بنات تكفون ساعدوني زوجي بيضيع مني وحياتي بتنهار

الله يكون بعونك ويفرج همك وينصرك نصر عزيز مقتدر
 
اسال الله ان يفرج عليك اكثري الاستغفار ووالله فيه تفريج للكربات وتيسير لكل الامور
 
انا لله وانا اليه راجعون الله يصبرك ويقوي عزيمتك حسبي الله ونعم الوكيل على كل رجال يستغل ضعف زوجته الله يفرج همك
 
لاحول ولا قوة الا بالله العلي العظيم الله يفرج همك ويرد لك زوجك ردا جميلا ,اشتركي بدورات الاستاذه ناعمه ستساعدك كثيرا​
 
الله يعينك لالالالالالالالالالالالالالالالالالالالالالالالالالالالا تسكتين الوضع هذا ماينسكت عليه لازم أهلك يدرون حسبي الله ونعم الوكيل على كل ظالم
 
بنات الله يجزاكم الف خير ويوفقكم في الدنيا والاخره ويسخرلكم ازواجكم يارب ماتتخيلون وش كثر خففتو عني بردودكم ودعواتكم ....بكملكم القصه ....طبعا قفلت امه الباب علي وراحت تحاول هي وابوه يحلون الموضوع معاه ..ماتتخيلون يابنات كيف صار الوضع في البيت صارت حالة استنفار وكانو مكتمين على الموضوع مايبون احد يدري وينفضحون قدام الناس خصوصا اهلي >>>لانو بصراحه خواته مسوين زي الجراره على اخوهم كل هذا عشان يحرقون قلبي<<<<وكل شوي وحده من خواته تدخل علي وانقلبو الشريرات صارو اطيب ماخلق ربي وكلهم انقلبت وجيههم وخايفين وانا جالسه على الارض ماني قادره اتحرك ومصدومه من اللي صار لانو هذي اول مره في حياتي احد يمد يده علي ولا يغلط علي احس وقتها تمنيت الموت ..وولدي يبكي واقوم واحط عيالي في حضني واجلس ابكي انا وياهم ..ثاني يوم في الليل دخل علي هو وقام باس راسي وقام يعتذر ويقول انو سأل شيخ والشيخ قالو اذا في لحظة غضب حصل الطلاق واذا انت ندمان خلاص ماتكون فيه عده ويقدر يرجعني على طول ولازم يذبح او ماادري يدفع فديه المهم بس حتكون هذي اول طلقه بينكم ..وجلس يقوللي انو بامكانك ماتكبرين الموضوع ولا تخربين بيتك وعيالك وانو حيل ندمان ومتأسف ويحبني ولا راح يكرر اللي صار ابد ...انا كنت حاسه فيه شي ينزف جواتي كنت منهاره وايديني ترجف فيه شي انكسر جواتي ماعاد يتصلح كرهته ماعاد يعني لي شي بس المشكله عيالي توهم صغار ماابيهم يتعذبون واذا تركتهم مافيه احد يحن عليهم ويحبهم اكثرمني وسكت وقلت في نفسي يابنت عيالك ضحي عشانهم لا تعذبينهم وهم صغار واتصالحنا مع اني مااحس انو اتغير وقتها وطلاقي مااحد يعرف عنو شي الى هذا اليوم والبنت اللي طلقني عشانها ماتركها هذيك الفتره والكلام هذا قبل 5 سنين خلال هالفتره كنت عايشه مع اهله يوميا في مشاكل ..بنات والله العظيم يوميا امه تكرهني بشكل موطبيعي مع اني ماقد رديت عليها وهي تغلط ....مرت السنين ماتهنيت فيها ماذقت طعم السعاده ابد كل شي ماله طعم ولا لون كل يوم خناق كل يوم مصيبه مرت السنين كلها الم وحزن وتعب حتى شكلي تغير اللي يشوفني يقوللي عمرك فوق ال35 اكيد من الهم وانا عمري 24 الحين ومعي 3 اطفال ومن هذاك الطلاق الى اليوم وانا تحت التهديد اذا فتحت جواله بيطلقني وهو عايش حياته بالطول وبالعرض انوع الخيانه ويوميا افتح جواله واشيك والقى الهوايل ماعاد هي سالفة مكالمات وبس لا صارت مقابلات وطلعات وخيانه مع متزوجات ويحولهم فلوس دائما وسفريات للبحرين ويرجع من برا ويتروش ويرجع يطلع مره ثانيه ويجلس على المسن مع بنات محاثة فيديو ويعرض <<حقه>>اسفه على الجرأه وكلامه كله جنس وقلة ادب وكيف انه وده ينام معهم واتخيلو يوميا لازم يصبح عليهم وجته امراض فتره وراحت كان على علاقه بوحده فيها مرض السيلان وعقيم وزوجها متزوج عليها ...وكل هذا وانا ساكته اشوف واسكت لين ماجتني اشياء غريبه وبلاوي من تحت واشتبهت الدكتوره انو فيني مرض خطير وصلحت تحاليل طلعت سليمه الحمد لله بس لسى هذيك الاشياء والاتهابات موجوده وقالت الدكتوره احتمال تكون عدوى انتقلت لك من زوجك هذا الكلام قبل 6 شهور لي فتره اقرا هنا في المنتدى احس اني اتغيرت شوي وقررت قبل 3 اسابيع اني بواجهه خصوصا لما ماعاد ينام معي واشيك على التلفون والقاه يطلع مع حريم واناا شاكه انو مع كل هذا انو اتزوج وحده منهم مسيار وضعه مو طبيعي ابدا يوميا في السوق لحاله يوميا انا وصلت حدي وواجهته ....قلت له وبعدين اللى متى قال ايش قلت الى متى الخيانه الى متى الكذب الى متى الاستهتار والاستغفال هذا تراني ماني بغبيه ولا هبله لكن كنت اقول يابنت الحلال كل الشباب يسوون كذا كبري عقلك ولاتخربين بيتك بس الظاهر انت اللي بتخرب بيتك مو انا وقلت بعدين ليش ماعاد تنام معي انصدم وطارو عيونه قلت انا ماني ميته على نومتك من زينها اصلا لكن هذا الوضع الطبيعي ولما ماتنام معي معناه فيه وحده ثانيه لكن بشكل رسمي هالمره وقلت طلقني انا اللي ماعاد ابيك اكرهك بشكل ماتتخيله ياخاين ياكذاب والله لو اشم خبر انك متزوج علي والله لااهدم البيت فوق راسك ومو انا تستسلم بسهوله واعرف انو يوم زواجك يو طلاقي منك وقلت كلام كثير لاول مره اقوله وغلطت عليه وهزأته وهو ماتكلم بس يقول اطلعي برا وبلا جنان ومن ذاك اليوم وانا ناشبه في حلقه على كل شي وخناق يوميا وهو بس يدور رضاي بس احساسي يقول انه لسه كذاب لأنو صار يقفل جوالاته بس يبغى يسكتني وانا خلاص ماعاد فيني ..راحت من عمري 8 سنين كلها الم وخيانه الحين صحيت بس حيل متاخره وقررت اني استرجعه وامشيه على العجين مايلخبط بس وشلون بنات تكفون ابي رايكم ابي موجه لي ابي ارتاح من الخيانه ابي احد يعلمني من وين ابدا ابي ابدا من الصفر خصوصا اني توي طلعت في بيت لحالي ...اسفه حيل طولت عليكم الله يجزاكم الجنه
 
ياحبيبتي والله المتني قصتك وشوفي راحتك لاتروح وجمالك لايضيع
بسبة واحد خاين وامه وخواته اقهريهم بكل شي وحطي في بالك انهم يحطوا في بالهم
انه مااايهمك ولدهم وخياناته ابدااااا خليك طوال الوقت بدلعك واهتمامك باولادك
وهو بالطقاق لاتخلينه اصلا يمسكك يعني ينام معاك ابداااا لاجاء صوبك قولي
خييير لايكون مشتهي والا محروم لاسمح الله يالله قلعتك ماابيك ماني مشتهيتك
احرميييييييه مثل ماحرمك من الراااااحه وقولي اشبع برى مع الوسخات انا نظيفه
واابي اتوسخ من نجاساتكم فعلا ماانتي مجبوره انك تاخذي منهم امراض
زوجك مع كل من هب ودب..
ثقي ان الله معك لاتنسين الاستغفار والدعااااء....

اتمنى لك الراحه والطمأنينه والعافيه والستر يارب
 
زييين انك انتبهتي لنفسك ولو انك متأخره ميخاااالف..داائما الخطوات الاولى تكون في نفسك انت..في تقربك من ربك بالصلاة والدعاء.في شكلك....شخصيتك..إثباات وجودك في حياة زوجك مو تعيشين عالهااامش.المطااالبه بكاااافة حقوقك كامله وعدم التنازل عن شي منهاااا

.وبعد هالمرحله بتلاحظين تغير زوجك وملاحظته تغيرك ...عاد وجهي الحرب الخفيه عليه من خلا ل إشغاله بك وبعياله بالتركييز عليه في كل شي الين يصير مايقدر يحك راسه من الاشغال...عاد هو بيترك هالخربانات تدريجيا..بس يبي لك طولة بال وصبر..وربي ان شااء الله بيعينك........
 
والله ياحبيبتي دام عرفتي انه فيه الامراض الخطيرة اللي تجي من الحرام والخيانه..المفروض ترفسينه من حياتك وقلبك ...هذا شيليه وعلى اقرب زباله وارميه فيها...اسمحي لي اقولك انك غبيه اذا رضيتي انه يلمسك ويجامعك ..
والمفروض انك تستغلين هذي النقطه لصالحك وتطلبين الطلاق والعيال وتطلبين فحص طبي وتتأكدين انه مافيه واقوى ضربه له لامه وخواته
حسبي الله عليهم حسابا عسير
 
شوفي حبيبتي مدام انة صارت عندك عزيمة هذا اول النجاح لك واهنيك على شجاعتك وتمسك في بيتك واصرارك على استرجاع زوجك اول شيء شوفي نمط زوجك ايش واتعاملي معاة على هذا الاساس بعدين ادخلي على طرق التعامل مع الزوج الخائن كلة تحصلينة في هذا المنتدى الغالي واهم شيء الدعاء والتقرب لله والاستخارة في اتخاذ القرارات وادعي بهذا الدعاء اللهم هدي سرة واكفني شرة وان شاء الله انة راح يرجعلك ذليل
 
ابدي حبيبتي بسرعه بالتغير من الحين اول شي ارجعي مثل ماكنتي قبل الحلوه الجميله الفرفوشه والاهم الواااااااااااااااثقه من نفسها وابد لاتبينين لهنقطة ضعفك وهي عيالكاذا قال باخذهم قولي ومن قالك اني ابيهم خل اللي خربوك يربونهم لك انا ابي افضى لنفسي واشوف حياتي واذا شفتيه معند مرررررره قوليله اناكشفت والدكتوره تقول انتبهي تنتقل لك الامراض اللي بزوجك خوفيه بس النقطه هذي موب الحين ابد خليها اخر ورقه فيدك اللحين خليه يفهم انه ممكن يخسرك في اي لحظه
 
اسال الله بقدرتة العظيمة انة ينصرك علية وعليههم حسبك الله ونعم الوكيل عليهم الدعاء ثم الدعاء ثم الدعاء اخر ساعة من عصر الجمعة مو بس لك لاي وحدة محتاجة شي تدعي عصر الجمعة جربتها
 
السندرله كفت ووفت ماشاء الله سويها خطوه بخطوه مع الدعاء والاستغفار
 
لاإله الا انت سبحانك إني كنت من الظالمين

ربي يفرجها علي وعليك وعلى أمة محمد صلى الله عليه وسلم ياحي ياقيوم
 
الله يكون بعونك



سوي مثل ما وصوك البنات
عيفيه عيشته

لاااااااااااااااااااااااااتخليه يقربك

خليه مثل الجدار
بلا قرف بلا هم



الله ينتقم لك ممن ظلمك

إنا لله وإنا إليه راجعون



أختك: نهر الإبتسامة
 
اذا الدكتورة تقولك مرض معدي اش تبغين فيه والله لو بان لاقدر الله المرض فيك قبله ايش بسوي يطلقك ويشهر فيك ويقول شوفوا كانت مع مع مين
ياقلبي الامراض هذي تكون كامنه في الجسم فترة طويله بعدين تبدا اعراضها في الظهور وع حسب الجسم
وحدة سمعت قصتها انها مرضت ومالقوا لها علاج بعدين طلع فيها الايدز وزوجها شهر فيها وقال لاهلها هذي خاينه وهي معروفه بدينها وحلفت انها ماتعرف احد غير زوجها بعدين زوجها بيثبت انها تكذب راح سوى تحاليل والنتيجة انه مريض بالايدز قبلها بمدة بس الاعراض مابانت
سبحان الله ربي نصرها
ياقلبي انتبهى نفسك ومن باعك بيعيه اهم شئ صحتك ودينك
واذا عندك اولاد مايقدر ياخذهم الحضانه لك واذا كبروا يخيرون
واذا بنات برضه الحضانه لك وحتى اذا كبروا لانه مو اهل للتربيه بس يكون عندك دليل او شهود
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل