خلاصة تجربتي من زواجه علي ونصايحي للزوجات الاوليات (زوجات ناجحات)

اولا :جمعه مباركه
ثانيا:الحمدالله على سلامتك والله يحفظك من كل شر ويرجعك لاولادك
ثالثا:الله يصبر قلبك ويرجع لك زوجك ويشوفك في نظره اجمل نساء العالم والله يوفقك لما يحبه ويرضاه ويسعد قلبك دنيا واخره ويفرج همك
واخيرا:لجميع من يقرا ردي لاتنسوني بدعائكم بان الله يهديني ويهدي زوجي واولادي ويفرج عنا كربتنا ولكم دعوه في ظهر الغيب ...
ولاتنسون اليوم جمعه اكثروا من الصلاه على النبي عليه افضل الصلاه واتم التسليم
 
الحمدلله على سلاااااامتك وما تشوفي شر ان شاااء الله

والله يقووووووووووووووووووووووووويك اكثرررررررر ويعطيكي على قد نيتك ويحققلك اللي تتمنيه يااارب
 
الحمد لله على سلامتك وعافيتك الله يرد لك زوج ويشفيك يارب العالمين
 
والله انك محظوظة لوشخص اخر ماعطاج ويه واسمحي لي بس فعلا كثير يعانين الخيانه وغيره الكثير ومغلوب لامرهن !!! لاحول ولاقوه الا بالله شدّي حيلج واوقفي على رجليك وانشغلي بكل شي حلو

ادري الكلام مايغير شي بس ربج قادر على كل شي
 
قرأت اخر ردودك انتي بحد ذاتك حكيمة وعاقله

ولكن مابيد الانسان شي امام السحر غير رب العالمين ...حسبي الله ونعم الوكيل

سؤال: هل اخبرته بماكنتي ترين + فك السحر؟
 
ماشاء الله تبارك الله عقل وحكمة

الله يوفقك ويعينك على ما تريدين عمله ويسعدك ربي .

أعجبتيني جداً الله يسخر لك زوجك ويصلح لك أولادك ..
 
ماشاء الله تبارك الله عليك

صابرة

اما انا اقرا القصة وابكي

بس بسالك ليه الشروط اللي قلتيها

اش كانت مناسبتها

عشان تتخذين هذا الاجراء

قلبي معاك
 
ماشاء الله عليك ربي يزيدك ويقويك بس ابي اسالك اللحين كم لك متزوجه ؟؟
وهذي الشروط صار لها كم ؟؟

امراه شجاعه بحق ماشاء الله عليك​
 
فعلا لو كان احد ثاني كان ما عطاني فرصه اني احط شروطي

ولكن انا بنيت معه حياتنا وهو يعرف مدى تضحيتي له ولعياله ولاهله

القصه طويله لمدى سنين وانا اساعده واقوم بواجباتي وواجباته

لعل بعض الناس الاتقياء قالوا الحقيقه الي كانت غايبه عن باله

وهالشي زادني اصرار اني ابقى دام حس بتأنيب الضمير

والشي الي انا اعرفه ومتأكده منه

رغم الخيانه والزواج الثاني الا اني متأكده من حبه لي

فلو لا هالحب القديم بيني وبينه كان ما وافق على شروطي وراضاني

وايضا لو كانت زوجته مثل اي زوجه خذته بالطريقه الصحيحه كان ما وافق على شروطي

الناس صاروا يتكلمون عنه بالشر قبل الخير

لان اخذ زوجه من هالنوع

وتاركه لصلاتها وووو

فكيف ما تبونه يرضى بشروطي

هل يضحي باولاده وزوجته الي صاينته عشان شي ...

فلولا الانتحار والتهديد الي قاعده تهدده فيه كان من زمان طلقها

لكن برضوا ما بني على باطل فهو باطل

الزواج قسمة ونصيب

ولكن الاسباب والمسببات له دور قوي

في ثبات هالزواج

شي اخر الزواج تم بالسر وهي اتفقت معه على ذلك

لم تتفق معه الا على الزواج فقط

تنازلت عن المنزل وعن الاولاد لانها تاخذ ادويه نفسيه

وتنازلت عن حقوقها الشرعيه من مبات وغيره من البدايه

فشروطي كما شرط عليها ولكن فيه بعض التفاصيل الدقيقه الي ترجع لي كرامتي

..........

