بقوووووولكم باللي بخاطري .. الزواج .. العمل .. الدراسة .. والفراغ

[@غلا بوظبي@]

الله ايسر امورزكم ويفتحها عليكم خواتي

 

[ورود الشمال]

من ترك شيئا لله عوضه خيرا منه


ان شاء الله الله بيعوضج بزوج صالح


وبإذن الله كل تأخيره فيها ألف خيرة

 

[@غلا بوظبي@]

ان شاء الله غلاااااااااااااااااايه

 

[فاطمه محمد]

شوفي حبيبتي خليني اقول لج شي ...





لاااحظت من الي كتبتيه ان فتره الملجه كانت سنتيــن !


صح ؟


شوفي البنت كلما طولت في فتره الملجه و الخطوبه كلما طلعت مشاكل اكثر و كلما حصلت امور عرقلت الزواج << هذا من واقع خبره


اختي سنه وااااايد كيف و هي سنتين !!


شي طبيعي بتملون من بعض و لازم بيمل منج الريال و انتي بتملين منه ..

اختي حطيها قاعده اذا حصل ان شاء الله و ربج رزقج زوج فحاولي ان فتره الملجه ما تكون اكثر من 6 اشهر .. خلي هاذي الاشهر مرحله تعارف جميل و فهم اكثر لشخصياتكم




و على قوله اعلاميه .. تعالي اصفطي معانا ,, كلنا صافطين ههه عادي يا خويتي و لكننا مو مكتفين ايادينا لكننا ندعي الله سبحانه و نلتمس الدعاء و خاااصه في اخر الليل ,, في الثلث الاخير ,, و هاذي الايام كثري الدعاء و ربج والله كريم كريم كريم .. و نقضي وقتنا الي تدرس و الي تكمل دراسه و الي و الي


ويا حبيبتي انا سمعت فتوه و كلام كمان من العلماء و دكاتره ان الاختــــلاط مو حرام اذا كان بشرررررررروووط .. مثل الحشمه و الابتعاد عن الخلوة و الحدود في التعامل و اتباع الزي الاسلامي الكامل و الخ ..


و لا تنسيـــن ترى الوظيفه فتحت المجال لكثير من البنات انهم يتزوجون و الله ستر عليهم ..



وشوفي بعطيج حل ..



ليش ماتكملين دراسه ..! ليش لا ...

على الاقل عيدي الثانويه مسائي و بتيبين نسبه حلوة لأن النظام اليديد للثانويه الي عندنا في الامارات احسن من النظام القديم ... ولااااا تقولين تعب و السنه طويييله ,, لا والله الايام تمر بسرعه ,, و اذا تكاسلتي و قلتي يالله بالمعرس ترى ما بتعيشين حياتج

عيديها احسن لج دام ان اهلج ما يبون يعطونج عشان تدرسين خاص ..

ادرسي في جامعه حكوميه احسن ..


شوفيني انا عندج .. ما كنت فلته في الدراسه .. لكني تخرجت من الثانويه و دخلت جامعه حكوميه الي لها فرعين في دبي و بوظبي و انتي تعرفينها .. ليش ما تدرسين فيها .. !! جامعه قويه و الحين اعترفوا بها عالميـــــــــــا و حصلت على الامتياز الاكاديمي من امريكا ( تكساس ).. و الحين ما شاء الله حتى الطلبه الكويتين قاموا يدرسون فيها و يجون الامارات بس علشانها !!


عادي يختي الايام تركض و انا و الله قلت ما بتفيدني غير شهاااادتي ..

حتى لو تزوجتي يمكن تستانسين و تلهين مع ريلج و عيالج سنه و سنتين و ثلاث ,,, لكن آخرتها بتملين و افرضي لا قدر الله ما توفقتي في زواجج او ان ريلج مر بظروف صعبه و نقصت عندكم الماده !! و افرضي انج ما حصلتي حد يصرف عليج لا ريل و لا اهل , اشراح اتسوين !!!


عيل تعلمي احسن لج ..

ادري الي اقول لج اياه يمكن تستصعبينه ,, لكن احسن من يسله البيت و تحكم الاهل .. على الاقل الجامعه تقضين فيها وقت ...


و بعدين شي تخصصات في الجامعه تقدر تخليج تشتغلين في مكان نسائي ..

يعني عندج كليه التربيه والتعليم في الجامعه !! تقدرين تتخصين علم نفس او ادب انجليزي او رياض اطفال و بعدين راح تشتغلين في مدرسه بنات !!!


صح البنت فينا تدور الستر و تتمنى تتزوج ريال صالح و تستقر نفسيا معاه ... لكن كذالك الشهاده مهمه لأنها ممكن تعينج بعد الله ...



الله يرزقنا و اياج و البنات ازواج صالحين و الله يوفقنا و اياج ..

 

[رسالة صمت]

اللهم لا تذرني فردا وأنت خير الوارثين
الله يرزقك من حيث لا تحتسبين زوجا صالحا تقيا
وكل بنات المسلمين
محتاجة لدعاء الله ينفس كربتي و يسترني

 

[قلبي رهّيف]

الله يزوقج على قد نياااتج الغاليه ..


و يرزقنا ويااااج بالزوووج الصالح عاجلاَ غير آجل ...