تجربتي مع الشمالي الشرقي فادت ولكن إنصحوني

الحالة
مغلق و غير مفتوح للمزيد من الردود.
سمعوا أخر الأخبار .....
من شوي بعتلي مسج فيها صورة إبنه بعيد ميلاده !!!!!!
ويش قاصد ؟؟
ويش السالفة؟؟
ويش فيه يستهبل! ولا مو راضي يفهم إن كل شي إنتهى !!
ولايمكن يظن إنه بهالحركات بلين وبرجع له!!!
يبي يكسر قلبي بصور طفله بدل مايخليني أفرح بصور طفل من صلبي ...
 
انتي كتبتي لنا قصتك المختصرة
ولم تكتبي كيف تزوجتيه
الم تسالي عنه
الم يقل لك شروطه قبل الزواج بك
وما دام انك تزوجتيه فعليك بالصبر
والاحتساب

ما دام انه شرط عليك قبل الزواج بانك لا تتعرفي على اهله
او لا تنجبي
وانه لا يصرف عليك
اذا قال لك قبل الزواج بك فعليك ان توفي الشروط
فانتي الغلطانة عندما كنتي تعلمين شروطه ووافقت

وزوجته الاولى تحبه مهما كان به عيب
فهو ابو اولادها
وزوجها قبل ان يكون زوجك

واذا لم تستطعي ان تستحمليه
استخيري في امر الفسخ

والله يعينك
 
شوفي اختي
الله يصلح الامور بينكم بس بصراحه
اوقات بالعلاقه نوصل لحد معين مانقدر نضبط فيه اي وضع والواضح ان زوجك الله يهديه الكذب صار طبع فيه
انا اقولك الطلاق ابغض الحلال
بس حرام تجلسي على هذا الوضع معه انتي يمر اسبوع ماتدري عنه شي
صعبه هالامور
الشمالي مزاجه صعب كوني واثقه من نفسك خذي موقف صاااااااااااارم بصراحه كوني مقتنعه فيه!!!
لا تخلينه يهززك ابد
 
صدقيني خذي قرارك
وفكري بكل الامور
هذا انسان مايقدر النعمه اللي عنده
 
انا ماكتبت لك حلول لاني بصراحه شايفه الطريق مسدود
والله يعوضك اخير منه ويسعدك يااااااااااارب
 
الحل أنك تفكرين في نفسك قبل كل شي الشمالي يحب المرأه القويه وعشان يرجع لك

لازم تكونين قويه وتنسين الحب في هذا الرجل طنشيه ولاتعطينه مال

فلوسك خليها لنفسك أهتمي بشكلك والبسي أحلى لبس حاولي تشغلين نفسك بشي

مفيد مثل دورات وتنمية مهاراتك أي شي يشغلك عنه .. ومالك حافظي عليه لك أنتي ..

لاتعطينه اي شي ولا حتى هدايا

إذا جاءك البيت لاتحطين له الاكل قولي ماعندي شي الاكل بس لك أنتي

وبيعي من أغراض البيت حتى يعرف أن ماعندك شي

وطالبي بحقوقك ولاتنازلين عنها أبدأ مهما قال لك من كلام وطالبي بنفقه ...

الشمالي يحب المرأه القويه والواثقه من نفسها ..

لاتهتمين فيه أهتمي فقط بنفسك شوفي أنتي اللي تتعبين وتعبانه منه

هو مرتاح وعايش حياته ولا مهتم فيك يبغاك فقط للجنس

وتعطينه المال وعشان كذا مايبغى يخسرك لهذا السببين

لاتعطينه فلوس ولاتهتمين فيه وأهتمي بنفسك ..

صحتك النفسيه أولى بالاهتمام وليس زوجك زوجك عايش مرتاح

مع زوجته وعياله .. وأنتي تنتظرين مسج منه .. هذه حياه عايشتها مع رجل مايفكر فيك ...

آآآآآآسفه حياتوووو كلامي قاسي معك ..

أحمدي ربك أنك متوظفه ولا محتاجه منه شي

والله يفرج همك
​
 
خيره أنك ماحملتي
ماتدرين وش تخبي لك الدنيا .. ولا مصير الطفل اللي بينولد إييييييش ؟؟
 
صباح الخير جميعا ....
بروح الشغل بعد شوي فبرد على يلي ردوا علي أمس أول ما أوصل .....
بس حبيت أخبركم إن زوجي إتصل فيني اليوم من 6:30 الصبح .... بس أنا مارديت ....
والله يابنات صار يتصل عليه عليه ... فأنا حطيت التلفون صامت حتى ما أضعف وأرد .... ولما رجعت له لقيت متصل فوق ال 20 مرة ....
الحين أنا فرحانة إني قدرت أضبط نفسي وما أرد بس بنفس الوقت خايفة نتيجة الحركة إنه يعاند ومايطلق ...
هو الحين أكيد بيحاول يتصل على الشغل بس أنا بخبر الاستقبال إنه لو إتصل يقولون له مو موجودة ....
ويش برأيكم ممن يصير الحين؟
ولمتى بضل ما أرد عليه؟
برأيكم أطرش له مسج أقوله أنا مارديت لأن الحياة بينا إنتهت فشوف متى بتقدر نروح المحكمة وأنا جاهزة؟؟ ولا ويش أسوي ؟؟

أوقفوا معي يابنات والله إني الحين بأكثر أوقات حاجتي لكم ...
 
والحين مطرشلي مسج يسألني فيها ليش ما أرد !!!!!

يعني بالله هو مو عارف ليش ما أرد؟
 
الله يكون بعونك ان شالله انا انصحك انك طنشينه حتى هو يجي ويكلمك
 
انتي كم عمرك وليش متزوجه واحد متزوج انتي ماسالتي عنه قبل الزواج
انتي ماعندك اخوان يفزعون لك صراحه قصتك تعور القلب
 
طنشيه اتركيه يطلع اقصى ماعنده ...وبعد كم يوم ارسلي مسج مختصر وحازم.....ولاتنسين الاستخاره قبل اي خطوه تقدمين عليها....
 
بحرانية مظلومة قال:
صباح الخير جميعا ....
بروح الشغل بعد شوي فبرد على يلي ردوا علي أمس أول ما أوصل .....
بس حبيت أخبركم إن زوجي إتصل فيني اليوم من 6:30 الصبح .... بس أنا مارديت ....
والله يابنات صار يتصل عليه عليه ... فأنا حطيت التلفون صامت حتى ما أضعف وأرد .... ولما رجعت له لقيت متصل فوق ال 20 مرة ....
الحين أنا فرحانة إني قدرت أضبط نفسي وما أرد بس بنفس الوقت خايفة نتيجة الحركة إنه يعاند ومايطلق ...
هو الحين أكيد بيحاول يتصل على الشغل بس أنا بخبر الاستقبال إنه لو إتصل يقولون له مو موجودة ....
ويش برأيكم ممن يصير الحين؟
ولمتى بضل ما أرد عليه؟
برأيكم أطرش له مسج أقوله أنا مارديت لأن الحياة بينا إنتهت فشوف متى بتقدر نروح المحكمة وأنا جاهزة؟؟ ولا ويش أسوي ؟؟

أوقفوا معي يابنات والله إني الحين بأكثر أوقات حاجتي لكم ...
أنقر للتوسيع...
شوفي ياقلبي زي ماقلتي ارسلي له مساج قولي انا مارديت لان الحياه بيننا انتهت وشوف اقرب وقت نروح المحكمه وشوفي ايش بيسوي وردي طمنينا عليك الله يفرج همك
 
محبة مكة قال:
انتي كتبتي لنا قصتك المختصرة
ولم تكتبي كيف تزوجتيه
الم تسالي عنه
الم يقل لك شروطه قبل الزواج بك
أنقر للتوسيع...

حبيبتي قصة زواجنا طويلة يطول شرحها .... ولكنها تمت بطريقة سريعة دون أن نجد الوقت لنتفق على أي شيء ... لذا لم يكن هناك شروط ... كل مايحدث في حياتي الأن إنصدمت به بعد الزواج ولكني صبرت 3 سنوات في إنتظار أن يقدرني ويعطيني حقوقي من نفسه فهو على كلامه يخاف الله ومن يخاف الله يتقيه دون حاجة مني لأن أذكره بذلك .... الى أن وصلت لقناعة بأن كل تدينه كله تمثيل وبأني يجب أن أخذ خطوة حاسمة قبل أن أضيع
 
ماادري ليش متمسكه فيه لااولادلامصروف لامبيت لاونيس
حياه زوجيه تعيسه ونتي تطاردين ورا تعاستك وش تنتضرين لحد ما تكبرين بعدين تتركيه اختي هذا لعاب مابه رجا ءوالله يروح عمرك ولاتلاقي احد يفكرفيك
 
ياجماعة صار متصل فيني 36 مرة على الموبايل
و 3 مرات على الشغل
وأخر إتصال سألهم متى يخلص الدوام ...
أنا خايفة يجي الشغل ويبهدلني قدام زملائي ...
معقول يسويها ؟؟؟
هذي أول مرة أطنشه بهذي الطريقة وشكلي فعلا استفزيته ....
بس صراحة متوترة خايفة من عصبيته وقهره يستجن ويسوي شي ....
 
انتي متزوجته مسيار كيف ميعترف للاهلي هذموحقك الشريعي انتي المفروض من اول شرطتي عليه يخبر اهله الله يفرجها لكي حبيبتي
 
الحالة
مغلق و غير مفتوح للمزيد من الردود.
عودة
أعلى أسفل