من خلال تجربتي

صرت اثقل صرت اسكت في اكثر الاوقات لما اكون معه

وهالشي احسه يربطه فيني بشكل مو طبيعي

دايما يبحث عن اخباري دايما يسألني عن وشو افكر

امسك اوراق ادرس مشروعي ينبهر فيني حتى لو ما يدري وش قاعده اسوي

لمجرد اني انسانه غامضه وانسانه افكر بشكل عملي وعندي شي يشغلني عنه

وعندي خطط ومشاريع يخليه دايما على شوق ان يعرف وش فيني وش ناويه عليه

قرأت كثير عن شخصية زوجي ونمطه بالفتره هذي

والحمدلله واخيرا فهمت له

وعلى هالاساس انا قاعده اتصرف هالتصرفات الحاليه

هو جنوبي غربي

وانا شماليه شرقيه

انتبهت لكثير من النقاط ما كانت على بالي

وصرت اطبقها

منها البكاء انا من النوع العنيد جدا وقويه وشخصيتي قويه جدا

صابره باكثر من المواقف الي حصلت لي بحياتي

احب كل شي يكون منظم احس بتأنيب الضمير لو حصل اي قصور

فخففت من ضغطي واعمالي وتفكيري

وصرت اطبق النقاط الي تأثر عليه

منها ايضا البكاء والدموع

يموووووووووووووت لو شاف دموعي

وده يقدم الغالي والرخيص عشان بس يتفادى هالمواقف

صرت ما اباشر بالعلاقه الجنسيه نفس قبل

مع انه كان يطلب مني اني انا ابادر معه

لكن بعدها فهمت ان هذا مجرد ادعاء عشان

يخفي ما وراء خيانته لي

مثلا يقول ليه انا دايما ابادر

لما اسأله ليه ما تبادر زي قبل

كان هذا رده ليه انا دايما ؟؟

وتغيرت وصرت انا ابادر بشكل مغري له

ولكن هالشي بعده اكثر عني

بعد قراءتي لنمط شخصيته

عرفت ان كل هالاشياء تبعده عني

خليته هو يركض وراي

لمجرد اني البس شي نعوم وامشي بشكل ناعم بالبيت

ينتظر الليل وينتظر العيال ينامون على احر من الجمر

للقائي ...

حبيباتي اتمنى محد يطبق شروطي لان كل زيجه او كل خيانه

فيه اختلاف بين الانماط والشخصيات

ومو كل الرجال زي بعض طبعا

ولكن مطمئنه من شي واحد

ان الرجل الجنوبي الغربي لمجرد يكتشف مضمون

اي امرأه يحاول انه يجد الجديد في مكان اخر

وبما انه تزوجها وجلسها بالبيت بدون عمل

فهذي بداية النهايه

لان لا جديد لديها بعد اليوم ولا معجبين لديها

وبالتالي نوع زوجي ينبهر لمجرد انها مرغوبه من الغير

ولما تعطيه وجه ممكن يرضي رغبته بالطريقه هذي

وايضا لمجرد ان تعرف ان لي الكثير ولها القليل وهالوضع

كان باختيارها اولا واخيرا

راح تصير نكديه وتصير تدق وتدق بالكلام

وبالتالي الجنوبي الغربي دايما يحب الفرفشه والضحك والوناسه

راح يشرد منها

وهذا الي حاصل حاليا

احاول قدر الامكان اني انساها ارتاح من كل شي

اعطي مجال لنفسي للاسترخاء

وشخصيته ونمطه تساعدني كثير اني اكون مرتاحه

لان هو يحب الفرفشه والفسح والكلام الحلو الرومانسي

كل هالاشياء عرفتها وكانت لصالحي

واتمنى من الله عز وجل ان يثبتي على صبري

واني اقدم لنفسي الشيء البسيط الي تخليت عنه لسنين طويله

ووقتها ان حسيت ان استقرار زوجته معه بالشكل الصحيح

راح ارجع لها حقوقها بالمبات والشقه فقط لا غير

اما العطل الرسميه او الويكند ما راح يكون متواجد معها

لكن لكل حادث حديث

زوجي يقول ادري فيك طيبه وما راح تواصلين بشروطك

وانا اقول له لا تتوقع اني طيبه بعد الآن

ولكن بقرارت نفسي انتظر الفرصه المناسبه فقط لا غير

والله يقدم ما فيه الخير

لسه افكر فيها انها كاسره خاطري

لكن ما راح اظلم نفسي في سبيل سعادتها

يكفي تضحيات وجاء الوقت الي افكر فيه بنفسي وبعيالي وشو الي يريحني

الين ما الله ييسر الامور
 
الله يعين قلبك ما راح ينسى الخيانه
انا الحمد لله العلاقه مع زوجي زينه بس كل ما تذكرة خيانته لى
وتذكرة الرسال والله العظيم كل هذا السنين والرساله مرسوم في عقلي كلمه كلمه
مو قادره انسها ولا قدره انس صوتها لما كلمته
 
كلامك خوفني اكثر واكثر وصفتي زوجي بدقة متناهيه ووصفتيني بدقه ايضا


انا شماليه غربيه وهو جنوبي غربي ...ولاحظت انه من يسمع خبر عن وحدة الا يبي يعرف اخبارها ... ربي يعينك ويقوّيك يارب
 
لا والله ماتراجع لو اني مكانج

لنه الرجل الجنوبي الغربي من شوف الزوجة تنازلت عن شي تنزل من عينه صدقيني ياحرمة لو انك اول ماكشفتي خيانته كنتي صارمه كان ماتمادى وصار الي صار بس مارديتي علي



لما كشفتي كل التغيرات الي طرات ليش ماسويتي شي يجنبك التضيحه!
 
بنت الذين عرفت تجيب راسه!!!

ضحكتني ...تهدده بالانتحار !!لنها عرفت كيف يفكر لنه رومنسي وعاطفي

تصدقي كنت اكابر ابكي قدام زوجي بس احين لا والله صرت بدل الدموع اربع لنه يؤثر فيه
 
سؤال اخير وادري تعبتك ياقمر


ليش ماستغليتي حبه لك وطلبتي طلاقها!!!؟ خصوصا ان علاقتهم كانت بالحرام فليش يصلحون شي اساسه باطل !!!! وبيظل باطل ×باطل ياخوفي بكرة تجيب عيال وينعفس حالكم
 
ملكة الاحاسيس

حبيبتي انا ما اكتشفت ان هو يخون الا بعد ما تزوج

يعني كل السوالف الي انا لاحظتها كنت اسأله ويقول لي ظروف عمل وغيره

وكمان والده ووالدته كانوا مرضى بنفس الفتره وهو كان متحمل مسؤوليتهم وعلاجهم

فهذا الشي اقنعني ان فعلا مشغول بهموم كثيره من ضمنها عمله وصحة اهله

بالنسبه ليه ما طلبت طلاقها

لان ما ينفع يالغاليه ابقول لك شي

رجوع الرجل بإصرار مني راح يرجع وهو مذلول

وان رجع مذلول ما راح يقدر يعطيني اي شي من العاطفه او

ان حياتنا بالعكس بيصير للاسوء

ليه لان الرجل الجنوبي الغربي

رغم كسله ورغم رومانسيته

لما ارجعه بالطريقه هذي بالعكس بيعاند ويركض لوحده ثانيه وثالثه ورابعه

لان يشوفوني دائما انا المسيطره عليه ومرجعته غصب

وبيكون حريص بالمره الثانيه ان يخون بدون زواج وهذا الشي انا ما ابيه

خليها على ذمته يكون مشغول بي بالدرجه القصوى وفيها بالساعتين بس المفروض يروح لها

واحيانا اساسا ما يروح لها لان الخلافات ما تنتهي بينهم وشي ثاني ضغط عمله واهله برضوا يحتاج لوقت واهتمام

فبالتالي راح يقصر معها

لكن معي انا ما يقدر يتعدى الساعه المحدده لرجوعه للبيت

يعني بكلا الحالتين سواء طلق ولا ما طلق هو مو مرتاح

احيانا يكسر خاطري لكن ابين العكس تماما

لكن ما احاول اني اضغط عليه

بالعكس لاني ابي يكون متواجد معي بشكل اكثر

احاول اني اوفر له الراحه بالبيت

بالهدوء بجلسات استرخاء

بحكايات مضحكه

بطبخات لان الجنوبي دائما همه على بطنه

بصراحه انا اعرف اطبخ من زمان وهو مدمن على اكلي

ولاحظت ان لو راح لها مثلا

يرجع وهو جوعان

وهالشي بصراحه يوضح لي انها ما تعرف ان زوجها همه بطنه

واساسا الجنوبي اي قعده لو ما فيها وناسه واكل ما يجلس فيه كثير ولا يحب ان يطول

صحيح اني كنت اطبخ له يوميا الطبخات الي يحبها

لكن الآن الحمدلله وفر لي شغالتي الي كلمتكم عليها

فشالت عني البيت وانا متفرغه بس لعيالي وطبخي

وبدل ما اسوي طبخه اسوي ميني بوفيه كل ليله على العشاء

اخلي عيونه تنبط لدرجة اني شريت اطقم للبوفيه خليته يرجع البيت ركض

لان عارف ان كل ليله ينتظره مفاجئه على طاولة الطعام

وبما اني اطبخ بوفيه كل ليله

فعلى الغداء اكون مرتاحه اصخن الباقي وناكل انا وعيالي والشغاله

والعصر ابتدي تجهيزات وبعد الصلاة المغرب اجهز اموري

والحمدلله رب العالمين

احيانا يحاول ان يبتدي يشكي لي عن احواله بالنسبه لذيك

احاول قدر الامكان اني اناظره بنظره حزينه وادمع عيوني اشوي

فخلاص يسكت وهذا الافضل

بالنسبه ان يجيب منها عيال ما راح تقدر تجيب عيال

والسبب الادويه الي تاخذهم ما يناسب للحمل

تقريبا صار لها 15 سنه وهي تاخذهم

وحاولت تتركهم على حسب ما عرفته منها

لكن يسبب لها حالة اكتئاب وارتجاف بالاطراف وصداع شديد

فدائما الدكتور يقول لها واصلي عليه

انا مخليه طلاقها او وجودها بحياته بيد رب العالمين

والله سبحانه وتعالى قادر على كل شيئ

شوفي موضوعي الاول بالمنتدى راح تلاقين قصة استخارتي بنهاية رضاي عن زواجه

مو رضا بالزواج نفسه ولكن قبولي الجلوس ببيته على اساس استخارتي

ولكن ما ظلمت نفسي وحطيت لهم هالشروط

وكان وقتها ملزوم يوافق لان شنطتي كانت جاهزه

ونفس الوقت حسيت انه ندمان

عموما يا اختي انا وانتي حريم حالنا حال اي حريم

لما نفكر بالزواج نفكر بالاستقرار والبيت والعيال وزوج يكون عادل وغيره

وهي كمان حالها حالنا

لما تشوف ان ما تقدر تحصل على ابسط هالامور وهي ظلمت نفسها من البدايه مو انا

الي ظلمتها لان هي الي متفقه معه على شرط ان يكون سر وان ما يبات وان ما يكون لها بيت خاص

وقتها ما راح تحس بالسعاده الزوجيه

كم بتصبر سنه سنتين ثلاث

الى متى ؟؟؟

يمكن حتى هو يمل قبلها والله العالم

راح اكتب عن الاشياء الي يلفت انتباه الرجل الجنوبي لاحظته من سنين

حتى قبل ما اعرف عن نمط الشخصيات وكنت احاول اتحاشى الاشياء الي ما يحبه

والحين فهمت ليه فيه كل هالمواصفات

والحمدلله اكثر السوالف الي المفروض اتبعها معه كنت اسويه له

الا شي واحد بس راح اذكره بعدين لعل هالشي هو الي خلاه يخون

بس لسه ما اكتشفت هل فعلا هو السبب الحقيقي

راجعه ان شاء الله
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل