انقذوا صديقتي...من اخو زوجها

التطنييييييييييييييييييييييييييييش وبس لا تقول لزوجها ولا لغيره والله تنقلب عليها
 
المفروووض تقول لزوجها وتنبهه يعني تحاول تدريجيا
عادي مافيها شيء والله لو بكره صار لها شيء منه
بيقلبونها عليها وقوليلها تطنشه ولا كانه يسوي شيء
لاتعطيه وجه وكمان لمن تسافر لايروح معاهم
الله يهديه يارب ويحفظها ان شاء الله
 
انا برايي اذا سواها مره ثانية تسمعه كم كلمة قوية بوجة وتعيب علية حركاته وتوقفه اهي بنفسها يكون احسن وتقوله عيب عليك وانا ساكته احترامنا لزوجي ومابي مشاكل بس مادامك مافهمت السنع انا اعلمك وتهدده باهلها و انها تقول لزوجته عن الي قاعد يسويه بس تهديد اذا تمادى اكثر ,,,وعليها باذكار الصباح والمساء فالحافظ هوالله سبحانه وبالدعاء ان الله يكفيها شره ,,,,والله يستر على بنات المسلمين اجمعين
 
عادي تقول لزوجهاانا بقولك شي بس اذا انك بطول بالك بقول اذا لا لا شي مره مضايقني وصعب اني اقول لحد عليه والله عندي اب واخوان وياخذو حقي على كيف كيفك بس الي رادني انت لانه يمس سمعتك وسمعتك هي سمعتي وتقول اخوك غريبه حركاته معي بس توعدني ما تقوله لا مره ولاشي فقط راغبه وشوف ايش يسوي معي وهو راح يراقبه وياليت يسافرو زي اول وزوجها يحط نفسه نايم ويشوف اخوه كيف حركاته
 
الافضل تقول لزوجها وش اهله واهله ليه هو ما عنده غيره على محارمه والله لو انها متزوجه( ....)مو رجال كان حس على دمه وليه تقول لاحد من اهله ولى خالتها تقول له هوه فورا وبدون مقدمات الموضوع ما يتحمل تهاون او تأجيل تقول لزوجها لو هذا لو يعني ومو معقول ما صدقها او حول الخطى عليها تقوله انا بنت رجال وبدخل اهلي بالموضوع وخير شايلينه معاهم بكل سفره طبينتها هو ولى من عياله...
 
صح عليك,,حياتي اماني ,,,,,,لانه زي ماقلتي صعب تقول لزوجها وتكبر الموضوع مع انه اصلا كبير وما ينسكت عنه"بس تجرب تهدده انها تقول لزوجته وتخوفه انها تفضحه اذا تجراء عليها والافضل تواجهه من غير ماحد ينتبهلهم يمكن اذا هددته يخاف ويبطل هالحركات,,,,وبعدين اذا مانفع معه تكلم زوجها"وربي يحفظ نساء المسلمين في كل مكان
 
انا مع انثى تعشق رجل بكل كلمه

لازم تقول لزوجها لانه حتى لو ماصدق يبدا يشك ويراقب من بعيد

وعشان لو اخو زوجها حاول يقلب الموضوع ضدها تكون معطيه زوجها علم وماراح يلومها بل يلوم نفسه انه ماصدقها

والله يستر على الجميع​
 
يعني إذا مو حابه تخبر زوجها أنا أشوف أنها تتكتم ع الموضوع وتحاول أنها تتجنب الطلعة معهم إذا كان هو بالطلعة والله يعينها
 
احسن شي ما تعطيه وجه وتحاول تتجنبه لان الموضوع معقد شوية لا تطنشه وتتجنب تكون اهي واهو في مكان واحد عسب الله يهديه ويبعد عنها
 
تروح لابوها
اذا ابوها موجود
تحكي له كل السالفه

الابو
افضل شخص ينقال له هالسالفه
لانه
بينادي الولد ويقعده قدامه ويتكلم معاه ويوضح له عواقب تصرفاته ويوضح له انه داري عن الصغيره قبل الكبيره ولو صار شي بكره بياخذ عمره ...
والسبب الثاني
الابو احرص الناس على ستر بنته وعلى سرها لانه بيحل الموضوع بحكمه بحيث لاالزوج يدري ويتاثر ويصير شي بينه وبين اخوه مستقبلا ولا الزوج يحس بشي مو حلو بينه وبين زوجته بسبب اخوه ويصير نفور ...ويمكن شك والشيطان شاطر
الابو .. لو بيحكي السالفه مابيروح يقولها الا لزوجته اللي هي امها .. وهي احرص منه على كتم السر ...


وانشاء الله ابوها بيحل الموضوع

بس الاخو .. ممكن يتهور.. يكبر السالفه ..توصل للعناد وقلة الحيا...
الاخو ممكن يحكي لزوجته من باب الفضفضه والزوجه ممكن ماتمسك لسانها وتحكي لاختها ولا لصاحبتها والسالفه تروح ..ويمكن توصل لاذن الزوج بيوم من الايام ...


