تكفون يا مسلمات داخلة على الله ثم عليكم

ربنا يهديلك ولدك ويهدي شباب المسلمين
حاولي تاخذي اجازة من عملك ولفترة مؤقتة مو عشان تراقبيه هو مو صغير الي يبغاه هيسويه بس عشان تصاحبيه وماتواجهيه حاولي تتكلمي عن الدين وعن الأخلاق وعن الأمراض ال تصيب الشباب من الزنا وعن عاقبة الزنا وان الشاب ما يرضاه لأمه ولا لأخته........لمحي بالكلام ولاتصرحي واسمعي منه اكثر ما تكلميه اطلبي منه يوصلك لدروس دينية وقوليله بدل ما تمشي وترجع تاخدني تاني استنى بالمسجد وهوه هيسمع غصب وعامليه بالحب والحنان مثل الطفل وفي المعملات عامليه على انه راجل وانكو ماتستغنو عنه ابد وان حال البيت يقف من غيره وتفرغيله لأنه يعتبر مريض ودعاء الأم مستجاب اجعلي جزء من الليل للدعاء له وربي يوفقك لكل خير
 
سألت اخي الاكبر وكان هذا رده
عدم السكوت على هذا الوضع واخبار والده
كي يتخذ الاجراء اللازم لتاكد من هذا الموضوع
بالطريقة التي يراها مناسبة وعند التاكد من ذلك
يجب مصارحة الابن باكتشاف تصرفه وتقديم النصح له كما يجب التعجيل بزواجه لعل هذا
يحصنه ويعدل من سلوكة
 
الله يجزاكم خير انا اليوم كتبت رسالة له لسى مارسلتها ابغى انقحها وارسلها له المغرب لان وقت الدوام ماهو وقت مناسب مشكورين على الردود الي خلاني احس اني ماني وحدي تراني دعيت لكم البارح بس من دون صلاة لان الدورة نزلت علي قبل الفجر
اختي ميعاد عواد انا ودي ازوجه بس اخاف شكوكي صحيحة وابلى بنات الناس وصعبة اقول للناس انا شاكة اوشئ مثل كذا اسالي اخوك اواحد يعطيني رايه
 
عزيزتي

الله يكون بعونك

كلنا عندنا اولاد شباب وحاسين فيك

لكن انا بما اني ام...وعندي اولاد قريبين من عمر ولدك

احملك جزء كبير من المسؤولية لما وصل له ابنك يا اختي

وينك عنه ؟؟؟ ليش وصل الى هذا الموصال ؟؟؟ وين ابوه ؟؟؟

انا ما اشوفك تتكلمين عن دور ابوه في حياته

بعدين احسك كثير شايلة فكرة تزوجيه بسبب ضنونك انه يدخن او يحشش

تعرفين عزيزتي ....الرسول صلى الله عليه والة وسلم

قال ان الشباب مثل الشرار اللي اذا ما حصناهم يولعون النار

اتمنى انك تجلسي مع ابنك ...لا تفاتحيه في موضوع البنت..لانك بطريقة وباخرى انت من تسببتي في انه يسلك هذا الطريق

بسبب تركك له بدون زواج

انت تكلمي وقولي له ...انت محتاج الى الزواج ... وانا عازمة اني اخطب لك ...اذا ما عندك وحده معينه ...انا اعرف كثيرات بنات حمايل و سمعتهم مثل الالماس

لكن يا ولدي ...ما ابغيك تفشلني ... ابغي اللي يسأل عنك يقول هذا ولد ما في مثله

يعني اذا عندك خرابيط هالشباب اتركهم ..لان ما وراهم الا الدمار

وعن جد...لازم تحصنين ولدك

وان شاء الله بنت الحلال تقدر تغيره

اما انك تظني وما تظني وخايفة ...انت راح تدمري الولد الكثر

واتمنى تطمنينا ...وتتخذين خطوات ايجابية و فعالة ...وبدون تردد يا اختي

وربي يفرحك فيه ويستر عليه
 
أختي أنا قريت ردود الأخوات عشان ما أعيد كلامهم وأضيع وقتك ويشهد الله أن أنا متفاعلة معاك وكأنه ولدي 000لأني حاسة فيك كأم وهذا حال الدنيا من يصدق أن عيالنا الأطفال الأبرياء صار يطلع منهم كل هذا يعني مكتوب علينا الشقا لين نموت000أختي 000أنا بأذكرك بشي قلتيه 00وهو أن ولدك يحبك ومايقوى على زعلك 000وتأكدي أختي أن لولا الخوف لاختلط الحابل بالنابل يعني لو الناس ماتخاف من الله 000كان سوت الهوايل 000وأنتي اشتغلي على حاجتين نمي فيه الخوف من الله والخوف من فقدك أيضا 000مافيه أحلى من الوضوح 000لاتقولين له قالولي 000لا هذي ماتنفع 0000ياتتأكدين من معلوماتك وهذا والله اللي ىأتمناه حتى يجي كلامك وتهديدك من موقف قوي 000أبي أسألك الشغالة كم صار لها ؟وخلال هذي المدة يعني ماسواها الا ذاك اليوم ؟؟؟فتشي جواله شوفي الرسايل فيها دليل على لقاءات أو 000اسألي الخدامة أيش شكلها 00ولون ثوبها وملامحها ويوم تسألينها خليك دقيقة جدا ومنتبهة عشان تسجلين معلوماتها بدقة في راسك لاتشوفك تكتبين شي وأثناء كلامها ركزي على نفسيتها حسيتي هي صادقة وألا كاذبة 00واتركيها ولاتقولين لها ولا له شي وبعدين بكرة ارجعي واسأليها نفس الأسئلة وبسرعة أذا كانت كذابة راح تضيع بعض المعلومات وبتحسين بارتباكها أتمنى أنها تطلع كذابة 00لكن نصيحة هيبة الله والوالدين هي اللي تخرج أفراد سليمين اقعدي له وانتبهي عليه وذكريه بالأطفال والذرية وصلاح الحال عندكم خير سافروا عمرة وفاجئيه وقولي طلبتك لاتردني 00أبي أروح معاك عمرة أنت بالذات000عسى الله يطمنك أختي ولا يضيع تعبك0
 
الله يهديه ويصلحه وادعي له في الصلاه وفي السجود با الهدايه
الله يكون في عونك
 
زوجيه

كم وحدة قالت لك زوجيه

و أنتي بس خايفة على بنت الناس

يعني مش خايفة على ولدك

تدرين إذا تركتي ولدك بدون زواج راح يلعب أكثر

وراح يبلي بنات الناس أكثر من لو زوجتيه

و بعدين إش عرفك يمكن يتزوج و يهتدي

والله كثير شباب تغيروا بعد الزواج

بس انتي انتبهي للبنت و لازم تكون شخصيتها قوية

والله إذا تركتيه بدون زواج راح ينحرف

و أنا ماني شايفة شي بولدك

أنتي مش متأكدة أنه ياخذ حشيش ولا متأكدة أنه يلعب مع بنات

يعني بانية كل شي على الظنون

( وإن الظن لا يغني عن الحق شيئاً )
 
