:clap: هلا والله ..باريس (كيف الجو عندكم ؟) ...ولا يهمك بتفهمينه إن شاءالله خليها على الشيف :msn-wink:
يا عزيزتي أنت وزوجك عكس بعض تماماً وشي طبيعي أنك تشوفينه عالم من الألغاز ... وهو يشوفك عالم الأحلام .
الشرقي الشمالي ........ حقيقةً أنا أحترمهم هالأشخاص ..... لأنهم مثال للجد والإجتهاد ...... ناس تعرف وش تبي ومحترمين أنفسهم والناس تحترمهم .
هو شعلة من النشاط ...وحضرتك كتله من الثلج .
أنت تشوفينه ... يبالغ في احترامه للمواعيد ...وفي تنظيمه لجميع أموره ...وتخطيط لكل صغيره وكبيره .... وهو يشوفك بايعتها ... وغير مباليه .
يحتاج منك شي واحد ... أن يشوفك مهتمه وحريصه على الأمور اللي هي تعتبر مسؤوليتك ....يبيك إذا انكب العصير على الكنبه ... تفزين مثل الزمبرك تمسحين باهتمام ودقه ....ولا يقول عنك مهمله . في نفسه مارح يجرحك ...
زوجك كثير الصمت ...صمت صمت صمت ............ إلخ ... ولا عمره قالك قومي سوي ...مهما انقهر ... على استعداد أنه يسوي الشغله هو ولا أنه يضايقك
لأنه صبور ويتحملك ( حرام عليك تحركي خليه يرتاح)
هو من النوع المتفهم بس عنده الصح هو اللي لازم يصير ومستحيل يوافق على أي تصرف فيه اخلال بالعرف السائد والتقاليد .
متحمل للمسؤوليه بالدرجة الأولى .... ويعرف وين يصرف الريال ... يشترى أفضل الأنواع ...ولا يهمه شكل الكنبه بقدر ما يهمه متانتها وتحملها . (هافي ديوتي)
زوجك .... مثل ما سبق وشرحنا للأخوات .... أن الشرقي يموت بالنظافه والترتيب ...وخصوصا النظااااام . ( اقريها بالتفصيل في الردود السابقه)
والغربيين طبعاً مهملين ونمطك الدون الغالب جنوبي فصرتي مهمله وعجازه .
وزوجك يحب المرأه الحركه ... النشيطه جداً ... المشغوله جداً بأمور مهمه جداً ... يحبك مثقفه ...قارئه .... ذكيه وصاحبة قرار ...عمليه ومنجزه .
طبعاً أنت غربيه جنوبيه ...وغرقانه بالأحلام ... انتبهي تسولفين معاه عن الأحلام وتتخيلينها ....ترى أكره ما عليه يفكر بهالطريقه ... لأنه شخص منطقي وواقعي وتفكيره دايم على أساس مقدرته .
جميل جداً أنك تحبين الإبتكار وعندك قدرات جيده بس هو مشكلته ما يعرف يمدح كثير ...بس يبدي رأيه إذا سألتيه .... وحضرتك ودك أنه يطير بالعجه ويقول وااااو
:1eye: وكيف سويتي كذا ......... خخخخخخخ إنسي ... مارح يعطيك أكبر من حجمك مهما صار ...حتى لو عاجبه اللي شايفه يبي يقول زين وبس .
لا تزعلين منه هذا طبعه الرجال ما يحب المبالغه .........
وإذا عندك سالفه لا تبهريها ولا تملحيها جيبيها مثل ماهي .... وهاتي الزبده ...لا تكثرين سوالف ما تهمه ...
وإذا تناقشتوا بموضوع أو جلستوا جلسة مصارحه يبي يغلبك برأيه أكيد .... لأنه مقنع وكلامه منطقي ... فلا تجادليه لأنه عنيد . وإياك تبالغين أو تتكلمين بشي غير مقنع لأنه يبي يقول عنك كذابه ولا راح يعطيك وجه .
خلي نقاشك حقيقي ومبني على الأدله ...بدون ما تحطين عليه أي لوم .... بس خلك وااااضحه وهاااااديه ...ولا تبكين . إلا بالضروره .
إمدحيه كثير . وانتبهي تقللين من شأنه أو تستهيني بتصرفاته :icon28: ممكن يشب نار وصعب ينطفي ...أو يتجاهلك تجاهل مرعب .
باختصار استفيدي من غربيتك .... بإثبات نفسك بقدراتك مو بالكلام .... طبعاً بالفعل ... يحب حريتك الغير محدوده ويقدرها ....بس ما يحبك تخرجي عن العرف السائد ولاالقوانين ... يحبك محتشمه ومحترمه ...ولبسك كلاااس وراقي . ما يحب اكسسواراتك الكثيره وتخابيصك بالخلاخيل والخواتم الغريبه .
هو يجذبه الشي المحترم والماركه . والمرأه الراكزه الذكيه وخصوصاً العامله . ويحترم نجاحها كثير .
طبعاً زوجك قليل يبتسم .... بس لو تغيرتي بتشوفين أسنانه إن شاءالله .
ما يحبك تزعجينه بالإتصالات ولا التقارير اليوميه بشكل دوري .... لأنه ممكن من كثر الشغل ينسى بيته وعياله ... فلا تضايقيه بهمومك بأوقات انغماسه بالشغل
وممكن يحكم عليك بأنك وحده فاضيه ولا وراها شغله إلا إزعاجه .... :shutup:
بس مارح يصارحك بأفكاره السلبيه عنك ........
طبعاً زوجك إنسان منظم ويهتم بالروتين اليومي ... فلا تزعجيه يا أم الفناتك بالوقت هذا ولا تطلبين منه يغير نظامه اليوم لأن الجو حلو برى وودك تطلعين تشمين هوى
خلك مره سنعه ... اهتمي براحة زوجك وأعطيه خبر قبل بوقت واجهزي على الموعد تماااااااااام .
