انا انهار وتطلقت ساعدوني..ماقدر اطلب المساعده من احد؟؟؟؟

والله يا عزيزتي ما عندك وقت ......... تسلفي وسااااارعي بالإتصال على الأستاذه ناعمه .

المشكله إنك وافقتي بالطلاق الله يهديك ...وهو بنفس الليله طلق خاف من ترددك وتراجعك وتأثيرك عليه ..

السؤال هل أنت بعد الطلاق تركتي بيتك ؟

وإذا تركتيه كيف تقطعين حبل التواصل معاه وتطلبين النجده ؟

عموماً لا تخافين ...ربي ينصر المظلومين وأنت مظلومه بس حبيبتي ربي أمرنا ناخذ بالأسباب ونحاول

وجلوسك تندبين حظك في بيت أهلك مستحيل يجيب نتيجه ...

سارعي للإستشارات .... تســـــــــــــــلفي ماراح تموتين لو تسلفتي كم ريال .

وينك في أي بلد أنتي في السعوديه ؟
 
والله رد اندلسيه عجبني ..... وياليت يااختي تدبرين حالك وتشتركين بسرعه مع الأستاذه ناعمه او حتى على الأقل في دورة استراتجيات التعامل مع الزوج الخائن وهي 500 ريال فقط

موفقه يالغاليه
 
تحياتي للأندلسيه
ردك حلو يابنت.
وبعدين وش الليما أنوخذ بالحيله يرد بالحيله
ليش؟
هو قوطي صلصل
هو راح بمزاجه.
خليه باللعنه
 
عامل المثل بالمثل مثل ماهو باعك بيعيه لا تبهدلين في نفسك لانه محد راح ينفعك
حتى اقرب الناس لك لاتخلينه الاوكسجين اللي تتنفسه انا بالاول لما كان زوجي يزعلني
اتضايق وازعل وانكد على عمري واحس اليوم الواحد مايمر بسرعه ما الحين
اطنشه لما اكون زعلانه واهتم في عمري اكثر وانسى انه مزعلني ومااعبره
صدقيني انه يموت لما يشوفني اضحك وعاديه صار هو اللي يراضني بدل ماانا ارضيه:showoff:

خلك قويه انسي انه طلقج فكري شو تسوين والحل دبري حيله تخلينه يكلمك وقوليله
انك راضيه تعيشين معه لاتخلينه يفكرالموضوع
لانه راح يشاورها خذي الرد منه من اول مكالمه وتفاهمي انت وزوجك يمكن اسلوب عشيقته
هو اللي جذبه حاولي تسوين مثلها تقولين انك تحبينه وانا مافي شئ في هذي الدنيا يبعدنا عن بعض
وانك مستحيل تقول هالكلمه حتى لو تزوجتها خليه ايه عندك البيت وانت وحركاتك اسلبيه
وان شاءالله يكون في نتيجه مجرد راي
والله يوفقك
 
لو تبغين رايي أنت مظلومه يعني ببساطه إن الله معك أختي الجأي لله واصبري ولكن لا تهملي في نفسك ولا تحاولي ترجعينه خليه وخليه يحس انك مب ميته عليه ويكبر راسه زياده.
أنا حاليا تعرضت لموقف مشابه ولكني لا أعرف هل وراه امرأة أم لا والصراحه ما يهمني فزوجي الحبيب قبل 5 أيام قاللي بعد زواج 14 سنه احنا ما نتفاهم ودوم في مشاكل فالأحسن انا احنا نتطلق حاولت اخليه يغير رايه ولكن دون إذلال لنفسي عشان عيالي وقاللي انه مصر فقلتله أشكو همي إلى الله فهو العالم بحالي.وإلى الآن ما اتخذ أي خطوه لكني عايشه حياتي ومهتمه ببيتي كإنه ما صار شئ وهو صامت ويفكر فقلت خليه يفكره على كيف كيفه وأنا لن أأقف على على الأطلال وأبكي واللي باعني برخيص أقوله مع السلامه فأنا لم أخلق له وعندي أهداف أخرى في الدنيا سواء مع ربي أو مع عيالي.

حبيبتي الصبر الصبر وبإذن الله لن يخذلك الله وسيعينك .
 
