بادئ الموضوع تاريخ البدء
  • المشاهدات 993
  • الردود 11

عشق الأمل

New member
إنضم
6 يوليو 2008
المشاركات
43
مستوى التفاعل
0
النقاط
0
الإقامة
الدوحة

أكيد عرفتو من المقصود !!

ومن فيه غيره .. حبيب القلب .. زوجك طبعاً !

ومنهم ذول ؟

فيه غيرهم .. فيه أحد يهمه أمرهم عقبك أنت وعياله غيرهم ..

اللي الله عز وجل وصاه من فوق سبع سموات ببرهم ووصلهم !!

الحين اعتقد عرفتيهم ؟

أهله .. أمه .. أبوه .. أخوانه .. أخواته .. واللي يحبهم من بقية العائلة

أختي الحبيبة ..
احنا ما نختار أمنا أو أبونا أو أي حد من أخواننا .. ننولد نلاقي نفسنا محاطين بمجموعة من الناس اللي تحبنا وتخاف علينا حتى لو اختلفنا معاهم تبقى المحبة مثل ما هي ما تتغير .. نفرح لفرحهم ونزعل لزعلهم .. تقوم الدنيا عندنا وما نقعدها أحياناً لأن حد ذكرهم أمامنا بسوء .. لا ويمكن تظل قلوبنا شايلة عليه مهما قدم من اعتذارات .. يكفي أنه في يوم جرحنا يوم ذكرهم بالسوء ..
أنتي معاي في هالكلام والا لا ؟

زين هذا الكلام ينطبق على شريك حياتك ..
هو له أهله اللي ما اختارهم .. بمزاياهم وعيوبهم .. يحبهم ويخاف عليهم .. يفرح لفرحهم ويزعل لزعلهم .. يقوم الدنيا وما يقعدها لأن أحد ذكرهم بسوء .. وبعد يظل قلبه شايل عليه مهما قدم من اعتذارات ..

حتى لو كنت أنتي ..

أيوه حبيبتي ياللي تقرين الحين كلامي ..

حتى لوكنتي أنتي !!

تصدقين .. سألي مجرب ..

يا الغالية ..
لأسف احنا المتزوجات من نشوف محبة أزواجنا لنا ونلمس مكانتنا عندهم انظن خلاص اننا امتلكنا قلوبهم وحلينا محل أي حد آخر في حياتهم ..
وللأسف هذا الاعتقاد خاطئ .. أهل الزوج يظلون في قلبه مهما كان غلاك عنده أو غلا عياله .. يمكن يشفع الزوج لزوجته في البداية إذا جابت طاريهم بالشين .. لكن بعد فترة ومع كثرة ذكرهم بسوء والشكوى منهم راح ينفجر .. ويمكن تكون ردة فعله عنيفة وما تتوقعينها ..
باعطيك مثال من واقعي :
واحد من قرايبناالله يصلحه ويهديه .. كان ما يرضى على زوجته أو عيالها من الهوى الطاير .. وهي طبعاً استغلت هالشي فكانت دائماً توشي زوجها على أهله بمكر طبعاً ..
لا وتيوده من اليد اللي تعوره .. عياله ..
دائماً بعد كل زيارة .. تبدأ الشكاوي ..
أختك قالت .. أمك سوت .. عيال أخوك .. أخوانك ..
وهو طبعاًً المسكين ما يصدق يسمع هالكلام إلا ومنطلق على أهله .. ليش قلتوا وليش سويتوا ..
وأهله مساكين مستحملين ..
طبعاً ما استمر الوضع على هالحال .. لما قربوا يكملون 19 سنة .. الله حط حيلهم بينهم .. انقلب السحر على الساحر .. طبعاً رد كله عليها .. زادت بينهم الخلافات .. وصار يحذرها من طاري هله بالسوء ( مل من كثر ما سمع ) حتى في يوم من الأيام طرش لها ورقتها ..
تصدقون .. ورجع لأمه وخواته في النهاية ..
الحين صارت هي الرخيصة .. وأمه وأهله مستحيييييييل
يرخصون .. سمعتوني ؟؟


حبيبتي يا بخت من اتعظ بغيره .. هذي عبرة ناخذها من هالقصة عشرته معاها 19 سنة مب سنة ولا سنتين .. 19 سنة ما شفعت لها ..

بتقولي وحده ما آقدر استحمل ؟
بعض المواقف معاهم تطلعني من طوري !!
باقولها حبيبتي استحملي .. وباسألك سؤال ..

تطلعين من طورك والا تطلعين من حياته؟؟

أختاري يا عمري ..

وان شاء الله للموضوع بقية اذا لقيت منكم تفاعل
 

سر العشق

New member
إنضم
17 يونيو 2008
المشاركات
215
مستوى التفاعل
0
النقاط
0
بصراااااااااااااااااااحه كلام راقي جدا ااااااااااااا
 

ضياء القمر

New member
إنضم
5 يونيو 2007
المشاركات
1,274
مستوى التفاعل
0
النقاط
0
غاليتي .... جزيت خيرا على ما كتبتة اناملك

وجعل الله ما قلتية في ميزان اعمالك


كلامك عين العقل وسليم 100%


ولكن هناك بعض التحفظات



صحيح ان محبة اهل الزوج تنعكس انعكاس مباشر على العلاقة بين الزوج والزوجة


لكن هناك عوائل تعتبر زوجة الابن وكانها السارقة الشيطانة الرجيمة !!!!!!


انا ما اعمم ولكن اقول هناك نسبة تحمل هذة الفكرة .....


طيب لماذا ؟؟؟؟؟


انا بصراحة لا احب ان اتشكى على ام زوجي او على اختة او اي طرف من اطراف عائلتة


...............ولكن..................


هناك امور لابد من توضيحها له ....

ليس من اجل الشكوى والتشوية

ولكن من اجل ايضاح الحقيقة وبيانها


والا ساكون في محط اتهام وشك


اذا لماذا ؟؟؟؟ ان اسكت واضيع حقي في هذا الموقف ؟؟؟؟
 
إنضم
13 يونيو 2008
المشاركات
217
مستوى التفاعل
0
النقاط
0
صحيح كلامك يا اختي والام والاب ما لهم بديل لاكن الزوجه بدالها اربع
 

عشق الأمل

New member
إنضم
6 يوليو 2008
المشاركات
43
مستوى التفاعل
0
النقاط
0
الإقامة
الدوحة
أخواتي الغاليات والله كلكم أحبكم في الله
واتمنى يتسع صدركم للي بقوله

واشكر كل وحدة منكم ردت على موضوعي فجزاها الله خير
وأود أن أوضح شيئاً ..
أخواتي هدفي من هذا الموضوع هو إعطاء خلاصة تجارب في هذا المجال حتى لا نقدم على تصرف أحمق نندم عليه حين لا ينفع الندم
أنا أتكلم في الموضوع بشكل واقعي تماماً وهو أن حنا كمسلمات شلون المفروض نتصرف ..
شلون أتبع سنة حبيبي محمد عليه أفضل الصلاة والتسليم حتى مع الناس اللي ممكن يأذوني ..
مش حبيبنا المصطفى أمرنا ألا نغضب .. وكررها ثلاث على أحد الصحابة رضوان الله عليهم حين طلب منه أن يوصيه
الم يقل عز من قائل : والكاظمين الغيظ والعافين عن الناس
ألم يقل سبحانه : ولا يغتب بعضكم بعضاً
أم أن هذه الآيات والأحاديث لا تنطبق على أهل الزوج خاصة
حبيبتي :
أنتي لما تتكلمين عنهم فأنتي بتكونين :

1) في حالة غضب ونهيت عن ذلك
2) ستلجأين للغيبة وهي محرمة وعظيمة
3) لن تشملك هذه الآية ( والكاظمين الغيظ والعافين عن الناس والله يحب المحسنين )

خل كل وحدة تكلمت عن أهل زوجها أمامه بسوء خليها تتذكر هذا الموقف مرة وتركز على زوجها في ذيك اللحظة ..
شلون تقبل كلامها ..
شلون كان وجهه .. هل كان مبتسم ( أشك )...
بعدها ..
اشكثر خذ من الوقت متكدر ..
شنو رده عليك .. هل كان مبسوط وفرحان أنه يسمع منك هالكلام؟؟؟

بصراحة أنا ماني خاليه أسمع وأشوف تصرفات ما ينسكت عليها بس عمري ما قلت حق زوجي عنها ..
ايش راح أستفيد غير النكد .. وليش ننكد على روحنا .. هو مش قادر يسوي شي .. يعني معقولة بيروح يخانق أمه عشان صرخت في وجه ولدي أو حتى ضربته ..
كل اللي بيصير أنه راح ينطبع في قلبه أنك ما تحبين أهله ..
بالذات إذا هم كانوا مفهمينه أنهم يموتون فيك !!
والا أنه راح يتضايق أن أهله قاصرين وما يعرفون السنع وفي الحالتين أنتي الخسرانة ..
واحنا ما نبي نخسر .. أخواتي أنا اللي تعلمته في هالمنتدى هو شلون أحافظ على حياتي مع زوجي وارتقي بها .. أني أحاول أني أرضي ربي قبل زوجي

وعني أنا في مثل هالمواقف أستشير وحدة من أخواتي في الله وجزاها الله خير تشور علي منها فضفضة ومنها استشارة
غاليتي ..
مع زوجك .. افتحي لك باب من أبواب قلبه .. خليه يحبك عشان تحبين أهله لا وما ترضين عليهم
وتعمدي أمامه تذكرين موقف حلو لهم .. صدقيني ساعات زوجي يشكي لي من حد من هله أقوله لا الحين أنا اللي ما أرضى عليهم .. وأخذها بمزحه وأشوف عيونه تلمع من الغبطة .. حتى ساعات يقولي ما شفت مثل قلبك الأبيض

ولا تقولون لي هذي مثالية .. هذي محاولة للوصول لأرقى درجات السعادة الزوجية
*******************************
لمشرفة القسم العزيزة .. بالخطأ تم أرسال مشاركتين بنفس العنوان والمحتوى
أتمنى أن يتم تجميع كل المشاركات في مشاركة واحدة .. ولك الشكر
 

هواها شرقي

New member
إنضم
11 يونيو 2008
المشاركات
712
مستوى التفاعل
0
النقاط
0
والله صادقه زوجي عارف بحركات اهله من وراهم يعصب ويصارخ ولمن يجلس معاهم ضحك وسوالف ولا كانه صاير شي كانه مسحور ابد ابد مايقول ولا كلمه حتى ولو بهدوء ما ادري ليش هم كذا
 

la esperanza

New member
إنضم
17 ديسمبر 2007
المشاركات
157
مستوى التفاعل
0
النقاط
0
الإقامة
My Kingdom
موضوع رائع حبيبتي
تسلم يمينك
وعين العقل والله

بعدين ودي اقول لكم حطوا نفسكم محل ازواجكم
هل ترضون انهم يتكلمون عن اهلك بالسوء؟
يعني انا وزوجي كنا فعلا نشوف تصرف اخوانه وماكان يعجبنا وهو اصلا يرجع من عندهم مقهور ومعصب من تصرفاتهم
ولكن بالاخير يحن عليهم ويرجع يكلمهم.. وانا احاول قد مااقدر ماابين اني متضايقه بس اخليه هو بعينه يشوف التصرفات
منهم...
انا مااسمح لزوجي يتكلم على اهلي ... ولو حصل فعلا شي يقهر واقول لكم عن تجربه
فانا دايما احاول احط نفسي مكانه وبعدين هذول اهله

الزوجه في عشره منها بس امه وابوه واخواته واخوانه مافي منهم ابد
وهم الاصل وهم الي يشوف بعيونهم الدنيا حتى لو كان يحب ويموووت في زوجته
اهله لهم معزه خاصه


تحياتي
 

كلمة المدير

جميع المواضيع والمشاركات المكتوبة تعبّر عن وجهة نظر صاحبها ,, ولا تعبّر بأي شكل من الاشكال عن وجهة نظر إدارة المنتدى .

عن منتديات نسوة

نسوة أكبر تجمع نسائي في العالم العربي لكل ما يخص عالم حواء والحمل والولادة والزواج والثقافة الجنسية والسعادة الزوجية وطرق الجماع وقصص وحكايات رومانسية وتسريحات وكياج لكي أن

تابعنا على المواقع الاجتماعية


إتصل بنا

 

أعلى