ما يعرفون يجاملون ابدا

يعني الي بقلبه على لسانه

ويشوف انه ما غلط ان جرحك باسلوبه الصريح المباشر

ولكن ايضا فيهم تناقض

ان كان حاب انه يكذب فدائما

ما تكتشفينه الا بطلعة الروح

ليه لانهم باردين و يحبون الوناسه

فدائما تشوفينه بيتوتي لان يحصل على طلباته منك

ونفس الوقت يحب يطلع لما يطفش

فلما تشوفينه مسترخي وما عليه منك لو انك تتهمينه سنه

تقولين عنه مسكين انا اشك فيه وهو مو مهتم اكيد ما عنده شي

لكن دائما الجنوبي ان كان عنده احد يقدر يقدم له جلسه او طلعه حلوه

فيه وناسته

فلا تتخيلين انه بيحط رجل على رجل بالبيت ويقعد جمبك

نفس الشي للزوجات الاوليات

دام هو عندك كثير تأكدي انك تقدمين له الراحه الي ينشدها بنمط شخصيته

لكن ان كان مبتعد ورايح للثانيه او العشيقه

فتأكدي انك قاعده تسوين شي بالشكل الخطأ

لازم توفرين له مو الراحه الا منتجع من الراحه والترفيه بالبيت

انا حتى عيالي يساعدوني من هالناحيه

مثال على ذلك ولدي طلب منه اكس بوكس عشان يقدر يلعب ويقضي وقته باللعب

وشارك ابوه باللعب

فأدمن ابوه اكثر من ولده وصار بس يرجع للبيت يحب يقضي اكثر وقته مع ولده

رغم ان موضوع اللعب شي تافه ان يجذب الزوج للبيت

ولكن هم كذا الجنوبين يحبون اي شي يشغلهم وما يكون فيه حركه كثيره

ما غير ضغط على بعض الازرار واللعب والترفيه وضياع الوقت

رغم ان الجنوبين الغربين دائما يحسسونك انهم

مشغوووووووووووووولين وما عندهم وقت

وتكونين انتي ما بين حيره ومليون سؤال من صدقه هذا ؟؟

لكن هو يشوف نفسه ان انشغاله بالترفيه والتسليه شي فعلا يخليه مشغول

حاله حال اي دكتور مناوب وعنده مرضى هههههه

ودائما الجنوبي يبين للشمالي انه مو محتاج له حتى لو عاطفيا

يعني بالدرجه القصوى ان كانت زوجته

دائما يفهمك ان مو محتاج للعاطفه

ولكن الحقيقه هو يموووووووووت بالحنيه والكلام المعسول والنعومه وووو

فلا تصدقي كلامه العكس هو الصحيح

عطيه من الكلام الحلو ابهريه برومانسيتك بكل مره بالاشياء الناعمه الي ما فيها كلافه

لا تحركينه كثير بالمفاجأت

او ترسلين له مسجات يحتاج انه يفك الطلاسم فيه

بعطيكم مثال راجعه ثواني بس عندي شغله مستعجله
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل