انقذوا صديقتي...من اخو زوجها

[سحر العيون*]

السلام عليكم ورحمة الله وبركاته


كتبت هذا الموضوع بناء على طلب صديقتي وخوفا منها ان تنزل مشكلتها ويكشفها زوجها وتصير لها مشاكل اكثر ...

الحين باشرح لكم مشكلة صديقتي واتمنى تفيدوني باستشارتكم وهي بتكون متابعة الموضوع وتشوف استشارتكم اللي ان شاء الله اللي بتطبقها وتستفيد منها

صديقتي ولله الحمد اخلاق مررة وزوجها تمام معاها ..

لكن المشكلة في اخو زوجها ..

تعبت مررة من اخو زوجها وصارت خايفة منه مرة ...

كل ما صادفته في مكان وهي بعبايتها متستره ..بس يطالع فيها ونظرات وابتسامات

وكل ماسافروا لازم يجي معاهم

واخر موقف حكتني عنه

في اخر سفريه ..كان اخو زوجها يسوق وزوجها جنبه وهي ورى

نام زوجها ...وصار (اخو زوجها )بس يلف ورى ..وصدت عنه (صديقتي) لفت جهة القزاز (الشباك) وانقهر منها مررة انها ما اعطته وجه

ورمى عليها ورقه علشان تنتبه له ..وقالت بصوت عالي : اف استغفر الله العظيم ..

ولف قدام شوي ورجع يعيد نفس الحركات الى ان صحي زوجها ..

ولا تقولون لي تعلم زوجها ..لأن زوجها طيب اوكي ..بس ما يرضى في أهله ابداً ..حتى ولو كانوا غلطانين ..ودايما تصير مواقف قويه وهي معاها حق ويوقف ضدها علشان اهله ..


يابنات دايم تشكي لي وانا ما اعرف ايش اقول لها او كيف تتصرف اذا كرر (اخو زوجها )حركاته مرة ثانية ..:4:
ووعدتها اني بانزل موضوع هنا لان دايم الاحظ تفيدوون البنات باستشاراتكم ..

اتمنى ماتتأخروا علي لان من جد صديقتي محتاجه لأستشارتكم ..

وان شاء الله ابلغكم بكل ماهو جديد في موضوع صديقتي ...




​

 

[اتعبني غلآك]

انا من رأيي تكلم اخوها مثلا ويكون عاقل وهو يتصرف معاه
صعبة لو قالت لزوجها هو بينكر الموضوع

لكن تكلم اخوها ويكون الكلام بينهم ومايطلع

هذا رأيي والله يصبرررها على هالعلة

 

[مييسو]

ما ادري بصراحة وش اقول اتوقع افضل حل تعطي زوجها خبر اخاف اخو زوجها يقلب السالفة عليها

 

[سحر العيون*]

اتعبني غلاك

تسلمي ياقلبي على اقتراحك بس كذا بتكبر السالفة .. وهو حق مشاكل وبيقلب الموضوع كله ضدها

 

[سحر العيون*]

مييسو

حياك ياقلبي ايه والله يسويها الل زي اشكاله يتوقع منه اكثر

 

[sa thebest fa]

ربي يستر عليها ..

ويبعده عنها ..

 

[انثى تعشق رجل]

انا لو مكانها بعلم زوجي بكل شي يصير
بكيفه يصدق مايصدق هذا كله مظهر وردة فعل دفاعية خارجية
اما بينه وبين نفسه الا مايدخل فيها الشك
ويراقب الوضع
وعلشان لا قدر الله صار شي ماتكون هي الضحية والمذنبة بنفس الوقت
واكيد زوجها لما بيدا يشك ويراقب بيلاحظ الشي الكافي انه يحمي زوجته
اخوه ماهو اهم من عرضه وشرفه
احس لو بلغت احد ثاني بتكبر الامور وبيدخل فيها التهور والدم الحامي


هي مو لازم تقول لزوجها الامور كاملة مره وحدة
تجيه حبة حبة مره بالتلميح ومره فضفضة كانها خايفة تقوله ايش فيه
حركاته غريبة اخاف منه
ومرات بالتصريح بدون هجوم باسلوب التنبيه
لو زوجها كبر الامور وسوا فيها
تقوله الرسول صلى الله عليه وسلم قال (الحمو الموت)
وانا انبهك علشان تصحى وتحميني لاني امانة برقبتك ​

 

[quen]

خييييييييييييييييييييييييير وين عايش هاذا يستخف دمه
مو كل الرجاجيل لاقلتي لهم بيتكلم عليه وممكن يقلب عليها
واخوها ماله دخل مع احس كل الحلين تكبر السالفه
مالها الا تشتغل شغل حريم تعلمه شغل الكيد وش يسوي تحطه بموقف قدام اخوه
عشان يتادب ويحرم حتى يشوف ضلها خخخخخخخخخخخخخخخخخخخخخخخخخخ
ولا تسكت ترى احس هاذا بيتمادى الله يعينها

 

[حنآن آلكون}~]

انا برائيي تقول لوحده من خوات زوجها ولا اذا كانت خالتها ام زوجها حليوه تقولها




والله يسسسستر عليها ...












موفقه حبيبتي : )​

 

[نوني الطعمونه]

وعليكم الســلآم ورحمة الله وبركــآته

اذا مو حابه تقول لزوجهـآ
مالها الا تصبر ولاتعطيه وجه وحيملّ ويبطل حركاته
يمكن مراهق واخوه توه تزوج فيبغى يجس نبضهـآ
خليها تحفظ نفسها ودامها محافظه على حجابها واخلاقها ماحيقدر لايقرب لها ولا يضرها بشي

 

[رقيقة قلب]

صدق رسول الله صلى الله عليوسلم حينما : { الحمو الموت الحمو الموت }

 

[أم ميسوـوـو]

هو شافهااا مو معطييييته وجه مع الوقت بيمل

بس اناا لو مكاانهاا

بقول لزوجي واللي يصير يصير اناا واااثقه من نفسسسي وعارفه اني مو غلطااانه


استغفر الله العظيم رجال اخرر زمن مااحلاا بعيينه الا حرررمه اخووه

الله لا يبلااناا ويششفيهم

~​

 

[am lamo]

انا من رأيي تسجل صوت اخو زوجها
مجردمايكلمها تفتح الجوال تسوي نفسه
تكلم وتسجل وترتاح ​

 

[سحر العيون*]

sa thebest fa

آمين ومن يقوول يارب

أنثى تعشق رجل

اقتراحاتك حلووة بس والله زوجها من ذي الناحية ماتضمنه وبعدين هي لها كم سنة متزوجة ويبغاها تجيب له عيال ..يعني مررة موقفها حساس ..

وحاجة ثانية انا اعرف صديقتي اذا لمحت له بالكلام بيشد عليها وتقول الاولي والتالي ..

 

[سحر العيون*]

كوين
حياك ياقلبي ..ايه والله ما يبغاله الا كذا لانه من جد كل ماله يتمادى

حنان الكون

ام زوجها طيبة مررة لكن ولدها ذا بالذات لأنه الكبير ماترضى فيه ومستحي تصدق في ولدها هذا شئ

 

[سوالف عااشقه]

والله انا مع انثي تعشق رجل حبه حبه تقوله مثلا اخوك عينه طويله اخوك لاشافني بطريق مايصد ومن هالحكي وبكدا يدخل الشك في قلب زوجها ويبدء يلاحظه وادا رفض زوجها يصدق هنا يجي دورها هي تحطه هي عند حده ولاتستهين بالموضوع ولاتنسي انها بنت ناس

 

[سحر العيون*]

نوني الطعمونه

مررة اخلاق وتحافظ على حجابها كامل (وهي بسم الله عليها حلووة )..وهذا اللي تسويه تطنشه ..وماتعطيه وجه مستنيه يمل لكن تمادى كل شوي تزيد حركاته ولا كانها تطنشه ..

وعلى فكرة هو متزوج وعنده عيال

ام ميسو

مررة ماتعطيه وجه واذا زودها تستغفر ..وتبعد عنه ..بس كل ماله في زياة ..
تعبت منه مررة ...
ايه والله لا يبلانا ...

 

[rainprincess]

حاولي تتحاشيه قدر الامكان وادعي اللهم اكفنيهم بما شئت
واذا زودها قولي لزوجك والي يصير يصير واحسن شي بنفس الوقت لا شفتي حركة منه على طول هبي في وجهه
وقدام زوجك
ايش دعوة ليه خايفه الي معاه الحق ما يخاف لان الله معه

 

[سحر العيون*]

am lamo

ما بدى في مرحلة الكلام بس نظرات وابتسامات وحركات ...الله يحميها منه ويحفظها ...

سوالف عاشقه

حياك باقول لها وهي بتشوف اذا يناسبها الحل او لا لأنها ادرى بزوجها ..

 

[اهات واشجان]

انا اقول تعلم زوجها وتقول اذامو مصدقني انا بواجه اخوك وخلك مراقبنا من غير مايدري اخوك وشوف رده فعله بس اهم شي ماينتبه حماها انا زوجها يسمعهم لايقلب السالفه ويلف لها تهم