حبيبج ماقادر يتزوجك؟؟ .. تعالوا نعرف الأسباب

[نور القمر2000]

يزاج ربي كل الخير ياختنا صاحبة الموضوع

موضوع مهممممممممممممممممممم جدا .. بس ماادري ليش هاي الغفلة من جهة البنات .. ليش ليش ليش
ليش ها الغباء
ليش مسترخصة بنفسج
ليش دايما انتي الضحية
ليش بايعتنا برخص

ليش ما تحبين نفسج قبل لا تحبين وبالتالي مابيجرأ اي شخص يتلاعب بعواطفج
ليييييييييييييييييييييييييششششششششششششششششششششش

بصراحة انا مقهورة لاني اعيش مع شريحة هاي الفئة من البنات البريئات والغبيات والسذاجة عيني عينك علنا

وحده منهن تصيييييييييييييييح بحرقة بعد علاقة عشر سنوات وطبعا قال كل الاعذار الي قالتها اختنا وبعد ماخلصت الاعذار وتخرج والقهر انه في الاساس موظف
طلع عذر الماجستير الحين .؟؟؟؟؟؟؟؟؟؟؟؟!!!!!!!!!!!!!!!!!!!!!

بعد صياحها والحرقة الي فيها قالت بالفم المليان .. انا اعرف انه ما بياخذني لكني احب اقعد معاه .. انا اعرف لو صار وخذني ما بيعيش سعيدة بس بعدني ابغي اقعد وياه

وفي النهاية رماها رمية الكلاب وهذا بعد عشر سنوات تضحياااات بكل الانواع من هدايا تقصر على عمرها وتربط بطنها عشان تشتريله هدية في عيدميلاده
والكثييييييييييييييييييييييييير من المواقف

وبعد كل هاذي الجراح والحزن الي فيها .. اتغيرت شخصيتها بعد ما تركها .. صارت عصبية ومنطوية وما تحب تسلم على حد دوم في غرفتها
شخصية سلبية حزينة
ذبحها واستخدم جميع انواع الاساليب


خواتي البنات بعدكم بتحبون بغباء

ليش ما تحبون بعقل.. ليش ما تحبون بالشرع

ليش تستمرون وانتوا تعرفون في قرارة نفسكم انه ما بيدق الباب وتعرفون عدل ما مثل ماتعرفون امكم وابوكم انه بعد سنة او سنتين بيطلع عذر جديد
ليش ماتحبين نفسج
ليش هاي الاهانة

اتعلموا من تجارب الاخرين..

 

[اوراق ملونة]

ماشاء الله عليتج اعلاميه ...

حقا رااائعه وصادقه وكلامك وااااااضح

جدااااااا ....وتشبيهاتك ممتازه

عجبنى جدا تشبيهك (الرجل ال داخل المحل ومافى جيبته غير100 درهم)

حقا انتى رااااااااااااائعه ..جزاك الله كل خير

 

[غاليه عبدالله]

يعطيج العافيه يا قلبي
و موضوعج حلو و متكآمل



امممم ,,
طيب انا عندي لج قصه !!
بقولها عالسريع
مآدري هل هذا هو الموضوع المنآسب
و لا في مكان ثآني احط في موضوعي ( شخصي )
عشأن استفيد من خبراتكم و نصآيحكم ,,

 

[اعلامية طموحة]

براحتج المكان اللي يناسبج مع ان افضل ان تكتبيها في موضوع منفصل اذا كانت فصول الاستشارة مازالت مستمرة لتأخذي حقج من النقاش والمساعده من الأخوات .. اما اذا كانت منتهية فاكتبيها هنا​

 

[ميميته]

يعطيك الف الف عافية اختي الاعلامية

كلامك صحيح

الله يعيننا على قلوبنا بس

انا وحدة من اللي قلت مستحييييييييييييييييييييل اسويها و احب لأني عاقلة
لكني سويتها و حبيت!
اعرف انه صادق
لكن اهم شي الخطأ ما يستمر و الله يرضى عنا

 

[غاليه عبدالله]

براحتج المكان اللي يناسبج مع ان افضل ان تكتبيها في موضوع منفصل اذا كانت فصول الاستشارة مازالت مستمرة لتأخذي حقج من النقاش والمساعده من الأخوات .. اما اذا كانت منتهية فاكتبيها هنا​

تسلمين حبيبتي
و رآح ابعث لج الموضوع عالخآص ,,
بس عشأن تعطيني فكره :icon26:


بآرك الله فيج

 

[انفلونزا الرجال]

ايييييييييه نفس الحاله انا اخطأت لكني عدت لصوابي

وين هالموضوع عني من زماااااااان

سبحان الله الأعذار اللي كتبتيها بعضها حصلي شخصيا والبعض كانت من صديقات وسامعه عنها

ياليت كل بنت تقرا هالموضوع



انا تعرفت على واحد كان مايناديني الا بزوجتي وانا اقول متى تقولي هالكلام في بيتك مو على الجوال

يوم قالي امي تبي تزوجني وحده وانا مو راضي وقلتلها حرفيا مابتزوج الا وحده انا مقتنع فيها


ماني عارفه ليش قالي هالكلام حسيته يمهد لشي معين

تداركت نفسي بسرعه وقلتله انت عارف البيت والعنوان اذا تبيني تعال من الباب بتحصلني وبعدها تركته وانا قلبي متقطع

لكن الصدمه انه مأبدا اي محاوله لاسترجاعي


الحمدلله ان هالعلاقه دامت شهور مو سنوات



الله يجزاك خير على قد حروف الموضوع

 

[kid4ever]

اختيه اعلاميه طموحة ،،

وياااج حق بكل لي قلتيه ،،
زمن الحب العذري ولا واندثر،،
ولكن لي سؤاااال ،،،

احيان ممكن ان الواحد يحب وحده من بعيد لبعيد بس سبحان الله يكون ظرف قاطع يمنعهم عن الزواج وهالمره صدق مو كذب ،،

بتقولين مثل شوووو ؟؟

بقولج مفاهيم الجاهليه السائده اقلها واكثرها اتشاراً عندنا " العرب ما ياخذون غير العرب ،،الابيض ما ياخذ غير الابيض " ياما سمعنا هالعبارات وغيرها ،،
هالحالات اللي الاهل يوقفون في نصها ويشكلون الحد الفاصل فيها للاسف ،،
في هذي الحاله شو برايج الحل؟؟ الوقوف في وجه الاهل ؟
او الاستسلام والنسيان ؟؟
وانا هنا اتكلم عن الحب من غير المكالمات الهاتفيه واللقاءات وغيرها ،،
اتسائل عن المحبة العفيفه ،،
شو الفايده اذا هالانسان تزوج بانسانه ما يحبها ومب قادر يحبها ولكن مجرد ان اهله اختاروها له،،وفي الواقع هو يبغي وحده ثانيه ،،،
يهمني رايج عزيزتي ،،،

ويزاج الله خير ،،
واكيد اي اخت حابه تجاوبني وتناقش ما عندي اي مشكله ،،

 

[zanzona]

جزاج الله كل خير عالموضوع المفيد

 

[chayma]

 

[دموع لاتنضب]

والله إنك صادقة الشباب هدي الايام يسوو التهاويل الله يكفينا والمسلمين شرهمودمتي عزيزتي

 

[لمعه الماسه]

موضوع رائعجدا ومهم
للاسف البنات صاروا ضحيه وفريسه سهله للشباب باسم الحب والزواج
كثير نسمع عن علاقات حب وغرام استمرت سنين ومن كثر الحب اللي نسمع فيه نقول مستحيل يعيشوا من غير بعض
واخرتها يطلع عذر غبي وتنتهي العلاقه ولا كانه صار شي وكل واحد يتزوج لكن الشاب ما عليه في مجتمعنا للاسف لكن البنت سمعه وممكن يتاخر زواجها او ينظر لها نظره سيئه ول عرف زوجها بعد فتره عن الموضوع ما حيكون واثق فيها

الشباب شاطرين جدا في الاعذار وفي الكلام وتنسيقه ويتباهون فيه قدام بعض
والبيت ممكن تكون غبيه وتعطيه صورها وبعد فتره تلاقي الصور على صفحات الانترنت وممكن بالاسم ورقم الجوال كمان لان حبيبها ما قصر وزع الصور على الشله كلها

 

[co0o0ol]

كلامش اختي 100% صح
أأيدش في معظم الأعذار وطرق التحايل اللي يتبعها كثير من الشباب عشان البنت تتعلق فيهم
وحبيت اضيف ان البعض نشوفه يعرف البنت على أخته أو أمه أو اي أحد من العائلة عشان يطمنها .. بس من تجارب عاشوها بعض صديقاتي تكون هاذي طريقة للتحايل.. لانه وقت اللي ما يبي البنت لا أمه ولا اخته ولا اي احد بيجبره عليها.. واي عذر يقدر يقوله عشان يتباعد عنها..

لكن اعارضش في موضوع الدراسة والشغل..
لان في بعض الشباب يكون صادق في العلاقة مثل ما البنت صادقة وياه.. والدراسة والشغل في وجهة نظري عذر مقبول الى حد ما.. يعني مو يصير عمره 25 وبعده يقول نطريني اكمل دراستي..

مثل ما ان البنت لها مشاعر .. الشاب مثل الشي ..
وبدل ما يوزع مشاعره على فلانه وفلانه .. شنو العيب لما يكون مركز مشاعره على وحده بس ويبني احلامه عليها.. ممكن هادي البنت تكون دافع للشاب للتفوق والدراسة والبحث عن عمل .. بدل الدوارة والقهاوي والمجمعات

عشت وشفت قصص حب واقعية تكللت بالنجاح ,,, وفي المقابل شفت قصص حب فاشله

وحبيت اقول ان مثل ما كانو الشباب يلعبون في عقول البنات ,,, ترى الحين في شباب على نياتهم والبنات يستغلونهم

عموماً :showoff: كل واحد وشطارته
.. طريقة التعارف .. طبيعة حياة الولد .. مدى ثقافة الطرفين وحسن ادراكهم للعلاقة .. كل هادي عوامل تساعد على معرفة مدى صدق العلاقة

قال تعالى:'الطيبون للطيبات والخبيثون للخبيثات'

 

[co0o0ol]

في الرد اللي قبل تباعدت عن الموضوع الرئيسي اللي يحويه العنوان " حبيبج ماقادر يتزوجك؟؟"

الحمدلله على كل حال حبيبي :icon26: جه خطبني واحنا الحين نجهز للخطوبة .. ادعو الله يتمم على خير
في البداية كانت امه على علم بالموضوع بس كان عذره الدراسة وبعدها الشغل .. والحمدلله من اشتغل خبرت امي عن موضوعنا وامه كلمت امي .. وبعد شهرين تقدم بشكل رسمي

نصائحي الى كل عزباء ..
- كوني ذكية في اختيار الشخص
الموضوع هدا يحوي الكثير من الحيل اللي يتبعها الشباب.. استفيدي
من وجهة نظري الخاصة ادا وحده بعدهي صغيره المفروض يكون اللي تحبه اكبر منها بحوالي 4-6 سنوات.. عشان لو كان عمرها 18 يكون عمره 22 .. عشان ما توصل العشرين الا وهو خلاص تخرج واشتغل.
وجهة نظرة ثانية.. الحب في المراحل الابتدائية والاعدادية حب غير صادق ..مجرد مشاعر تجتاح البنت بدون تفكير بالعقل .. مما يؤدي الى اختيار الشخص الغير مناسب


-كوني ذكية في التعامل معه
لاتكونين المسؤولة عن الاتصالات..:bleh: بس المكالمات القصيرة عليش
علميه المسؤولية من الحين.

- حطي ربج قدامج في كل شي .. ولو خطأتين مرة لا تعيدين خطأش ..
خلي عنج المقاهي المغلقة ترى مابتشوفين الا ابليس فيها :bleh:

- خلي طرف كبير من اهلج وآخر من اهله على علم بالموضوع

- استفيدي قد ما تقدرين من القصص والمواضيع في المنتدى..
احيانا البنت لما تحب تتصرف بغباء وتكون خاضعة للشخص اللي تحبه فتفقد بريقها في نظره


تحياتي ..

 

[اعلامية طموحة]

أولا مبروك وربي يتمم لج على خير .. ويسترنا ويسترك في الدنيا وفي الأخرة والفال لبنات المنتدى

بالنسبة للموضوع

استغرب على كثر مانقول ونغرد ونأذن بأن هذي كلها أعذار نجد مثل هذا الكلام

لكن اعارضش في موضوع الدراسة والشغل..
لان في بعض الشباب يكون صادق في العلاقة مثل ما البنت صادقة وياه.. والدراسة والشغل في وجهة نظري عذر مقبول الى حد ما.. يعني مو يصير عمره 25 وبعده يقول نطريني اكمل دراستي..

مثل ما ان البنت لها مشاعر .. الشاب مثل الشي ..
وبدل ما يوزع مشاعره على فلانه وفلانه .. شنو العيب لما يكون مركز مشاعره على وحده بس ويبني احلامه عليها.. ممكن هادي البنت تكون دافع للشاب للتفوق والدراسة والبحث عن عمل .. بدل الدوارة والقهاوي والمجمعات

عشت وشفت قصص حب واقعية تكللت بالنجاح ,,, وفي المقابل شفت قصص حب فاشله

وحبيت اقول ان مثل ما كانو الشباب يلعبون في عقول البنات ,,, ترى الحين في شباب على نياتهم والبنات يستغلونهم

عموماً :showoff: كل واحد وشطارته
.. طريقة التعارف .. طبيعة حياة الولد .. مدى ثقافة الطرفين وحسن ادراكهم للعلاقة .. كل هادي عوامل تساعد على معرفة مدى صدق العلاقة

قال تعالى:'الطيبون للطيبات والخبيثون للخبيثات'

اختي انصحج تقري موضوع نصيحة شاب في المنتدى هناك الرد على كلامج السابق

واعلمي اختي ان كون قصتج نجحت ليست مقياااااس للحياة وللواقع .. توفيقك ليس لذكائك وحسن اختيارك مع احترامي لك انا ما اقول انتي مش ذكية لا حشا لله .. بس توفيقك لأسباب وحده الله يعرفها وبحكمته يقدررها

انا انصح كل بنت مرت بقصة حب لا تخطها حرام عليكم كم بينت بتغتر بنفسها وكم بنت في متاهات الحب الغير شرعي بتقول هذي مب احسن مني .. هذي تجربتك الخاصة وربي ستر عليك .. لاتنشريها

وهذا مب كلام

-كوني ذكية في التعامل معه
لاتكونين المسؤولة عن الاتصالات..:bleh: بس المكالمات القصيرة عليش
علميه المسؤولية من الحين.

كوني مفتاح للخير مغلقه للشر .. "من الناس مفاتيح للخير مغاليق للشر .. ومن الناس مغاليق للخير مفاتيح للشر .. فطوبى لمن كان مفتاح للخير مغلاق للشر .. وويل لمن كان مفتاح للشر مغلاق للخير"

ماودي اعكر عليك مزاجك وانتي الحين عروس .. بس تفكيرج اعادة صياغة في عقلك .. انتي باكر بتربي بنت من بنات المسلمين وأولادنا .. اعيدي صياغة قناعاتك ربي يرضى علينا وعليك الحرام مافيه لعب اليوم نحن فوقها باجر بنكون تحتها

 

[@جودي@]

اخويه يريد الزواج من وحده تعرف عليها بالنت وامي رافضه

عزيزتي اعلاميه قرات الصفحه الاولى فقط واعجبني الموضوع جدا

ولكن مشكلتنا نحن العكس
فاخي تعرف على بنت في احدى المواقع

المشكله ماتتخيلين اخويه قد ايش نياتي وطيب وحنون ومايحب يجرح احد ومو حق بنات وسواليف

لكن يقول لزقتلي بعدين حسيت انها هي اللي تفهمني ,,
اه اه لو تتخيلين القهر اللي في صدورنا مانبغاها
لانه طبعنا ناخذ من قبيلتنا ,,

اهو يقول اذا ماتزوجتها خلاص باخذ بعثه واسافر ,,

حسبي الله عليها,,

المشكله ماعنده وظيفه ولادخل
واذا فرضا جبرنا على وحده ثانيه نكون غشيناها لانه قلبه معلق بتلك ,,

فقررنا اننا نخطب عندهم ونذكر مساوئه عشان اهلها يرفضون
ونقول لهم انه ماعنده وظيفه

لكن بصراحه ناوين نكرهها في عمرها

اهي تعرف انه احنا مو قابلينها لكن ماعندها كرامه ,,

تقول له الله يخليك مو لازم امك توافق مقدر اعيش بدونك وتبكي ,,
والله راح نخليها تكره اليوم اللي عرفته فيه
​

 

[اعلامية طموحة]

اختي طيب أنا بسألج سؤال

اذا قابلتي ربج شو بتقوليله في ظلمج لأنسانه لمجرد انك تبي تزوجي اخوج من بنت من قبيلتكم

والانسان ينام ويحط في باله نيه زينه علشان لو ربي خذ روحه ينام على النية الزينه ماينام على نية شر

هذي لو ربج كتب لها من فوق سابع سما بتكون زوجة اخوك وأم عياله خلاااااص مكتووووووب .. يعني انتي طفشيها وسوي اللي تبي ما بتجني غير الذنوب والحقد بينك وبين بيت اخوك

وعلى بالك لو طفشتوها متعمدين اخوك بيرضى عليكم .. بتسببوله جرح حتى لو تزوج وكبر بيتذكرها .. والله العالم حللكم من هالسالفه ولا ما لحق يحللكم

ساعتها قوليلي شو بتقولي لربك يوم ماينفع مال ولا نسب.. بغيته يتزوج من القبيله!!!

ما أقول الا الله يثبت اخوج اللي ما أدار ظهره للبنت اللي وعدها .. وكان رجل قد كلمته

​

 

[last Dream]

الله لايحرمك رائحة الجنه قولي امين

موضوع قمه في الروعه الله يسعد ايامك

ويجزاك خير

 

[@جودي@]

عزيزتي اعلاميه كلامك صحيح وعلى عيني وراسي:icon30:
لكن السبب مو بس لاننا نبغ من قبيلتنا

احنا عندنا اللي تكلم شاب هذه قليلة ادب وخانت اهلها

واللي تخون اهلها وهم عشره في البيت فكيف بتكون مع زوجها ,,

اكيد الحياء راح وتصير تكلم كم واحد غيره

وبعدين هذا اخويه الكبير ,,كنا نتمنى نزوجه من وحده تطيب الخاطر و قريبه لامي, اذا دار الزمن تحس البيت كانه بيتها مووحده مانعرف اصلها ومعدنها ,,

وبعدين هو يقول مو حلوه وقصيره ,,الحلو فيها شعرها ناعم ,,اذا هو يقول كذا مدري على ايش يبغاها

بس الله يختار اللي فيه الخير
اللهم ان كان فيها خيرا لنا وله فيسرها
لنا وبارك فيها
وان كان فيها شر لنا فاصرفها عنه وعوضه خيرا منها

ترين احنا ماشفناها ولانعرفها الا من كلامه
اليوم امي كلمتهم وبنروح لهم يوم الاثنين:tears: ​

 

[ام النواعم]

اعلامية طموحة السلام عليكم ورحمة الله وبركاته

قرأت موضوعك وحبيت أنقل رأي فيه....كثرة المحادثات بين الجنسين في الفتره الاْخيره ...
وذلك بسبب غياب الوازع الديني ثم عدم أحترام الاْهل و عمل حساب وتقديرلهم...
يلجأ البنت أو الولدالى ذلك بعد ما زين الشيطان عمل ذلك في عينه...فيتناسون عاقبة هذا الاْمر..
(مكالمة ودلع وحب وغرام ولقاء)...ترضى البنت بذلك من باب التقليد ولأشباع الغرور الداخلي في نفسها ..فأنا محبوبه ولي معجبين تتباهى فيهم بين صديقاتها حتى يقع المكروه ..

وأيضاًلا يجوز أن تتكلم أمرأه مع رجل دون حاجه وبأدب فمابالك بكلام الغزل والاْعجاب وغيرذلك..
ولقد أوجد الاسلام حل لهذه المشكله في حديث رسول الله صلى الله عليه وسلميا معشر الشباب من استطاع منكم الباءة فليتزوج، فإنه أغض للبصر وأحصن للفرج، ومن لم يستطع فعليه بالصوم فإنه له وجاء ) متفق عليه.

والزواج المبكر ليس بدعة مذمومة، ولا عادة سيئة ممقوتة، وإن ندر أو ضعف في مجتمعات بعض الناس، فقد كان محبوباً مرغوباً عند أولئك الأصحاب الكرام رضي الله عنهم. ووجد من الصحابة الكرام من بكّر في زواجه.

ولكن تبقى المشكلة عندما يفقد الاستطاعة على الزواج، مع حاجته إليه، وهنا عليه اللجوء إلى خالقه سبحانه وتعالى أيضا، والصبر عن المعصية مهما كانت مغرية في ظاهرها، ثم الأخذ بالهدي النبوي الكريم، ووصيته للشباب بالصوم ..

فيا أيها الاْخوات اتقوا الله تعالى اتقوا الله تعالى بقلوبكم اتقوا الله تعالى بألسنتكم اتقوا الله تعالى بجوارحكم اتقوا الله قوموا بأمره واجتنبوا نهيه ...فيجب علينا تربية أولادنا على الخوف من الله وجعله الرقيب على أعمالنا وغرس تعاليم الدين الاْسلامي في نفوسهم ونبين لهم شر المحادثات وعواقبها على البنت أو الولد فالمحادثه لاتكون بينهم ألابعد عقد القرآن ..

هذا والله أعلم وصلي وسلم على نبينا محمدعليه أفضل الصلاة والسلام