ارجع اقولها روحي لابوك افضل شخص يتدخل ويحل الموضوع لامن شاف ولامن درى واخو زوجك بيلزم حدوده لما يعرف ان السالفه وصلت للكبار...

الله يعينها
 
انصحك وعن تجربه والله العظيم وانا توني عروس اخو زوجي الكبير وين مااروح يدخل عليه وعيونه زي الفنجال ومره زوجته عزمتني على الفطور انا وسلفتي الي بجنبها وقالت تعالو بعد مازوجي يروح الدوام وجينا بعد ماراح ودبنا جلسين على السفره ويدخل بقوه الاوهو عندنا بصاله مغر انحشت انا وسلفتي على المطبخ مفجوعين من حركته ومره واناطالعه لبيت عمتي وزوجي فوق يشوفلي الطريق يفتح الباب ويشبرني تشبير بعيونه اقوله وراك ادخل بيتك وهو لا حياه لمن تنادي بس انااول باول اعلم زوجي وماخبي عنه ولونضره بسيطه الين اخذلي بيت بروحي وارتحت بس عمري ماخفت اوتوترت لاني ماني غلطانه والحمد لله انهم عارفين ان عينه طويله فيسكت بون تعليق وسار مايخليني امشي في بيت اهله الاوهو يدور حوليه
 
احب اضيف اناديم اصرخ بوجه لودخل عليه اربكه وفشله قدم اهله ولوسمحتي اختي البياض احس بتكبر السالفه لوقالت لبوها هذا ري وكلام الاخت الي قالت تدرج في فتح الموضوع اعتقد انثى تعشق رجل صح مئه بلمئه يدماسرقت ماتخاف ويوم تتكلم مع زوجهاتكون قويه واثقه وزعلانه انه شافها
 
امي دايم تقول عزي نفسك يعزك ربك يعني خليها تعز نفسها الرسول صلى الله عليه وسلم قال الحمو الموت
خليها تبعد عن المكان الي فيه اخوه لاتجلس مكان اهوفيه لاتمشي في بيت اهل زوجها كنه بيتها يعني تجيهم ضيفه وتروح ضيفه دامها عارفه اخو زوجها مشكلتها حلها ابيدها ودينا ماخلا شي الاووضح تتجنب الاختلاط وتنصح زوجها وتذكره بكلام الرسول عليه الصلاه والسلام
 
صح مفروض تقول لامه بشكل واضح وصريح

وتقولها لواحب المشاكل كان كلمت زوجي

بس باعطيه مهله وماودي يصير خلاف بين اخويين

وامه تقوله وبكذا بيستحي على دمه

ولو كررها تقول لزوجها وتعطيه الموضوع بالتدريج


عيب وربي
 
مالها حل الا ان تتجاهله ولا تعطيه وجه لين يمل ويعرف
انها مو راعيه خرابيط ولا بتخون زوجها عشانه
وان تمادى وقام يدق والا يكلمها والا يرسل لها ذيك الساعه
تسجل صوته والا تخبر زوجته وان مافاد
تقول لزوجها ويم امه عشان تادبهم كلهم ومايتمادون معها
وتوريهم رسايله وسخافاته
وتقول من اول سكت له مابقيت اخرب بينك وبين اخوك
بس دام الموضوع تطور انا ابي اصون نفسي وعندي اهل
وعزوه لو ماصدقتوني فجبت لكم دليل
وان ماخذتوا انتوا حقي منه وسكتوا عشانه ولدكم
ربي يحاسبكم واهلي الله يخليهم موجودين
وانا ماغلطت ولا اذنبت بس عطيتكم خبر عشان
لصار شي ماتلوموني واذا تبون ادخل اهلي دخلتهم
واذا تبون انتوا تفكوني منه هذا الموضوع بيدكم
بس لازم دليل قوي عليه عشان ماينكر ​
 
احفظي نفسك وانسي وجوده ولاتقولين لأخوه لانها بتصير بالنهايه على راسك ولاتحتكين فيه واذا كلمك لاتردين عليه واستري نفسك عنه والله يعينك
 
الله يعينها ويفرج همها..
قرأت جميع الردود..الأخت يالي إقترحت الوالد أبدعت..لكن هذا يختلف من والد إلى آخر..وهي أعلم بوالدها كيف أطباعه..وحسب درجة المضايقة..
أنا بفضل الزوج لكن بطريقة غير مباشرة ..
ممكن اتشور على زوجها بقصتها على انها صديقتها يالي واقعة في المشكلة..
فيتنبه للأمر لوحده ..
مثلا اتقول صديقتي الله يعينها ما تاخد راحتها عند بيت حماها أبدا..واتوضح ..بأسلوب يقنع الزوج إذا بحب البهار والبوليسي اتبهر..ههه!..وإذا بيحب الدراما اتخلي القصة حزينة شوي اتركز على مشاعر صديقتها..لحتى تترك القصة أثر في نفسه لعله يتنبه..ويمكن يعطيها الحل!
وجميل إذا دققت في كلامها على نظرات العيون..و .."الأمور التي تتعرض لها"وإن شاء الله ما يحتاج الموضوع أكثر..
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل