بنات أحلفكم بالله تساعدوني احس اني بحلم

شوفي اهم شي لايحس انك ضعيفه وميته عليه

اذا جاب طاري الزواج قولي حتى انا بجدد شبابي مع واحد جديد باابتسامه ودلع

الشمالي غالبا صعب عليه التعدد ويوجعه قلبه انه يجرح امراة

كلامه كان مجرد تنبيه لتقصيرك كعادة الشمالي يحب تكون شريكة حياته كامله
واسلوبه يكون لتنبيه تجريح لكن المقصد وصول شريكته للكامل فقط.
استعيني بالله وادعيه والحي بالدعاء وربي ماراح يخيب لك طلب بإذن الله
احب هــذا المقطع وانصحك تشوفينه هــــــــنــــــا
 
الحين نظفت البيت ولا مانظفته شي يخصني
الحمدالله والشكر
رجال يتنخش مشاكل
 
حبيبتي خذيها مني الشمالي يحب الحرمه الثقيله لا تبينين له انك ميته فيه وقسم بالله اختي يوم تزوجت قعدت سنتين تحمل وتسقط عادي تعالجت وجابت العيال ياختي الرجال لو يبيك وشاريك ماباعك من اول موقف لكن هذا شكله يبي له اي حجه عشان يتجوز بصراحه لو يحبك ويبيك كان صمد معاك لاخر لحظه حاول يعالجك بكل الطرق على الاقل يصبر مو على يقرر الزواج من ثانيه انتي صلي استخاره والحين رمضان وليالي قدر قومي الليل وناجي ربك وهو الوحيد الي بيحل كل مشاكلك اساليه يمكن الشغل مضايقه ومايبيك تشتغلين مصيبه الشمالي غامض ماتعرفين له
 
ثانيا الزواج مشاركه مو اهانه وامر
ولا كالعاده رجال الخليج مايفهمون الا ان الحرمه اله متحركه وعبده ينهون ويأمرون عليها
عصبت من موضوعك اختي
الله يريحك دنيا واخره
 
أعانك الله وفرج همك !
عزيزتي الشمالي الشرقي له سياسة معينة في رأسه عن المرأة ولازم انت تغيريها له مع الزمن
وطبعا تغيرها رح يتعبك شوي ولكن ستجدي ثمار هذا التعب في المستقبل
في البداية انا مارح اتكلم عن الانجاب وهذا الشي بيد رب العالمين ولازم يفهم هذا الشيء انه ممكن يتزوج وما ينجب لانه عايرك وقالك انا بتزوج عليك لانه عندك ضعف بالاباضة وممكن الله تعالى يعاقبه ومايرزقه اطفال حتى لو هو سليم ربك قادر على كل شيء يجب ان يرضى بقضاء ربه ومايعترض بهذا الشكل ويحتوييك ويقف بجانبك لانه لو هو عنده شيء اكيد انت لن تتركيه**
ولا يعتقد نفسه انه هو الوحيد اللي سيقف مع زوجته فترة العلاج !!
غيره وقف معها وراعى مشاعرها وتحمل عصبيتها وسفرها للعلاج وماتزوج عليها وبعمره ماذكر لها انها هي تعاني من نقص او شيء !!
لازم توضحي له هذه النقاط حتى تستطيعي ان تكملي رحلة علاجك وانت مطمئنةلان لو نفسيتك متعبة العلاج لن يفيدك بشيء
وبالنسبة لموضوع تنظيف البيت هذا طبع الشمالي مع مرور الوقت يتغير اذا حسستيه بكيانك وبمزاجيتك للشغل وجعلتيه يشوفها بعينه بعدة طرق ..
انت ممكن انك تتركي الشغل بغيابه بس اهم شي شكل البيت الخارجي يكون نظيف واذا جا اجلسي معه شوي وبعدين استأذني منه وقومي انشغلي عنه بالشغل بالبيت ومع الوقت سيفتقدك وممكن ساعتها يخف عليك لانه بيحس انك منشغلة عنه بشي ثاني**
وفي طريقة ثانية على فكرة كل الطرق التي سأذكرها يجب ان تطبق بين فترة وفترة وكلها طرق مضادة لبعضها ومعها تعدل فكرة الشمالي عن المرأة وماهي طرقها في العمل في البيت وان لها مزاج بالشغل بالبيت مثل ماهو له مزاج في العمل !
الطريقة الثانية انك تشتغلي الشغل الثقيل بغيابه واذا رجع ترتبي الادراج الارفف وانت معه وتسولفو سوا عشان مايحس بغيابك ويشوف بعينه شغلك في البيت! وممكن تجعلي العمل اللي تقومي به له هو مثل كوي ملابسه ترتيب دولابه ترتيب اوراقه وممكن بعدين تسوي شغل خاص فيك مثل ترتيب دولابك او مكياجك اوشنطة يدك او ملابسك الداخلية لانك لو رتبتيها امامه ممكن تجدد الشوق بقلبه لك وهو يشرفها !
لاحظي هاي الطريقة عكس الاولى وهذه الطريقة لها وقتها وتلك لها وقتها**
يعني تلك تسويها اذا حسيتيه حابك ومشتاق لك وممكن انه يطلبك للجلوس معه يعني بالفترة اللي يكون الحب بينكم منتعش ولكن انتبهي لاتثقلي العيار اول مايقولك تعالي اجلسي معي روحي على طول !!
لانك لو طبقتيها بفترة هو اصلا مبتعد عنك ونافر منك مارح تجيب نتيجة ومارح تعدل الفكرة برأسه!!!!
والطريقة الثانية تسويها بوقت فتور بالعلاقة بينكم لانه شغلك امامه ممكن يكبرك بعينه ويتذكر في اوقات غضبه انك تشتغلي**
وفي طريقة ثالثة رتبي كل شي قبل وصوله وتجهزي له واذا قال شي طالعيه بعيونه وقولي له حبيبي البيت ناقصه شي ؟ طبعا هو ممكن يتهرب من الجواب ولكن انت اصري على الجواب واذا قال لا مو ناقصه قولي خلاص الحمدلله مرادك حصل والبيت نظيف واكيد انا اللي رتبته ونظفته لانه مافي غيري في البيت تقولي هذا الكلام مع ضحكة وابتسامة ودلع وانت حاضنتيه
واذا كان جوابه اي محتاج أمسكيه**من يده وقولي يالله حبيبي وريني وانا اسويه الحين واذا كان بالفعل في شيء نظفيه وانت ساكته واذا تكلم قولي خلاص عادي سهوت عنها تصير بكل البيوت ولا تحسسيه انها مصيبة وتوريه ردة فعلك انك مسوية مصيبة وخاصة اذا كنت ناسية ..
طبعا الطريقة الثالة تسويها بوقت تكون حياتكم الزوجية عادية يعني لاحب ولافتور تنفع ان شاءالله ومع الوقت بيتذكر اعمالك في البيت وبيراعيك وقت مرضك وممكن يقوم هو عنك ويساعدك في البيت ولكن اهم شي انك تكوني على طبيعتك ولاتحسسيه انها مصيبة او انه تقصير منك وخاصة اذا البيت كان نظيف وفيه بعض الرتوش وهو دقق عليها ممكن تتعذري بكلمة انك انشغلتي بتنظيف مكان ثاني وهو وصل قبل ماتخلصي هالمنطقة !!
يعني حاولي انك تمحي الفكرة اللي ماخذها الشمالي عن المرأة انها فقط للتنظيف ولطاعته ولخدماته حسسيه انه لك كيان وانك تشتغلي بالطريقة اللي تريحك وبالطرق اللي قلتها لك كلها تنافي بعضها وعكس بعضها وتعطيه بعقله افكار ثانية عن المرأة وطبيعتها بشغل البيت وعن مزاجها وانها في ايام مايكون لها مزاج تشتغل وفي ايام شعلة من النشاط وفي ايام تقوم بواجباتها على اكمل وجه دون زيادة ..

وبالنسبة للزواج مارح يسويها الشمالي الشرقي يموت بالاستقرار ولو انه يريد يتزوج مارح يعطيك وقت ان شاءالله مارح يسويها توكلي على الله تعالى وادعي ربك يصرف عن راسه هذه الفكرة
اتمنى اكون افدتك..
الله يوفقك يارب ويرزقك الذرية الصالحة
 
نسيم الربيع
اراح الله قلبك وانار الله دربك بنوره وطاعته
ماشاءالله تبارك الرحمن تسلسل افكارج وطرقك سهله ياربي يسهل امورج
والله يرزقك من خيره وفضله
ماتحسين شكثر استفدت من كلامج وصارت المصيبه بعيني مشكله بسيطه
يبيلها فنه وذكاء وصبر وحسن تصرف!!
مشكلتي انصدمت برده علي وهذا اللي قلب كياني وماعرفت اتصرف عدل



بردد كلامج بيني وبين نفسي عشان اقوله بالحرف الواحد
لان كلامج ببالي وقلبي بس ما طلع ولا اعترفت فيه له
لازم اواجهه واصارحه بانه ماعطاني فرصه ومن اول خطو وقف مع القدر ضدي!
وبحسسه بانه ما يقدر يعدل وماراح يرتاح رايح هني وهناك
وفي احتمال ان زوجتك ما تحمل عقاب لك لانك ظلمتني وما انصفتني ولا ساعدتني واعنتني
كان تفكيره انااااااااااااااااااااااااني وكأني مابي الضنا
ربي ترزقني وترزق كل المحرومات يارب العالمين
اللهم اجرني في مصيبتي واخلفني خيرا منها يا كريم يارحيم
 
دلع قلبه جزاج الله خير
والله يوفقج ويزيدج من خيره ونعمته يارب العالمين
جاري فتح الفيديو
 
زيزا ان شاءالله ما تحين بهالاحساس
والحمدالله على كل حال ترا زوجي فيه شغلات زينه ربي لك الحمد والشكر
مابي اظلمه واغتابه فيه من السيئات كثر الحسنات
اختبار من رب العالمين ارسل لي هالزوج الاناني الله يصلحه ويهديه
ويجعل صبري خيييييييييييييير والتاخير خيره ان شاءالله
 
ناتاليا
جزج الله خير
احيان الانسان يصير اناني ويفكر بمصلحته واهدافه الخاصه وخااااصتا لو كان شمالي
يعشق نفسه وهمه يحقق احلامه على حساب الاخرين
 
وجدت بعض الردود الجميلة أرجو أن تستفيدي منها..


وأحب أن اذكرك أن كلام زوجك ربما يكون قد خرج بسبب ضغوطات

وليست كلمات مقصوده بحروفها ومعانيها..




لو عاد لذكر هذا الموضوع فصارحيه..

وقولي من البدايه تنازلت عني !!

لم يمر عدد من السنوات حتى تفكر بهذا التفكير

وإذا لم تقدر ظروفي هذه الفتره فلن أرجو منك شيئا في المستقبل لو صادفتنا ظروف أكثر صعوبه..




وانتبهي لنفسك وبيتك عزيزتي

ليس لديك أطفال فبإمكانك البقاء على بيتك نظيفا دائما

يوم في الأسبوع تنظفين فيه البيت بالكامل ولن تحتاجي بقية الأيام إلا لمرور سريع على ما يحتاج لتنظيف كدورة المياه والمطبخ


أعانك ربي وأصلح لك زوجك


 
الله يعينك يالغاليه

والله اللى يحب مايتزوج

بس ماقول الا الله يهديه​
 
واثقه جزاج الله خير على الرد الجميل
وصح البنات ما قصروه جزاهم الله خير وجعل ردودهم في ميزان حسناتهم
اذا فتح الموضوع راح اصارحه باذن الله وبحاول اخليه يستعين بالصبر بدل الحلول الوهميه المؤقته
وان شاءالله يكون انشغالي عن بيتي مؤقت باذن الله وراح اقسم وقتي بعد رمضان وافضا
 
دلوعة ابوها
المشكله اني ما اشك بواحد بالميه انه ما يحبني انا متأكده انه ما يستغني عني
اذا نمت عند اهلي يضيع واقعد بالتلفون ارتبله اموره اقعده واعزمه لبيت اهلي يتغدا او يتعشا
لكن ان شاءالله تكون بلحظه غضب والله لا يعوووووووووووووودها
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل