النجده الحقوني ابي حل

[اروى بنتي]

السلام عليكم ورحمة الله وبركاته







انا انسانه عندي ارق في النوم وانام بصعوبه في رمضان ومثل الكثير من الشعوب العربيه نسهر اليل وننام النهار ومن بعد رمضان عجزت اغير نومي ومع بداية الدراسه الكل في البيت تعدل نومه الى انا صارلي ثلاثه ايام مانمت الى سويعات قليله معني ذابحني النوم وعيوني صارت حمر وراسي بينفقع من حاجتي لنوم بس احط راسي على الوساده واتقلب مثل المجنونه مايجيني نوم امس حاولت انام من الساعه احدعش ونصف ليلا وقعدت اتقلب اليل كله مانمت الى نصف ساعه قبل الفجر قمت جهزت اعيالي للمدرسه ورجعت لفراشي احاول انام والحيالساعه عشر الصبح وعيالي الصغار قامو وانا باقي مانمت يارب رحمتك احس اني ابنجن من قل النوم


تكفون ادعولي اللهم اذهب عني الارق والقلق وانعم علي بنوم اليل نوما هنيا هاديا بلا اذن ولامضره اللهم ارحمني من السهر والارق لاراحم لي سواك

 

[ضوء القلب]

نفس الحاله عندي ممكن توقفي اي نوع من المنبهات هذا اليوم او الايام الجايه كمان عشان ما تزيد حاله الارهاق وحاولي تاخذي بالليل دش دافي واشربي حليب دافي وبعدها على النوم وحاولي ما تفكري بشي بس خلي تفكيرك باذكار النوم مع التسبيح المستمر الين تنامي .جربي وان شاء الله تنامي الليله بهدوء .

 

[شوق دوعه]

اخذي بندول نايت
بس لا تتعوديً عليها تقريبا تنامين 8 ساعات صراحة حلوووووة

 

[اروى بنتي]

شكرا على ردودكم وادعولي تكفون

 

[$دمعه غلا$]

اولا هدي من روعك واضح من اسلوبك انك مرعوبه من قلة النوم عادي تصير حالتك لناس كثير بس استغفري وخليكي هاديه الموضوع مو مستحمل عادي يعني وبعدين اشربي اشياء مهدئه وابتعدي عن المنبهات ولاتروحين لسريرك الا حاسه بنوم وشيليه من راسك هو يجي بطبعه اقري كتاب لين مايجيك النوم او استغفري وسبحي لين مايجيك النوم ولا تفكرين باي شي

 

[اروى بنتي]

دمعه انا البارح بذات رحت السرير وانا هلكانه نوم وانا جالسه مقدر افتح عيني حطيت راسي علمخده من هنا طار النوم من هنا وبقى الصداع والاجهاد ملازمني

 

[$دمعه غلا$]

خذيها قاعده اي موضوع تكبرينه بيكبر اعتبري الموضوع عادي يمكن عندك مشاغل واشياء تفكريين فيها صدقيني هونيها تهون انا يوم سافرت شغالتي صارت لى ربكه زي كذا لاني شايله هم البيت والاولاد بس الحمدللله فتره وعدت انتي بس اهدي وصلي الوتر بدري بعد ماتنومين عيالك وتخلصين اشغالك واقري شوي قران الا بذكر الله تطمئن القلوب واستغفري وسبحي لين مايجيك النوم اليوم تنامين عشر دقايق بكره ربع ساعه وهكذا بس اهم شي هدي ولاتكبرين الموضوع ترا بيكبر هههههه اهدد

 

[انثى بجنون]

شغلي على جوالش قران واقري معاه بتلاقين نفسش في سابع نومه لانه شفاء لما في الصدور وطمانينه للنفس
انا اسوي كذا دايما
طمنينا عن حالتش قلبي

 

[الورد احب الورد]

حتى انا عندي نفس الحاله نومي دايما قلق ومنام بسهوله

 

[براءه طفوله]

^
^
^
نفس الحاله
الله يعين

 

[صدى صوتي 22]

شوفي حبيبتي انا مثثثثثثثثثثثثثثثثلك

تدري وش سويت

اقراي قرااااااان لما يجيك النووووم وربي جربت قرات قران لين جاني النوم نمت وانا مرتااااااااااااااااااحه

جررربي