بغيت أقول لك لا تتعاملين معاه بالرسائل أنتوا عايشين في نفس البيت

الكلام المباشر أفضل

مع أني ما أنصحك تفهميه أنك شاكه فيه
 
الله يهديه ويفتح على قلبه وانصحك ماتقولي شي لم والده
 
ابوه يوم كان الولد في المراهقة مايحترمه وكان يهزءه عند اي احد ودائما يبين انه مايفهم حتى صار بينهم حاجز كبير ولجا الولد لاصدقائه وصار يحب يجلس معهم وفي فترة المراهقة ماانسى انه ضربه من غير سبب واضح والولد في بداية الجامعة لانه حسب قول ابوه انه راح لمناسبة وشاف اقاربه كل واحد معه ولده الا هو وافتعل معه نفاش وصلت فيه ان يضربه وتكرر الضرب اكثر من مرة بسبب عدم احترام الولد لابوه من كثر المشاك لوخصوصا في هذا الوقت جت وحدة من القريباتالعزيزة على نفسي وتحبني وقالت ان فيه وحدة اتصلت عليها وقالت لها ان ولدك يجالس ناس يستعملون الحشيش وقلت لابوه طبعا زاد الابو عنف وطق وكان عمر الولد 20سنه اولى جامعة الترم الثاني وانا كنت احاول اني اعوضه مافقده من ابوه وحنيت عليه وقويت علاقتي فيه لان الاب كان مايعطيه وجه من كثر طقافهم احيانا يوصلون للشهرين ما يكلمون بعض وكنت ادخل اخواني علشان يخففون الي بينه وبين ابوه وكان الابو اذا تكلم عنه يقول قولي لولدك خلي ولدك يسوي كذاويجي اوقات يحن عليه بس بدون مايوضح له حتى عاش الولد مده كبيرة بعيد عن ابوه وولدي درس سنتين في الجامعة في قسم زين لانه جايب مجموع زين بالرغم ان السنه الي تخرج فيها من الثانوي اول سنة تحسب بطريقة المعدل التراكمي ودخل الجامعة من غير واسطة في السنة الاولى الترم الاول جاب معدل تراكمي عالي بس كثرت المشاكل مع ابوه وعدم قدرة ابوه على احتوائه تعلق باصدقاء مايدرسون اخذوا الثانوي وماجابو مجموع وبدا يغيب عن الجامعة حتى نزل معدله وزادت مشاكله مع ابوه ويوم ساله ابوه عن نتائجه جاب شهادة مزورة علشان يسكت ابوه لكن ابوه اكتشفه وصارت مشكلة بينهم وانا ضايعة بينهم ابين للولد ان ابوك على حق ويبغى مصلحتك وان طريقته معك كذا لانه يحبك ويبغاك تصير احسن واحد والولد يقول ابوي مايحترمني واروح للابو اقوله لازم تغير طريقتك مع الولد تحتويه يرد علي انت خرابه ليش تدافعين عنه اقوله انا ماادافع عنه انا ابغاك تغير سياستك يزعل ويعصب علي انتي الي خربتيه بدلعك على الرغم اني ماادلعه بساحاول احتويه ومايصير اناوابوه قاسين عليه واذا صار بينه وبين ابوه نقاش مااتدخل ابوه يزعل ليش ساكته اقول في نفسي مايصير انا وابوه عليه حتى مصروفه ما كنت اعطيه كثير 5ريال حتى وصلتها 10ريال يعني ما كنا نعطيه فلوس زايدة عن الحد وصرت اشم فيه ريحة الدخان بشكل قوي وقعد طول ماهو يدرس في مشاكل مع ابوه..................... وبعدين قالي الولد يمه ابغى اترك الجامعة وقال ابغى ادخل في اكاديمية للحاسب الآلي ابوه طبعا رفض وقال لازم يكمل جامعة انااحترت بينهم وكان عندي علم ان الولد ماخذ انذارين يعني الجامعة بتطرده وابوه لازال مصر على انه مايترك الجامعة وقلت لازم اكون ايجابية واساعد الولد لاني ادركت انه مايصلح للجامعة قلت لآبوه لازم نساعد الولد هو مايبغى الجامعة رفض طبعا وقلت خلاص انا اتحمل المسؤلية قال خلاص ماراح اعطيه تكاليف دراسته في الاكاديمية ولا راح اساعدك في فلوسها قلت خلاص انا اتحمل التكاليف المهم سجل في الاكاديمية مدة دراستها سنتين وتخر ج بتقدير جيد ولله الحمد وانا طوال ازمتي مع ولدي بس ادعي ربي لان لاملجا ولالجا ولاالتجاء منه الا اليه والحمد لله ويوفق ولدي ربي بفضله ومنه وكرمه ثم لجوئي اليه بالدعاءماشاء الله الى وظيفة مرموقة في مكان مرموق وارتحت نوعا ما اما علاقة الاب بدات تخف حدتها بفضل الله ومنته وكرمه ثم الدعاء وبدا الاب يحترم الولد ويغير سياسته معه ولولد ايضا تغير حاله للأفضل من ذي فبل ثم تطورت العلاقة وصارت احسن من اول بكثير وما ابالغ تغيرت 180 درجة بس لازالت شكوكي من ناحية سلوكه يشوبها الشكوك زي ماقلتكم سابقا لوجود قرائن غير كافية تثبت هذه الشكوك من ناحية الحشيش اما الشئ الذي انا متاكدة منه هو انه يعاكس البنات ودائما انصحه عن هذالشئ لكن يوم ماقالت الشغاله الكلام الي قلته لكم عنه هو والبنت وانا في حاله الله يعلم بها و بس............................
حبيت اقول لكم فصة معناتي مع ولدي واختصرت االفصة شوي لان بعض الاخوات سالوني عن دور ابوه وانا بامكاني اقول لابوهعن موضوع البنت الي جابها بس ابغى اخليه مرحلة اخيرة اذا استنفذت الطرق الاخرى لاني اخاف علاقته مع ابوه تتوتر واهد الي بنيته وماصدقت علشان العلاقة تقوى
 
ليش تصدقين الشغاله ؟؟

ومين قالك مايبين ع الحشاش؟؟ بالعكس الا يبين ويبين .. الحشاش اما يكون مبسووووووووط رااااااايق او نفسيته زي الزفت .. وعصبي .. ويهاااوش ع اتفه الامور ..

يا اختي الدخان بلوووووى وقلة الصلاة مصيبه .. ماقلتي وين دور أبوه في الموضوع هذا ؟؟

من رآيي انك تجلسين معاه وتصارحينه بكل شفاافيه .. وقولي له أن مامشيت على اللي أبيه لاني أمك ولا أعرفك ومايناطق لساني لسااانك .. طبعاً بس كلام .. وبيني له انك بتزعلين بجد .. مادااام فيه بذررة خير ..

وبعدين قولي لأبوووه يجالسه ويماشيه .. وينااديه كل ماطلع ودخل يعني يكون داااااااااايم تحت المجهر .. قوليله

يوديه معاه للمسجد كل صلاه .. وقولي له يدخل عليه في الغرفه كل فتره عشان يكون دايما متوقع جيته عشان مايسوي غلط .............

لازم أبوه يكون في الصورة .. وأنتي بعد وقت كل صلاة كلميه وان كان نايم قيميه للصلاة ..وحاولي تشغلينه وتخلينه يوديك أي مشوار تبينه .. حتى لو للسوبرماركت ..

وعليك بالدعاااء والاستغفار.. والله يهديه ان شالله ..
 
قريت ردك فوق .. شوفي حبيبتي .. اي واحد يكلم بنت في التلفون توقعي انه يشوفها .. بس ادعي ربك ماتوصل للحرام ..

بخصوص الحل .. لاتقولين لأبوه لأنه من كلامك واضح انه مايتفاهم صح...... الحل ........ من رايي لاتسألينه عن هالموضووووووووع ..

بس قولي له قصه ولد ..انه دعا صديقته عنده في البيت .. وكانوا في وضع مخل .. والله خذا روحه .. وقولي

الله يكفينا شر سوووووووء الخاااتمه وبنات الحرام ... الخخخخ ..

بس حاولي تقربين ابوه منه .. هذا الحل ..
 
أختي الغالية .. ياليت تجلسين مع زوجك جلسة وتجبين له قصص حزينة عن ضياااع الأولاد سببها عدم التعامل معهم بطرق سليمة و ترك الحوار معهم وتهميش أرائهم وعدم زرع الثقة فيهم والتنقص منهم وعدم رفع معنوياااااااتهم وتشجيعم.. بعدين قولي وش رايك؟ نحااااول نرتقي في أسلوبنا مع (عبدالله) الولد يحتاج دعم وخاااااااصة من والديه وياليت تعرض عليه الزواج(تخلين بوه هو اللي يعرض فكرة الزواج) عشااااان تذوب الحواجز اللي بينهم ويحس ان أبوه مهتم فيه وصدقيني راح يفرح .. الله يهديه ويفتح على قلبه..آمين يارب.
 
لم اقرا جميع الردود بكل صراحه ولكن من الممكن ان الخادمة "تتبلى " على ابنك المسكين . تاكدي اولا هذا ابنك وتربيتك وانت اعرف به من كل الخلائق. بعض الخادمات يتحرشن بشباب الاسرة واذا تمنع عنها تبلته بالكلام ونعتته باقبح الاوصاف. الم يداخلك الشك حين طلبت منك عدم ذكر اسمها عنده؟ تاكدي من الموضوع.ومن ثم اشركي والده بالموضوع فهو ادرى بدواخل الرجال وابنك ما شاء الله رجل وابوه اقدر على فهمه منك في هذه السن. الله معاك..
 
منأول ماقريت قصتك عرفت أن ظروفكم نفس ظروفنا بل طبق الأصل 000نفس الأب 000نفس العلاقة وكل اللي صار لولدك من أبوه صار لولدي 000وكل اللي سويتيه أنتي أنا سويته000بس ولدي لازال في الكلية ولازلت أكافح 00عشان يحقق أملي 000ماصرت أحب يتدخل أبوه لأنه حطمه فعلا 000لايتابعه 000لايدري مع من يروح000وآخرتها قعد يتصيد على ولده بدون حلول 000ويموت أذا شافنا متفاهمين 000أتمنىمن الله أن لايخيب رجاي في عيالي 00أنا اخترت أوقف معاهم 000بكل شي 00وأبوهم تخلى عنهم 00ولايدري عنهم00يدري عن ربعه ومشاكلهم أكثر من عياله00الله لايضيع تعبنا0
 
ياحياتي اللةيعينك اتاكدي من الشغالة اول وقولي انك انت اليشوفتي وابدي اخطب لو بنت الحلال واللة يهديلنا ويهديلككككككك
 
عزيزتي جيبي كلوت نسائي وحطيه تحت فرشته وسوي نفسك تنظفي الغرفه وياليت هو يكون موجود واساليه من وين اذا غلطان بيبين اتكلي معاه وفهميه غلطه وقولي مشيك بطال واتعدل وزوجك يمكن تجيه بنت الحلال الي يتعلق فيها ويترك الخرابيط
 
طيب ماعندك أولاد غيره أنا أشوفك ما تتكلمي غير عن هالولد

وبعدين أكثر الشباب يعاكسون بنات في المجمعات بس مش ضروري يقابلونهم في مكان و يسوون كل شي

وإذا خليتي ولدك بدون زواج ممكن تزيد المعاكسات و ممكن ينتقل للمرحلة الثانية الي هي الزنا

وحابة أسئلك سؤال : متى ناوية تزوجي الولد ؟؟
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل