الي مرت بهذي الليلة تخبرني بصراحة

الحالة
مغلق و غير مفتوح للمزيد من الردود.
حبيبتي كل من قرأ رسالتك يشعر بمدى الالم الذي يعتصره قلبك .....

ولكن هل منهم من تعلم الخير لك ...؟؟...أين هو..؟؟


(من تعلق بشيء وكل إليه )

تعلقنا بأزواجنا وذرياتنا وشهواتنا لدرجة عاليه ولم نميز ماخلقنا الله له وهي العباده لله وحده والتعلق به ..


فبسب تعلقنا بهم جعل الله ابتلاءنا عن طريقهم ...


فكم من زوجة تعلقت بزوجهاا فأبتلاها الله بسوء خلق الزوج وتعامله او خيانته اوو غير ذلك ..

وكم من ام تعلقت بأبنائهاا فأبتلاها الله بعقوقهم لهااا ...

كثير هي الإبتلاات ولكن الله يرسلهاا كإشارات لكي نعقل ونستدرك الأمر ونلجأ له ..

كم من قصه قرأناهاا وسمعناها عن زوجه لجأت إلى الله بعد أن كان زوجها مشغولاا عنها او خائن فأرجعه الله إليهاا وقلبها متعلق بالله ..

(إن الله اذا احب عبدا إبتلاه)

فلقد ابتلاك الله بالذريه والان يبتليك بالزوج فأصبري وأحتسبي وإلجئي إلى الله ولاتبالي بأحد وعلقي قلبك بمقلب القلوب فهو ارحم الراحمين ....

وهذه أوامر الله وليس لنا سوى القبول والإنقياد لهاا ...

فكل محنه في داخلها منحه ...!!!!!

(وعسى ان تكرهوا شيئا وهو خير لكم )

أسأل الله العظيم رب العرش الكريم ان يشدد على قلبك الصبر ويشغلك بطاعته ويرزقك الذريه الصالحه ....




ودمتي بحفظ الرحمن
 
حبيبتي صبرك الله وربط على قلبك
انصحكي ارجعي لزوجك ولبيتك وقبل الزواج اذهبي لبيت اهلك وابدي اهتمي بنفسك كنك عروس حتى مهر خذي منه عايدي رضوة لك وانزلي تجهزي كنك عروس جديدة بكل شيء وادلعي وعيشي حياتك واهم شيء اكسبي وقتك بالقران ولو عندك دار تحفيظ او مركز اشغلي نفسك بطاعة الله واذهبي لدار تحفيظ اهم شيء اشغلي وقتك كله ولاتفكري بالموضوع واهنمي بنفسك و ركزي انك تقوي نفسك وشخصيتك يعني خذي دورات للشخصية وغيرها ويارب يفرجها عليكي اختي مرت بما مررتي به وهي لديها ابناء تزوج عليها وحاولنا نخفف عليها لكن الله هونها عليها
الله يهون عليك ياااااااااااااااااااااااااااااااااااااااااااااااارب
 
ياعمري علييييييييييك

الله يفرج همك ويبرد قلبك باللي يريحك يااارب
 
الله يصبرك ويعوضك خير ويرزقك الذرية الصالحة عاجلا غير اجل
ونصيحة لاتفكري في الطلاق نهائيا خليها اجازة لك من كل شي تقربي لله بكل شي
 
غاليتي ....انا الزوجة رقم 3 حريم زوجي الاول والثانية كلهم مخالفين وماله عذر وكلهم ماسكين بيوتهم والله

انه مدلع الاول بشكل هي الكل في الكل والله لانحاشت ولافكرت وكلنا نخاف منها ونحترمها اشكل منه لانها أثبتت قوته

وتحملت وكابرت وتروح وتتمش ماتدري عنه وهو بس يدور رضاها

الزوجة الاول لها معزة غير وغير كذا وحده من قريباتي وصلت 47تفاجأت بزوجها متزوج عليها بنت عمرها 16

والله كأنها جبل عزمته بعد اسبوع هو وزوجته على الغداء وأعطتها هدية وتعالي شوفي كيف شايلها على رأسه

صح كانت تبكي عند امي من القهر بس ماتركت بيتها وقفت بكل قوة وبعد كانت تقول للناس انها تدري وموافقة

وانصحك تشرطين إذا كنت غيور مرة انها ماتشوفك ولا تشوفينها ابد وبتكون حياتك جدا طبيعية وليلة الزواج بتمر

بس انت هنا ابذلي جهدك تكوني عروسة بعد سبعة ايام وتدلع وطلبي الا تبين مثل حريم زوجي هبلوبي وهو يدور رضاهم لايزعلون يقول لو مايحبوني ماجلسوا فرجعي وانت الازينة يوم زواجة وبكي حتى يروح متنكد صدقيني وبيدق عليك كل شوي
 
الله يهون عليكي ويربط على قلبك
اقتراحي انك ماتكوني عارفة موعد الزواج
لو قدرتي تنسيقيها مع زوجك
انه ما يقول لك متى العرس
وبعد ما يتزوج يخبرك
الله يهونها عليكي يارب
 
اسأل الله لك الثبات و الصبر...
اعرف حالات مثلك... تزوج الزوج الي جابت له عيال...
بس الحب و الغلا و الدلال للاولى.... لانه يحبها و ما شاف منها الا الخير..
اصبري و احتسبي و خلي ربي عوينك...
الله يلهمك الصواب..
 
سؤال الله يكون بعونك يارب ويصبرك ؟؟زوجك شاريك ويحبك اكيد اذن لاتخربي على نفسك خليك معززه ومكرمه في بتك احسن من بيت اهلك كانك قريبه بعد عشره 12سنه مع زوج....وفيه وحده مرت نفس تجربتك هذي بضبط اعرفها شخصيا اجلست عشر سنوات ماحملت ثم تزوج زوجها وصبرت وماهجرت بيتها بالعكس تحملت وعانت يوم زواج زوجها وقدر الله وحملت الزوجه الثانيه وجابت ولد وعلى طول عمرولدها 4اشهر حملت بعدوجابت بنت وكانت صديقتي صابره؟؟؟والمفاجئه ربي عزوجل قدر لها وحملت بعد 12سنه وجابت ولد ومره ثانيه حملت وعمر ولدها 6اشهر وجابت بنت وبعدها احملت بعد ........ورزقها ربي على صبرها وانصحك بالصبر والاستغفار وان شاء الله يرزقك بالذريه الصالحه اللهم امين
 
الله يكون بعونك انصحك ياقلبي ماتطلبين الطلاق والله الطلاق مو هين خلاص وكلي امرك لله واهتمي بنفسك اكثر لاتفكرين فذي الامور خلي تفكيرك كله كيف تدللين نفسك وكيف تطورين نفسك وانشاءالله ربي يرزقك يمكن تكون فاتحة خير عليكم الله يوفقك ويهون عليك
 
الله يصبر قلبك ان شاءالله
ويرزقك الذريه السليمه المعافاه
 
غاليتي ان الله عز وجل لم يبتليكِ الّا لأنه يحبك ,ولم يضعك في هذه الليله الا ليسمع صوتك,فالجأي لربك في هذه الليله وليكن دعاؤك فيها "اللهم آنس وحشتي بقربك واشغلني بذكرك عمن سواك"ردديه بقلب واثق من الاجابه وأبشري بمعيّة الله وصحبته.كان الله في عونك ورزقك الصبر على ما ابتلاك
 
ضحيه قال:
شوفي هذي ليله منهاره فيها منهاره انصحكي نصيحة اخت لاختها هنا الطلاق راحه انتبهي تكوني على عصمته ذيك الليله انتي عارفه انها مستحيل تكون بمستواكي مهما كان مارضيت تكون زوجه ثانيه الا ماهي كفو تكون اولى لانها عانس ماصدقت يجيها زوجك فلا بد بعد مرور شهر شهرين وربما اقل يرجع لصوابه ويكشف هذه الحقيقه او مطلقه طبعا تعرفين الزوج الاول في الحياه ماذا يعني لزوجته مستحيل تنساه فراح يكشف الشي هذا في اقل من الاسبوع ويعرف ان الزوجه الاولى لن تتكرر بالذات اذا يحبها لاكن اذا مايحبك هذا شي ثاني .انا اعرف وحده مطلقه تقول طلبت الطلاق طلقني رجعي طبعا قبل دخوله تقول مع انه ماكان يحبني مره طلقني بسهوله وبعد مادخل عليها والله ماجت الساعه وحده الا الرسايل تنهال علي كلها حب وغرام وبعد اسبوعين جاي يبي يرجعني ولكن خلاص ماعاد ارجع تقول ثلاث شهور وطلقها ولين ذاالحين يبيني ارجع تقول انا احبه بس كرامتي عيت تردني له .
أنقر للتوسيع...


لا حول ولا قوة الا بالله

بالله هذا رد ترديه على أختك المسلمة تشجعيها على خراب بيتها خاصةً وزوجها عنده سبب لزواج

طيب وش قولك للي زوجها يتزوج عليها نوع من التغيير

(المسلم يقول خير أو يصمت )


أخيتي :

الحب الأول في حياة الرجل لا يتغير بل ويزيد بعد زواجه

وزوجك طيب معك ويحبك ولا يبي هالزواج وأهله لزمو عليه

يعني شاااااااااااااااااااااااااااااااااااااااااااااااريكي

طيب تطلقي وبعدين !!!! وين تروحي ... تقابلي أهلك ... يتثاقلو منك ...يتخدمون فيك حريم أخوانك .. يكرهونك كل الحريم ( يخافون على أزواجهم ) .. تصيرين عاله عليهم

ولا تلجأي للحل الآخر .. تتزوجي !!

من يتقدم للمطلقة عادة .. المتزوجين ... الشيبان ( كبار السن ) ..


حبيبتي ..

أنتي لستي أول أمرأة يتزوج زوجها عليها ولا لن تكوني أخر أمرأة

فلا تكوني حملاً زائداً على زوجك ..

ومثل ماقالو لك البنات روحي عمره فترة زواجه وهذا كفيل بأشعال نار لهفة الزوج

وفعلاً الزوجة الثانية أما ترفعك وأما تنزلك بالمشاكل .

فعيشي حياتك ولا تضيعيها بالتفكير والغيره والترقب ( الأمر وقع تأقلمي معه )

ولا تواجهي زوجته وتجنبيها واذا ألفتيها وكانت طيبة بنت حلال ليش ماتتفقي معها

ولا تتنازلي عن أي حق من حقوقك أبداً ..

وأشرطي العدل بكل شي من الآن .

وجهزي لك جهاز عروس من لبس وكشخة وغيري في بيتك .

والله ياقلبي اذا زوجك كويس معاكي و يحبك ماتلقي له بديل لا أب وأخ


وأجعلي نظرتكي للحياة نظرة أيجابية .

وياما حريم جلسن سنين ماخلفن ولما تزوجو أزواجهن حملن .

والله يوفقك لما فيه الخير والصلاح ,,
 
حبيبتي الله يعينك ويعاونك ان شاء الله
واسال الله ان يثبت قلبك ويشغلك بذكره وشكره ان شاء الله
ولابد ان تفتخري ان زوجك تزوج عليكي بسبب(الحمل) لان كثير يتزوجون بطر واسراف .
عزيزتي:
انا لم اجرب واسال الله ان لايجيب ذاك اليوم انه على كل شي قدير. ولكن احببت اشاركك الراي
اولا:خليه يقوم بكل مستلزماتك كامله.
ثانيا :قبل العرس ب3ايام استاذني منه وشيلي اغراض لك وروحي لاهلك عشان تريحي وتبعدين من شوفته وهو يتجهز ومستعرس.
ثالثا:اطلبي من احد اخوانك او ابوكي وامك تسافرون لمكان بعيد تغيرين جو وما تحسين بحرقة هذيك الليله ولو كنتي من اهل السعودية روحي مكة.فالله خير من تلجاين اليه.
رابعا: خليه يخلص عرس وسفر ويبدء يشتاق لك ويطلبك ترجعين بيتك وانتي اثقلي عليه شوي وبعدها ارجعي لبيتك كالعروس.
خامسا:اطلبي منه تقضون اول ليلة ترجعين فيها بفندق ويسوي لك حفلة مصغرة بالفندق وانتي اكشخي عند اهلك والبسي فستان ابيض وشيلي معاكي قميص نوم حلو وناعم.
الله يوفقك حبيبتي ويصبر قلبك ان شاء الله.
وانصحك بذكر الله والاستغفار ذلك اليوم حتى تهدين واحتسبي كل الم تحسين فيه عند الله.
 
يارب يارحمن ويارحيم انك تلهمها الصبر وتعينها علي ذكرك وشكر وحسن عبادتك وتجعلها ليلة برد وسلاما علي قلبها ياحي ياقيوم
نصيحتى لك عزيزتى : بان تواصلي ذاك اليوم ماتنامين الا واذا جاوقت العصر خذي لك بندول نايت وان شاللة ماتصحين الا وكل شي راح مثل الحلم وهذيك الساعة اذا صحيتى تلاقينة جايب غداه ويتغدا معك ان شاللة بس رددي ياقلبي < اللهم اجرني في مصيبتى واخلفنى خيرا منها> ادعلي ان ماتمر علي هاليلة بحياتى ويصلح لي اولادي
 
ربي يفرج همك ويرزقك ذرية صالحة ويشرح صدرك
 
اهلن اختي
اول شي اقول الله يعينك ويصبرك انا قبلي عورني وانا بس اقراء كلامك
فاقول لك اختي اصبري وعليك بكثرت الدعاء واشغلي نفسك قد مماتقدرين اشغلي نفسك بطاعة الله وحفظ القران
علشان مايكون هو تفكيرك
ارجو ان تكون وصلتك الفكره
 
حبيبتى واسال اللة لك الثبات وانصحك بالاستغفار والدعا وكل شي يقربك الي لله سبحانة من طرق بابة لايخيب اذا تقدري يوم زواجة تسوين لك حفلة خاصة وتعزمين صديقاتك ولا تخلين احد من اقاربك يشوفك ابد عشان مايكون ناقل للمشاعر ذيك الليلة ممكن تصدر منك تصرفات تشمت الناس فيك والزمى بيتك احسن ولا تخلين احد يشوف انكسارك ورددى كل يوم 7 مرات <حسبي اللة علية توكلت وهو رب العرش العظيم > في الصباح والمسا وان شاللة مالك الا العافية
 
حبيبتي انتي اللي بتمييين طول العمر عروووسته صدقيني
ان معظم الرجاااال قلوبهم تميل للاولى
لاتضيعين عمرك وخليك انتي العروسه الاولى والاخيره وخلي غيرك يربي عيااال :12::11:وحمل ويولد وانتي تدللي وتدلعي وتكشخي
خليه يلقى الراحه والهدوء عندك
وبالتوفيق
 
الحالة
مغلق و غير مفتوح للمزيد من الردود.
عودة
أعلى أسفل