حسبي الله ونعم الوكيل فيها لكن اختي لاتياسي اكثري من الدعاء والدعاء والدعاء فانه لايرد القدر الى دعاء صادق

الله يرجعه لك وهو ندمان يعظ اصابعه من الندم

اللهم امين
 
حسبي الله ونعم الوكيل.اسئل الله ان يلهمك الصبر.
اختي مو لازم تروحي لابوظبي عشان تقابلي الاستاذه.تسلفي المبلغ
وحوليه لها وكلميها بالتفلون وتواصلي معها عبر الايميل.
دامك تبين زوجك لاتقعدين مكتوفة الايدي.وتنتظرين سنين عشان يعرف قيمتك
ويردك.خليك قويه وقد الابتلاء.واضهري لله التضرع والخشوع.وهو سبحانه
حسبك.وقادر على كل شي .فرج الله همك .
 
بالفعل انتي لا تعرفين شيء بكيد النساء تذهبين اليها تترجينها ان تترك زوجك
غريب امرنا نحن النساء
جدااا غريب
زوجك اللذي اخطاء في حقك ورماك كالخرقه الباليه من اجل امراءه اخرى
المراه الثانيه لا تعرفك ولن تتعاطف معك احبت زوجك واخذته منك

زوجك متيم بها انتظري لتنتهي الدخله بعدها ابدئي
لكن تذكري من طعنك لم تكن المراه الاخرى من طعنك هو من احببت زوجك
بغبائك سهلتي للاخرى المهمه والعبور فوقك لتصل لزوجك
الان اهم شيء تفتحي عيونك صح على حقيقة الوضع وحقيقة زوجك
فهو لن يرجعك لانه يحب الاخرى وضحى بك من جله
انت في هذه الفتره تحتاجين للراحه
 
الله يعينك حبيبتي .. فعلا انتي تحتاجين اولا للراحه حتى تعرفي تفكري صح .. ولا تتهوري
اوصيك بقيام الليل و الدعاء .. الله يمسح على قلبك ان شاء الله
 
: ماقول غير حسبي الله عليهم وجربي الدعاء عليها وانتي ساجده بالصلاه اكثري الدعاء وادعي ان الله يرجع لك زوجج عاجل غير اااااااااااجل الحي بالدعاء والله قطعتي قلبي مشكلتنا الحريم نحب بصدق ونموت فيهم مات حظهم وصدقيني الله مايخليهم والله يمهل ولا يهملللللللل وخلي املج بالله قوي ومثل ماقلت لج اسجدي وادعي الله وانا متاكده انها نزوه وبيرجع لج والحين حاولي تسترخين عطي نفسج راحه شوي والله يرجعه لج من براثن هالجنيه الساحررررره
 
اختي العزيزه ..اسأل الله ان يربط على قلبك ويصبرك على ما ابتليتي به..

بصراحة اختي اميره ااندلسية ..لا فض فوك ..قلتي كل ما كان يدور بخلدي..

اختي صاحبة المشكلة الم تقرأي قصة أم الوليد...؟؟؟؟؟؟؟؟؟؟؟؟؟؟

انا تغيرت كثيراً من بعد هذه القصة واقصد بالتغير على المستوي الفكري..قصة ام الوليد..اراهن انها كانت مثل الصفعه التي جعلتنا كلنا نفيق من غفلة... (احبه وما اقدر اعيش بدونه) ..

اقرأيها خلال فترة الراااحة التي نصحتك بها الاخت الاستشاريه موزة خلفان...وانا متأكده بإذن الله انك ستعرفين بعدها كيف تفكرين وتضعين النقاط على الحروف..
رابط القصة
http://www.niswh.com/vb/showthread.php?t=7235


اسأل الله ان يفرج هم كل مهمومه
تشكراااات
 
الله يجزاكم بالف خير

طمني كلامكم كثييييييييييير

ماصار شي الاخ بايع ولا حتى يسأل عني

أسال الله الفرج القريب وانه يرد لي حقي اللي انسرق

ساعدوني بدعواتكم جزاكم الله الف خير وكفاكم الشر وهون عليكم مااصابكم
 
السلام عليكم ورجمة الله وبركاته
يا قلبي والله

اجارك الله من مصيبتك

وبرد قلبك وجعلها بردا وسلاما كما جعل النار بردا وسلاما على ابراهيم

قادر ربي يمسح على قلبك ويصبرك

سمعيني عدل وشوفي كلماتي زين

وحسي بكل شي بكتبه لج

انتي عانيتي من خيانته 9 شهور

شنو سويتي؟؟

بحثتي في نفسج تبصرتي بعيوبج؟؟ حاولتي تطورين نفسج؟؟

تسحبينه نحوج ؟؟

زوجج كان محتاج اشياء عميقه جدااا ما لقاها معاج ولقاها عندها

ومع الاسف رخص فيج

لكن الله معاج

--

طبعا لاشك ان اتصالج فيها غلط

وكل وحده تعرف ان زوجها عنده علاقه محرمه لازم تعرف ان المشكله بزوجها

والحل بيد الله ثم بيدها

واكبر غلط اللجوء للعشيقه بأي اسلوب

سواء تهديد او ترجي

لأن هذا يقوي موقفها

الحين اللي راح خلينا منه

على قولة وحده مصريه الله يذكرها بالخير

(( االلي ما يحطنيش تاج على راسه:no: عمري ما احطه جزمة برجلي)):bye1:

يعني هو هرب منك وراح لها

وهذا شي مخطط له من 9 شهور يعني بعد تفكير ومقارنه وحرب دامت 9 شهور

انتصرت فيها بالنهاية

لا تعيشين على اطلاله وتبكين عيه

وجهي كل طاقتج النفسية والروحية الى

عبادة الله

تجردي لله ---تعرفين التجرد؟؟؟

يعني اجعلي الهموم هما واحدا هم المعاد

يكفيك الله سائر همومك

صدقيني

هذا الحل عطيته لعشرات قبلج وجاهم الفرج بسرعه

اجعلي هالأيام كلها عباده ولجوء لله

بس بدون ما تذكرينه بكل دعوة وسجدة وصلاة

ركزي تفكيرك على ذكر الله

اذا عندك الرغبة الجازمة اكتب لج جدول عباده قوي

يساعدك على تخطي الأزمة

و اتركك بحفظ الله




 
الله يعينج

اهم شئ تعيدي حساباتج لانج ادرى بزوجج منا كلنا

وحاولي تكوني واثقة من نفسج

ولاتبيني لزوجج التاثر

اهتمي بنفسج اكثر ويوم بيسال عن التغيرر قولي له من باب تغاظيه انج تتعدلين للي يستاهل

وانامع الحيلة بمعنى لودخل ريلج فجاة البيت ارمسي بالتلفو ن ع اساس انه هالبنت اتصلت فيج وقعدت تقول لج (شفتي كيف اقص ع الرياييل لانهم اغبياء )مثلايعني

وبيني يوم ترمسين انه ريلج موهامج وتفكيرج لازم يكون لشئ اهم
من باب الرمسة بس
ويوم تشوفي دخل لفي ويهج وارمسي وسكري التلفون

يعني حاولي باشياء بسيطة وبالتدريج لاتسالي عنه واكييدد امطلقج يعني مايبي علاقة

يجب ان تكوني بالبييييييييييييت ماتطلعين ولوطلعتي رجعي البيييييت واذا ناقش قولي له مب لسوادعيونك رجعت هذا بيتي من يوم تزوجتك ...

وحاولي تصيرين قوية يكفي تكوني ضعيفة ومستسلمة لاتتوقعي حبه لج بيرجعه لاااااااااااااااا
لانه اصلا مااسوىاعتبار لحبج فكييف ترينه يرجع من روحه

والله المسهل
 
هلا خواتي
انتم تقولون الها صبري وهو بيرجعلج
وان اقول مدام خلاج انتي وعيالج فهو انسان باع العشره والحب بدااال ماتندبين حظج اختي الغاليه
فكري شوي استرجعي شريط حياتج شوفي كيف كنتي مع زوجك
الغاليه الغلطة اللي نرتكبها نحن النساء عندما نتزوج ننسى اننا نساء ونصبح عبيد لهم نسلمهم حياتنا واموالنا ومصيرنا وننسى من حولنا ونتذكرهم هم فقط
والرجل لا يحب المرأه الضعيفة يحبها قويه وذكيه ومتعلمة وجريئة ودلوعه مثل حبيبة زوجك لازم اتشوفين من بعيد كيف طريقتها وتصرفاتها معه وتتعلمين منها لان هذا هو السر الذي به يمكن ان تستعيدين زوجك
اعذريني لصراحتي لكن هذا ماتعلمته من استاذتي ناعمة الهاشمي
 
هلا وغلا بالزوجة الحكيمة
ما شفت كلامج الغالية...ولا كان ابدا ما كتبت
صرااااحة كفيتي وفيتي ....
اختي بلقيس عندج الاستاذة الزوجة الحكيمة قمه في حل المشاكل
ان شاء الله تقدر اتساعدج
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل