بنات أحلفكم بالله تساعدوني احس اني بحلم

[حبيبي شمالي]

السلام عليكم


بنات أحلفكم بالله تساعدوني.. حيل مقهوره ومحتاره ومصدووووووومه حلم والا حقيقه؟؟




باختصاااااااااااااااااار




انا زوجي شمالي شرقي وانا جنوبيه غربيه.. اول زواجنا مشاكل وبعد ماقريت عن الشمالي
صرت اطبق وعرفت طبعه وفهمته صارت حياتنا حلوه الحمدالله بدون مشاكل
اطبخله وانظف وارتب وهو حيل مرتاح دايم يقول الحمدالله اننا متفاهمين لاخر درجه

صارلنا سنه ونص متزوجين.. من 5شهور بدينا نراجع للحمل
وطلع هو سليم وانا فيني ضعف تبويض
يعني الموضوع كلوميد وابر تنشيطيه الحمدالله ومافي اي مشاكل ثانيه نهائيا
الفتره هذي اخذت كلوميد وابره والله ما كتب حمل
وبهالفتره بعد انا توظفت جديد ومافضيت للبيت مجرد كوي وغسيل ملابس
ومن يومها زوجي نفسيته باااااااايخه ويهاوشني على كل شي وماله خلق لي
مع ان قبل العلاج يقول لي يا حياتي ويا عمري وبس يحضني يموت علي
ويقعد عندي طول اليوم!! كنا حيل متفاهمين وحياتنا ضحك ووناسه وتفاهم وحب



بنات حيل مصدومه اليوم يقول لي ورا العيد بتزوج عليج انتي فيج ضعف تبويض
وماترتبين البيت وماتسوين شي وانا ابي عيال
وما اطلقج بس اتزوج عليج!!!!!!!!!!
طلع وهو يهاوش قال نظفي البيت واذا خلصتي دقي علي اوديج لاهلج
قلتله الحين ابيك توديني قال لا نظفي وبعدين يصير خير





اللهم اجرني في مصيبتي واخلفني خيرا منها
بجييييييييييييييييييييييييييييت حيل من اقهر والحسره!
احس اني ما اعرف هذا الرجال صار غريب عني انقلب بيوم وليله

 

[احبةb]

الله يعينك استغفري كثير مافي شيء يخلية يقول هذا الكلام الله يعيين

 

[حبيبي شمالي]

جزاج الله خير
اللهم اجرني في مصيبتي واخلفني خيرا منها

 

[نووووفه]

الله يهديه لك
​

 

[حبيبي شمالي]

امين



بنات ساعدوني شنو اسوي؟؟؟؟؟؟؟؟؟؟؟؟؟؟
احس الكلام اللي قال مقتنع فيه
انا اعرف زوجي كان كلامه جـــــــــــــــــــــــــــــــــــــــــــــــــــــــــــــــــــد

 

[dream.live]

الله يفرج همك ويسخره لكي

 

[حبيبي شمالي]

الله يسلمج

 

[الواحه المزهره]

اكثري من الاستغفار وادعي
وبماانك توظفتي حاولي تجيبي لك شغاله تساعدك في البيت من راتبك جيبيها انتم اثنين شو اللي يوسخ بيتكم بسرعه!!اذا مارضى بالشغاله حاولي ترتبي بيتك يوميا وخصوصي في اجازتك نهاية الاسبوع وربي يوفقك

 

[الواحه المزهره]

ولاتروحي بيت اهلك ابدا!رتبي بيتك وانتظري زوجك واذا رجع اضغطي ع نفسك وابتسمي وناقشيه بهدوء وبالتوفيق

 

[حبيبي شمالي]

جزاج الله خير
اسال الله ان يفتح بوجهك ابوبا الرزق والخير والرحمه
وان يسخر لك زوجك يارب العالمين



قاعده ارتب بيتي ومشغله سوره البقره.. والله المستعاااااااااااااااااااااااااااان


ابي خطوات امشي عليها.. لاني انسانه انفعاليه واكره الاهانه والتهديد وجرح الكرامه



لاحول ولا قوه الا بالله عين ماصلت على النبي
احسه مو زوجي انسان غريب عني

 

[ام ريما وعبودي]

صار لي نفس كلامك صار عندي ضعف تبويض وقالت الدكتوره مافي امل تحملين تدرين وش سويت اول شي استعيني بالله والصدقه والاستغفار وفيام اليل والبقره كامله اقري على نفسك وعلى ترمس مويه واشربي منها واقري على ارحامك والله يمكن تقريب تميت اسبوع واروح اسوي تحليل والقا نفسي حامل ولله الحمد وفي بنتي الثانيه سويت كذا والحمدالله ربي رزقني

 

[حبيبي شمالي]

يابعدعمري لله يفرح قلببببببج ويحفظ بناتج وتشوفينهم بارينج وعرايس يارب العالمين
والله يرزقج اكثر واكثر ويفتح بوجهج ابوب الرررررررررررررررررررزق


فرحتي قلبي والله
ربي ارزقني الذريه الصالحه عاجلا غير اجل

 

[رند22]

الان ىمهما تنظفي البيت بيشوفه وسخ
ولا بيقدر يغير وجهه نظره فيه
لان الشمالي لو دخلت في راسه فكره ما يغيرها الا بعد طلوع روحك
انا زوجي شمالي شرقي وانا جنوبيه غربيه
وفينا طبع احنا الجنوبيات الكسل لو انشغلنا بحاجه تانيه ننسي البيت

يعني حتي لو روحت عرس ما اروح انظف البيت اروح انام
ما بعرف الشمالي الشرقي صعب
واصعب مافيه انه ما يغير رايه فيكي بسهوله مهما عملتي

طبعا روحي قولي له انا اسفه وحلو انك نبهتني بخطأي اني ما انظف البيت ومن اليوم بتشوف البيت واو ولا زيي حق المجلات

ولا تكرري الاعتذار لان الشمالي يكره الاعتذار

بس حسسيه انك عرفتي غلطك

واللي يبي يتزوج يا ياحبيبتي ما راح يقول بعد العيد
هو بس حابب ينهبك بطريقه اخري

المهم حاولي تنظفي بقدر الامكان تخلي البيت فله
وتضحكي وتتكلمي
وتقولي له شوف البيت كيف البيت
شوف ايش سويت
ظلي عددي نعمك عليه
لانه الشمالي ما يفهم الا بهذه الطريقه

وحكايه ان تنظفي البيت وتروحي بيت اهلك
اوعي تبيني له انك خفتي وما تبي تروحين بيت اهلك
لا قولي له اوكي الان بجهز ثيابي

لا تخافي
اول ما يشوفك مصممه راح يغير تفكيره ويقول لك شوفي انتي غلطانه ولازم تعملي لي ولازم تفعلي لي

 

[أم عيالي]

اختي زوجك نفسيته تعبت يمكن يوم قصرتي في البيت حاولي ترتبين وضعك وتوفقين بين البيت والوظيفة لاتخليه يحصل عليك شئ وانتي وزجك في البيت واكيد بيت صغير ماراح ياخذا منك وقت الله يوفقك

 

[بنوتة بلادي]

ما تطلعين من بيتج ابدا ابدا ابدا... و موضوع الحمل... شوفي إذا في احد مأثر عليه فيه...

 

[حبيبي شمالي]

رند كل كلامج صحيح
مهما سويت ما يغير فكرته عني
انا صرت شماليه لان طبعه غلب علي
بس هالفتره اهملت بيتي وتاخر الحمل فلقى سبب يواجهني فيه



الله يطمن قلبج.. يارب تكون فكره الزواج بوقت العصبيه بس
وعلى قولتك ليه يبي ينطر لورا العيد!!
انا ادري انه يحبني ويبيني وكنت مرضيته ومو مقصره معاه بشي
بحاول اذا رجع وتكلم بالموضوع اني اذكر حسناتي
هاديه ما احب المشاكل ولا الطلعات بيتوتيه و مطيعه لربي والحمدالله
وملتزمه بلبسي ومحتشمه واتق الله فيه وما اقصر بحقوقه ومبتسمه دايم




الله يهديييييييييييييييييييه ويسخره لي يارب العالمين

 

[حبيبي شمالي]

ام عيالي
ان شاءالله والله حسيت بداخلي في تقصيري هالفتره
بس يخلص رمضان يبقا وقت افضا لبيتي وارتبه اول بأول
الله يخلي لج عيالج وزوجج ويرزقج من خيره وفضله

 

[حبيبي شمالي]

بنوتة بلادي
انا حاسه بوحده الله يسامحها ويغفرلها مأثره عليه حيل بموضوع الحمل
دايم بلسانها الشرع حلل اربع وانت بتدش الثلاثين لازم يكون عندك عيال



المشكله هذي بداية مراجعاتنا ببدايه المشوار
من اول علاج ماتم حمل علطول فقد الامل الله يصلحه ويهديه

 

[Bounty~]

الله يحنن قلبه عليش يآآآآآآآآآآآآآآآآآى رب

 

[بنوتة بلادي]

شوفي اقولج من منطق شغلي...

الحمل ما يصير من اول تجربه... لأن المبايض تحتاج تنشيط...

و بعدين الله سبحانه و تعالى قال في كتابه الكريم بما معناه انه يهب لمن يشاء اناثا و يهب لمن يشاء ذكورا و يجعل من يشاء عقيما... حكمة ربي سبحانه و تعالى... قولي له احنا ما نقدر نعترض على شي... بس ان شاء الله ربي راح يرزقنا الخير...

قولي له الحين فرصتنا... القيام في العشر الأواخر... ندعي ربنا عز و جل... و الله سبحانه و تعالى يعلم الخير.... و الله ان اختي مجربه القيام هي و زوجها و الله سبحانه و تعالى رزقهم 4 ما شاء الله تبارك الرحمن... ربي ما يخيب عبده... و إذا الشي تأخر فدايما قولي لعله خير ان شاء الله...

قولي له خلنا ندعي بالذريه الصالحه.. مب ولد و بس... كم ولد و بنت اشقوا اهاليهم...

الله يرزقج الذريه الصالحه الباره فيج و فيه... عاااااااااااجلالالالالا غير آآآآآآآآآآآآآآآآجل...