حبيبج ماقادر يتزوجك؟؟ .. تعالوا نعرف الأسباب

[هادئه]

:icon26::icon26::icon30::icon26::icon26:

 

[al 3zezh]

الموضوع رائع الصراحة

و البنات الصراحة ينجرون ورى هالكلام المعسول وما يعروف بنواياهم

الله يبعد عنا هالأشكال و الفئات و يستر علينا

تسلمين يا الغالية و الله يسعدج دايما

 

[الحياة]

موضوع بحق راااااااااااااااااااائع

الله يعطيج العافية و يكثر من أمثالج

في خاطري اتواصل معاج أبغي منج أفكار حلوه لبناتنا في الثانوية

 

[اعلامية طموحة]

حياج الله اختي في أي وقت​

 

[هيبة ملكة]

بالمختصر المفيد

" إللـي يبـاج مـاراح يستنـى "
​

• بيخاف تروحين من ايدينه​
• ياخذج حد ثاني​

مهما كانت ظروفه ما راح ينتظر

حبيبـــــــــــاتي

وربنا يسهل لكم ابناء حلال صالحين طاهرين آمينين
ويرزقكن الذرية الصالحة

لـــــــــــــي ولكــــــــــن

يااااااااااااااااااااااااااااااااااااااااارب​

 

[الجودي]

موضوع روعه روعه روعه تسلمين

 

[عصفور الامل]

مشكورررررررررررررو موضوع رائع

 

[دلـــوعـــة]

السلام عليكم ورحمة الله وبركاته

مشكورة عزيزتي على هالموضوع القيم

بس أنا لي وجهة نظر ثانية

ولا تفكرون من كلامي إني على علاقة وقاعده أبرر أو أوهم نفسي ,, لااااااااا الحمدلله أنا في السليم وماعندي علاقة

ومتعقده من الرجال لوووول ودوم أحط اللوم عليهم بس الكلام اللي هني خلاني اتعاطف معاهم

يعني أحس قالبين عليهم مرة وحده ^_^

أنا معاكم ان الحب قبل الزواج أكثر ضحاياه هم البنات ( طبعاً بغض النظر عن انه حرام بس احنا الحين نتكلم من ناحية ثانية )

اللي مختلفة فيه معاكم انكم تكذبون كل الشباب

طيب الشباب بشر ولهم مشاعر ... ليش مستحيل الواحد يحب فعلاً؟؟

وليش مايكون فعلاً عنده ظروف ؟؟

صحيح انه هو المفروض دام انه عارف ظروفه ماتساعده مايورط بنت الناس معاه ويتلاعب بمشاعرها

بس التحكم بالعواطف مو باليد

يعني ممكن واحد من الشباب لا إرادياً حب بنت .. الحب مافيه موعد ويجي فجأة

طبعاً ما أتكلم عن الشباب اللي يلعبون

وممكن هذا اللي حب فعلاً ظروفه ماتسمح ومايدري شو يسوي وواقع بين نارين

وفي أهالي فعلاً تكون مسيطرة على عيالها حتى لو شباب وأنا شفت جذي وايد

الحين احنا كلنا عارفين ان العلاقات اللي قبل الزواج علاقات غير شرعية

بس ابن آدم مو معصوم وممكن يقع بالغلط ويحب من غير شعور ويلقى نفسه في مشكله وماقدر يتمم هالزواج

سواء بسبب الظروف أو أهله أو أهلها أو أو أو

ليش بس نلوم الشباب ؟؟؟ ونحكم على طول ان كلهم كذابين ؟؟

لو وحده متزوجة وزوجها تصرف بنفس النذالة اللي يتصرفها الشاب اللي يحب ... نقعد نبرر له ونقول لها

يمكن مايقصد أو هدفه جذي وجذي بس الشاب اللي يحب على طول نظلمه ونطلعه كذاب

والله ماتوقعت اني اتعاطف معاهم بهالشكل لاني صدق كنت ماخذة موقف ثااني تماااما

بس هالموضوع غير تفكيري

واحتمال يكون كلامي غلط سامحوني

انتوا أكيد تقصدون تنبهون البنات ان الحب سواء كان صادق أو كاذب ممكن ينتهي نهاية فاشلة ( يعني مو مضمون )

وان البنت راح تتعذب وينكسر قلبها وتنكسر مشاعرها واهي بغنى عن هذا كله ,, فعلشان جذي من الأفضل ماتنجر ورا عواطفها وتسوي علاقة من أساسه

بس أحس السالفة طاحت براس الشباب

واعذروني مرة ثانيه إذا كلامي ضايقكم

في حفظ الله

 

[اعلامية طموحة]

هلا حبيبتي​

​

كلامج على عيني ورااااااسي​

​

بالعكس اثرى الموضوع ..​

​

انا ما انكر ان في علاقات حب رااائعه وجميلة تصير وتنتهي بالزواج​

​

المشكلة مش في العاطفة والمشاعر اللي يحملوها الطرفين لبعض .. نحن مش ضد الحب بالعكس الحب شي وايد حلو​

​

بس نحن ضد الحب اللي يسلب البنت الارادة والكرامه .. ويخليها تحت تصرف هذا الشاب .. يعني هو اللي يتحكم في مسار هذي العلاقة ..​

​

لما يمنع الشاب عن البنت الخيارات المناسبة لأنه هو اللي يضع الشروط والأحكام ويمحور الظروف لحسابه​

​

مثلا .. يقول انا ما اقدر اتزوج لأن انا ماعندي فلوس حاليا .. "بغض النظر عن سالفة عن السؤال ليش تعمل علاقة من الأصل وتعلق بنت الناس!!​

​

في اسئلة اهم...​

​

ليش تأخر اخبارك للبنت عن هذا الموضوع؟؟<< هذا تلاعب ​

​

ليش ماتبحث عن حل للمشكلة من غير ما تحسس البنت بحسرة وخذلان؟؟<< هذي برود مشاعر​

​

ليش ماتعطي البنت أمل بتحسن الأحوال أو خطة طويلة متوسطة قصيرة الأمد؟؟<< لأنه مامهم​

​

المشكلة يا حبيبتي ان لما الشاب يحب يكون هو اللي يملك الدفة .. هو اللي يقول ايوا أو لأ​

​

انا بها الموضوع اعطي البنت الخيار من خلال الفهم والمعرفة​

​

يعني افهمها أن لما يقولج ماعندي فلوس اتصل انتي اتصلي معناه ان ماعنده ناموس ويفضل انه يصرف من جيبج .. وأن حتى لو كان انسان صادق بس معدم مابيضغط عليج وبيقولج ماعليه مابنتكلم كل يوم​

​

ثم ان هناك شئ مهم لازم تدركيه .. ان وجود الشيطان شريك في هذه العلاقات ممكن يقلب الطاولة على البنت والشاب على حد السواء​

​

صدقيني الشاب الصادق مايحط نفسه في زاوية غلط .. يخبرج عن كل ظروفه ومتى بتتحسن وكيف وبيقولج اصبري .. ​

​

وما يتردد في اعلان حبه لك عند اهله كأنج عار .. واذا ماعنده رصيد بيقولج لاتتصلي .. ​

​

واذا تعدلت ظروفه بيرررركض يخطبج رسمي .. والله اعرف شباب يقدموا حتى لو نص المهر علشان بس يضمن ان البنت له .. ​

​

الشاب الصادق اذا بغيتي تنفصلي عنه يقولج براحتج ولايزعجك ويأذيج ويجلس يتباكى ويهدد​

​

لكن احذري لأن الشاب الصادق مش معصوم من الخطأ .. اليوم يحبج ويموت فيج .. بس موقف بسيط منج أو منه أو حتى من الجيران ممكن يقلب تفكيره تماما .. ​

​

اذا المتزوجات ماسلمن من تقلب احوال الازواج وخياناتهم بتسلم منها البنت اللي عامله علاقة؟؟؟​

​

يعني كأنج تلعبي بالنار ​

 

[دلـــوعـــة]

صدقيني الشاب الصادق مايحط نفسه في زاوية غلط .. يخبرج عن كل ظروفه ومتى بتتحسن وكيف وبيقولج اصبري .. ​

وما يتردد في اعلان حبه لك عند اهله كأنج عار .. واذا ماعنده رصيد بيقولج لاتتصلي .. ​

واذا تعدلت ظروفه بيرررركض يخطبج رسمي .. والله اعرف شباب يقدموا حتى لو نص المهر علشان بس يضمن ان البنت له .. ​

الشاب الصادق اذا بغيتي تنفصلي عنه يقولج براحتج ولايزعجك ويأذيج ويجلس يتباكى ويهدد​

لكن احذري لأن الشاب الصادق مش معصوم من الخطأ .. اليوم يحبج ويموت فيج .. بس موقف بسيط منج أو منه أو حتى من الجيران ممكن يقلب تفكيره تماما .. ​

اذا المتزوجات ماسلمن من تقلب احوال الازواج وخياناتهم بتسلم منها البنت اللي عامله علاقة؟؟؟​

يعني كأنج تلعبي بالنار ​

حبيبتي اعلامية طموحة

تسلمين على رحابة صدرج وأسلوبج الراقي

معاج حق بكلامج

وأنا هذا اللي أقصده إنه ممكن يكون صادق وأكيد راح يتخذ خطوة وراح يبين من تصرفآته
بس شفت أغلب الردود تقول حتى لو وصل لباب البيت تراه يكذب وحتى لو يخبر أهله مو صادق

أكيد فيه شباب يلعبون على البنات حتى بعد الخطوبة بس مو الكل

تقبلي مروري المتواضع غاليتي

فمان الله

 

[ام فطومه]

موضوعك
اتعب وانا اقول انه حلوو

لانه مناسب للبنآت من جميع النواحي
وهذا دليل ع حبك للخير :cupidarrow:

الله يجعل بكل حرف كتبتيه حسنه لك :icon26:

والله يحمي بنـآت المسلميـن ويرزقهم اللي يحطهم بعيونه :blushing:

وهالقسم يآبنآت
مخصص لكم :icon31:

لاتنحرجون
العمر قدآمكم .. وعندكم فرصه للتغيير :showoff:

وحنا مادين ايادينا وبنساعدكم قد مانقدر :cupidarrow:

بـ جد
اكتب كلامي هذا
وانا ما اتمنى لأي بيت تعيش نفس الإسطوانه المشروخه
اللي ملينـا منها :thumbdown:

الله يحفظكم حبيبـــآتي :icon26:<< حسيت اني عجوز :bleh:

ماعندي شي ازيده على كلام البنات ماشاء الله الموضوع حلو والردود بعد اتمنى لكن الاجر من كل قلبي والافادة للاخوات
الصراحة هذا الموضوع على كثر ماهو مهم وشائك الا انه يعور القلب بعد
الله لايبلانا ولا يبلي عيالنا <<<< الاخت متزوجة وعندها عيال

 

[*غالية*]

تصدقين بعد ما قريت موضوعك هذا تفتحت عيوني على شغلااات وااااايد حسيتك قاعدة تتكلمين عن الشخص لي اعرفه (حبيبي) الي مو قادر يتزوجني عشان هله ما يزوجونه حق وحدة غريبة عنهم ووووو... نفس الأعذار !!!والتحليل لي عطتيه حسسني وكانك قاعدة تتكلمين عنه صججج..
بس شسوي فقلبي انا الحين قررت اقطع هالعلاقة بس قاعده اعاني وقلبي محطم احاول اشغل نفسي بس بلا فايده طول اليوم كل دقيقه كل ثانية افكر فيه وكل يوم يمر اشتاق اسمع بس صوووووووته

 

[اعلامية طموحة]

وانا اقولج عادي شعورج طبيعي جدا جدا .. اصلا لو ما تحطمتي معناه انك ماحبيتي .. بس انتي حبيتي واللي صار صار

انا اقولج اختي نعاني من ألم الفراق .. ولا نعاني من الذل والاهانه من قبل شخص مامقدر .. وانتي في مليون يتمنوك:msn-wink:

انا اقولج حاااااربي من اجل الحرية .. حرية انك تكوني بنت الكل يتمناها .. صدقيني في اكيد شاب او اثنين او ثلاثه أو حتى عشره شافوك وقالوا ياريت هالبنت من نصيبي

حتى لو كانوا مايعرفوج وحتى لو ماحاولوا وحتى لوماكان في نصيب ... بس شافوج وعجبتيهم .. وينك انتي عن هالأحساس الحلو .. الاحساس بأنك أنثى .. مش بالاغراء والتعري لااااء ..

انا اتكلم عن الطهر والعفه والرقه والجمال والغموض .. الأنوووووووووووووثه .. هذي اشياء الكل يتمناها .. وهي موجوده فيك .. بس انتي محتكرتنها لشخص واحد ..وياريته يستاهل



​

 

[زعولة في طبعي]

الموضوع وااااااااااايد حلو بس المشكلة اني مستعيلة...​

فديت روحكم ابي نصيحتكم...​

انا حبيت واحد الحين من 4 سنوات في السنة الاولى تقدم لخطبتي بس هلي مارضوا لان توه صغير ف اول سنة دوام وراتبه ضعيف طبعا هلي ماصرحوا بالاسباب وايد..​

مرت الايام واحنا منقطعين عن بعض بس نتواصل ع فترات بعيييييييييييدة بس قلوبنا عند بعض وتقدم لخطبتي واحد من اهلي وافقت ع اساس ابوا الولد عزيز علي بس الحمدلله ماصار نصيب لان الولد مايناسبني وكل الاهل يعرفون ان مب مناسب...​

المهم تقدم حبيبي لخطبتي 3 مرات مرة ف اول سنة والمرة الثانية في فترة خطوبتي مع قريبي والمرة الثالثة الحين جريب...​

بس الاهل للحين رافضين مادري ليش؟؟؟بعض اخواني موافقين بس ابوي مب موافق ع اساس اخلص دراستي قبل بعدين الزواج بس انا اعرف ان الدراسة مب هي المشكلة حاسة في شي ثاني....رغم ان الريال وايد زين محترم وخلوق واخواني سالوا عنه وعن اهله وكل الناس شهدولهم بحن السيرة والاخلاق بس مشكلته ف نظرهم مب جاهز بس حبيبي يقول لو هلج يوافقون مبدئيا انا برتب اموري..​

انا محتارة وايد وابيكم تساعدوني احنا عاطين نفسنا فترة لحد ما انا اخلص دراسة وهو يكون نفسه..​

ابي مشورتكم انا متعلقة فيه حييييييييييييييييييل والله انسان خلوق ومحافظ علي هو بعد يحبني حيييييييييل وما يستغنى عني ابد بس مادري ليش اهلي مسوين لنا مشاكل من لاشي...​

شوروا علي ش اسوي تعبنا انا وياه من الانتظار والتفكير تخيلوا 4 سنين والله حرام ليش مايوافقون...​

 

[اريش العين]

مشكووووووووووووووووره اختي اعلااااااااااااااااااااميه كلاااااااااااااامج بالفعل صحيح وميه بالميه ولاااااااااااازم تثبتين هذا المووووووووضوع عشان ينتبهون له البنااااااااات ويستفيدون منه
اختي زعولة استخيري الله اذا لج فيه خيييييييييييييييييييره الله بيسهل امووووووووووورج وبيسخر لج ابووووووووج وبيتم الموضوع واذا مالج نصييييييييييييب فيه بتتعقد الاموووووووووووووووووووور اكثر لان محد بيعطيج الحل اللي بيرحج غير الله وانا اتكلم عن تجربه والله يوفقج

 

[لامى]

مرحبا اختي ​

أخاف اقولك ان الدين مايقنع الكل .. تقومي تعتبريني ضاله ولا شي .. وادخل معاج في متاهات وصراعات :surrender:​

انا بالطبع معاج مليونين بالمية في اللي تقوليه .. ​

لكن بخبرج شي .. عالم البنت اليوم اصبح مفتوح .. لدرجة ماصرنا نعرف حدوده​

ماصرنا نعرف نلملمه .. اقري مواضيع البنات في المنتدى​

وحده تقول .. تعرفت على واحد .. ودق علي ربيعه .. وماكلمته لان كان عندي حد (تقصد الأول) .. بي لما تزاعلت مع الأولي ارتبطت بالثاني ​

على بالك انتهت القصه لااا​

للقصه فصول ثانيه .. وثالثه وعاشره .. كلها مهزله في مهزله للأسف الشديد​

برأيك بنت مثل ختنا (ربي يهديها ) بتقوليلها حرام بتتوقف .. هي عارفه ان حرام وعيب وممنوع .. بس هي في عالم غير عالمي وعالمك​

انا مب ضدك ابدا .. كلامك على عيني وراسي .. ​

وانا ادعوك لقراءة موضوع استاذه ام منصور في المواضيع االمثبته عن زواج الفتيات وعنوسة الاخريات ... ​

اتمنى ان قربت لك الصوره .​

وانا انتظرردك​

أخية موضوعك روعة
جدا عجبنى
لكن هذه الكلمة بالأحمر طاش كل الإعجاب

يا أخية أنتبهى وإن كان قصدك سليم

لكن إن الدين ما يقنع
كلمة غير موزونة

لأن الدين هو هداية من رب العالمين

إذا جاءك أمر الحجاب بتقولين والله ما أقدر ولا أبى أقنع البنات بالحجاب أخاف ما يستمعون لى بس بقنعهم إن يلبسون طويل
وش هالإقناع !!!


كان المفروض تشكرين الأخت وتقولين ذكرك الله بكثرة ذكرة

بعدين

تقولين كل شىء خاص من الناحية الشرعية اللى يقتنع يقتنع واللى ما يقتنع هذا الله يهديه
فى ناس يقولون من يجيهم الأمر من الله ( سمعنا وأطعنا )
وفى ناس من يجيهم الأمر من الله يقولون ( سمعنا وعصينا )

وفى ناس ما يتأثرون بالنصيحة إلا بعد مدة
وفى ناس يتأثرون بالنصيحة بعد موت الناصح والقصد بعد زمن طويل

وأنا سامعه بن عيثيمن يشرح طرق الأمر بالمعروف والنهى عن المنكر
حاولى تبحثين عنه وتستمعين له


وشكرا وهدانى وهداك

 

[كلي%أمل]

قصتى عن جد تقهر اقولها بعدين هالحين بنااااااااااااااااااااااااااام

 

[اعلامية طموحة]

أخية موضوعك روعة
جدا عجبنى
لكن هذه الكلمة بالأحمر طاش كل الإعجاب

يا أخية أنتبهى وإن كان قصدك سليم

لكن إن الدين ما يقنع
كلمة غير موزونة

لأن الدين هو هداية من رب العالمين

إذا جاءك أمر الحجاب بتقولين والله ما أقدر ولا أبى أقنع البنات بالحجاب أخاف ما يستمعون لى بس بقنعهم إن يلبسون طويل
وش هالإقناع !!!


كان المفروض تشكرين الأخت وتقولين ذكرك الله بكثرة ذكرة

بعدين

تقولين كل شىء خاص من الناحية الشرعية اللى يقتنع يقتنع واللى ما يقتنع هذا الله يهديه
فى ناس يقولون من يجيهم الأمر من الله ( سمعنا وأطعنا )
وفى ناس من يجيهم الأمر من الله يقولون ( سمعنا وعصينا )

وفى ناس ما يتأثرون بالنصيحة إلا بعد مدة
وفى ناس يتأثرون بالنصيحة بعد موت الناصح والقصد بعد زمن طويل

وأنا سامعه بن عيثيمن يشرح طرق الأمر بالمعروف والنهى عن المنكر
حاولى تبحثين عنه وتستمعين له


وشكرا وهدانى وهداك

غريبه انك قريتي نص الجملة وماقريتي النص الباقي والجمله اللي بعدها
​

إذا جاءك أمر الحجاب بتقولين والله ما أقدر ولا أبى أقنع البنات بالحجاب أخاف ما يستمعون لى بس بقنعهم إن يلبسون طويل
وش هالإقناع !!!

​

انا قلت كلام يشبه هالكلام؟؟

​

هل قريتي اني نصحت وحده بكلام يخالف الدين ولا ينتقص من الاحكام الشرعية؟؟؟؟؟

شو هالتجني المبطن الغريب؟؟
​

كان المفروض تشكرين الأخت وتقولين ذكرك الله بكثرة ذكرة

انتي اللي مفروض تقري شو ردت علي البنت .. لأن كلامها كان في سياق معين .. وانا رديت عليها في نفس سياق كلامها .. وهي فهمت شو المقصود منه

 

[اعلامية طموحة]

مشكلتك اخذتي الكلام خاااااااارج عن سياقه تماما​

انا قلت ان عالم البنات مش معروفه حدوده ​

هذي تجارب تحتاج لسرد للبنات .. يعني الى جانب الدين الشي اللي الناس تجتهد في سرده ..هناك تجارب الحياة اللي محد يعطيها قيمه..​

انا انصحك انك تقري قصة سمية البطة السوداء في قسم القصص والحكايات تبع الاستاذة ناعمه .. شوفي كيف الحياة تغير الدين .. مثل ان الدين يغير الحياة​

السالفه سالفة توازن مش انكار ان الدين مقنع​

ارجو انك تقري الكلام بهدوء وحياد اكثر​

انا مش من الناس اللي تحتاجي توقفي تدافعي عن الدين قدامهم

ذكرتيني بنوعية من الحريم مشتركات في المنتدى ويستفيدن من النصايح لكنهن في نفس الوقت يقولن ناعمه الهاشمي تسمي الرجل الزاني خائن .. والزاني حده الموت مش المفروض نعطيه فرصه وكلاااااام كثير يفر المخ .. ​

 

[دكتورة قلبي]

اولا اسلام عليكم ورحمة الله وبركاته
اشكرك اختي على كل كلمه كتبتيها
بصراحه قمة الروعه والله يجعله في ميزان اعمالك
لكن .. عندي مداخله وانا احتج على بعض سطورك
صحيح ان البعض يتعذر عند مسألة الزواج او الخطوبه
وهذي اغلب اعذارهم
بس مهما كان اصابع يدك مو سوا
يعني الدنيا مو بس فيها السلبيات لا !!
مثل مافيها رجال يلعبون ويتسلون ويضيعون وقت
لابد من وجود رجال نيتهم صافيه وقصدهم شريف وحبهم خالص بالوفاء
وماأعتقد ان الدنيا خاليه منهم
بس وجودهم نادر
وبعضهم يكون ناوي الزواج من حبيبته بس المشاكل اقوى منه
لاتقنعيني ان كل واحد يقول هالكلام يعني يتسلى !
وادري ان قلوب بعض البنات رهيفه وماتصدق على الله تلاقي لها واحد وتحط علينها عليه
لكن اذا بتحبين وناويه تفتحين قلبك انا مابعارضك بالعكس مافي احلا من الحب
والدنيا من غير حب ماتسوى شي
بس يبيلك في النقطه هذي تختارين الرجل المناسب , الصادق , الوفي , يحبك بإخلاص
واذا توفرت هالصفات ماقول غير ربي يوفقك معاه ويجمعكم بخير
انا اعرف قصص كثيره انتهت بالزواج والحين عندهم عيال وللمعلوميه ان كل واحد دنياته غير
بس الحب كان اقوى
اتمنى من كل قلبي انك فاهمه قصدي وطبعا هذي وجهة نظري
وماقول ان موضوعك خطأ بالعكس حلووو وياليت ينفع اللي عقولهم مسكره
بس للأسف انتي جمعتي ماخصصتي
يعني اللي فهمته من موضوعك ان كل ولد يكلم بنت مايبي منها الا الغريزه وضياع وقت وتسليه
والله عالم بنواي كل انسان

جزاك الله الف خير وسامحيني اذا اطلت عليك بكلامي

اختك : دكتورة قلبي