تجربتي مع الشمالي الشرقي فادت ولكن إنصحوني

الحالة
مغلق و غير مفتوح للمزيد من الردود.
مايقدر يبهدلش الدنيا موسايبه لاتخافين منه واكثري استغفار...اداجى الدوام خبريه انش بتتطلقين خلاص وخلي كلامش معه حازم ولا تلينين له
 
بحرانية مظلومة قال:
قالي بيات ما أقدر أبات عندش .... أهلي مايدرون للحين بالزواج أخاف يعرفون ويصير لهم شي .. ويش بسوي أنا وقتها ؟؟ (( طبعا لمعلوماتكم هو مع زوجته ساكن فبيت أهله )) ... أنا صارلي 3 سنين منتظرة تخبرهم ... ....
أنقر للتوسيع...

العود من أول ركزه ,, انتي دخلتي بطريقه غلط واكيد حياتك بتكون غلط ,,, اذا احنا نتزوج بمعرفة الاهل وخطبه رسميه وبشروط و شهود ورجال وحفلات متعوب عليها ويصير لنا مشاكل طويله عريضه وكأن الوحده جايه من شارع ولا ماخذينها صدقه اش تتوقعين انتي يكون اسلوبه معك وحياتك معه .... انتي في نظره للهوى وبس ... ويوم تكبرين وتطيحين اول من يرميك ويستغني عنك زوجك ..... هو تزوجك لرغبه معينه وقضى حاجته وطاح الي براسه ويبي حياته ترجع طبيعيه بلإضافه ان وجودك في حياته سبب له مشاكل واحراجات وقيود هو مستغني عنها ......... انا اشوف انه حاطك في قائمة البنات الي يعاكسهم ومتزوجهم مسيار وليس في قائمة زوجه شرعيه ..... اذا ما عاملك انك زوجه وعّرف اهله عليك وكان لك بيت مستقل حتى لو انتي تصرفين لحد ما يستقر الوضع وتترتب اموره الماليه اذا كان عنده ضغوط وتحملين والاااا هذا ماهو زواج هذا لعب وعلاقة اشبه بعلاقات بنات الليل والهوى وسوري لا تزعلين بس اش الزواج الي يقعد ثلاث سنين انتي ماتعرفين فيه اهل زوجك ولا هم يعرفونك ..؟؟!! شوي غريبه .... واذا كنتي يتيمه ؟ كثير يتيمات وعايشات صح وبالعكس اليتيمه المفروض تاخذ اهل زوجها اهل وامه وابوه امها وابوها والا ما تحتل مكان عند رجل مزاجي ومتقلب وو >>شمالي شرقي بعد..
 
ملكة رغم الصعاب قال:
انا اشوف انه حاطك في قائمة البنات الي يعاكسهم ومتزوجهم مسيار وليس في قائمة زوجه شرعيه .....
أنقر للتوسيع...


اتوقع هدا مستوى تفكيره وتصوره لعلاقته معاكي ..

طمنيني عنك ياعسل .. معليش ماكنت معاكي من الصبح .. واول مافضيت دخلتلك ..

اش صار بعد الدوام طمنيني <<< الافكار تودي وتجيب اش ممكن يصير معك .. طمنيناااااااا
 
الحمدالله يابنات ماجاني الشغل وشكله من النوع مال تهديدات فاضية بس ....
الله معي ولايمكن يتخلى عني....
بس يابنات في موضوع مضايقني ...
من شوي بعتلي مسج ثانية ... يقول (( على فكرة إتلبت دعاويش على الجاهله طلعت مصابة بالسكلر الله يخليش واصلي دعاوي ))
والله يابنات بصيح ... معقول يفكر إني ممكن أدعي على طفلة ولا حتى عليه ... أنا إذا كنت في يوم فعلا مقهورة منه الشي الوحيد يلي أقوله هو حسبي الله ونعم الوكيل ...
والله يابنات ما أبالغ ... زوجته يوم عرفت إنها حامل بالبنت عجزت عشان تسقطها ... وكانت تحاول تقنع زوجي إنها بتكون مصابة بالسكلر لأنهم إثنينهم حاملين للمرض ... وقالت له إنها بتروح إيران تسقط وتجي ... وهي لامتأكدة ولا شي بس لأنها ماتبي أولاد أكثر منه لأنه مايتحمل مسؤلية ....
وكانت بتسوي فحص مشيمة عشان تسقط قبل ماتكمل الثالث بس هم قالوا لها إنه حتى لو طلعت النتيجة إنه مصاب المستشفيات عندنا مايسقطون .... وبنفس الوقت مبلغ الفحص واجد غالي ... فحاولت تجيب فلوس تروح ايران تسقط بس ماقدرت .... وهي بالشهر السابع صادها تسمم حمل حسيته أنا عقاب من رب العالمين لنها رافضة نعمته بس الحمدالله عدت على خير ...
والحين يتهمني إني أنا داعية على الجاهلة وعشان جذي طلعت مصابة !!!!
معقول يكون هذا تفكيره...


والله خاطري أرد عليه أو أرسل لزوجته مسج وأقول لها قولي لزوجك مو أنا يلي أدعي على أطفال ويلي قاعد يصير حكمة من رب العالمين ... زوجك قاعد يحصد مازرعت يداه على مر السنين
 
لا ترسلين ولا شىء أستمري بعدم التواصل معه حتى لو أن الرساله لزوجته,,,
 
هو شافك طيييييببببه وأستغلك لهدف في خاطره...
هدفه ليس طيب ..هو يعترف أنه ظلمك وهده هي الحقيقه اللي تريدين تغييرها,,,اتركي العاطفه والطيبه على جنب وفكري بعقلك..استعيني بالله تعالى..
ربي يوفقك...
 
الله يوفقكم ويفرج عنكم جميعا .... أشكر كل من وقفت معي ودعت لي دعوة صادقة .... لم أشعر بالقوة كما أشعر بها الأن وكل ذلك بسبب نصائحكم
 
اللهم ينصرك عليه ياااارب .. ودايما خلي على لسانك ..(( اللهم اجعلي من لدنك وليا واجعلي من لدنك نصيرا )) (( واللهم اكفنيهم بما شئت )).. استمري في التطنيييييييييييييييييييييييييييييش .. هوا تلاقيه داري من اول وماحب يقولك عشان لاتتشمتي وانه هدا حقك ربي بياخده منه .. س بما انك طنشتي يبغى يستفزك عشان تكلميه وتدافعي عن نفسك ... طنشييييييييييييييييييييه .. كمان كم يوم وبعدين ابعتيله المسج .. ب
 
لاترسلي ولا شي استمري بالتطنيش هوبس يبغى يستفزك عشان تدافعي عن نفسك لكن استمري بالتطنيش وعليك بالدعاء الله ينصرك
 
هذي أخر الأخبار ....
بعث لي باليل مسج يسألني ويش قصدي من عدم الرد ...
طنشته وبعد ساعة كاملة رديت ...
قلتله قصدي واضح إن كل شي بينا إنتهى
فرد علي يقولي توش متفرغه وراده
فأنا طنشت
بعدها بربع ساعة رجع يتصل
عليه عليه عليه
بعد ماوصلت إتصالاته لحوالي 15 اتصال قلت بشوف ويش عنده وبنهي الموضوع فرديت...
أول شي قال ليه إنتي ليش ماتردين ... قلتله لأن الكلام يلي عندي خلص ومافي ماعد في أي نقاش بينا كل شي انتهى .... سكت ... قلتله تفضل ممكن اعرف سبب اتصالك ... قالي بكيفي ... قلتله إيه طبعا مهو إنت فاكر الدني كلها بكيفك .. إطنش الواحد وماترد على اتصالاته بكيفك ... وماتسأل بزوجتك إسبوع بكيفك .. وبتقرر تتصل فيه بكيفك ... وتبيه يرد عليك بكيفك بعد !!! قلتله حط فبالك إن هذا كان زمان ... أنا يلي بعيش بكيفي الحين لأني ماعد محتاجتك في شي ... قلتله أنا مو محتاجة زوج ما أحصله إلا إذا كان عندي حالة طارئة ولازم أطرشله مسج عشان يفهم إن عندي حالة طارئة عشان بس يرد على اتصالي ... قلتله خلص النفس عافت والله وياك .. شوف متى تبي نروح المحكمة لأني جاهزة .. بعدها سكت .. فقلتله إذا ماعندك شي تقوله مايحتاج تبقى على الخط ... فقلي أوكي تصبحي على خير
طبعا يابنات حاولت جهدي أتكلم بكل قوة وثقة عشان يعرف إني متمسكة بكلامي ومابتراجع عنه هالمرة ..

ويش رأيكم ؟؟؟
 
الصررراحة الحل الابتعاد عنه لانه شخص مريض ويلعب على الحبيلين
 
الله يكون في عونك صراحه زوجك مستهتر
 
حبيبتي قوي قلبك
1. غيري قفل الباب
2. وعطيه موعد للطلاق اذا تأخر عنه روحي لأهله وخبريهم عن عمايله وانك تبي الطلاق.. أصلاً أهله بيتعاطفوا معك لأنك يتيمة... والخوف عادةً مو من الأهل الخوف من الزوجة الأولى.. توكلي على الله وروحي لهم
3.اذا ما تجاوبوا أهله معك واستبعد هالشي خصوصا انك حابة تنهي الزواج عندك المحكمة
4. للاااااازم تخبري أهله .... شو بتسوي لو فرضاً انتي حامل وزوجك توفى؟؟؟؟ أحسن يعرفوا الحين قبل ما يتفاجؤا في ظروف أسوأ
4. انت بس كوني شجاعة وجريئة واستعدي للكلام وحددي موعد لكل شي عشان تحطي حد للحياة التعيسة اللي عيشك اياها المحروس..
5. تأكدي أن ربك معك لأنك مظلومة ودعوة المظلوم ليس بينها وبين الله حجاب.
6. خلي عنك العواطف... المفروض تكون ماتت خلال ال3 السنوات ...
لا تضيعي عمرك لا تضيعي عمرك

انتي ما تبي عيال؟؟؟ متى بتجيبيهم ؟؟ متى بتربيهم؟؟؟ العمر يمضي
 
الوردوالياسمن قال:
ماشاء الله عليك كويس هذا الاسلوب اللي يمشي مع الشمالي الشرقي الله ينصرك
أنقر للتوسيع...

معك حق .. شكله فعلا هذا هو الإسلوب يلي ينفع معاه .. أمس حاولت جهدي أكون قوية وأفهمه هالشي .. وهو حاول يعاتب ويلوم ويقلب الموضوع علي بس أنا ماعطيته فرصة وقلتله مايحتاج ندخل بتفاصيل قلتلك ماعد في نقاشات بينا ومابيهمني من كان السبب لأن كل واحد يدري زين ويش سوا وقدم للثاني ... قالي إنتي شكلك مجهزة حق كل شي ... وحاول يتمسخر ... قلتله رجاءا مايحتج إسلوب الإستهزاء ... فكر بنفسك وبتعرف ويش يلي وصلني لهل المرحلة ... أنا ما أعتبرك زوج لأنك تبيني أكون زوجة بكيفك بالوقت يلي إنت تبيني فيه أكون زوجة فقط .... أنا شبعت من لعبتك وما عادني مهتمة باني أواصل معك .. أنا مو محتاجتك وعايشة فيك وبدونك

اليوم الصبح بدأ إسلوب الإستعطاف والترجي بشكل غير مباشر (( كما هو متوقع )) باعتلي مسج من سبع الصبح يقول أنا أدري مابيهمش الموضوع بس حبيت أقول ليش شي محد كلش يدري عنه وهو إني بسوون لي عملية لأني تعبان
 
من أحلى الملكات قال:
حبيبتي قوي قلبك
1. غيري قفل الباب
2. وعطيه موعد للطلاق اذا تأخر عنه روحي لأهله وخبريهم عن عمايله وانك تبي الطلاق.. أصلاً أهله بيتعاطفوا معك لأنك يتيمة... والخوف عادةً مو من الأهل الخوف من الزوجة الأولى.. توكلي على الله وروحي لهم
3.اذا ما تجاوبوا أهله معك واستبعد هالشي خصوصا انك حابة تنهي الزواج عندك المحكمة
4. للاااااازم تخبري أهله .... شو بتسوي لو فرضاً انتي حامل وزوجك توفى؟؟؟؟ أحسن يعرفوا الحين قبل ما يتفاجؤا في ظروف أسوأ
4. انت بس كوني شجاعة وجريئة واستعدي للكلام وحددي موعد لكل شي عشان تحطي حد للحياة التعيسة اللي عيشك اياها المحروس..
5. تأكدي أن ربك معك لأنك مظلومة ودعوة المظلوم ليس بينها وبين الله حجاب.
6. خلي عنك العواطف... المفروض تكون ماتت خلال ال3 السنوات ...
لا تضيعي عمرك لا تضيعي عمرك

انتي ما تبي عيال؟؟؟ متى بتجيبيهم ؟؟ متى بتربيهم؟؟؟ العمر يمضي
أنقر للتوسيع...

حبيبتي أشكرك على النصيحة ولكن حسب معلوماتي أن الشمالي الشرقي يحب أن يشعر بأنه صاحب القوة وصاحب القرار ولايحب أن يفرض عليه أحد شيء (( أليس كذلك؟ )) لذا أنا أخبرته بأني جاهزة للذهاب الى المحكمة بالموعد يلي سيحدده خلال الأسبوع القادم ... إسلوب ذكاء ليظن أنه هو صاحب القرار
 
الحالة
مغلق و غير مفتوح للمزيد من الردود.
عودة
أعلى أسفل