بقوووووولكم باللي بخاطري .. الزواج .. العمل .. الدراسة .. والفراغ

[@غلا بوظبي@]

هلا بنات شخباركم شو مسويين

انا يابنات من النوع اللي عقولتهم بيتوتيه انا بعدني باول العشرينات

وقاعده ببيت اهلي بعد ماخلصت الثانويه لني جبت نسبه في الانجلش منعتني من دخول اي جامعه

المهم

انا اهلي من النوع اللي ما يهتمون فيني ولا بمستقبلي ولا يشجعوني على شي

ويوم اقالهم بدرس بمعهد محتايه بيزات

يقولو دامج ما بتشتغلين اشلج لبالدراسه الدراسه حقت اللي بيداومون

وهم ما يبوني اداوم عشان الاختلاط

وفلوسي بتكون حرام في حرام

ومافي مكان نسائي اروم اشتغل فيه المهم


انا سالفة الدوام شلتها من راسي

المهم بعد ثانويتي ملجت وكنت مستانسه لني عالاقل بغير روتين حياتي

وبيكون عندي المسؤوليه الاهم اللي هي زوجي وعيالي

وكنت احاول على قد ما اقدر اكتسب معلومات اكثر علشان اكون سعيده مع هالرجال


المهم بعد سنتين من ملجتي

الريال طلع كذاب ومو ناوي يتزوج

طلقني ظلم حسبي الله ونعم الوكيل

ولحين رديت قاعده بالبيت مره ثانيه

مو زعلانه اني قاعده بالبيت

بس زعلانه من المجتمع اللي يحسسني اني بقعدتي بالبيت ما اسوى شي

لا تقولولي الدنيا اطورت

لن الله هو اللي امر الحرمه تقعد ببيتها وما تختلط بالرجال

عسب جي انا خايفه من ربي وماريده يغظب علي وشليت فكره هالشغل من راسي

بس والله يابنات

مرات افكر

اقول خاطري ربي يرزقني برجال يعيني على امور ديني ودنياي يعوظني عن اللي شفته بحياتي

ابي استقر وارتاح

مرات اخاف ان هالشي يكون بعيد مو قريب

ادعولي بنات انه مايكون بعيد ومايخلص العيد الا وانا مخطوبه وبنات المسلمين

لن صج

دام الاهل مو مهتمين فيني ما راح ارتاح وانا عندهم


:tears:

ادعولي الله يعوظني برجال غير اللي طلقني اللي عقدني بحياتي

خلاني احس اني شييييييييييييينه من كلامه عني

والله فيني غصه قويه

 

[ملاذالشوق]

الله يرزقك ويحقق احلامك
اعذريني هذا الي اقدر عليه:icon26:

 

[اعلامية طموحة]

يا حبيبتي تعالي اسفطي معانا كلنا ننتظر الدور << امحق تحطيم

حبي وسعي صدرك الدنيا بخير

الحمد لله انتي بنت محترمه ومافيج شي يمنع زواجك .. هي مسألة وقت بس باذن الله

وما ادري ليش تنظري للدوام انه حرام اذا مختلط بالنهاية هذي قناعتك

بس في المقابل الدورات موجودة بالنت ابحثي واشتركي فيها

وأهلك تقدري تغيري نظرتهم .. والله وعن خبرة مافي مثل الناس تتغير قناعاتهم خاصة القناعات اللي غير مبنية على أساس مقنع

حاولي تقنعي فيهم واحد واحد واستعيني على اللي مايخيب احد استعيني بالله وبتشوفي العجب

والعمل ياعمري مهم للمرأة علشان يصقل شخصيتك ويعمل لك مصدر دخل خاص

الله يوفقنا ويوفقك للخير والصلاح

 

[@غلا بوظبي@]

حبيبتي مو اني هذا الصج ان الدوام والاختلاط حرام وهذا اللي اعرفه من العلماء كلهم

ومن كتاب الله

وبعدين اهلي نفسهم شايلين من راسهم طاري الشغل


وهلي اللي من النوع اللي مايغيرون وجهة نظرهم

صدقيني اعرفهم عدل

تعبت ويااااااااااهم

 

[اعلامية طموحة]

حبيبتي محد مايتغير خذيها مني والله لو لجأتي لله تعالى بتشوفي العجب

 

[صجة ولجة ودجة]

آلله يرزقك آلزوج آلصآلح

 

[@غلا بوظبي@]

انا لجات لربي وربي شاهدعلى هالشي

بس اختي في اهل هم جي عاداتهم جي ما يتغيرون

وفي اهل لما يهملون يهملون من خاطرهم وكل واحد نفسي نفسسسي

المهم انا علي الدعا وخلا ص

وترى الوحده يوم تنستر وتتزوج احسن لها من الدوام

صدقيني

مب اني مستعيله

لا بس الستر زين لن محد يرحم في هالدنيا

 

[الشوق وبس]

الله يعوضج بالزوج الصالح اللي يسعدج ويريحج ويعينج على أمور دنياج وآخرتج..

 

[غلى روحي mm]

الله يرزقج بالزوج الصالح عاجلا غير آجل ادعي اللهم اغنني بحلالك عن حرامك وبفضلك عمن سواك ..
الله ييسر لج امورج قريب انه مجيب الدعوات ادعيلي معج الحال من بعضه..

 

[@غلا بوظبي@]

اللهم امين تسلمون

ان شاء الله بدعيلج اختي

 

[تمرّد ~]

الله يفتحها عليج يآرب حبوبة انتي ابتليت بهالرجال وربي بيعطيج اجر على هالشي بأذنه وكلش له حكمته يعني يمكن ربي يبيج تتقربين له اكثر وهذاج تقربتي له لان هالموضوع اثر حيل فيج وطبيعي ياثر في كل بنت وحبوبة اصبري واصبري والرزق جآي خلي يقينج بالله قـــوي مو ربي يقول انا عند ظن عبدي بي ! احسني الظن وبتشوفين الرزق باذنه سبحان ! وبعدين وش سالفة الشين ! ماشاء الله اجل مايعرس الا الشيون الي هم حظهم مشاء الله تبارك الله هههههههه اقصد يعني لاتخلين هالشي يهز بثقتج بنفسج وباخلاقج الي اهم من شكلج

وربي يرزقج يارب عآآآآآآجل غير آآآجل يآآرب في هالشهر الفضيل

 

[@غلا بوظبي@]

اختي تمرد

انا والله مب شينه لله فيس خلقه شؤوون بس انا موشينه ويوم تقدم لي امه كانت وايد تطالعني وتسمي بالرحمن تقولي مشا الله عليج قمر

وهو بداية ملجتنا كان متخبل عقولته علي

بس عقب اتقلب وصار يسمعني كلام سم والله تعبلي نفسيتي

والله نفسيتي تعبت منه واااااااااااااااااااااااااااااااااااااااااااااااااااااايد لني حبيته ووقفت جمبه وايد

واخرتها جي وكنت دوم اسامحه

ادعولي بنات الله يعوظني

برجال زين يشير هالفكره اللي براسي ان الرجال كلهم قاسيين

 

[فلـونة"]

الله يرزقني ويرزقك ويرزق جمــــــيع بنات المسلين
اللهم آآآآآآآآآآآآآمين عاجلا غير اجل يااااارب

 

[@غلا بوظبي@]

اللهم اميييييييييين حياتي

 

[جـرح انثـى]

آلله يرزقك آلزوج آلصآلح ​

 

[الضحكة الزائفة]

ياعمري والله ..

الله يفرج لك همك ويشرح لك صدرك وييسر لك امرك في هالشهر الفضيل ..

وان شاء الله رب العالمين يحقق لك امنيتك عن قريب ..

ويرزقنا ويرزقك بالحلال الطيب الصالح ..

 

[@غلا بوظبي@]

الله امييييييييييييين حباباتي ويرزقكم ويااااااااااااااااااااااااااااااااااايه

قولو امييييييييييين

 

[صفاء الورود]

يارب ياسميع يابصير يارحمان يارحيم يامجيب

لنوح حين دعاه ارزقني وارزق اختي في الله غلا بالرجال الصالحين

الحنونين ومايجي العيد الى مخطوبين ونملك يا قادر على كل شي اللهم هذا الدعاء ومنك الاجابه

ربي ان شاء الله ياغلا يعوضني ويعوضك الف خير عليك بالدعاء والاستغفار

 

[@غلا بوظبي@]

اميييييييييييين اللهم اميييييييييين حبيبتي

 

[خباياالقدر]

الله يحقق امانيك ويفرج همك ويعوضك خير
ويرزقك الزوج الصالح ياااااااااااااااااااااااااااااااااارب