معلومات سعاده دائمه
- إنضم
- 4 سبتمبر 2011
- المشاركات
- 8
- مستوى التفاعل
- 0
- النقاط
- 0
بعد المواجهه مع زوجي ... تعالوا اقروا شصار
ماقدرت اكتم قهري في الموضوع
تكلمت مع اختي وتكلمت مع امي وحرقت قلب امي علي وانا في غربه
كنت منهاره وابكي اقول لها اهي فرصته لأخر السنه وان شفت عليه شي ماني بكمل معه
مابي حياتي تكون مثل فلانه او فلانه مابي اظلم نفسي معه وانا توي صغيره
ومابي استعجل ويكون صادق واخسر ....
فترة زواجنا ثلاث سنوات لكن الفتره اللي عشناها سوا ماتتعدى الـ 18 شهر
جلسنا في ذيك الليله نسولف عن فلانه وخطيبها ومشكلتهم ومنهالقيت لي مدخل انحز فيه عن الحاجات للي اكتشفتها
دخلنا من الناحيه الشرعيه والدينيه وانفعلت وانفعل هو كمان
قام يقول الله لايسامحني ان غلطت في حقك شرعا ... رفعت يديني للسماءوقلت الله لايسامحك ولاني محللتك وربي ينتقم لي منك
انهينا الموضوع بهدوء وكل واحد دمه محروق وطلعت عنه كنا في البلكون جالسين
بعدها تقريبا بساعه او ساعتين جاني غرفتي يكمل اللي في خاطره
قام يقول انا في صدري كلام كثير لكني محترمك ومقدر مشاعرك ومابي اقوله واذا كنتي تبين تعرفين اي حاجه قلت لك اسألي عنها وانا اجاوبك بكل صراحه
قلت له طلع اللي في خاطرك ابي اعرف اللي انت ماتبي تقوله ,,, تأكد اني مصره على تجريح نفسي بكلامه
قال انه من اكثر الشباب هنا عندهم علاقات ومنها اللي طولت ومنها اللي كانت قصيره لكنها كانت بزواج مؤقت مو بزنا
وانه الفتره اللي كنت موجوده معه احترم وجودي وماكان بينه وبين اي وحده اي علاقه
تدرجنا في الموضوع عن شخصيتي وتعاملي معه
انا مازعلت من كلامه نقدني بقوه في حاجات في شخصيتي انا نفسي مااحبها متضايقه منها وكل ماعزمت اغيرها مااعرف الطريق الصحيح او كيف اني اغيرها
وان شاء الله ابفتح موضوع يتعلق بها وحابه مساعدتكم وان شاء الله انكم مابتقصرون وربي يجزاكم كل خير
طلع الكلام اللي كنت ابي اقوله الجد مانزلت مني دمعه وكنت اسمعه وانا مبتسمه لأني كنت احتاج الصوره مابينا تكون واضحه بدون كذب ونفاق
قام يقول انه طول الوقت مداري مشاعري وجمع له معاصي على معاصيه انه يحلف بالله كاذب وبالقران بس عشاني عشان يكسب رضاي
وانه طول الفتره الشهر اللي اجتمعنا فيه من جديد كان يشتغل بشكل جامد انه يغير اسلوب حياته جذريا ... والجد انا مانكرت عليه هذا الشي لأني اشوفه بعيوني
لكن اسلوبي معه ولأني ابحث من وراه يخليه ينكسر وجرحته لما لقاني اقرى الرساله اللي اهو كان حاذفها وكنا تكلمنا عنها من قبل
قام يقول انا موبزعلان منك وانا موماد بوزي لكن برودي معك وجلستي ساكت اعتبريها هذه من ضمن شخصيتي الجديده
طلع بعدها من عندي من الغرفه .. اناتوضيت وطلعت اخذ سجادتي كان وقت صلاة المغرب وتأخرت عنها ودخلنا في العشاء
مريت عنده في الصاله وهو جالس يطالع فلم وقفه وقالي تعالي
لمني وقام يقول ياحبيتي انت ماجيتي الا وحنا متفقين نبدأ حياة جديده ونحرق كل الاوراق القديمه وانت بنفسك شايفتني شلون ذابح نفسي عشان اغير حياتي وانت انسانه عاقله وكنت تنصحين فلانه وفلانه وتطيحين نفسك في نفس خطأهم
هل انت شايفه شي صدر مني وشكك فيني ؟؟ ليش تسوين كذا انا اداريك وانت تجرحين نفسك بنفسك
قلت له الغيره ذابحتني ... وانا خايفه جدا خايفه
ومنها انهرت بالبكاء بكيت بحراره تقطع القلب وانا مومن النوع اللي اسمح لأحد يشوف دمعتي .. حتى في عزا جدتي مانزلت مني دمعه
مسح علي وحاول يهديني يقولي انا لك سند صدقيني اني سند وانا فاتح صفحه مع نفسي بالاول كنت اكذب عليك وكنت اعتبرها مهدء لك
اما الان انا صادق مع نفسي قبل مااصدق معك ,, انا وصلت لسن نضوج عمري 25 وعندي طفلين ابي اعوضهم عن كل اللي انحرمت منه ابيهم يرفعون راسهم في ابوهم ومايسمعون عنه الا السيره الطيبه ... لاتخافين لأني صادق ولا تفتشين لأنك التفتيش ماوراه الا وجع القلب
قال قومي سبحي بمويه بارده نعنشي نفسك وتعالي ابنتظرك نشوف الفلم جميع
قمت من عنده صليت وقريت دعاء وبعدها جيت عنده
قضينا الليله بحب لكن قلبي كان مجروح وحاولت امثل جزء من الاحساس اللي كنت اعطيه دردشنا واعتذرت عن تصرفي ووعدته بتغيير شخصيتي للافضل لأني انا نفسي موعاجبتني .... ونمت في حضنه الدافي
اليوم اللي بعده امس .......... صحيت اقضي يومي لكن قلبي بعده مقهور واحاول كل ماجاتني الافكار اشتتها من فكري
انتهيت من اعمال البيت وفي العصر كان الجو جدا رائع .. زوجي كان مشغول في مكتبه يدرس
تركت معه ابني الصغير نايم واخذت بنتي طلعت امشي واغير جوي
كل ماشغلت نفسي ارتحت لكن مجرد اني اسرح يدخل ابليس في منفذ كنت اطرد جميع الافكار ومابيها تطري على بالي .................... كنت مشغوله كان عندي غسيل وكوي وكنا نضحك سواء
لكني خربتها في الفراش // تهيجت عندي المشاعر وكنت اقول لنفسي وش ترتيبي مابينهم
يقولي وش فيك افتحي لي قلبي خليني اساعدك .. قلت له احب احتفظ بالكلام يجرحني في قلبي ولا اني اقوله واضايقك .. انفجرت ابكي بذاك الصوت من جديد حاول يهديني
واصر اني اتكلم عشان ارتاح صارحته باللي في قلبي واني قريت كل محادثاته المحذوفه مع هذي وذيك ... جلسنا ودردشنا في المواضيع قام يعطيني نصايح تفيدني في الحياة معه
طلب مني اعطيه مخططي لحياتنا وهل انا جاده فيه
تكلمت عن شخصيتي واني احتاج بشده اني اغير بعض الصفات فيها
قام يقول انت شخصيتك موبسيئه بالشكل اللي انت تشوفينه لكن طبيعة معيشتكم ممكن انها حكمت عليكم تكونون بهذه الطريقه من الاسلوب والتفكير
انت شايفه فلانه لها اكثر من 30 سنه متزوجه وانت نفسك تقولين ماينعاش معها وشايفه فلانه وفلانه كلهم من اهلك وانت تنقدين فيهم .. وانت نفسك كنت تقولين ماتبين زوج من منطقتكم ولا من عائلتك لأنك تنقدين في اسلوب الحياة والشخصيه
انا مااقول انت انسانه سيئه لكن فيك بعض الصفات اللي تحتاج للتعديل ...........
اخواتي ادعوا لي انا وزوجي ان ربي يتمم لنا على خير واشوف خير الدنيا معه وربي يكافينا شرها وعيون الحساد اللي التمستها في بعض المشاكل السابقه مع زوجي
ربي يتمم لنا على خير ويهدي سر كل وحده فيكم بحق اللي ماتنام عينه
انا شخصيتي جنوبيه شرقيه اما زوجي شمالي غربي ... ابفتح ان شاء الله موضوع تساعدوني فيه في تغيير بعض النقاط في شخصيتي وان شاء الله انكم مابتقصرون ويجعله ربي في ميزان حسناتكم ......................... سلامي لكم
تكلمت مع اختي وتكلمت مع امي وحرقت قلب امي علي وانا في غربه
كنت منهاره وابكي اقول لها اهي فرصته لأخر السنه وان شفت عليه شي ماني بكمل معه
مابي حياتي تكون مثل فلانه او فلانه مابي اظلم نفسي معه وانا توي صغيره
ومابي استعجل ويكون صادق واخسر ....
فترة زواجنا ثلاث سنوات لكن الفتره اللي عشناها سوا ماتتعدى الـ 18 شهر
جلسنا في ذيك الليله نسولف عن فلانه وخطيبها ومشكلتهم ومنهالقيت لي مدخل انحز فيه عن الحاجات للي اكتشفتها
دخلنا من الناحيه الشرعيه والدينيه وانفعلت وانفعل هو كمان
قام يقول الله لايسامحني ان غلطت في حقك شرعا ... رفعت يديني للسماءوقلت الله لايسامحك ولاني محللتك وربي ينتقم لي منك
انهينا الموضوع بهدوء وكل واحد دمه محروق وطلعت عنه كنا في البلكون جالسين
بعدها تقريبا بساعه او ساعتين جاني غرفتي يكمل اللي في خاطره
قام يقول انا في صدري كلام كثير لكني محترمك ومقدر مشاعرك ومابي اقوله واذا كنتي تبين تعرفين اي حاجه قلت لك اسألي عنها وانا اجاوبك بكل صراحه
قلت له طلع اللي في خاطرك ابي اعرف اللي انت ماتبي تقوله ,,, تأكد اني مصره على تجريح نفسي بكلامه
قال انه من اكثر الشباب هنا عندهم علاقات ومنها اللي طولت ومنها اللي كانت قصيره لكنها كانت بزواج مؤقت مو بزنا
وانه الفتره اللي كنت موجوده معه احترم وجودي وماكان بينه وبين اي وحده اي علاقه
تدرجنا في الموضوع عن شخصيتي وتعاملي معه
انا مازعلت من كلامه نقدني بقوه في حاجات في شخصيتي انا نفسي مااحبها متضايقه منها وكل ماعزمت اغيرها مااعرف الطريق الصحيح او كيف اني اغيرها
وان شاء الله ابفتح موضوع يتعلق بها وحابه مساعدتكم وان شاء الله انكم مابتقصرون وربي يجزاكم كل خير
طلع الكلام اللي كنت ابي اقوله الجد مانزلت مني دمعه وكنت اسمعه وانا مبتسمه لأني كنت احتاج الصوره مابينا تكون واضحه بدون كذب ونفاق
قام يقول انه طول الوقت مداري مشاعري وجمع له معاصي على معاصيه انه يحلف بالله كاذب وبالقران بس عشاني عشان يكسب رضاي
وانه طول الفتره الشهر اللي اجتمعنا فيه من جديد كان يشتغل بشكل جامد انه يغير اسلوب حياته جذريا ... والجد انا مانكرت عليه هذا الشي لأني اشوفه بعيوني
لكن اسلوبي معه ولأني ابحث من وراه يخليه ينكسر وجرحته لما لقاني اقرى الرساله اللي اهو كان حاذفها وكنا تكلمنا عنها من قبل
قام يقول انا موبزعلان منك وانا موماد بوزي لكن برودي معك وجلستي ساكت اعتبريها هذه من ضمن شخصيتي الجديده
طلع بعدها من عندي من الغرفه .. اناتوضيت وطلعت اخذ سجادتي كان وقت صلاة المغرب وتأخرت عنها ودخلنا في العشاء
مريت عنده في الصاله وهو جالس يطالع فلم وقفه وقالي تعالي
لمني وقام يقول ياحبيتي انت ماجيتي الا وحنا متفقين نبدأ حياة جديده ونحرق كل الاوراق القديمه وانت بنفسك شايفتني شلون ذابح نفسي عشان اغير حياتي وانت انسانه عاقله وكنت تنصحين فلانه وفلانه وتطيحين نفسك في نفس خطأهم
هل انت شايفه شي صدر مني وشكك فيني ؟؟ ليش تسوين كذا انا اداريك وانت تجرحين نفسك بنفسك
قلت له الغيره ذابحتني ... وانا خايفه جدا خايفه
ومنها انهرت بالبكاء بكيت بحراره تقطع القلب وانا مومن النوع اللي اسمح لأحد يشوف دمعتي .. حتى في عزا جدتي مانزلت مني دمعه
مسح علي وحاول يهديني يقولي انا لك سند صدقيني اني سند وانا فاتح صفحه مع نفسي بالاول كنت اكذب عليك وكنت اعتبرها مهدء لك
اما الان انا صادق مع نفسي قبل مااصدق معك ,, انا وصلت لسن نضوج عمري 25 وعندي طفلين ابي اعوضهم عن كل اللي انحرمت منه ابيهم يرفعون راسهم في ابوهم ومايسمعون عنه الا السيره الطيبه ... لاتخافين لأني صادق ولا تفتشين لأنك التفتيش ماوراه الا وجع القلب
قال قومي سبحي بمويه بارده نعنشي نفسك وتعالي ابنتظرك نشوف الفلم جميع
قمت من عنده صليت وقريت دعاء وبعدها جيت عنده
قضينا الليله بحب لكن قلبي كان مجروح وحاولت امثل جزء من الاحساس اللي كنت اعطيه دردشنا واعتذرت عن تصرفي ووعدته بتغيير شخصيتي للافضل لأني انا نفسي موعاجبتني .... ونمت في حضنه الدافي
اليوم اللي بعده امس .......... صحيت اقضي يومي لكن قلبي بعده مقهور واحاول كل ماجاتني الافكار اشتتها من فكري
انتهيت من اعمال البيت وفي العصر كان الجو جدا رائع .. زوجي كان مشغول في مكتبه يدرس
تركت معه ابني الصغير نايم واخذت بنتي طلعت امشي واغير جوي
كل ماشغلت نفسي ارتحت لكن مجرد اني اسرح يدخل ابليس في منفذ كنت اطرد جميع الافكار ومابيها تطري على بالي .................... كنت مشغوله كان عندي غسيل وكوي وكنا نضحك سواء
لكني خربتها في الفراش // تهيجت عندي المشاعر وكنت اقول لنفسي وش ترتيبي مابينهم
يقولي وش فيك افتحي لي قلبي خليني اساعدك .. قلت له احب احتفظ بالكلام يجرحني في قلبي ولا اني اقوله واضايقك .. انفجرت ابكي بذاك الصوت من جديد حاول يهديني
واصر اني اتكلم عشان ارتاح صارحته باللي في قلبي واني قريت كل محادثاته المحذوفه مع هذي وذيك ... جلسنا ودردشنا في المواضيع قام يعطيني نصايح تفيدني في الحياة معه
طلب مني اعطيه مخططي لحياتنا وهل انا جاده فيه
تكلمت عن شخصيتي واني احتاج بشده اني اغير بعض الصفات فيها
قام يقول انت شخصيتك موبسيئه بالشكل اللي انت تشوفينه لكن طبيعة معيشتكم ممكن انها حكمت عليكم تكونون بهذه الطريقه من الاسلوب والتفكير
انت شايفه فلانه لها اكثر من 30 سنه متزوجه وانت نفسك تقولين ماينعاش معها وشايفه فلانه وفلانه كلهم من اهلك وانت تنقدين فيهم .. وانت نفسك كنت تقولين ماتبين زوج من منطقتكم ولا من عائلتك لأنك تنقدين في اسلوب الحياة والشخصيه
انا مااقول انت انسانه سيئه لكن فيك بعض الصفات اللي تحتاج للتعديل ...........
اخواتي ادعوا لي انا وزوجي ان ربي يتمم لنا على خير واشوف خير الدنيا معه وربي يكافينا شرها وعيون الحساد اللي التمستها في بعض المشاكل السابقه مع زوجي
ربي يتمم لنا على خير ويهدي سر كل وحده فيكم بحق اللي ماتنام عينه
انا شخصيتي جنوبيه شرقيه اما زوجي شمالي غربي ... ابفتح ان شاء الله موضوع تساعدوني فيه في تغيير بعض النقاط في شخصيتي وان شاء الله انكم مابتقصرون ويجعله ربي في ميزان حسناتكم ......................... سلامي لكم
اسم الموضوع : بعد المواجهه مع زوجي ... تعالوا اقروا شصار
|
المصدر : الأستشارات الزوجية العامة