حبيبج ماقادر يتزوجك؟؟ .. تعالوا نعرف الأسباب

[No Air]

بصراحة طلعتي كل الي ف خاطري اقوله بالضبط لان انا الي استغرب شلون البنات يصدقون هالكلام الي واضح انه لعب
تسلميييييييييييييييييييين عالموضوع وكلامج 100% صح

 

[fatoom 3loom]

​

السلام عليكم اخواتي
إذا تسمحيلي أختي إعلامية أبدي رأيي
في الموضوع
أختي لامي
نحن مثل ما قلنا من الأول الدين على عينا وراسنا
لكن يا حبيبتي في بعض الناس بسبب
سوء التربية وأهمال الاهل
يضعف عندهم الوازع الديني
يعني اللي أنا فهمته وحسيت أن الأخت إعلاميه
تقصده أن الدين أكيد مقنع مئة بالمئة
لكن الشخص اللي عنده نقص في الوازع الديني
ممكن ما يقتنع لخلل فيه وليس في ديننا الحنيف
يعني لو سئلتي بنت لا سمح الله ماشيه في طريج غلط
شو أكثر شي تخافين منه؟؟
انا متأكده بنسبة 95%
انها بتقول خايفه أنفضح أو اهلي يدرون
طيب مو خايفه من الله؟؟
الله هو مطلع وعارف بكل خبايا النفوس
مو المفروض تكون مخافة الله هي أكبر رادع؟؟
أتمنى انج تكونين فهمتي قصدي
وبعدين نحن نكتب مواضيع متعوب عليها
عشان نفيد أخواتنا البنات فحرام تقللون من قيمة التعب :sadwalk:
صحيح نحن نحتسب أجرنا عند الله
بس القسوة في النقد أكيد تجرح شعور الكاتبة
فا ياريت يكون النقد بناء
السموحه منكم
تحياتي
فطوم علوم :icon31:​

​

 

[اعلامية طموحة]

اولا اسلام عليكم ورحمة الله وبركاته
اشكرك اختي على كل كلمه كتبتيها
بصراحه قمة الروعه والله يجعله في ميزان اعمالك
لكن .. عندي مداخله وانا احتج على بعض سطورك
صحيح ان البعض يتعذر عند مسألة الزواج او الخطوبه
وهذي اغلب اعذارهم
بس مهما كان اصابع يدك مو سوا
يعني الدنيا مو بس فيها السلبيات لا !!
مثل مافيها رجال يلعبون ويتسلون ويضيعون وقت
لابد من وجود رجال نيتهم صافيه وقصدهم شريف وحبهم خالص بالوفاء
وماأعتقد ان الدنيا خاليه منهم
بس وجودهم نادر
وبعضهم يكون ناوي الزواج من حبيبته بس المشاكل اقوى منه
لاتقنعيني ان كل واحد يقول هالكلام يعني يتسلى !
وادري ان قلوب بعض البنات رهيفه وماتصدق على الله تلاقي لها واحد وتحط علينها عليه
لكن اذا بتحبين وناويه تفتحين قلبك انا مابعارضك بالعكس مافي احلا من الحب
والدنيا من غير حب ماتسوى شي
بس يبيلك في النقطه هذي تختارين الرجل المناسب , الصادق , الوفي , يحبك بإخلاص
واذا توفرت هالصفات ماقول غير ربي يوفقك معاه ويجمعكم بخير
انا اعرف قصص كثيره انتهت بالزواج والحين عندهم عيال وللمعلوميه ان كل واحد دنياته غير
بس الحب كان اقوى
اتمنى من كل قلبي انك فاهمه قصدي وطبعا هذي وجهة نظري
وماقول ان موضوعك خطأ بالعكس حلووو وياليت ينفع اللي عقولهم مسكره
بس للأسف انتي جمعتي ماخصصتي
يعني اللي فهمته من موضوعك ان كل ولد يكلم بنت مايبي منها الا الغريزه وضياع وقت وتسليه
والله عالم بنواي كل انسان

جزاك الله الف خير وسامحيني اذا اطلت عليك بكلامي

اختك : دكتورة قلبي

أولا انا ما أحب لما تستخدمي كلمة ديانه للإشارة للمذاهب فانتبهي لهذي النقطه لأنها تظلم المعنى اللي تقوليه​

ثانيا أنا بسألج سؤال شو الطريقه اللي تعرفي من خلالها أن الشاب صادق ووفي ومعرف شو؟؟​

شو الوسيلة اللي تظمني فيها ان الشاب مايتغير عليج .. خاصة ان ثالثكم منو؟؟ الشيطاااان​

اللي تدش تقولي والله في شباب تزوجوا تراها ماتقول شي زياده ترا انا لي صديقات تزوجوا عن طريق الحب ولا قصص حب سنوات بس حب عن حب حبيبتي يفرق​

مب حب هيفاء وسعود اللي ذكرتيه في موضوع سابق لك​

يعني اللي فهمته من موضوعك ان كل ولد يكلم بنت مايبي منها الا الغريزه وضياع وقت وتسليه

اللي مفروض تفهميه ان الكلام مع الشباب هي لعب بالنار ويا صابت يا خابت .. وعرضج وشرفج وسمعتج وعرض ابوج اللي رباج واخوانج ماتستحمل هالمغامرة​

 

[wewi2010]

المشكلة مو فيه هو المشكلة عندي الوالد الله يهديه

حبيباتي والله ان في نسبة قليلة من الشباب الصادق
وانا وجدت الصادق اللي شاريني لكن المشكلة مو فيه هو
المشكلة عندي الوالد الله يهديه مايوافق على أي رجال يوافق على من هم من نفس القبيلة ومو القبيلة إلا من الفخد يعني تعقيد وأنا ماني قادرة اتحمل الحرام ولا أتحمل بعده الله يقوينا ونصبر احنا على أمل في الله لكن مابيدنا حل خطبة خطب واترفض وانا حاولت اكلم الوالدة بس مانفع لان مابيدها شي القول قول ابويا
إذا في حل أو دعوة مستجابة أدعيها لا تقصرو معايا والله يحقق لكم مناكم

 

[moonqtr]

هلا بنات انا عندي مشكله وخاطري تساعدوني مادري وش الحل تعبت من التفكير ومعاناه انا احب وااحد واموت فيه وهو بعد يحبني بس حبنا ماله نهايه قصدي زواااج عشان انا من جنسيه غير جنسيته واعبتر غريبه عندهم هو خاطره نتزوج بس موب قادر يواجه هله عشان هاي الشي عندهم عيييييب وما يقدر يوقف بوجه هله وانا مابيه يسوي جدي والمصيبه ان امه تبي تزوجه بنت عمه الي كل ما يجيها عريس ترفضه انا مادري وش الحل تعبت يا بنات بلييييييييييييييييييييززز ابي مساعدتكم وش الحل بنظركم وابيكم تنصحوني .....مشكورين:icon1366::icon1366::icon1366:
وش الحل؟؟؟؟؟؟؟؟؟؟؟؟

 

[عزيزه بديني]

.



السلآم عليكم ورحمة الله وبركآته ...



إعلآمية طموحة ..أسأل الله العظيم الكريم أن يجمعني بك تحت ظل عرشه ..


فأن أشهده أني أحبك فيه .. لوجهه الكريم لآ لعرضٍ من الدنيـآ ..


أنا هنـآ منذ زمن وأرقب مآيكتب .. ولأمرِ خآص وحتى لأ أتحدث بغير علم ..


تآبعت مكتب بصمت .. ولكن هي كلمة وآحدة لكل من تحب إنسآن وترغب الزوآج به ..


وصآدقه صآدقه صآدقه في رغبتها .. ..


أول شيء وعن تجربة ..


1/ أقطعي توآصلك به بالحرآم .. خوفاً من الله لأن الله مطّلع عليكمآ والله يسمع ويرى وبيده الأمر كلّه أما "إجتمآع وإما آفترآق" ..


2/ عليك بقيآم الليل والدعآء بتذلل وخضوع بين يدي الرحمن .. والبكآآآآآآآآآء البكآآآآآآآآآآآء البكآآآآآآآآآء في السجود وأثنآء الدعآء ..


3/ كلمآ آشتقتي له أهرعي للصلآة وقرآءة القرآن ..


4/ أكثري من الذكر والتسبيح والتحمدي والتهليل والآستغفآر ..


أخيراً .. أصدقي الله يصدقك وأسألي الله الإخلآص في قولك وعملك .. حتى تخلص نوآيآكِ..


وجدّي في تجآرتك مع الكريم فتجآرة مع الرحيم والله لن تبور أبداً ...


والله للدعآء سلآح عجيب والتقرب من الله .. فهو من بيده مقآليد الأمور ..


وإذا شعرت بضيق وغربة أو وةحدة أو شوق لمن تحبين أوحتى رغبة في البكآء أرفع يديكِ لله


وأسأليه الرحمة وأن يفرّج همّك .. لآتشتكي للخلق أبدا وآعلمي أنك لن تجدي من أحدهم نفع ..


إلآ بشيء قد كتبه الله لك .. وكما قيل "الشكوى لغير الله مذلة" .. وانا والله أشهد أنها لقمة المذلة ..



..على ثقة بالرحيم الكريم .. أنكِ لو طبقتي مآقلته لك بإذن الله .. سترضين وسيرضيك الله ..


وسيسوق لكِ مآأردت ومن أردت ويسخره لكِ تسخيراً .. حتى لو كآن ضعيفاً كما ترين ..


ثقي بالكريم الرحيم ولن يضيّعك ..."وآستغفري لذنبك دوماً" ...


فالإستغفآر يشرح البآل ويفتح الأقفآل بإذن الكريم ...


وأكثري من الإستعآذة بالله من الشيطآن الرجيم فهو رجيييم وأقسم أن يضّلنآ ..


وكوني على وضوء الصلآة وعلى طهآرة دوما ولن يقربك بإذن الله ...


أسأل الله أن يفرج همومنا وهمومكم وأن يرحمنآ برحمته وأن لآيجعل الدنيآ أكبر همنآ ولآمبلغ علمنآ ..



تقبلوا ماآسلفت ولم أضف شيئاً جديداً فما قصرن الأخوآت ..


ولكنهآ تجربتي الخآصه طرحتهآ ...




أختكم /// عزيزه بديني ..

 

[عزيزه بديني]

.



آعتذر مكرر :$

 

[zuzu189]

اختي الموضوع حلو و واقعي 100%
ههههه فعلا اعدار غبية بس المصيبة انو في بنات يصدقون !!!!

 

[*همسة*]

را ئعة جداا اعلامية

وكلامك اروع

وكل اللي قلتية صح واييدك علية

والله اني قاعدة ادعيلك باخر ساعه من يوم الجمعة

الله يكتب لك الفردوس الاعلى انت واهلك وكل من يعز عليك وكتب لك

السعادة مع من تحبين في الدنيا والاخرة<<<<<قولــــوا آميـــــــــن

 

[جروح قلبي]

إلي يحب قلبه يصير معه الي يحبها ويدااافع عن حبه ويشتريهاااا

ما اقول غير
حسبي الله ونعم الووكيل
ع كل من علق بنت واستغلها ..

 

[لحظه ممكنه]

يسلمووووو ع الموضوع

 

[شموخ الكبرياء]

يسلموووو اعلاميه طموحه

ربي يسعدكي ويوفقكي

مووضوع رائع جداا

^_^

 

[شموخ الكبرياء]

يسلمووو اختي اعلاميه

على الموضوع الرئع

وصراااحه كنت محتاجه له

بس بغيت استشيرك السالفه مره معقده وانااا تعبت خلاص

مدري كيف لان الرسايل الخاصه

ما يضبط معي

ضروري بليز الله يعطيكي العافيه

^_^

 

[اعلامية طموحة]

جربي آلية الكتابة من دون اسم دخول

اعتقد انها مفعلة في قسمنا​

 

[شموخ الكبرياء]

سلام عليكم

كيفك اعلاميه انشاء الله تمام

والله مارضى او انا ما عرفتله

واشكرك على اهتمامك

ربي يسعدكي
^_^

 

[شموخ الكبرياء]

رجعت لكي ثااني واسفه والله ازعجتك لاني ماعرفت للرسائل الخاص او الاليه
ادري الي يقراء قصتي راح يقول عني غبيه او شي بس قيدهاا صارت وخلاص
بس السالفه ذي مضايقتني مره ومثره علي عشان كذا
انا بقولك هي بختصار واذا حبيتي تستفسري عن اي شي اساليني
مدري كيف اقول الي صار كنت ادخل شات صوتي وعادي دايم ادخله
وفي يوم طبعان واحد من الموجودين يقولنا جاه ولد وانا احب الاطفال عادي وسلمت عليه وباركناله
وعادي بس وهوعرف اني احب الاطفال لان دايم اسل عن حال ولده وكذا وبعد فتره قالي تبي تشوفيه
طبعاان هو عارف اني مابي اعطيه الاميل قلتله كيف قالي عنالاميل ورفضت مع اني ابي اشوفه
وجلس يحااول لين قلتله بس اشوفه واحذف اميل طبعاان وافق المهم بعد كذا يوم شفته وخلصناا قالي لا تحذفيني قلتله طيب وعدني ما يكلمني وانا على نياتي وصار بين فتره وفتره يسلم وكذا ويقولي احناا اصدقاء المهم وانا عادي مو ماخذته على انهاا شي ثاني وبعد فتره صار يصارحني بانه معجب وكذا طبعاان انا اقوله انت متزوج يعني مستحيل افكر فيه وتمشي الايام لين صرت انا اعجب بطريقته في حياتهوخوصوااا اني تمنيت شخص مثله ويقولي كيف يعامل زوجته وحسيت اني انجذبله لا ارادي بس حاطه في راسي انه متزوج وكنت احزن المهم لين مره قالي اطلع معه طبعانن رفضت وقلتله ماطلع الا مع محرم او زوجي كذا لا لانه حرام والشيطان موجود ومانضمن نفساان وقالي اتزوجه وانا قلت مستحيل لانه متزوج وبعد فتره اكتشفت انه يبني مسيار طبعن رفضت وبعدهااا بفتره بدا يتغير على يقول ويوم حس اني مستحيل اطلع معاه ياس صار يبعد بعدما انا تعلقت فيه بس تدرين احيان احسه مو متزوج يعني من مواقف بس مدري ليش احس انه مو متزوج يمكن لاني ابيه بس الي هو يقولي عن انه متزوج والله احترة وبعدين دايم احساسي الذنب متعبني لاني اعصي ربي وهذا الشي مرة تاعبني واحااول اني المحله الي احنا فيه غلط وكذا دايم يقولي الي فيه خير ربي يكتبه والله اني لو كلمته اضايق لاني عصيت ربي وافرح لان كلمته بس فترة الي تغير على قطع حتى اتصاله لا انا ادق عليه ولا هو يكلمني بس اميل وحتى الاميل اغلب وقته يقولي مشغول لان احيان دوامه في اليل او يقولي انا عند اهلي يعني صار يبعد وانا تضايق لانه معد اهتم فيني او شي وافرح لاني بعدة عن اني اكلمه لانهاا معصيه بس والله تعبت وجلست فتره احاول ابعد عشان يمكن ربي يجمعاان بالحلال لو انه مومتزوج حسب ما اتوق لين قررت في يوم ورسلتله رساله انو الي نسويه حرام وكذا بعدهااما كلمته ولا كلمني شهر وحذفته من الاميل طول المده جالسه اتوقع انه يرجعلي بالحلال او يرسلي اي شي طبعاان ما سوى اي شي وفي يوم انا قمت واضفته وبعدهاا كلمته وتعاتبناا وبعدهاا معد كلمني بس انا الي اروحله وسالته ليش يبعد عني بس والله وطلبت منه انااا نتناقش في الي بيناا بس الحين له يومين مدري هو يصرف او انه مايبي يتناقش بس انا الي ابيه ابي ابعد عنه يعني مابي افكر فيه ولا شي ودي اصير اكرهه بس مدري كيف دايم اقول كذا واكتشف اني متعلقه فيه مره لدرجة جاني قولون عصبي من السالفه ذي والله احس تعبت لانهاا معصيه بس ودي اعرف هو يحبني ولا واذا عرفت كيف اكلمه واحدد موقفي منه وكيف لو تركته معد ارجعله واذا يحبني كيف اخليه يخلي الي بيناا حلال وفي اشياء سويتهاا بس مقدر اقولهااا وهي خطيره ومخوفتني مره عشان كذاا بليز ساعديني الله يسعدكي يارب
وانا والله بنت زين مو من البنات الي تعرفونه بس امي متوفيه وابوي وانا اكبر اخواني والمسؤليه فوق راسي يمكن لاني فاقده حنانهم سويت كذا ادري مو مبرر بس شي صار بس مدري ليش احس انه بيكون لي وراح يكون مومتزوج وليش انا متعلقه فيه لهذي الدرجه

اسفه اعلاميه على الاطاله بس والله السالفه متعبتني ومثره على حياتي
وانا الحين ودي اتخذ قرار صح ومابي اندم عليه لاني ابي اكلمه واحدد موقفه وموقفي معاه ومابي استمر على هذي المعصيه وابي اعرف هو يكذب ولا صادق وكيف اخليه يجيني بالحلا مونستمر حرام
واسفه على ازعاجك
الله لا يبلابنت من بنات المسلمين بشي كذاا

:sad_1:

 

[شموخ الكبرياء]

اختي اعلاميه ولا عليكي امر لو قراتي الموضوع الله
يخلكي احذفيه وربي يسعدكي ويستر عليكي

^_^

 

[عزيزه بديني]

.



السلآم عليكم ورحمة الله وبركآته



حبيبتي شموخ الكبريآء ..


لي موعد مع "الله" ..لمصلآي وسجآدتي ومصحفي ..


لآ أعلم مآقد يجول في خآطرك حين تقرأين مآكتبته في الأعلى ..


ولكن أعلمي أنك مهما بذلتي لن تحظي الا بشيء قد كتبه الله لك ..


وثقي أن الله لآ يرد من دعآه ..


اتكلم عن تجربة .. تركت شخص أحبّه بالحرآم .. وتوجّهت لقيآم الليل وقرآءة القرآن


واداء السنن وتزودت بالذكر .. وحآولت التقرب من الله "لله" وليس لأجله ..


بالرغم من أنه في بدآية الأمر كآن لأجله ... ألححت في الدعآء في كل سجدة


في كل حركة في كل صلآة .. سعيت لأحسن أخلآقي وأكسب قلوب من حولي ..


سعيت لأشيآء كثيرة .. وهمي بها كلها رضى ربي ..لأنه الوحيد اللي إذا أرضيته سيرضيني حتماً ..


وحرصت على القيآم والدعاااااااااء والذكر عآم ..


لآحول ولآقوة الا بالله <~ فبها يغيّر الله من حآل إلى حآل ..


لآ إله إلا الله / سبحان الله والحمدلله والله أكبر ..

الأذكاااااااااااااار وماأدراااااااك ماللأذكار ..


وقراءة القرآن .. وكل مآفيه رضى الله .. من صدقة بإماطة اذى عن الطريق


بررررررر الواااااااااااااااااالدين ..


عآنيت ضقت وربي وصلت لدرجة من الهم لآزلت بها وأسأل الله أن يفرج عني وعنك ..


ولكن تعرفين مآذا حدث .. !


خطبني ذلك الشخص وهو في موعد مع أهلي الآن .. سيأتي بإذن الوآحد الأحد الفرد الصمد ..


ثقي بالله وأسأليه حسن الظن به وصدق التوكل عليك ..


وثقي أن الخلق أجمع سيخذلونك ولكن الله لن يخذلك أبدا فإن جآء لخطبتك فلم يأت لأنه يحبك


أولحيلة منك ولكن لتعلمي أن الله قآدر على كل شيء ..وأن الله من أتى به لكِ ..


ثقي بالله فالله عند ظن عبده به ..والله "يستحيييييييي " أن يرد عبداً دعااااه ..


والله لن يخذلك لو لجأتي له ..دعي المخلوق وأشتكيه للخآلق ..



وإن كنت تريدينه ثقي بأنه سيأتي ..ولكن أطيعي الله فيه وأتركيه لله وثقي ثقة تااااااااااااامه



أن الله سيعوّضك خيررررررررررررررراً به أو بغيره ...



أسأل الله أن يفرج همك وغمّك وأن يرفع عنك ماأصآبك ...



أعتذر على تدخلي وردّي ..


ولكنها تجربتي وأحببت عرضها وأسأل الله العظيم أن يتمم عليّ بخير ...


ويجمعني به بالحلآل ..



