تدريب الطفل على استخدام الحمام

[سوبر ناني]

رد: رد : تدريب الطفل على استخدام الحمام

مشكورة عزيزتي على الموضوع ..............

بنتي الكبيرة بسرعة تعلمت لله الحمد...كنت ايلس معاها في الحمام و انتوا بكرامة نقرا قصة مصورة لين تخلص بعدين صارت تروح بروحها ولما اتخلص تناديني...

اما بنتي ام سنة و نص ما قدرت اعلمها لانها ما شاء الله حركيه تبى تلعب بكل شئ في الحمام :nosweat: لا قصص نفعت و الا الوان و الا شئ...
:icon1366:

اختي بنتج بعده صغيره لا تضلميها بمقارنتها بابنتك الكبيره الاطفال يختلفون من حيث الفهم والتعلم
ولكل طفل شخصيته وسلوكه اللذي ولد به
فاذا تعلمت طفلتك الاولى قبل السنتين لا يعني ان الصغيره ستفعل ذلك انتظري لتكمل العامين وابدئي بتعليمها بعد ذلك
والله يخليهم بج يا رب

 

[الود]

رد : تدريب الطفل على استخدام الحمام

مرحبااااااا سوبر نانى
انا قلتلج انى راح اعطيج التقرير اليومى لولدى فى تعليمة على الحمام
يوم الاربعاء كالعادة رديت من دوامى متأخر فأجلت التدريب ليوم الخميس وفى يوم الخميس ماصار اى شى كل مرة كنت اودية مافى اى شى
ويوم الجمعة علمت ولدى الصغير وماشاللة علية ماتعبنى اما الكبير اختفى فجأة وكنت حاسة انة اختفأة فية مصيبة كالعادة وللاسف مالحقت علية وسخ نفسة وعصبت علية وقلت لامى تطردنا من البيت وفعلا تم طردنا وردينا بيتنا وانا اقولة بكرة ماراح نروح بيت امى الانك وسخ ومن هالكلام وقلتلة بكرة اذا مارحت الحمام عندى ماكو روحة لبيت امى
وبكرة السبت راح اقولج شنو صار معاى واللة يعينى على هالولد ويحفظة اميييييين

 

[سوبر ناني]

اختي طفلك محتاج رعاية خاصه منك هناك شيء يخيفه من استخدام الحمام يجب ان تعرفي ما هو
الطفل محتاج لمد يد العون له
اختي الود ابنك عنده مشكله نفسية اتمنى ترسلين لي كافة سلوكيات ابنك في البيت من اول ما يقوم من النوم ولغاية ما ينام
وطبيعة علاقاته مع اخوته
علاقته معك ومع والده
مع الخادمه
هواياته
والبرامج اللتي يشاهدها
كيفية لعبة ومشاركته اللعب مع اقرانه
ابنك محتاج مساعده عاجله المسألة ليست فقط مسالة حمام ربما المشكله اكبر بكثير من ذلك وانتي لا تعلمين
هناك شيء في نفس طفلك

 

[عطر الليل؛؛؛]

ابني عمره سبع سنوات مازال لا يستطيع السيطرة على البراز لازم يكون في كلسيونه براز يروح الحمام ولا عاد يتبول في فراشه الا نادرا

بس مشكلة انه مازال لحد الان يتبرز في البداية في الكلسيون وبعدين يروح الحمام يكمل تصدقين اختفت سراويله فجأة صار يرميها في البالوعه الله يعز السامعين علشان ما ادري عنه

كلمته بالطيب فهمته انه ولدي حبيبي ما ابي احد يضحك عليه انه يسوي كاكا في سرواله يقول طيب آخر مرة عطيته محفزات وحرمته وعاقبته ساعات بدون فايدة

اخرتها أمس عند اهلي رمى سرواله في بالوعتهم وانسدت

اخته في الرابعه نفس الشئ اوديها الحمام و تقول مافي شئ واذا طلعت علطول تسوي الاثنين برى احيانا تجيها حالات حماس وتنتظم بس ساعات يجتمعون اثنينهم واحس ان عندي طفلين توأم في السنة الاولى من عمرهم

اختهم الصغيرة عمرها سنتين الا شهرين تشوف اختها في الحمام وتحاول تفسخ ملابسها تبي تسوي مثلها بس احس توها لانها ما بعد صارت حتى تحكي بشكل مفهوم

وش رايك اختي مرة متعب نفسيتي هالموضوع ..

 

[سوبر ناني]

اختي الغالية ربما يعاني طفلك من رهاب التبرز
يعني يخاف عند عمل البراز
او انه لا يستطيع التحكم في عملية التبرز ولا يعرف ان كان هذا الشعور للتبرز او لاخراج الريح

اختي استخدمي اسلوب الثواب والعقاب له ولاخته
علقي عند باب الحمام لوحه كبيره واكتبي فيها اسمه واسم اخته

في حال احسن استخدام الحمام ولم يلطق ملابسه ضعي له علامه صح
وفي حال لم يدخل الحمام ووسخ ملابسه تحطين اكس
وطبعا لازم اللوحه ما يعرف فيها غيرج وهم يعني ما يعرف فيها احد من برع البيت لما فيها من احراج لهم ولنفسياتهم


وطلبي منهم يختارون لعبة يحبونها كجائزه وعطيهم مدة 10 ايام بعد العشره ايام اجمعي النقاط
بعدين بخصوص رمي الكلسونات في الحمام
امسكي ابنك وكلميه بحزم وانتي تنظرين في عينيه
قول له واعطيه صابون سائل هذا الصابون ساضعه في الحمام اذا وسخت ملابسك لا ترميها اغسل ملابسك بهذا الصابون وضعها نظيفه في سلة الملابس وضعي سلة ملابس في الحمام
انا اعرف انك توسخ ملابسك فماله داعي ترميها
بس غسلها وحطها في سلة الملابس
واخبريني بنتيجة التمرين
في حال كانت علامات الصح اكثر من الاكس اشتري لهم اللي يطلبونه وفي حالة العكس عاقبيهم بعدم الخروج ومشاهدة برامجهم المفضله ليوم كامل يقومون فيه بتنظيف المنزل وفرز ملابسهم الملوثه

 

[ام فطومه]

اوووووووووووه تعبت وانا احاول اعلم بنتي عمرها الان سنتين وشهرين ومافي فايده عمرها ماقالت لي وديني مع اني دائما احذرها واذ ا ازلت ملابسها اخاف تسويها في البيت ......... مع اني اسويها اذا انقهرت مرة ....
ولا في فــــــــايدة ........!!!
كل الطرق سويتها من ترغيب وتشجيع وازالة الملابس وغيره ومو عارفة شو اسوي ؟

ادعوا لي

 

[كل دنيتي زوجي]

الله يجزاكي خير ع المعلومه المفيده وانا راح اتبع الطريقه مع بنتي وعمرها سنتين وراح ادعيلك

 

[مملكه الحب]

السلااااااااااام عليكم

ايش العمر المناسب لتعلم دخول الحمام

لان بنتي عمرها سنتين الا شهر تقريبا

بس ماتعرف تتكلم زين يعني كلامها مو مفهوم

ياليت تجاوبيني اختي سوبر ناني 000ولك الشكر

 

[النسAيم]

السلا م عليكم ورحة الله وبركاته
جزاكم الله خير وانا معناتي مع الاخوات
بس المشكلة توأم اعمارهم 3 سنوات وشهرين
احيانا مشا ء الله يروحون وتشجيع وحلاو ومفاجئات واحيانا لا حياة لمن تنادي
وحدة من التوأم تروح احيانا اما الثانيه نادرا
ما الحل ؟؟ لاني تعبت معاهم الله يصلحهم
الرجو الرد مشكورين.

 

[joory rose]

شكر الله لك

 

[لحظه حزن]

السلام عليكم مشكوره اختي على الموضوع الاكثر من رائع انا مشكلتي مع ولدي عمره سنتين وخمس شهور وما يعرف يروح الحمام ولايقدر يتحكم في البول يعني لما اخذه الحمام واقول بول يجلس بس مايبول يقول خلاص ولما يطلع يبول على ملابسه ومشكلته دايم يبغى الرضاعه عجزت يتركها لانه يغار من اخوه الصغير لما اعطيه علشان كذا علىطول يبول كل ربع ساعه تقريبا تعبت معاه افيديني جزيتي خيرا​

 

[فوشيه ماركه]

موضوع قيم

 

[أم زهور]

يسلموا على النصايح وراح ابداء مع بنتي

 

[تربية ذاتية]

مرحبا

حبيبتي تكفين ساعديني وربي تعبت

انا من اسبوع بديت ادرب ولدي سنتين وثمانيه شهور
بس المشكله

كل فترة نص ساعه اوديه يرفض ويبكي رغم الاغرااااءااات الي اقدمها

 

[دلوعةزوجي]

ابي اعود بنتي عمرها سنتين و6 اشهر
بس احسها مرة دلوعه وعنيدة وموعارفه وشلون اعودها
مع ن اخوها كمل 3 سنوات وتعود على الحمام على طول ولا تعبني ولا حاجه

 

[اميرةالكوون]

بدي نصايحكم بنتي الان عمرة 6 سنوات تروح للحمام بس للبول اما البراز لا تعمله على نفسه شجعته وعملت كل حاجه بس ماكو فايدة لان عمرة سنتين قبل عملنا لها عمليه خلع برجله مااااااادري منه اولا وديناة لطبيب وكشف عليها مابه شيء الحمدالله

 

[Zahra hassan]

وأني بعد تعبت من هالفترة والله
بنتي عمرها الحين سنتن و4 شهور وأني بديت معاها من فترة أسبوع وتعبتني واجد لان ماترضئ تدخل الحمام وصارت تعصب وتصرخ ماتبي تسوي بوله في الحمام معني كنت اشجعها بس مافي فايده هذا كان اول يوم بموت تدخل تالي شافت بت عمها تدخل وصارت اذا دخلت هي الحمام لان هي اكبر منها تدخل معاها وتالي أني هونت لان تعبتنني لان لازم كانت تبي تدخل معاها او انها تستناها ماتبي بروحها اي فتركت السالفة وقلت بنتظر خليها تكبر الشوي بتي
وصبرت فترة ورديت علمتها والحمد الله صارت أحسن تدخل حتئ لو مامعاها بت عمها بس احيانا لما تلعب بالايباد نفس الشي تعاند وماترضئ تدخل بروحها بس أحسن من قبل
وفي مره سوت الكاكا في الحمام ولما شافتها في القيصريه خافت وقامت وانا شجعتها وقلت لها شاطره سجئ تسوي كاكا في الحمام وهي خايفه ولحد الحين تخاف تسويها في الحمام لما أشوفها تسويها أقول ليها يلا ماما نروح الحمام نسوي كاكا ماترضئ تدخل وياي تخاف منها هههه من قبل تدخل عادي بس الحين من شافت شكلها من فترة صارت تخاف وحتئ اذا سوتها في الكلوت وجيت أغير ليها تخاف وأني افصخها الكلوت ولما اجلسها تطلع في روحها وهي جالسه وهي خايفه ومشكلتي أني ما اعرف أوقات الي تبول فيها احيانا ادخلها تبول وأحيانا ماتبول وأحيانا تبول في الكلوت ولاتحس انها بالت فيه ولاتتكلم فمتعبتني حيل

 

[sara salahuddin]

سوبر ناني .. ساعديني ربنا يحفظك ابني عمره 3 سنوات و5 اشهر تقريبا صارله 6 اشهر مسيطر على الادرار ولكن البراز الله يكرمك رافض فكرة يروح للحمام ولما خبيت البامبرز مرة يسوي على روحه ومرة بالحمام لكن بالغصب وبالترغيب وبالتهديد لكن هو مايقول اريد اروح للحمام مع اني بعرف هو محصور ولما باخذه مايرضى يجلس وبيسوي هو واقف ومابيقضي حاجته كلها بحيث صار طول النهار هو متضايق ولا هو راضي يدخل الحمام ومن يسوي على روحه يبدا يبكي وينزعج هاي صار 4 ايام وانا احاول وياه .. والله تعبت وهو كمان تعبت نفسيته لان اليوم كله هو متضايق

 

[umfares 99]

لو سمحتي الله يخليك انا طفلي عمره سنتين و11 شهر يعني حول الثالث سنوات وعنده خوف من الحمام شريت له النونيه حقت الحمام بس مايبي بالحمام واذا طلع جلس شوي سوها على نفسه واذا سوو الله يكرمك الكاكا يتوحش ويقول وع مااني افهمه انه ممتاز عليك وافاضي الحفاظه الله يكرمك بالحمام حتى انه يشوفه انه شي عادي ومب شي يخوف مع العلم اذا سو الكاكا على نفسه قال ماما حمام ومن رمضان وانا احاول ادربه على خفيف حتى يبداء تدريج ولا يخاف والان بجزم عليه ان شاء الله وش تنصحيني فيه ؟؟وكيف اشيل الخوف عنه؟؟

 

[همس الشوامخ]

الله يساعدكن جميعا ويعطيكم العافيه....
ببتدي أجرب مع بنتي بتكمل سنتين ... الله يعطينا الصبر وطول البال