تابــع :قصه اميره الحزينه ,,,ماضي اليم ,,,وحاضر اليم ,,,ومازالت تنتظر الامل ,,,,

[اميره الحزينه]

عجبتني كثيرا ياورد


شاكره وممتنه لكي



لكن اميره مازعلوها وبس




اميره

زعلوها



وضربوها

واهانوها


وازهقوا روحها


الله يسامحهم


لكي حبي وتقديري


ولكل من شاركني


قرات ردودكم جميعا



وسعدت بكم اخوات وحبيبات على قلبي





واعذورني ان لم ارد على كل واحده




لكثرتها وان كان لدى اي واحده سوال



ساكون اليوم متفرغه ومتواجده




بعد ان اضع الان جزء من القصه


وساحاول ان ادخل المساء



لاارد عليكم اخواتي الحبيبات


واشكر الاخت رواق الخريف على نصيحتها



على الخاص واقول لها جزيتي الخير



ولن اضع من اليوم صور نساء


كما وعدتها والله يغفر لي مامضى


ويتوب علي من حبي للصور

​

 

[اميره الحزينه]

اميره الحزينه ​

​

اعتذر على تاخري اخواتي ​

وكنت اتمنى ان اضع باقي القصه ​

لااني كنت مسافره ​

ولكن حصل ماحصل
,,,,,​

توقفت عندما طلبت امي مني بطاقه الصراف ​

ورجعت لبيتي وانا خايفه وقلقانه من امي ​

ماصدقت انها تحن علي ​

لكن وش اسوي لابد الصبر ​

وكل يوم اخلص شغلي في بيت زوجي ​

وطلبات عياله ​

واذهب لزياره امي ​

اقوم بخدمتها ​

وارجع على اخر الليل ​

صحيح كنت اتعب ولكن كنت اجد سعادتي في خدمه امي ​

وفي يوم ذهبت قالت امي :اميره اليوم انا مسافره ​

حزنت وخفت اني اتكلم باي كمله تصرخ في وجهي ​

سلمت على راسها وجبينها ​

وقلت لها امي ياالغاليه تروحين وتردين سالمه معافاه ​

قالت امين خلي بالك من اخوانك ​

ماقالت من خواتك وكانهم جايبتهم من الشارع ​

قلت لها ولايهمك اخواني واخواتي مابتركهم ​

اهم شي لاتحملين هم ​

وسافرت امي ​

اما ابوي كل همه فلوس ​

ويسهر مع اصحابه ويشرب الدخان والشيشه ​

وعلى القنوات الفاضحه اعوذ بالله ​

انا زادت على المسؤليه ​

زوجي كان مو مهم عنده اروح لااهلي كل يوم ​

بس اهم شي مااقصر على بيتي وبيت الاولى ​

واكله اهم حاجه اجهز لهم امورهم ​

واذهب لبيت اهلي ​

اشوف امور اخواتي واخواني ​

واقوم بكل امورهم وارجع لبيتي ​

وبين بنتي الصغيره ​

والولدين ​

ولاتوجد شغاله عندي ​

لكني كنت احتسب عند ربي ​

وكنت اشغل لساني بذكر الله ​

واجد سهوله وسعاده ​

كنت اظن ان اميره الحزينه ​

انتهت من الحزن ​

وراح تعيش سعيده من بعد اليوم​

وان حياتها وامورها استقرت ​

لكن الظاهر انها ​

ستعيش طوال عمرها الحزينه ​

امي طالت سفرتها ​

وكنت في اليوم اتصل بها اكثر من مره​

اطمن عليها وادعوالها ​

ولكن كنت احس باان كلام امي تغير معي ​

وكل يوم كانت حالتها تتحسن ​

وكل ماتحسنت احسها ترجع اخص من قبل ​

سوت اكثر من عمليه تجميل ​

دفعت امكن كل ماتملكه حتى بس ترجع احسن من قبل​

بس عشان تخرج وتروح ولاتشعر انه احد يتشمت فيها ​

وفي يوم كنت في بيتي ​

وزوجي عند زوجته الثالثه ​

وعلى الضحى سمعت صوت صراخ ​

وكان من شقه الزوجه الاولى ​

نزلت مسرعه ​

وجدتها تصرخ وتتالم ​

اتصلت بزوجي مارد ​

جريت اصحي ولده واقوله امك تصرخ تتالم ​

لكن كيف يرد علي وهو مارقد الابعد الفجر ​

وش اسوي حسيت قلبي يعورني ​

صرت ابكي معها ​

اتصلت بالسائق ​

واتصلت بنوره ​

وقلت لها نوره ​

بجيب لك البزران ​

وباخذ ام فلان للمستشفى ​

تتالم والكل راقد ​

قالت الله ياخذها كمان تاخذيها للمستشفى ​

اميره وش فيكي هبله انتي ​

خليها تموت نسيتي وش سوت فيكي ​

قلت لها نوره ​

بجب لك البزران ومالك دخل باالباقي ​

واذا ماتبينهم باخذهم لخالتي ​

اخذتهم وحطيتهم عند نوره​

ورحت للمستشفى ​

وقال الدكتور عندها فتاق ​

ويستدعي جراحه عاجله ​

حاولت اخفف عنها واصبرها ​

واتصل بزوجي حتى رد ولحقنا على المستشفى​

وعملوا لها اللازم ​

اتصل زوجي ببنته حتى تجلس معها ​

ولكن الكل نايم ​

قلت له خلاص اليوم انا بجلس معها ​

وبكره تدبر ​

قضيت عندها تلك الليله ​

عورت قلبي بصراخها وهي تتالم ​

ولما استيقضوا عيالها ​

في اليوم الثاني جاؤ لزيارتها ​

طلبت منها انها تجلس عند امها ​

قالت انا عندي جامعه مابقدر ​

وهي الجامعه مادلت طريقها كل يوم غياب ونوم ​

لكن استغفر الله ماكانوا يحترموها ​

ولايهتمون فيها ​

زوجي صرخ عليها وقال لها تقعدين ​

قلت لزوجي خلاص انا بجلس ​

ماعندي اشكال ​

وهي كلها كم يوم وتخرج ​

زوجي قال لا ​

مين بيطبخ وينظف ​

شغاله مو زوجه ​

قلت له اللي تشوفه تامر ​

ورجعت لبيتي ​

وفي يوم كان زوجي عند الزوجه الثالثه ​

وهو المفروض يوم الاولى ولكنها في المستشفى ​

فذهب لعند الثالثه ​

وانا كنت عند اخواتي ​

وعلى منتصف الليل ​

رجعت وصليت صلاه الليل ​

حتى اذن الفجر وانا على سجادتي ​

دق باب شقتي ​

كان ولد زوجي ​

قال اميره ابغا فطور ​

قلت له عندك اخواتك ​

قال كلهم رقدوا ​

ويطلب بطريقه مؤدبه على غير عادته ​

قلت له حاضر بس اكمل صلاتي واذكاري ​

وانزل اجهزلك ​

قال انا بغرفتي ​

نزلت اجهز له الفطور ​

دخلت في غرفته ​

ووضعت صينيه الاكل ​

الاهو قام وقفل الباب ​

قال افطري معي ​

قلت له لاانا مابفطر الحين وراي شغل ​

والبزران لوحدهم ​

مسك يدي ​

حسيت بقلبي توقف ​

فلت يدي منه ​

اخذ المفتاح ووضعه في جيبه ​

صرخت ولكن مين بسمعني ​

امه في المستشفى ​

وابوه مع الثالثه ​

واخواته نايمين ​

قلت له افتح الباب خليني اطلع ​

قال راح افتحه بس اعطيني اللي ابغاه ​

قلت وش تبغى ​

رد بكل وقاحه وجراه ​

ابغى !​

حسيت كل جسمي يتنافض ​

وقلت وربي ياخالد لو لمستني لاتلوم الانفسك ​

قال شوفوا مين يهرج ​

قال شوفي انا ابي بالطيب ​

ولااقدر اجي باالغصب ​

صرخت وبكيت وبكيت وبكيت ​

وصرت اضربه على صدره ووجهه ​

وهو اخذني ورماني على السرير ​

تذكرت موقفي مع ذاك الوحش ​

توسلت له ​

قلت له خالد ابوس رجولك اتركني ​

وهو انقلب لشيطان ​

جردني من ملابسي ​

وانا في حال اعجز اني اوصفها ​

بس كنت ابكي واقول يارب احفظني ​

وخلصني منه وانا ابكي واصرخ واستنجد ​

ولكن لااحد يسمع صوتي ولايجيب لندائي وتوسلاتي ​

غيرالله دعيته هوانا ابكي ​

وبعد ماانتهى ​

حسيت كاني مجنونه ​

صعدت لبيتي ​

وانا مدري كيف اتصرف ​

ووش اسوي ولمين اقول اللي صار ​

دخلت الحمام ​

واتروشت بدموعي ​

صليت وانا ابكي ​

اتصلت بامي وانا اجهش في البكاء ​

كنت اتوقع انها بتوقف معي ​

بعد ماتغيرت ​

ولكن مثل ماقالت نوره ​

عشانها مكسره ​

يوم ردت صحتها ​

غفلت ولاتغافلت انه ربي ​

قادر يردها لنفس حالتها ​

ردت على ​

قلت لها امي الحقيني ​

هل تتوقعون كلفت نفسها تعرف وش اللي ​

مخليني مو ابكي اجهش في البكاء ​

قالت اميره الحين عندي موعد ​

قلت لها امي ارجوكي انا في مصيبه ​

قالت لاحقه وقفلت ​

اه وااه وااااه ​

شوي طلع عندي ولد زوجي ​

وقال اميره لو الخبر ​

راح لعند ابوي ​

ياويلك بقوله انتي اللي جيتي طلبتيني ​

قلت له انقلع ​

واتصلت بزوجي وانا ابكي ​

وقلت له اللي حصل ​

وهو يعرف ولده ​

وعشان كذا رافض دخول الشغاله ​

لكن ماتوقع ولاتوقعت ​

انه يفكر في زوجه ابوه ​

جاء زوجي ​

وانا كنت بس ابكي ​

وسمعت صوت صراخ ولده ​

كان يضربه ​

وانا من اللي فيني ​

عاجزه حتى عن الحركه ​

جاء زوجي لعندي ​

وقال اميره سامحيني ​

وسلم على راسي ​

ورجولي وجبيني ​

وقال استريه واستريني ​

قلت له هذا اللي طلع منك ​

قلت له مالي قعده هنا ​

انا اتحملت بما فيه الكفايه ​

اتوسل لي واترجاني ​

قلت له انا راح اروح لبيت اهلي ​

اخذت البزوره ​

ورحت لبيت اهلي ​

وانا مدري كيف رجولي قادره اوقف عليها ​

كان ابوي مو موجود ​

ويوم جاء ​

قالت له واحده من اخواتي ​

اميره تبكي بغرفتها ​

ومعها شنطه ملابسها ​

جاء ابوي والشر يتطاير من عينه ​

قال وش اللي سمعته ​

قلت له ابوي ارجوكم ​

كفايه كفايه ابي اطلق ​

قال تطلقي عارفه كم دافعين موخر ​

وعارفه اني راح اخسر لو تطلقتي ​

قلت له هذا المهم ​

وبنتك مو مهم ​

ضربني ضرب ​

كل اخواتي تجمعوا ​

وهم يصارخون ​

ويتوسلون له يتركني ​

ضرب ضرب ​

اصبحت كاني قطعه اثاث في يده ​

مو انسانه من لحم ودم ​

بعد ماانتهى من ضربه ​

اخذني واتصل بزوجي ​

وقال الحين بجبلك اميره ​

وخلاني ببيتي وراح ​

زوجي شافني وانا مضروبه ​

والدم في فمي ووجهي ​

وشعري وشكلي وش اقولكم ​

حضني زوجي وبكي ​

وقال اميره اغفريلي ​

وهو يبكي يقول اميره انا احبك ​

اعذورني كان ودي اكمل ​

ماقدرت اشوف الحروف ​

صعب اذكر الماضي ​

كل مااكتب جزء ابكي ​

لي عوده ​

,,,,,,,,,​

استغفر الله العظيم ​

واتوب اليه ​

 

[أساورمن ذهب]

لاحول ولاقوة الا بالله الامر يزداد سواء
انا كنت افكر كيف شاهدك على سجادة الصلاة وفكر بذلك لااعلم الم يتراجع!!
انا لله وانا اليه راجعون
صبرا يااميرة الفرح انا اشعر ان هناك بصيص امل

 

[a r ورد]

 

[النعومه]

ننتظرك

 

[فرح الشمالي]

إنا لله وإنا إليه راجعون

دايم عواقب الصبر سعاده وفرج من الله قريب

 

[خط القلم]

لا حول ولا قوة إلا بالله العلي العظيم..
الله المستعان.

 

[&الماس&]

لاحول ولاقوة الا بالله .......وحــــــــــــــــــش مو انسان الله ينتقم منه يارب.

 

[مدى الإحساس]

آه يا اميره شفتي كثير يا قلبي

الله يعوضك خير ويزيدك من فضله الواسع العظيم

 

[بناتي اغلى ناسي]

ان لله وانا اليه راجعون الله يكون في عونك وحسبي الله ونعم الوكيل

 

[start change]

اللهـ يعوضكي يا عسسسسسل واخيراً رجعتي

 

[ثمّه فرَح]

حسبي آلله ونعم آلوكيل على آشبآة آلرجــــآل

 

[الدنياسراب]

لله في ذالك حكمة لانعلم من الاشياء الاظاهرها ويخفى علينامابين طياتها من الحسنات والرفعه في الدرجات اذااحتسبنا الاجر

 

[اميره الحزينه]

اميره الحزينه

كنت احب زوجي

هو الوحيد اللي كان يقسى علي


ثم يحن ويضمني ويعتذرلي


حتى امي وابوي عمري ماحظيت بضمه منهم


غير في مرضها


اصابني هم وحزن شديد



صرت بس ابكي وحابسه نفسي في غرفتي




فقط كنت ابكي ودموعي



غصب عني تنزل


اهملت اخواتي واخواني



ولم اعد اروح لهم



وفي يوم اتصلت امي




وهي تهزائني وتصرخ فيني



هذا وعدك وينك عن اخوانك



يقولون مامريتي عليهم



قلت لها امي انا تعبانه


قالت ايه اول كنتي قايمه فيني




لااني عطيتك بطاقه الصراف



والحين مافي شي



رجعتي لااصلك



قلت لها امي


حرام اللي تسويه فيني


حرام

ارجوكي قولي اني مني بنتك

قولي انك لاقياني من الشارع


خلني ارتاح


خليني ادور على امي واهلي وناسي



امي عمري ماقصرت عليكي

ليش تسوين فيني كذا



ماكلفتي تسالين وش خلاكي تبكين ذاك اليوم



متصله تهاوشيني على اني قصرت على اخواني



واخواتي من الشارع


قالت كلمه ,,,


وليتها قطعتني اوصال ولاسمعتني هيا



قالت :اشوف فيكي يوم يااميره


قالتها وانهت المكالمه


بكيت بكيت بكيت بكيت



اكثر من أي يوم بحياتي


بكيت حتى اكثر من يوم المشكله



كنت مااخرج برا شقتي




وزوجي كان عنده اهم شي اكله




يموت لو ماجهزت اكله




وفي يوم جاء




وانا بس كنت ابكي




قلت له ارجوك


انقلني من هنا



انا لوبقيت هنا راح انتهي




قال وين تروحين



وهذا بيتي تبيني استاجر



وانا عندي بيت ملك


قلت له اشتريلي بيت ماهمني


ودني بيت مستاجر


انشاءالله قفص



ماهمني بس انام وانا مرتاحه


قال وعيالي مين يقوم بخدمتهم




وانتي عارفه زوجتي مسويه عمليه





والشغاله ولدي مايخليها




قلت له ماهمني


انا خدمتهم وبايش جازوني




انا سترت على ولدك



ولاقلت لااحد


مثل ماطلبت

ولاانك توسلت لي


وسلمت على رجولي


ماحبيت اردك

ولااني احبك



لكن انت جاء الوقت


اللي تريحني






وبعد اسبوع



احضر خادمه




وقال اميره خلاص



انتي لك ببيتك وفيني انا




وباب شقتك ماينفتح لاي كان



حتى لو بنتي



وهم جبت لهم شغاله





وبكذا يااميره ترتاحي



وعشت باقي حياتي


في خوف وكل يوم



اتخيل صوره ولدزوجي



داخل علي




واقوم متفزعه من نومي





ارتحت من شغل بيتهم



والطبخ لكذا بيت


وغسيل ملابسهم



والخدمه


لكني تعبت من الكابوس



ومن كلمه امي



وانا احوج مااكون لها



وللاسف مااتعودت




اما نوره فاانشغلت ببيتها وزوجها




وصارت قليل ماتتصل او تسال علي




ودايما تسافر




وخالتي اولادها كبروا


وكبرت مشاكلهم


وصارت مشغوله معهم


وانا شوقي لاامي واحساسي بالذنب يقتلني



كنت اتصل عليها ماترد




كنت اخاف اللي فيني



واللي اعيشه بسبب اني تطاولت على امي



لكني مااتحملت



وفي يوم اتصلت اختي



وقالت اميره امي الصبح جايه



فرحت وحسيت الدنيا مي سايعتني




طلبت من زوجي

اروح اخذ هديه فخمه لاامي


رحت واشتريت لها طقم ذهب


وساعه فخمه




ورحت على بيت امي الصبح قبل لاتجي



واول مادخلت



انفجعنا ماصدقنا ان هذي امي



سبحان الله مافي اثر للحروق اللي كانت فيها




رجعت نفسها وكان عمرها عشرين سنه




حتى عمليه لصدرها سوت




سلموا عليها اخواني


واخواتي اما نوره ماكانت تكلم امي ولاتشوفها



واذا بتشوف اخواتي تشوفهم ببيت جدي



رحبت بامي وحمدت لها بالسلامه




لكن للاسف صدتني وسبتني




مو كان نفسها اللي كانت تقولي



اتمنى يااميره لواحرك


يديني عشان اضمك



اه وااااه وااااه


وانا اللي اتمنيت ترجع وتتعافى





قالت وش تبين كنتي تبيني مثل اول



والحين انقهرتي يوم شفتيني احسن منك




قلت لها لاياالغاليه


وربي اني سعيده بشوفتك




وبشفائك وماشاءالله عليكي كانك بنت مابعد تزوجتي





قالت انتي غيرانه مني ولانسيت يوم تتشمتين فيني



قلت لها انا اتشمت فيكي ياامي



انا الفضل لله


ثم انا اللي اصريت عليكي



تكملين العلاج الطبيعي



ووقفت معك والحين تقولين اتشمت فيكي



قالت ايه مو لله وفي الله


كنتي تبين فلوسي وبطاقتي


مثل الذيب ماتهرولين عبث



بكيت وقلت لها امي



حرام اللي تسويه في نفسك وفينا



حرام شوفينا كل واحده فينا تدور على الحنان برا البيت





شوفيهم اخواتي كل واحده تحب معلمتها




واختي ....تحب واحد وتكلمه


وانتي داريه وتقولين عادي هي حره


امي انتي تعاقبين نفسك ولاتعاقبينا



حنا بناتك ولالاقيتنا



قامت تهاوش وتصرخ فيني


وقالت بكره اللي تسويه فيني



بنتك بتسويه فيكي



وطردتني وقالت لااشوفك


انا الحين مني بحاجتك


وراح ارجع لدوامي


ولزميلاتي والناس اللي يحبوني



واخذت هديتي ورمتها علي



اخذت البزوره



وخرجت وانا ابكي


رجعت لبيتي

دعيت ربي وصليت وانا ابكي واجهش في البكاء


كنت محتاجه لااحد اتكلم معه


كنت احس كانه بركان في داخلي



ونفسي افجره



اتصلت بنوره


وكانت في الطايف مع اهل زوجها


اتصلت بخالتي وكانت مشغوله




اتصلت بزوجي وانا ابكي وكنت محتاجته



قلت له ارجوك تعال ابي اطلع



قال اميره اليوم مو يومك


بكره بجي اخرجك


ولاسالني وش يبكيكي


عرفت انه مالي غير اللي خلقني




بكيت ودعيت وقرات قران


حتى ارتحت



,,,


استغفر الله

الذي لااله

الاهو


الحي القيوم


واتوب اليه

,,,,
​

 

[EID الحوراء]

لاحول ولاقوة الابالله
الله يعوضك خير أنه قادر على كل شئ
اشعر بجرح عميق في قلبي
واليوم أصبح ينزف بغزاره

 

[بلقيسيه وبس]

يارب يعينك يااميره ويفرج كربتك

من البدايه اتابع قصتك بس اليوم سجلت وحبيت ارد عليك وادعي لك

 

[اميره الحزينه]

وجودكم في صفحات قصتي



اسعدني وادخل السرور الى قلبي




فلكم مني اجزل الشكر والامتنان والعرفان

لكل من وضع بصمه

على جدار صفحات قصتي

احوبكم جميعا


​

 

[منى25]

آسأل الله العلي العظيم أن يمنحك سعاده لاتنتهي...
أميرة ماعندي الا أني أقول حسبي الله ونعم الوكيل..
يارب يعوض صبرك خير ويرزقك ويعطيك ويرضيك...
وصدقيني قلوبنا ودعواتنا معاك يالغاليه...
​

 

[فرح الشمالي]

الله يفرج همك ويبدل حزنك للسعاده
وربي يحنن قلب امك عليك

 

[إلا صلاتي]

أعاننا الله و إياك
ولكن تذكري أن ما يصيب المسلم محسوب له رفعة في درجاته
فأحسني الظن و انتظري الفرج
و أبشري بالخير فأنت في عبادة.
​