حسبي الله و نعم الوكيل فيه جنني

اليوم قال لي الصبح انا با ايي افطر عندج و جهزت الفطور الا متصل يقول لي مشغول فارسلت له مسج اذا كنت ما تبي اتيي قولها واضحة احسن ..
الا اتصل قال بيجي البيت على الغدا رحت اجيب بنتي الظهر الا جيت الا متغدي و بيطلع ولا انتظرني ولا شي ..

الا عقب الغدا قعد عطاني محاضرة انا اللي مقدرج و مراعيج و لكن الواحد ينداس على راسه اذا سوه شذي و انتي ما تفكرين الا في الاشياء الكريهه فيني ما تتذكرين الاشياء الزينه اللي انا اسويها لج ..انا قلت لج ابي ايي عندج و انتي قلتي تعبانه كأنج انتي اللي تطبخين قلت له مو عن الطباخ الخير موجود وانت ما تقصر لكن ما اقدر اقعد وياك وانا كل مصدعة و مزكمه وايد يعني ما با اقدر اباشرك
الا تخيلو شيقول ايقول لي انتي من حملتي ولا تباشريني ولا شي قلت له يعني الحين اذا يت ما اقعد احذاك و احضنك وشذي و اقوم بطلباتك اهني سكت ولا تكلم قلت له يعني انتي ليش تتذكر الاشياء المب زينه عني و تنسى كل شي زين قال لا انتي صايرة تتشيطنين علي و شذي وين اول وين الحين
مع اني قبل كنت دايم اتهاوش وياه الحين اللي حياتي هادئة نوعا ما .
انزين اقول له و انت تعرف اشلون تقهرني من الشي الوحيد اللي يفرحني و انا ما قلت لك شي عن هالموضوع ..
و رد طلع من البيت ما بيرجع الا يوم الجمعة الليل الظاهر ..

انا والله العظيم تمللت من عيشتي معاه افكر انفصل هالريال خذ عمري حياتي صج اهو ما يقصر من سفر او صرف او شي بس اللي خذاه مني اكثر من اللي عطاني ..احاول ادور وظيفة الحين لكن مشكلتي ما اقدر وايد اتعب حتى المشي يتعبني ..
 
اهم شىء انتى وجنينك وهو خليه على راحته المهم اهتمى بصحتك وحملك ولاتفكرى به كثيرا
 
اصبري ولك الاجر ان شاء الله وحاولي تطنشي وتهتمي بنفسك وباولادك وادعي الله ان يسخره لك
 
اختي اهتمي بنفسك ودلليها ولاتنتظري منه الاهتمام والرعايه هم الرجال بنظرهم ان تامين احتياجاتك الماديه وطلباتك هي منتهى الحب والاحترام والدليل انه امام الناس مثل ما قلتي يسوي انه ما يقصر معاك يعني هو بنظره ليس مقصر يمكن انك لم تعوديه الا على ذلك فانت خذي حقوقك كاملة منه ولاتقصري معه وعند المرض اشعريه بتعبك وانك بحاجه الى حنانه ولكن لاتحزني اذا لم تجدي منه ما تتوقعين اهتمي بنفسك واولادك وهو اذا جاء عندك قومي بواجبه ولاتقصري معه واذا ذهب التفتي الى ذاتك واولادك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل