السلام عليكم ورحمت الله
حبيت احكي لكم قصتي الي ماعرف شو نهايتها انا فتاه مثل كل البنات كنت احلم اني اتزوج والبس فستان ابيض . فعلن صار الي بغيت وتزوجت من واحد من العايلة بس من بعيد حسيت انه شخص كويس كبداية بس بعد الزواج اتعلقت في وهو بعد كان يحبني من يوم كنت اصغيرة بس انا ماأعرف الى بعد الزواج اعترفلي حبيته وعشنا ايام حلوة بس لا بد من المشاكل بس هل المشاكل خربت كل حياتنا انا مابدخل في التفاصيل لا نها طويلة وماعرف من السبب فيها يمكن انا او هو او اهلنا الكل شارك والكل ابدا راية وطبعن كل واحد بيوقف ويه اعياله وكبرت المشاكل ورنا ماطايقين بعض اوزعلنا ورحت بيت اهلي وقعت عندهم شهر وبعدين رجع وراضاني وكانت ايام حلوة للحين اذكرها . على فكرة انا عايشة عند اهلة في البيت, امة وايد اتحب المشاكل وانا كنت دايمن اتغاظى عنها عشان تستمر الحياة .
صارت مشكلة بسيطة بس ماتحملناها وصار الطلاق ويليت محد يصيرله ه الشئ افترقنا ومحاكم ولعوزا
وبعد مرور شهر جاني مسج منه يعتذر عن الي صار وانه الي صار مايعرف ليش صار صرنا انكلم بعض فترة لين اكتشفت امي اني اكلمة وكلمت اخته وقالت لهم اذا حاب ايرجني ماعندهم مانع بس بشروط المهم قال لا ماابغي وانسينا كل شئ ومرت الشهور علي ثقيلة ياما نمت ودموعي على خدي وتولهت عليه حبيته والله حبيته والحب اكبر مصيبة حبيت اسمع صوته او اشوفو من ابعيد استغرب الي اصار لانة ماصارت مشاكل اكبيرة اتخلينا نوصل للطلاق مجرد مشاكل اصغيرة مثل المصروف والطلعات و الغيرة الي مالها داعي .
وفي يوم قررت اسمع صوته اتصلت له من تلفون بنت عمي وسمع صوتة بدون ما اتكلم بس هو حس فيني وقال اسمي ماقدرت اقاوم كلمت وكان متوله علي مشتاق لي ويليتها ماخلصت المكالمة وضلينا على هل الحال اشهور ايدق على مبايلي من ارقام غريبة او اكلمة وكان يبغي ايرجعني وفعلن بع طول انتضار طرش واحد ايكلم اهلي وبس اهلي طلبو اعيش في بيت بروحي وهو ماعندة ,. المهم عرفو اني اكلمة وحرموني من التلفون . والحين طاف سنة على طلاقي وخطبوني كثير بس رفظت لاني مااتخيل نفس مع واحد غيرة وانا عارفة انا اللي صار قضاء الله وقدرة وانه رب العالمين يمتحن عبادة الصالحين , والله انة انسان عانا في حياتة , ويتقولون ليش تمشين ورا واحد مايبغيج هو يبغيني بس الي صار صعب ينحل والمشاكل بين اهل واهلة صارت اكبيرة واسبب احنا و امه مب راضية ايرجعني بس والله اني مابحصل انسان مثلة ايصلي ويقرا قران واقيام الليل مايفوتة .
كنت اتمنى احب وعيش حياة حلو بس الحياة لا زم فيها معاناة , اتمنى اتساعدوني وتعطوني حلول لان اهلي مايعرفو اني احبة استحي اقول الهم والله استحي :blush-anim-cl:, ابغيكم تعطوني حلول اقنع فيها اهلي , والله هل الانسان اتغير والي صار غيرنا كثير والشكر في تغيري لهل منتدى الرائع ال علمني اشياء كثيرة ماكنت اعرفها.
ابغي مساعدكم ولو بالدعاء.