ثقي أن مآتركته لله .. سيأتي به الله لك ولكن أحسني الظن بالله وأصدقيه فسيصدقك ...



وإن كآن يحبك حقاً ..سيأتيك وإن كآن لآيحبك يقول المثل الهندي "تزوجي اللي يحبك لآتتزوجين اللي تحبينه"...


وجدتي الله يرحمها كآنت تقول "لآتآخذين لآعشيّقك ولآ طليّقك مآيزيدك الا مرارة ريقك" ...


الله يرزق مآتتمنين ويحقق رغبتك يآآآآآآآآآآآآآآآآآآآآآآآآآرب ..



سأدعووووولكِ كثيراً بإذن الله وأدعيلي ولآتنسيني من دعآئك أبداً ...



أختك // عزيزه بديني ..:icon26:

 

[ms-cute]

تسسسلمين آختي وربي حرـآام الحب اللي زي كذآ هذآ تسـآلي مو حب

آلحب هو اللي على وقت آبوي وآجدآدي .. الله يستر ع ـآلجميع

 

[مرموووره]

فيه رجال صادقين والله ونيتهم صادقه يبغو يحبو ويتعرفو البنت بأخلاقها قبل مايرتبط بيها ويدرسها مزبوط ويعرف اهله باهلها بس يكون معذور مثل الاعذار اللي قولتيها بس ياقلبي المسألة مسألة صبر على مايكون نفسه ويحس بقيمة نفسه في الحياه لازم يتعب ويشقى وكون نفسه عشان كمان يحس بقيمة البنت اللي حبها والبنت كمان لازم تصبر لو عرفت انه صادق واكيد البنت راح تعرفه اذا كان صادق ولا كذاب البنات قي هذا الزمن متفتحين ومعد سار ينضحك عليهم زي زمان ولازم البنت تشغل عقلها مو بس قلبها اذا كان الولد طيب وابن حلال واخلاق وراح ينفذ بوعده لو وعدها بالزواج واكيد البنت لو تحبه مستحييل تدور على غيره ومافيها شي لو ساعدته و صدقيني راح يعمل المستحيل عشان حبيبته بس المسألة يبغالها صبر لو كان معذور .فيه واحد يقربلي اتزوج عن حب وماكان عنده وظيفه والبنت صبرت عليه وساعدته بفلوسها ولمن اتزوجته والله السعاده في عيونهم باينه الرجال يدلع مراته ويحبها وعوضها بكل شي وربي يبلغهم الذريه يارب ليش يحبها واتعلق فيها غير لنها صبرت عليه وساعدته طبعا طبيعي تكبر في عينه وأعطيكي مثال شوفي قصة رسول الله صلى الله عليه وسلم السيده خديجه رضي الله عنها حبته واعجبت بأخلاقه وعرضت عليه الزواج والحمدلله تم زواجهم و صبرت عليه وساعدته بكل شي وشالت عنه همومه وأحزانه شاركته افراحه واحزانه وهي كانت سيدة قومها وماكان ينقصها شي اللي حبيت أقوله انه اذا كانت النيه صادقه ربي يوفق النيه ويسهل عليهم زواجهم لأنه على قول سيد البشر عليه الصلاة والسلامانما الاعمال بالنيات) والشاب اذا كان كذاب ومخادع ربي يعطيه وخده مثله تماما ربنا مايظلم الله قال في كتابهالخبيثات للخبيثين والخبيثون للخبيثات والطيبات للطيبين والطيبون للطيبات) يعني لو الولد يبغى يتعرف على بنت عشان يحبها ويتزوجها ونيته صادقه ربي يعطيه بوحده مثله طالما النيه صدقت وربي حيسهل عليهم كتير حتى لو غلطو ربي حيستر عليهم واذا كان الولد بيتعرف على وحده عشان يتسلى معاها ويلعب عليها ربي حيعطيه وحده مثله بالتمام وهذا اذا اذا ماهي ماضحكت عليه وجابت راسه زي ماانتو عارفين ان كيدهن عظيم واتمنى من الله تعالى انه ربي يرزق كل واحد على قد نيته اذا كانت طيبه وكل واحد نيته خبيثه ربي يرزقه احسن من نيته ويهديه بالآخر احنا مسلمين ولازم نخاف على بعض سواء بنات او اولاد واتمنى ردي يعجبك