بقايا طفله

[ام شووق]

سرااااااااااااااااب يالله اكتبي لو موقف واحد ..متاااااااااابعه

 

[سراب الحب]

هلا بالحلوه ام كروشه ام شووق:msn-wink:
كيفك اتمنى الحمل ما يكون متعبك؟؟
المواقف اللي حصلت كثيره من يوم ما حصل بيننا حضر التجول اي وحده تجي والثانيه لا اصبح اهل زوجي في موقف محرج فهناك من يرغب بحضوري ويخاف من جرح شعورها :no:
وفي يوم كان هناك مناسبه عائليه كبيره وكانت في يومي وجلست استعد لها ومن دون سابق انذار جاني اتصال منها وتطلب مني عدم الحضور وهي احق مني بهذه الدعوه ومن هذا الكلام
اجبتها انا ماعندي مانع تجين وحياك لان هذي مناسبه عامه وهم مو زوجنا يعيدونها مرتين مره لي ومره لك اكن احضري ومرحبا بك وش تتوقعون ردها ؟؟

 

[بدار]

السلام عليكم

يومياتك على أنها لزوجة ثانية إلا أنها تبث الأمل ، وتسير على وتيرة إيجابية ربي يحفظك :icon30: ويسعدك دنيا وآخرة !

محبتي

بدار

:cupidarrow:

 

[بزوغ فجر]

السلام عليكم.....
أعجبتني مذكراتك أختي سراب الحب...
يعجبني فيك عدم التأخر علينا..
وتعجبني تصرفاتك مع الزوجة الأولى، وكيف تفسيرك للأمور، وعدم تحميلها أكثر من اللازم...
استمري نحن في انتظارك....
دمتي بود....

 

[عبره]

وش تتوقعون ردها ؟؟

أها إخلصي علينا ... وش كان ردها ... ( أكيد ردها بيكون على مستوى تصرفاتها ) :shiny:
طبعا انا من باب الميانة الي بيني وبينك كتبت جذي هههههههههههههههههه :icon30:​

 

[ام شووق]

هلا بالحلوه ام كروشه ام شووق:msn-wink:
كيفك اتمنى الحمل ما يكون متعبك؟؟

الا مطلع عيني:nosweat:..والله بفتقدكم لما اولد..:icon1366:..انزين يالحيبيه كملي شنو ردت فعلها؟؟؟..انا ما اتوقع انها راحت ..

 

[سراب الحب]

اسفه اني طولت لكن فيه مواضيع في المنتدى شدتني عنكم
المهم تبون تعرفون وش ردها سكرت الخط في وجهي:crazy:
وارسلت لي على جوالي مسج يسد النفس طبعا مسحت المسج وكملت استعدادي ولكن الغريب ان زوجي كل ما مر علي يسأل كلمتك فلانه احد اتصل عليك وانا انفي وهذا غلط واكبر غلط:dunno:
المهم رحت ويوم دخلت لقيتها من اول الحضور وصدت اول ما شافتني وانا قعدت اتفكر هي كانت تقول ابي اعيش حياتي وما تشوف التغيرات اللي اسويها وتفاجأت انها هي ما تغيرت اجل ليه كلا الكلام اللي قالته عرفت انها اساليب حريم
المهم مشت الحفله على خير الا من عده كلمات كانت ترميها كلما قربت مني ورب ضاره نافعه كيف؟تابعوني

 

[سراب الحب]

راح ارجع قريب لا تبعدوون

 

[سراب الحب]

بدار عزيزتي بدار لاتغيبيني عني وجودك يعطيني همه ويحسسني باهمية ما اكتب عندما تطلين علي
اووه يا ام شوووق هون الله عليك لا تغيبن عنا حتى بعد الولاده ارسلي لو ورده:in_love:
هلا عبرره تمونين ياقلبي قولي ما بدالك:msn-wink:
shada-12 مشكوره على كلامك الحلو وتابعيني:shiny:
وتحياتي لكن

 

[ام شووق]

هاهاهاهاهاهاي تلقينا جات عشان تشوفج وتشوف كشختج..كملي يالطيبه

 

[دوومي عالية]

هههههههههههههه

والله هذي تحفه ..خخخخخخخخ

يا سراااب خذيها ع قد عقلها وتغافلي ومشي الأمور....بس هاااااا مو تكونين ساذجه..
بسنا سذاااجه وطيبة زااايده في حياتنا!

مثل ما قلت لج..عيشي حياتج انتي وبس ..انتي وزوجج وبس....^_^

ربي يوفق الجميع..

 

[سراب الحب]

هلا مليون بك يادومي عاليه نورررتي وفعلا هذا اللي صار بس هذي مجرد ذكريات كنت راكنتها باظل وحبيت اشارككم بها لكن الحين لا والحمد لله انا عيون زوجي اللي يشوف فيها اكيد فيه مشاكل لكني عرفت كتالوجه

 

[إطلالة]

رائعة أنت ياسراب

 

[الشمس المشرقه]

نحن باانتظارك حبيبتي ومشاركتك افراحك واحزانك

 

[دلع وكلي ولع]

هلا اخت سراب لاتطولين الغيبه حنا متابعين لك شوقتينا:sadwalk:

 

[تميمية(1)]

الله يوفقك و يسعدك..
كملي احنا ننتظرك..ودائما رددي اللهم ارني الحق حقا و ارزقني اتباعه و ارني الباطل باطلا و ارزقني اجتنابه..كي لا تقعي في الخطأ سواء في حق نفسك او حق غيرك..

 

[سراب الحب]

:clap:هلا بكم اطلاله,ام نجوود,دلع وكلي ولع,تميميه1 :clap:
شرفني تواجدكم :msn-wink:

 

[سراب الحب]

رب ضاره نافعه ,هي تجد تواجدي ضرر ولكن في ذلك اليوم والذي تواجدي سبب لها الاسى اتدرون ما حدث؟؟
الكل يرتدي احلى الثياب واغلاها فهي مناسه لا تتكرر كل يوم والمكان رائع يتوسطه مسبح كبير وجميل قد نقشت ارضيته بلوحه جميله لايمكن اغفالها والطاولات قد وزعت بشكل اقواس وقد جملتها الشمعدانات الذهبيه والمفارش الحمراء وقد اثنى الجميع على ثوبي الذي جمع الاناقه والبساطه والحمدلله انني حافظت على قوامي حتى بعد انجابي للاطفال واثناء انشغال الجميع بالحفل تعالت الصرخات من ناحيه المسبح اسرع الجميع اليه ليرو سبب الصراخ فتفاجئنا بطفل يقاوم الغرق والجميع يحاول الوصول اليه لكن الطفل في منتصف المسبح لاتفاجئا بعدها بصراخها وعندما دققت النظر وجدته ابنها الصغير والذي لايتجاوز السبع سنوات وهي تدور حول المسبح وتبكي ولم اعي بنفسي الا وانا بالماء بكامل زينتي وبملابسي وامسكت يد الطفل وسحبته الي لاجد الماء يغمرني ,,فأنا لا اعرف السباحه رفعته وحاولت تقريبه الي طرف المسبح تلقفته الايدي وحملوه لامه والتي لفته بوشاح وذهبت به لاجد يدا تمتد من قريب وصوتا يناديني كانه يأتي من بعيد امل امسكي يدي حاولت ولكنها بعيده وفجئه لم اجد امامي الا زرقه الماء واذا بشي احمر امامي امسكته وسحبني الي الخارج لاجد الحضور قد اخذو احد المفارش ورموه لي اخذت نفس عميق وحمدت الله الذي نجاني انا والطفل لاجدهم حولي يثنون على شجاعتي ويعلم الله اني لم ارى اثناء قفزي الي الماء الا وجه الطفل المذعور ولم اسمع الا بكائه ولم اقصد ان اظهر كبطله امام احد لانهم ذلك الوقت اختفوا ولم يكن سواي وذلك الطفل الباكي
لذلك كان وجودي نافع لها, تلك الذكرى تقتلني لانه ذلك الطفل الان عندما كبر حتى التحيه لا يلقيها علي وكان من حملته ذلك اليوم قد ماتت في نفس اليوم ارجوا ان تسمحوا لي فان تلك الذكريات تحزنني
تحياتي

 

[عبره]

وكان من حملته ذلك اليوم قد ماتت في نفس اليوم ارجوا ان تسمحوا لي فان تلك الذكريات تحزنني
تحياتي

حبيبتي سراب ( مو قلت لك في ملفنا إنك يا طيب القلب ) ... آمني بالله أنه لا يضيع أجر المحسنين ... والذكرى تبقى ذكرى إلى ما شاء الله ... وتذكري مع هذه الذكرى عملك الطيب :icon26: فهو باقي رغم الحزن ورغم المراره هذه الذكرى​

 

[مجد]

بارك الله فيكِ يا سراب وأجزل الله لكِ المثوبة والأجر...
.(ومن أحياها فكأنما أحيا الناس جميعا )
تدرين يا سراب أنا أكره حمامات السباحة...غرق ابني في حمام سباحة الجيران ولا أحد يعلم به الا قريبه الذي معه وهو طفل صغير جاءنا وهو يبكي يوسف غرق تراكض الجميع .. كان الحمام عميقا جدا قفزت عمته واعمامه وانتشلوه بصعوبه من قاع الحمام حملوه ميتاً مزرقا ولكن الله أراد له الحياة فنفخت فيه الروح مرة أخرى فلك الحمد يا الله في الاولى وفي الآخرة.....
متابعين يا سراب بشوق