بسرعه تكفون ناقشته في كلامه الجارحه لي وابي ارد عليه الحين

[88الوحيدة88]

خواتي تدروني اني حاامل بالتاسع واوشكت على العاشر انا عند اهلي من رمضان المهم زوجي من فسيكم يوم قلت له ابي ارد معاك البيت قالي لا خليك عند اهلك قلت له ليه قال بصراحه مو قادر اتقبلك بهالشكل وانتي حامل قلت ليه شفيني بدل ما دلعني قال ما احب اشوفك كذا طبعا الدكتوره قالت لي على موضوع الجماع انه يسرع الولاده انا ناقشته بهالشيء قال انا بصراحه ما احب امارسه معاك لاني مو قادر اتقبل شكلك والموضوع نفسي قلت طيب كيف باقي الازواج قال عادي بكيفهم بس انا ما اقدر ولو صار مره بينا ترى كنت اجاملك ومكنت احس بشي من المتعه انا هنا قلت ليت الارض تنشق وتبلعني جرحني والله ما توقعت اسمع هالكلام منه ناقشته بعد هالكلام باسبوع قلت لو انا قلت لك هالكلام انت اش تقول قال انا كنت خايف عليك يوم قلت اخاف يصير لك ولنونو شيء قلت وليه ما قلته بنفس الوقت ليه كل هالكلام الجارح الحين ابي ارسل له مسج اوضح له احساسي واضح له ان الكلام الي قاله يجرح سااعدوني وش اقول

 

[متزوجه ولكن]

الله يكون بعونك
انتي مو بحاله
خلك بسجادتك وادعي ربك يسهل ولادتك
واتركيه عنك اذا ولدتي بالسلامك وطلعتي من الاربعين يكون خير
اهم شي نفسك طنشيه واهمتي بعمرك وبس

 

[88الوحيدة88]

بنات وينكم تكفون شلون واضح له ان هالكلام ضايقني


اعطوني طريقه ابين ان كلامه جارح لانه ما كنت اتوقع بعد تعبي النفسي انه يقولي انا كاره شكلك طيب هاالطفل الي ببطني منو ابوه مو هو ما يحس بتعبي الجسدي والنفسي لا ويقول خليك ببيت اهلك لين تولدين طيب خلاص مو شرط جماع ابي بس اكون وياه بالبيت بدل مو قاعد بروحه

 

[انين الخريف]

الله يعينك عليه
ويصبرك
وصدقيني
مادام قال هالكلام وبينه لك ماراح ياثر فيه كلام
ممكن موقف صعب يصير له يبين له قد ايش جرحك بها الكلام
فنصيحه لاتناقشيه واعتبريه ماقال شي يعني اسكتي وعامليه كانه ولا همك كلامه وبيني له بعض الحزن ولا تردين عليه دايم عشان يحس انه جرحك

 

[الدنيا خذت فرحي]

حبيبتي والله مابي اشيشك على زوجك
بس وربي انا متابعة لك
زوجك والله مايستاهل هاللي تسوينه عشانه ومعذبه نفسك عشانه ليه
الله يسخره لك
حبيبتي طنشيه حرام والله حرام يتعب لك نفسيتك وش لون بيجي طفلكم
الله يعينك بس

 

[القطه]

:30:الله يعينج بصراحة شلكه زوجك من النوع الي مايتحمل المسؤولية يمكن انتي ماتهتمين بنفسك قصدي في لبسك ومظهرك لاتخلين حملك يغير في نفسيتك ارجعي لبيتك وحطيه فالامر الواقع بس قولي له مشكور
ماقصرت بسالج هو ليش تزوج؟مب عشان يستقر وييب عيال؟ لازم يتحمل كل هذا بس هي فترة مؤقتة وبترجعين حلوة مثل قبل طنشي الكلام
هو برجع بنفسه لج لاتسوين سالفة لكلامه ارجعي لبيتج وامشي عشان الله يسر ولادتج ولاتطلبين منه الجماع بروحه بحس
السموحة اختي بس من القهر كتبت هذا الكلام
بصراحة الازواج يدلعون مب عايبنا هذا وهذا مب حلو ونحن لازم نرضى بكل شي سيئ فيهم الله يعين:8:

 

[منعشة]

اذا كان شرقي .. قولي له ماتوقعت منك هالكلام و انت النشم و الشهم اللي طول عمري اعتمد عليه و ساندني بكل شيء .. يعني ذكريه انك ما شفتي منه الا كل شهامة و رجوله و ان هالتصرف مو من طبعه

اذا جنوبي .. قولي له احتاجك و انا تعبانه ما ارتاح الا بوجودك جنبي .. و ابكي عنده شوي

اذا غربي .. ما ادري و الله ما عندي فكرة عن الغربيين

اتوقع لو كان شمالي ما راح يقول لك هالكلام .. لان الشمالي دايما يحب يساعد زوجته .. بس لو كان شمالي طنشيه و لا تعطين كلامه اهميه و خليك عاااااااااااااااااادي ولا كأن صاير شيء

 

[الصبوره]

حبيبتي ما في شئ بالغصب

نصيحتي رغم الالم النفسي اللي إنت فيه من كلامه لكني اقولك لا تكبرين الموضوع وفي كثير مثل زوجك لا تتحسبين إن إنت بس اللي زوجك متضايق من شكلك وإنت حامل بكرشتك.اصبري ولا تدورين على النكد والله يقومك بالسلامة وترجعين حلوة وقمر 14 لا تتناقشين معاه عشان ما يسمعك كلام مجرح.
أختيإ نت ما سمعتي عن الرياييل اللي طلقو حريمهم لأنهم حضرو معاهم وقت الولاده !!!!كرهو احريمهم حسو إنهم خلاص اختربو وما بيردون نفس قبل.
أنا في ولدي الأول زوجي جاته حالة نفسية لأنه حضر الولاده وقاللي بالفم المليان إنت خلاص اختربتي معقولة راس شو كبره طلع منك وتردين طبيعية!!!! قلتله معناته كل الأمهات خربانات خخخخخخخخخخخخ

حبيبتي هونيها واهتم بنفسك وخلي زوجك الحين وبعد الولاده يصير خير.

إنت فقط ادعي الله إنه يحفظ بيتك وزوجك وهو القادر على كل شئ

 

[مروكو]

طنشي شرات انا ماامطنشه زوجي


ماوراهم الا حرقت الاعصاب

خلي اعصابج كووووووووووول

 

[مَلآمِحْ حُلمْ]

الله يقومك بالسلامه و لا تتعبي و تحرقي أعصابك فكري في البيبي الله يجعله من الصالحين ..​

 

[ام المنتصر]

الله يكون في عونك ويسهل عليك الولادة ويرزقك بالذريه الصالحه يارب

عزيزتي لا تاخذي على كلامه لانك راح تتبعين اكثر وخصوصا انتي محتاجه لاكبر قدر من الطاقه عشان ولادة

بعض الرجال كلامهم جارح بس والله قلوبهم غير ينحطون ع الجرح ويطيب

صج شكل الحرمه الحامل مب حلو .. بس انت خليك متحمله لان ما باقي لك شيء واكيد راح ترجعين لجسمك

موفقه

 

[نور زوجها]

قوليله يغني الله عن بقره زيد وياتتي باللبن الكثير الله يهون عليك

 

[راحةالقلوب2]

الله المستعان
لا عاد تحملي ثاني مرة
وهو الجاني على نفسه​

 

[اموت علي]

قولي له (والله ياحلوي ويازين بطني اللي فيه أغلى بشر بحياتي بصراحه انأحس شكلي يدنن وكلي أنوثه)


ركزي على رأيك بنفسك ولاتذكري أبدا رأيه فيك

 

[فديت روحها]

الي كنت احسبة يمناي اذا طحت انادية اثر البلاء يمناي هي الي طعنتني

 

[فيافي 2]

الله يوفقني وإياك .

 

[لمعة الألمآس]

طنشيـــــــــــــــه وانتبهي لنفسك انتي على وشك ولاده وريحي اعصابك​

 

[ربيع الورد]

حبيبتي اتركيه ماعليك منه لايصير فيك زي ماصار فيني تهاوشت معااه على سبب تااافه وتعسرت ولادتي بسبته ترى ماراح يفيدك روقي اعصابك لاتتعسر ولادتك انا مابي اخوفك بس هذا مب زين الي انتي تسوينه بيأثر عليك وقت الولاده ربي يهون ويسهل عليك بس تدرين الحاامل دووم عصبيه خصوصا اذا قربت الولاااده وشكلك اول حمل لك,,,, واذااا ملزمه على شان تسهيل الولاده روحي تكشخي وروحي بيتك ماراح يقاومك... ربي يحنن قلبه عليك