تكفون يا مسلمات داخلة على الله ثم عليكم

انا من وجهة نظرى ان تطلبى منه تغيير غرقته الى غرفه اخرى قريبه منك او من غرف اخوانه وان لا يكون بمنعزل عنكم حتى لا يستطيع ان يدخل اى احد الا ويحتاج للمرور عليكم ويمكن اقناعه بذلك انك بحاجه لتعديل الغرفه او صبغها وطبعا هنا يكون دورك مع احد ابناءك بالتناوب بالسؤال عنه دائما وابعدى الشغاله عن مشاكل البيت الخاصه . والله يهديه لك ان شاء الله.
 
يارب اهده واصرفه عن الحرام وازرع في قلبه الخوف منك بالسر والعلن
استغفر الله واتوب اليه
 
واجهيه وبهدوء وذكريه بالله اوقصي عليه الي سواهك كقصه وانه وهو يمارس الزنا توفي
 
الا الزواج هذا ظلم لبنت الناس وراح يكون عقوبه للام لانها راح تخدع الناس انا اقول الصررررراحه راحه صاريحي ولدك قولي انا امك سترك وغطاك والله يعينك ويهدي ولدك وجميع شباب المسلمين....
 
:tears:كتبت رد وانمسح 3 مرااات:busted_red:
بس ابيت الا ان ارد عليك هههههه
اسمعي يا اختي...
نصيــــــحه لوجه الله لاتدخلين احد في الموضوع
لا اب ولا خال ولا عم
والله كذا بتزيدين الطين بله .. خلي الموضوع بينك وبينه
لانك لو دخلتي احد صدقيني بتخسرين ولدك والله ان يحقد عليك وبيحسك شوهتي سمعته وفضحتيه عند خاله او عمه
خليك انتي واهو وبس..
صارحيه بكل حب وحناااااان وموده .. انزلي لمستواه ناقشيه وحاوريه
خليك له صديقة مو مجرد أم وبس .. كوني له الصدر الحنون
عامليه كأنك واحد من اخوياه وماشيه وسايريه
خاطبي فيه عاطفته .. قولي بعد عمر طويل ودي اشوفك متزوج ومكمل نصف دينك .. ودي افرح فيك
رغبيه بأي شي قولي بسوي لك اي شي تبيه بس اسمع كلام امك اللي تحبك
اهم ي انزلي لمستوى تفكيره واكسبيه في صفك قبل يضيع منك
هذي نصيحتي لك وواله اني اعتبرك زي اختي الكبيره
ولو اني صغيره ومو مقامي اني اعطيك نصيحه بجانب خبرتك انتي في الحياة .. بس حبيت انصحك لان هالشي مجرب وانا شايفته وعايشته.. خليك صديـــــــــقته
موفقه يا اختي
والله يستر على ولدك وعلينا واتمنى انك تدعين لي بظهر الغيب
ان الله يعوضني ويرزقني الزوج الصالح عاجلا غير اجل
:icon26::icon26::icon26::icon26:​
 
حبيبتي المفروض انك تمسكينة وتكلمينة وتزعلين علية وتبين لة انا هذا الشي حرام ولدك امانة عندك لازم توقفينة عند حدة ما عليش حياتي الموضوع صعب بس انتي اذا تحبينة ماراح ترضين انة يغضب ربة
من رايي انك تقولين لة انك حصلتي حلق لحرمة في غرفتة بعد ما تتاكدين ان كلام الشغالة صحيح
واللة يعينك
 
اولاً زوجيه زوجيه زوجيه ولا تقولي اخاف على بنت الناس لان بنت الناس الي بتتزوج ولدك لازم تقوليلها على
حقيقة ولدك كامله فيه بعض الناس يوافقون ويعتبرونه نوع من الجهاد زميلت بنت خالتي ولدها مثل ولدك الفرق انه كان هو يطلب يتزوج والام ماتبي تظلم بنت الناس ومره في جمعه تتكلم عن ولدها فقامت وحده من الحاضرين وقالت لها انا عندي زوجت ولدك وموافقه على كل الي فيه
لب الموضوع ان الولد تغير 180درجه بعد الزواج وسار من البيت للمسجد ومن المسجد للبيت لا وكل طلعه وخرجه وهو يقبل يد امه
حبيبتي زوجيه بدل ما تزيدين الطين بله وكونه جاب بنت للبيت معناته انه محروم من شي هو بيدك والهدايه بيدالله
الله يهديه لك ويصلح حاله وحال امة محمد
 
اعوووووووووووووووذبالله من جد مصيبه الله يعينك انتي حاولي تعالجينه من هالي يتعاطاه بعدين دوري حل للبنت الي دخلها
 
الله يهديه لك ويرده لربه
وحاولي تتاكدين من الكلام عيبي يوم من الدوام
بدون مايحس ولدك اويدري وشوفي اذاصح اولا
وبرايي الشغاله صادقه والا وش تستفيد اذاكذبت
 
الله يهديه لكن انا عندي لك نصيحه وهي اذا كان والده من المتفهمين انك تقولين له انه يأخذ ولده ويحلله بطريقه ان والده خبره رجل ان ولدك يأخذ حشيش وان والده كذب هذا الرجل وابوه اللحين يبي يرتاح ويتطمن على ولده ومنها تحللون له احسن مايضل اذا كان لاسمح الله يتعاطى الحشيش اللي يدمر كل مستقبله وانا اعتبره هو اساس كل الفساد والدمار للشباب وبكذا تقدرون تعالجونه اذا كان يتعاطى واذا كان تحليله سليم اخطبي له ولاتناقشينه بموضوع البنت اللي مدخلها عالجي المشكله الاساس اللي هي الحشيش والله يهديه ويوفقه
 
أنا أصغر من ولدك بس راح أقول لك رأيي وان شاء الله يكون رأي سديد

بالنسبة للشغالة ما نقدر نوثق في كلامها لأن أكثر الشغالات كذابات و إذا تحرشوا في ولد و ما أعطاهم وجه افتروا عليه و الله سبحانه يقول : ( يا أيها اللذين آمنوا إن جائكم فاسق بنبأ فتبينوا إن تصيبوا قوماً بجهالة فتصبحوا على مافعلتم نادمين )​
​
فأنصحك قبل لا تصارحين الولد تفكرين بالنتيجة الي راح تصير ... طبعاً ولدك إما مظلوم أو غلطان

إذا كلمتيه و هو مظلوم في هذا الموضوع راح تجرحي مشاعره و يزعل منك لأنك أمه وما وثقتي فيه و صدقتي الشغاله ...

و إذا كان كلام الشغاله صحيح وهو غلطان

إما راح يكذبها و يعمل نفسه مظلوم و راح يسوي كل شي بعيد عن البيت

أو راح يعترف لك مع أن هذا إحتمال ضعيف .. و راح ينحرج منك و نفس الشي راح يعمل كل شي بعيد عن البيت


فأنا أشوف أن المصارحة مافيها فايدة


أحسن شي من وجهة نظري أنك تزوجيه

وخير البر عاجله ... اليوم خذيه على جنب و قولي يا ولدي خلاص أنت صرت رجال و تشتغل ما تحب تتزوج ؟ في بالك أحد معين ولا تحب أدور لك بنت الحلال ؟؟ و كيف تحب مواصفاتها و أخلاقها ؟؟


و الله يوفق الجميع




 
حبيبتي تاكدي من ولدك لاتكون الشغاله متحرشه فيه ويوم شافته ماعطاها وجه قالت اتبلاه قبل لايخبرك بسواتها
والا سوت هذا الشي عشان تعاقبه عن طريقك لانه ماعطاها وجه وهي اكيد انها عارفه انك ماراح تناقشينه وبتزعلين عليه على طول
حبيبتي هذا ضناك لاتصدقين فيه وهي تربية شوارع تصدقينها وتكذبين ولدك انتي ام غريبه من جد انا لو مكانك كان امسح في الشغاله الارض عشان تحط حدود لعلاقتها باصحاب البيت وغير كذا اروح واساله واقوله اني عرفت وبس واحاول اتاكد من صحة الخبر منه لان كل ام تعرف طريقة ولدها لما يكون صادق ولما يكون كذاب وبعدين وبعدها احاول ابني بيني وبينه صداقه وثقه وتعلميه ان اللي قالك الخبر مسحتي فيه الارض وشرشحتيه وانك واثقه فيه وانك تتمنين مايفشلك قدام الناس واللي ينقلولك الاخبار وانه يكون محل ثقه عشان تمشي وانتي رافعه راسك مو تمشي وانتي منزله راسك لان الناس اكيد بيعيبون عليك لما ولدك مايكون مزبوط[هذا الكلام كله لازم تقوليله]
بعدين حذاري انك تصدقين كلام الناس على ولدك ولاتسمحين لاحد يتكلمفيه حتى لو انتي عارفه ان فيه عيوب
يمكن هو فيه عيوب لكن مو اكيد يكون سوى الخطاء اللي الناس انقلوه لك
بعدين معذور اذا هو رايح يدور احد يحن عليه لانك صدقتي اللي قالك عن الحشيش وانتي ماتاكدتي منه يعني تصدقين فيه وهوماصار فيه اي تغير
عجب عجاب ام تصدق الناس بولدها
اسفه على كلامي بس جد قهر
 
لي عودةبإذن الله
لاني أقرأ مشكلة ابنك من الجوال
سوف اطلب مشورة من احد افراد العائله وارد عليك
 
حلوه فكرتم تزوجه وش ذنب بنت الناس لاوالله اذا هويبي بيطلب من امه
مايصلح تقنعه البنت بتنظلم بعدين وماراح يستمرون وبعدين هو عمره 28كبير ماشاءالله
الله يهديه يارب
 
تأكدي من السالفه واسألي ولدك وصارحيه وابكي قدامه خليه يحس وقولي له يا ولدي اللي قاعد يصير مو عاجبني
واهمالك بصلاتك والحشيش والبنات مضايقني حرام عليك ارحمني ومن ذا الكلام الين يعترف لك ويوعدك يتغير

الله يخليك ويحفظك له والله يهديه ويصلح حاله
 
إذا قررتي تخطبي لزوجك أنتبهي تصارحين أهل العروس بأشياء مش متأكدة منها

عمرك شفتي وحدة تخطب لولدها و تذم فيه

بعيدين صدقيني ما راح يتغير إذا عرف

خلي الأمور مستورة و انتي عاملي البنت مثل بنتك ووصي ولدك يحفظها و يرعاها
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل