انا انهار وتطلقت ساعدوني..ماقدر اطلب المساعده من احد؟؟؟؟

بنات ابليس اللي مثل هاذي كثير وانا صار لي مثل ماصار لك بس مابعد طلقني .....مالنا الا ان نحتسب الاجر ونلجاء للقرآن الكريم والله ان شاء الله انه بيساعدنا
 
الله يعينك حبيتبي ، ولكن سؤالي هل لديك أبناء منه ؟ يعني ممكن قدر يتخلّى عنك و عن أبنائه ؟ غريبة ، الواحد عادة" يوم يحب أو يمر بنزوة ما ! اجمالا" ما يطلّق الأولى و لكن يحتفظ فيها و عيالها ولكن زوجك أحسه متهوّر ومتسرّع نوعا" ما ،،
خلليه ، يمكن يجي اليوم اللي يصحى لضميره ؟ وعلى كل حال الحياة ما تتوقف عند رجل ،،
هل انت متعلمة ! هل لديك وظيفة ما ؟
أتمنى انك تكوني لديك وظيفة و لكن و الله أعلم انه لا يوجد لديك؟
أعانك الله ،،
شيلي من فكرك حكاية زوجك ، حبّي حالك و حبي الله ،، ولا تتذللي ولا تنتظري على الأطلال ،،،
لنا عودة أخرى ،،
 
كلام الزوجة الحكيمة عين العقل إللي باعك بعيه وبرخيص كمان هو ما يستاهلك خلي إللي حصل لك يعطيك دفعة إلى الأمام كوني قوية لا تظعفي
 
:mad: هذه المرأه حيه وخبيثه وما وافقة عليه في الاول لانه مرتبط وخلته يطلقك ويجي لها كم خبيثه هذه الانسانه وزوجك الكريم بياع ولا تفكرين فيه ولا تنزلين دمعه على خدك لانه ما يستاهل 00 واذا فاق الكريم من غفلته وبغى يرجعلك لا ترجعيله بسرعه ذليه وعذبيه وهذي الخبيثه ما أحس أنها بترجعه لك وعليك بالدعاء لرب العالمين والله يفرج كربتك آآآآآمين​
 
الله يكون في عونج
حاولي تلملمين نفسج و تبدأين حياتج من دونه
حاولي تخلين هذي المصيبة دافع لج عشان تحسنين من حياتج
و تأكدي إنه بيوم من الأيام راح يندم حتى لو ما شفتي ندمه يمكن تسمعين عنه
 
الله يعينك .. ويوقف معاك.. ويصبرك.. وينصرك .. ان شاء الله
الاخوات كفو ووفو الله يجزيهم خير
.......والى باعك بيعيه برخيص ولو كان غالى
 
اختي بلقيس شوفي اللي باعك بيعيه ولا تركضين وراه وخلي هل فترا فترة نقاها وريحي اعصابك ولا تسئلين عليه ولا تدورين اخباره وهتمي في نفسك وبلبسك ولا تبيني يم اي احد شيء واذا كان هو يمر في نزوه بيرجعلك مذلول واذا كان بايعك لا تبينه والله يعوض ويرد كيد كل واحد في نحرا ولا ترمين بنفسك وتهينين روحك واكيد الاستاذا ماراح تبخل عليكي وتعطيكي انشاء الله حلول بس عليكي بالصبر وتهدين من نفسك ومافي رجال يسةا تذبحين نفسك عشانه
 
تسلمون يابنات والله احس نفسي شوي احسن بس خليكم معاي تكفون

اختي الزوجه الحكيمه عطيني اللي تقدرين عليه جزاك الله خير
 
الله يعينك..

وكلام الزوجة الحكيمة صحيح وحكيم جدا..

اتبعي نصائحها وفقنا الله وإياكم..

الزوجة الحكيمة..

حطيلنا الجدول كلنا بارك الله فيج.. :)
 
الله يعينك اختي ويصبك
زوجك على عينه غشاوه اسمها الحب الغريزي
بس يشبع منها ويملها بيجع لكِ
اصبري ولا تذلي نفسك له :icon30: :icon30:
أشغلي وقتك و تفكيرك عنه حتى يشتاق لكِ الله يسعدها مثل ما دمرت بيتك
 
لا حول ولا قوة الا بالله
قصتك عورت قلبي
الله يعينك ويفرج همك ويعوضك خيرا منه
عليك بالدعاء وصلاة الليل والاستغفار
 
الله يفرج همك يارب
كيف رضيتى يكلمها 6 شهور وانت ساكته
هو بيرجعلك لو تزوجها واكتشفها على حقيقتها الكاذبة
فلك القرار حينها ترجعى له او لا
 
ياعالم ايش فيهم الرجال يبيعوا الوحدة في غمضة عين معقول ينسوا العشره والايام الحلوة والوقفات

والفزعات ويضرب بعرض الحائط كله عشان وحدة عرفها شهور ولا يعمل حساب اهلها واهله

لااله الا الله ..............

الله يكون في عونك ويرده لك ردا جميلا اكثري من الدعاء والاستغفار ولازم رجال عيلتك يوقفوله

ويقولوا له بنتنا ماهي لعبه وقت ماتمل منها ترميها وتدور غيرها ...............

والعده لازمي فيها بيتك لاتخرجي لبيت اهلك....................

ولحربايه هديك لا تقولي عليها غير حسبي الله ونعم الوكيل ..........

الله يكفيكي شرها .
 
الله يفرج همك ويقويكي اختي لا تتعبين نفسك علية لانه ما يستاهل احد يفكر ويتعب نفسة علية انسية واهتمي بنفسك واكثري من الدعاء والاستغفار والزوجه الحكيمة وخواتي اللي قبلي وفو وكفو ... وبتوفيق... ان شاء الله نسمع اخبار حلو... انتي بس طمنينا عليكي
 
الله يكون بعونك ويفرج لك ولي وجميع المسلمات
اكثري من الاستغفار والدعاء وتحسبي علي من طالتك اذيته
لا حول ولا قوه الا بالله
 
الله يفرج همك ويزيدك يقين يارب ويريح قلبك وينصرك على من ظلمك
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل