الي مرت بهذي الليلة تخبرني بصراحة

الحالة
مغلق و غير مفتوح للمزيد من الردود.
غاليتي ان الله عز وجل لم يبتليكِ الّا لأنه يحبك ,ولم يضعك في هذه الليله الا ليسمع صوتك,فالجأي لربك في هذه الليله وليكن دعاؤك فيها "اللهم آنس وحشتي بقربك واشغلني بذكرك عمن سواك"ردديه بقلب واثق من الاجابه وأبشري بمعيّة الله وصحبته.كان الله في عونك ورزقك الصبر على ما ابتلاك000حبيبتياذا عملت بها النصيحه تخيلي الاجر باذن الله وبيهون عندك كل شي وعاد ربي بينظر للعبد هل يصبر في اشد الازمات
جعلنا الله واياك من عباده الصابرين انا ماحملت لي ثمان سنوات عسى الله يرزقني وياك هالشهر قولي اااااااااااامين وابشرك حبيبتي ان امي جربت تقول سبحان الله على كثر ماحسيت اني بتضايق على كثر ما كانت ذيك الليله عاااديه ولا كانه متزوج عليها بس حبيبتي خليك في يوم الزواج مع اخواتك واهلك وامك ولا تسولفون فيه كانه مسافر في عمل والله بترتاحين
 
الامل المستحيل قال:
اختي صمت السحر : كلامك رائع والله والله انه شال عني نص الهم .
وربي عقلي صار يودي ويجيب انا احب زوجي واموت فيه وهو بعد يحبني لكن اهله ضغطوا عليه وصار الي صار بس انا مشكلتي كيف اتحمل خايفة من نظرات الناس انا لسا صغيرة ماعديت ال30 كل الي بعمري عرايس وانا الوحيدة بينهم زوجة اولى ( ياربي شلت الهم من بدري )
أنقر للتوسيع...
بجد كلام راااااااااااااائع واعملي فيه ياعسل
 
والله كل اللي يتزوجون على حريمهم اينا كان السبب الحب للاولى والتقدير ولها مكانه عند زوجها والعشره لها دور صدقيني راح يكون عندك اليوم الثاني لانه عارف انك متضايقه وراح يشيل هم زعلك وحزنك بس لا تروحين من بيتك وتتركينه لها هو زوجك قبل لا يكون زوجها ولا تنسين حقك والله مستحيل تحتل قلبه زيك واعطيه العذر لانه يبغى ذريه احسن من اللي بدون اي عذر
 
حبيبتي اذا اخوانك وزوجاتهم مثل ما وصفتي لا والله جلستك عند زوجك افضل
لك بيتك ومكانك الخاص ترتاحين فيه محد يقط عليك كلام والله الزمن تغير والناس ماترحم اذا اخوانك وزوجاتهم مارحموك كيف بالناس الثانيه انصحك لاتفرطين بزوجك ابد
ولاتجيبين طاري الزوجه الثانيه عنده ابد واذا جاك خليك مفرفشه وصدرك وسيع لاتقلبيها نكد وغيرتك لاتخليه يحس بها ولا تسالي عن اموره معها والافضل انك ماتتقربي منها لان اغلب الحالات هنا في المنتدى تتعرف عليها وكل شي تمام بعد فتره تصير المشاكل فمن باب اولى لاتحتكي فيها ابددد حتى لو طلب زوجك هالشي انت مو مجبوره تتعرفي عليها

الله يفرج همك ويربط على قلبك
 
لاحول ولا قوة الا بالله العلي العظيم ....الله يرررررزقك يا اختي الصبر وحاولي قد ماتقدري تحافظي على زوجك وبيتك لانك مارااااح تتأقلمي تعيشي بعيد عن بيتك اللي اتعودتي عليه ....
وصدقيني انتي حبيبته وروحه وحياته .... بس عليكي بالدعاء والاستغفار والتقرررررررب من الله تعالى
 
احمدي ربك والله اخو زوجي تزوج نفس ليلة زواجنا لنا 4 سنوات متزوجين والحين ملك وبيتزوج بالاجازة

وزوجته عمرها 21 سنه صغيره مررررره عشان الاطفال تخيلي بس 4 سنوات صبر عليها والله تقطع القلب

من شاف مصيبة غيره تهون عليه مصيبته وبعدين ادعي واصبري والله يكون بعونك وماضاقت الا وفرجت

والله يكون بالعون ....... وادعي ان الله يجعلك اجمل نساء العالم في عينه وربنا معك حبيبتي
​
 
مابعد ضيق الا فرج
ولابعد عسر الايسر باذن الله
والحزن يبداء كبير ثم يصغر خلي املك بالله كبير وماعليك من الناس ولاتعطينهم اكبر من حجمهم ولابد تسمعين منا ومنا لكن طنشي وفي الاخير حاينسوا منك والله يكتب لنا ولك كل خير
 
الله يعينك يارب وتحملين ويرجعلك زوجك..
 
يا عمري وجعتي قلبي -----لا حبيبتي ----عندي راي-----شوي غريب ----بس فكري فيه --
اطلبيه قبل زواجه---يوديك يومين مكه ويومين المدينه ----وارمي احماك على الله ---وهناك
اطلبيه يساعدك وما يحسسك بالغيره ----ولايحمعكم ابدا ----لين انت تطلبي ----واطلبي لك
مشروع يشغلك ويكتبه باسمك ---والمال منه سلف لين ----ترديه من الارباح ----وان احتجتي
أنا بالخدمه ----ولالالالالالالالالالاتترك زوجك لالالالالالالالالالايا حبيبتي ----:32:
 
اسال الله ان يرزقك الذريه الصالحه
واسال الله الواحد الاحد الفرد الصمد الذي لم يلد ولم يولد ان تثبت قلب اختنا
وان تربط على قلبها بالسكينه والوقار يارب
يابديع السموات والارض اذا قضيت امرا قلت له كن فيكون
ان تريح بالها
امين امين امين
غاليتي
تاكدي ان هذا ماكتب الله لك
وماادري وش اقول برغم اني شفت امي وحالتها لمن ابوي تزوج عليها ثلاث حريم وطلق منهم ثنتين
وكانت نعم الزوجه رحمها الله وكانت تقوم ثاني ليله وتسوي لهم الفطور واذكر ان طول الليل وهي تبكي من الحرقه مانامت
بس تظهرله انها سعيده بسعادته
والله الى الان اشوف الوالد الله يخليه لنا اذا جبنا طاري الوالده رحمها الله يبكي زي الاطفال ويقول مالاقي حرمه مثلها وطبعا عذر الوالد في الزواج انه يبي الولد واحنا بنات
ربي يسهل امرك واصبري وكبري عقلك ويمكن يجي رزقك معها
قلبي معاك
 
اخذي نصايحي تراها حلللللللللللللللللللوه

اولا حبيبتي لاتطلبي الطلاق ابدا ولا تفكري فيه شيليه من راسك نهائيا

والله احسن لك بيت زوجك معززه ومكرمه

اذا فرضا طلبتي الطلاق مين راح يكون مسؤول عنك اكيد ابوك او اخوانك

وتعرفين الاخوان اكيد لاهين ببيوتهم وزوجاتهم وعيالهم يعني يالله يكون

الواحد فاضيلك ـ

صدقيني ماراح يكونون مثل زوجك ـ زوجك راح يلبي كل طلباتك وراح

يكون مسؤل عن كل كبيره وصغيره عنك وهو فعلا يحبك ويموت عليك

والدليل واضح صبر 12 سنه والله ماقصر وتقولين اهله هم اللي يبونه

يتزوج شفتي مايبي يتزوج من شان خاطرك ـ

وانتي خليك ذكيه اذا جاك بعد زواجه انتبهي تسألينه عن شي بالنسبه لزوجته

ولا تقصري في شي خليك مثل اول واحسن ـ اخوي تزوج على زوجته وهي

عندها بنات واولاد ويوم تزوج عليها كانت نفاس وسألتها قلت كيف نفسيتك

اول ماتزوج قالت زفت بس الحين تعالي شوفيها ما كأن شي صار بس

صارت كل شهر كشخه واحس اخوي دايم يمدح فيها وتبين الصراحه

احسه يحبها اكثر من الثانيه مع انه اول ماتزوج مبسوط مع الثانيه

بس بعد شهر رجعت المياه لمجاريها لأنه شافها ماتغيرت كل شي

فيها ما تغير وخصوصا طيبتها الزايده واذا صارت ليلتها تكشخ

احسن كشخه احسها احسن من اول واخوي انجن عليها زياده

لاتهملي نفسك ارجوك ،، وليلة زواج زوجك الله يصبرك ياحي

ياقيوم والله حاسه فيك ـ ادعي لنفسك كثير

يارب جعل زوجي مايعرف غيري قولي آمين
 
الله يكون بعونك ياأختي والله حاسه فيك اصبري مافيه غير الصبر حل وانشاء الله انك مأجوره على صبرك والله يرزقك بالذريه الصالحه اللي تونسك وتنسيك كل هم مر بك في حياتك....​
 
ياااارب يصبرك ويساعدك ويختار الخير ليك يارب
لا تزعلي ولا وتخافي ولا شئ وكلي أمرك لله ماتدري يمكن تتفركش
الله معاكي حبيبتي
 
الله يصبرررررررررررر قلبك ويعينك ويسااااااااااعدك ويعوض عليكي يااااااااااااارب
 
ياحبيبتي لاتشيلي هم ولا شي وصدقيني دام زوجك يحبك بعد الزواج راح يتمسك فيك اكثر ويدلعك اكثر من اول وانتي اهتمي بنفسك واهتمي بزوجك ودلعيه اكثر من اول ومو عشان زوجك بيتزوج عليك بتشيلين الهم وجهزي نفسك كنك عروس وتنقشي وغيري عطوراتك واذا احد من اهلك استنكر قوليلهم انا مابغاه يشوف بزوجته شي زايد عني وترى مو كل وحده زوجها مو متزوج عليها مرتاحه بعضهم من اول يوم بزواجها زوجها جايبلها الهم ولا يهمك كلام الناس والله الحريم بعضهم من قهرهم ومن الهم اللي عايشين فيه مع رجالهم يتكلمو على اللي زوجها يتزوج عليها ونصيحتي لك تخلي علاقتك مع زوجته حلوه ولاتطلع الشينه منك عشان ماتمسك عليك شي وبكذا انتي اللي بتكسبين زوجك
مع حبي واتمنى تقري القصه هذي بتستفيدين منها ان شاءالله
http://www.niswh.com/vb/showthread.php?t=223226​
 
الأمل نصيحتي لك لاتتركين بيتك لوحده ثانية وتتطلقين وش دراك انه بيرتاح مع الثانية خللك معاه وانا ادري انه موقف صعب عليك بس نصيحتي لك ليلة العرس اطلعي وروحي عند اهلك او حاولي تسافرين مع احد من خواتك اواهلك بس لا تنكدين على روحك يعني بكتي ولا زعلتي ماراح يغير بالموضوع اهم شيء توكلي على الله وربي يلهمك الصبر
 
الله يرزقج الذرية الصالحة...انتي يا اختي الزوجة الاولى وانتي في نظر زوجك غالية ويمكن اغلى عن الثانية والايام بتثبت هالشي...لا تتركي بيتك فمن حق زوجك الزواج وكما قالت الاخت صمت السحر هو اهون بكثيييير عن فقدان من تحبينه

الله اذا ما ابتلى العبد معناه انه يحبه وهو اختبار لك...
 
كثيرمثلك مرو بهالتجربه (اللي بكت واللي الوضع عادي واللي تطلقت ...الخ)طيب وبعدين ماراح يتغير أي شي الرجال متزوج متزوج وماراح تقدري تغيري رأيه إنتي إكسبي إحترامه وحافظي على بيتك ايش يضمن لك إنك بتاخذي أحسن منه وإذا مو مقصر معاك ليش تفكري بشي أعرف إن اللي إيده بالنارمومثل اللي إيده بالماي بس لاجينا نفكر بعقل في النهايه مالك إلابيتك ..الله يصبرك ويرزقك
 
الحالة
مغلق و غير مفتوح للمزيد من الردود.
عودة
أعلى أسفل