تجربتك عن طريق التسوق من النت...!!!

jana ahmed

New member
شوفي يقولك شغله يااقلبي
انا جربت ومره ندمت ولااعيدها اخذت بلايز من وحده لونها وحده زيتي والثانيه احمر وشكلهم واو من وصلوني وحده برتقاليه والثانيه زيتي << وين الذمه ماادري؟!! واقمشتهم دمار وحرمت اشتري منها
ومره اشتريت من وحده ادوات تزيين للكيك وقلت لها شنو القطع اللي فيه قالت شيء مااشفتيه ولا يخطر ببالك اخذتها منها والله اني مااشتهي استخدمها ابد
 

reeem22

New member
انا اول مره اشتري من النت كنت على اعصابي لحد ماوصلني الطرد
وبعدها قلبي صار قوي وتعودت على الشراء من الانترنت


بالنسبة للصور يابنات لاتاخذوا من صور الكاتلوجات اطلبوا تصوير شخصي من التاجره نفسها
لو عجبتك بلوزه مثلا اطلبي من التاجره تصورها لك بوضوح واكثر من صورة
صح انه متعب شويه للتاجره
بس التاجره الشاطرة تحاول قد ماتقدر تعرض المنتجات اللي عندها بكل وضوح
تخليك تحسي كأنك في المحل
والتعامل اهم شي سواء من التاجره او الزبونة


تجربتي
انا اشتريت اطقم ذهب تقليد - كولاجين - زبدة شيا - صابونة افريقية - ممسحة السيراميك - زيت للشعر - واخيرا اكواب الكبتشينو
كلها من اشخاص مختلفين ومن منتديات مختلفه والحمدلله توفقت فيها

والله يبعد عننا الحرام والحرامية
 

pink star

New member
انا جربت واشتريت من اشجان فاشن للي يسالون عنه صراحة البضاعة ليست كالصورة وفيه عيوب خياطة كثير كنقص في الازاريروزيادة خيوط يعني الخياطة ابدا غير متقنة وواضح انها مخيوطة هنا وليست جاهزة لانه ليس عليها ستكروفيه بلوزة منقرضه من الجهة الخلفية واذكر فيه جاكيت لم تفتح لازاريره فتحة وهكذا تحسين البضاعة ليست على مايرام
 
انا بعد جربت الشراء عن طريق المواقع الاجنبية زي ماتسمونها

كل حاجة وصلتني كما هي و الحمدلله .. وزي ماتكرمت الاخت لزوم التأكد من

توثيق الموقع .. طبعن كل المواقع الموثوق منها تحط شهادات وكذا

و الشآطرة في تجارة النت تعرف متى يكون النصب

في اختبار يعلمك كيف تكتشفين ان الموقع نصاب وصلني بالإيميل اول ماألقاه برجع احطه

بأذن الله ..

وبالنسبة للتآجرآآآت !! لا و الف لالالالالالالالالالالالا اسمحوووا لي

لو انها تحلف لي لين بكرة خلاص انا فوت الف مرة وبالنهاية عييينكـ عييينكـ النصب !!

والله يقهرووون !!

ولاتغركم التجارب !! ترى ملفقة !! مرة شريت من وحده كريم تقووول تقووول انه يبيض ويفتح

وينعم ومدري ايش ومدري ايش !! المشكلة انا موقنة ان مافي شي اسمه كريم يفتح

بس شفت التجارب في كل المنتديآآآآت النسائية الكبيرة !!

طلبت اثنين .. و الكريم بالسعر الفلالالاني ! .. استعملت شهرررررين والله زي ماقالت الاخت

نيفيآ احسن منه ..غير ان ريحته كنه اسكريم .. امي بعد ماشريته شافته بالسوق العلبة ب25 ريااااال !!

الله عليهمـ بس .. والله الحين دآيم اسمع بزيوت شعر وانا كثير محتاجة لشي يكثف شعري

بس بصراحة خلاص تووووبة

 

pink star

New member
شكرا لك شخابيط بنوتة على الايضاح وياليت كل من جربت التسوق عبر النت تكتب لنا
 
حبيبتي مو كل الناس سوا انا اعرف وحده اقسم بالله امينه تبيع خلطات وزيوت وربي استفدت وشعري في اسبوعين زان صحباتي يحسبوني حاطه باروكه من كثر وطول شعري
هداغير البياض واسعارها خياليه وخلطاتها طبيعيه اغلى شي عندها ب150ريالووالله ع ما اقوووووووووووول شهيد
 
انا عن نفسي ماقد جربت لكن اخويه في بريطانيا مايتسوق الا عن طريق النت فأوصيه ويوريني اللي وصيته في الموقع ويشتريها من عندهم ويرسلها لي ع طوووووول
 
مســــــــــــــــــاء الخير....

أنا بصراحهـــ.... تعاملت ويا وايد مواقع اجنبيه... و حتى المواقع الاجنبيه مب كلها مضمونه...
في مواقع توصلك البضاعه مثل المعروضه...
و في مواقع و خاصة الصينيه ... توصلك البضاعه شيء ثاني و تخسرين فلوسج على الفاضي و حتى لو فكرتي ترجعين البضاعه لهم و تسترجعين فلوسك بعد انتي الخسرانه ... لانج بتدفعين سعر التوصيل اللي ممكن يوصل لضعف السعر اللي اشتريتي فيه البضاعه...
 

o.o

New member
هلا بنات .. انا كتبت الروابط .. المواقع مب كلها مضمونه لكن خلاص قمت اعتمد على موقعين يعني اخر مره شريت من موقع رالف لورين لكن صارت مشاكل ومارسلوا الملابس لازم انا اراسلهم ومن نيويورك دريس بس رجعوا لي فلوسي
neimanmarcus
nordstrom
هاي محلات امريكيه نفس ساكس ففث افينو
حاولت اشتري من ساكس بعد قالوا البطاقه مب نفس عنوان اراميكس
 
مرحبا للجميع :
حبيت اوضح تجربتي بالشراء عن طريق النت في البداية كنت متخوفة جدا بس توكلت على الله وطلبت من موقع f90210.com
والاشياء اللي طلبتها كانت احلى من الصور بكثير الحمدلله وصرت اتعامل معاهم كثير
وماركاتهم موموجودة في السعودية .
حبيت اوضحلكم تجربتي بالطلب من النت .
 
جربت الشراء من النت بس مو مثل الحقيقه ابدا مع انه كان فيه مقطع يوتيوب
بغض النضر عن مصداقية البأئعه البضاعه الي ماتشوفينها بالطبيعه ماتحكمين عليها وبتخيب ضنك
 

بدايات

New member
أنا أخذت من تاجره كورس كامل ب1100
والله حرااام من غير التوصيل ب 150
وتحلف براس أبوها
وبعدين يقولولي مغفله
مامشكله مغفله أحسن من حراميه
 
أعلى