المهـــر وما ادراك مالمهر ...[you] تعالي قصي لنا تجربتك...

هلا يا قلبي... انا مهري 30000 رس و لله الحمد شريت في نصفه ذهب لأنه غالي
و الباقي ملابس و لانجري و ميك آب و عطور و شوز و انتم بكرامه ...و بس

بس لا تكثرون ملابس استفيدوا منها بشي مفيد =)
​
 
أحنا عندنا المهر لينا وبس مانصرف منه شي
ولازم يعطينا الزوج مبلغ قبل العقد للتجهيز مثل الصالونات
والملابس والميك آب وغيرها

والذهب بعد عليه
يعني يتم المهر ليش ماتلمسينه في مصروفات الزواج
 
هلا بالجميع
احنا مهورنا 40000 ريال مراعاة لضروف الشباب قسمتها بطريقتي والحمدالله مااحتجت ولا ريال زياده
وعلى كدا مليت البيت وغرفة النوم
5000 ملابس نوم بيت وطلعه 5000 موعين واطقم حمام وغرفة نوم و4 مفارش 5000مكياج وعطور
و15000 ذهب 4 اطقم و3 غوايش واسوارتين من لازوردي و10000 هذا حق يوم العرس المكياج
والمسكه والفستان والزفه من غير هدية زوجي ساعه وام زوجي طقم ذهب
وعطر مركز طولت عليكم شكرا
ع العموم كل هذا كان بموسم التخفيضااااااااااااااااات 70 % دنيا حضوض
 
انا تزوجت من سنتين مهري الحمد لله كفاني واهلي كمان اشترولي اشياء اهو الحمد لله
 
انهبلت يوم قريتن قلت وش عرفه بي وانا توي بقراطيسي وتذكر السالفه الي كلن يطلع له اسمه:21:
اما مهري 60 الف واخ انوواع التعذيب كلللللللللل شييييييييييييي غاااااااالي انذبحت المهم 20 الف ذهب 25 العرس والعشى على ابوي الله يخليه :32:يووم شافن اصيح قضت اقروش وانا مسويت شي بقى الطقاقط وبقى اللبس والعطورات ووالخ المهم قصم المكيجات والعطور حول 7الاف وهن شويات بس غاليات اخ بس ماشريت خرابيط بس الي استخدمه وواللبس والله مدري والفستان طحت لي بواحد يهبلللللللل ******0 كان 2000 بس اخوي نشب له وشرريته على عماي مدري وشو المقاس كنا بنفس اليوم بنرجع لديرتنا وانا مشريت :8:الفستان ورحنا الصبح والحمدالله حصلته ومافي الاذا المقاس بس الحمدالله طلع تقل تفصيل على جسميي وفستان الصبحيه >>مالبسته الابعد شهرين:8: اهي ايه نتمشى وكان عاجبن قلت بدور احلى وماحصلت كان يجنن ناعم وفخم المهم ورجعت اباخذه الاهو بيد بنت :30:ومافي بالمحل الاعلى قطعه قطعه خلاص جتن الصيحه :8:واطلع وانا معصبعه ورحنا للشقه ورجعنا من بكرى قلت بمر اغدي احصل شي الا واللقى فستاني حبيبي وعلطوووووووووووول اخذته ماصدقت طبعن الهدايا مو مره ماعجبن شي ابد اصلن مجا شي حلوو الافلوس الله يعافيهم وشريت مفرش 1000 ريال حلوووالله ناسيه اذكر انا وخوواتي كلن معه اوراق طلبات هالعرس وجاء العرس وانا مخلصت وعرست وانا مخلصت وجبت ينتي وبرضو مااخلصت ماانخلص ابد الحريم وشكرا:23:وبعجز وانا مخلصت
 
مرحبا جميعا.....
انا مهري خمسين الف اماراتي والزهبه ومصاريف العرس كلها على زوجي والخمسين حج ابوي يعني مثل البظاعه باعوني ... ومرت سنه على زوجنا وزوجي يقول والله حرام ليش خمسين الف درهم امارتي طبعا كان مقهور واكيد انا مالي ذنب بس القدر غدربي الله يسامح الجميع.......
 
علا حبيبتي انا مهري 1000 ريال ورحت اشتري فيها فستان ازفاف وزاد ابوي 1000 عليه والجهاز على زوجي الذهب بطقم الملكه كلف 28000 ريال والملابس عليه وكلف حوالي 10000 ريال
والذهب باعه زوجي ودخلها في الأسهم !!!!!! وراح ملح
والحمد لله
 
انامهري ثلاثين الف الحمدالله على كل شى والله اشتريت كل اللى ابى قبل سنه هاالكلام...
 
انا قصتي مع المهر قصة
انا اخذت مهرين بتقولو لي كيف؟؟؟
انخطبت لواحد كان ساكن ويعمل خارج بلدي وبما اننا كنا مرتبين نكتب العقد بعد ماييجي ومباشرة زواج واروح معه لانه ماكان عنده وقت نظرا لحساسية عمله ،اضطر انه يرسل لي المهر لأشتري تجهيزاتي وماتركت شي الا اشتريته مايخطر على البال ومالا يخطر ذهب ملابس مركات عطور انواع واشكال ملأت شنط كثيييرة لدرجة اللي شافت جهازي تقول اي طائرة ستحمل هذه الاشياء
لكن سبحان من يغير الحال من حال ماكتب لنا الله نكمل مع بعض وكل واحد راح لسبيله،وبما انه كان كريم جدا وميسور قرر انه ماياخذ مني شيء لا مهر ولا اي حاجة قال اعتبريه هدية مني،وانفصلنا وانا علاقتي به طيبة وقالي اذا جاك صاحب الدين والخلق لا تترددي،فقط اخبريني لارسلك هدية الزواج
وبعد الانفصال بشهر او شهرين لا اذكر خطبني زوجي ربي يحفظه وكان رجل ذو خلق ودين وافقت عليه وكانت ظروفه صعبة جدا واعطاني مهر زهيد جدا (قالي بالحرف والله انتي اموال الدنيا قليلة فحقك لكن مهري الحقيقي لك هو معاملتي الطيبة لك باذن الله )فاخذته ولم اشترط عليه شيء مع ان قراري لم يعجب اهلي قلت لهم يكفي انه صاحب دين وخلق وجاء في الحديث اقلكن مهورا اكثركن بركة ثم ان جهازي موجود ،وافقو وتم كل شيء بخير والحمد لله احلى وارقى جهاز عندي
كلما لبست قطعة من جهازي اقول سبحان الله كانت ستكون للاول فاذا بها للثاني
والحمد لله على كل حال
ونصيحتي للبنات المقبلات على الزواج قبل المهر ركزو في الخاطب هل هو صاحب دين وخلق اكثر من المهر،كذلك اللي مهرها قليل لاتحزن بل يجب ان تفتخر وتتباها كونها دخلت في صاحبات البركة لقول صلى الله عليه وسلم اقلكن مهورا اكثركن بركة،،
للاسف صرنا نشوف ان البنات تتباهى بالمهر من الاكثر
كذلك انصح البنات المقبلات بتدبير المهر جيدا ،يعني ماتكثر الملابس تاخذ الشيء القليل لكن في نفس الوقت جميل ومرتب يعني لاتركز على الكم
وانصحها بشراء الذهب لان الملابس تمشي والذهب يبقى يعني حتى لو حصلت في ضائقة بعد الزواج ممكن تبيعه
وختاما الله يوفقكن وايانا بحياتكن الزوجيه
 
هلابك انا مهري خمسين الف والحمدلله كفاني امي كانت قبل الزواج تلم من اللحف والقمصان لاسافرت ومن هاالاغراض عشان كذا لم تزوجت ماتعبت
وطبعا كان مقسم بين الذهب والملابس والعطور والمكياج وشراشف الصلاة والبخور وهدايا اهل زوجي والكريمات واهو الحمدللة علي كل حال
احنا نقضي كان الدنيا بتطير ولا راح نلقي شئ ههههههههههههه
 
انا مهري 50000 ذهب 30000 والباقي 20000 ملابس وعطور ماكفت ومتزوجه لي 10 سنوات
 
هلا والله اختي ...............

انا مهري كان40,000 والحمد لله كفاني بس ماشريت ذهب وللعلم انا متزوجه من سنتين بس حطيت حريتي بالجهاز وتجهيز ملابس سفر لماليزيا خيطت فساتين شقه من تصميمي لان اللي بالسوق احسه مستهلك مره ووووووووووووقميص اول ليله كان غالي مره بس شو كلاااااااااااااااااااااااااام وجلابياتي من عند مصممات والله الكلام من جد وطبعا عطوراااااااات وميك اب وملابس والحمدلله كفا المهر وزاد بعد اهم شي الستر والتوفيق ولا غلى المهر او رخصه مودليل على السعاده بالعكس ممكن الغلى يكون نغمه بالزمن هذا الوحده تبي رجال يستر عليها لو كان مهرها ريال خخخخخخخخخخخخخخخخخ ادري دخلت عرض بس حبت اوصل هالمعلومه

وتقبلي مروري ....
 
مرااااااااحب با النسبه ليه متزوجه من 11سنه وكان مهري 35 الف بس كان مكفيني تمام لان الدنيا ما كانت غااااااليه كذا وفستاني ب10 الاف من عند امي وبعض الذهب كمان يعني المهر كان للملابس والجزم وفساتين المناسبات وذي الي انقهرت عليها لانه بسرعه تغير جسمي وانا ما بعد لبست نصها والحمد لله صدقتها وهي جديده نصيحتي لليجهزو لاتكثري فساتين مناسبات يعني 3 كافي..
 
انا مهري 60000انا ماخليت خاطري بشي ودلعت نفسي على الاخر والحمدلله ماني نادمه عشان هذا احسن شي في الزواج ولا الباقي اخرطي
 
هلا بلقيسيات
انا زواجي كان قبل ست سنوات كان مهري 25 الف ريال والف ريال للملجة وجابوا لي شنطة فيها روب نوم وعباية وملف صلاة ومكياج وعطور
اما كيف تصرفت في المهر
عشرة الالاف للذهب
اربعة الالاف لفستان الزواج
والف ريال للمكياج وتسريحة ليلة العرس
والباقي ملابس وماكياجات وعطور ههههههههههههههههه
بس طبعا ماكفاني المهر بس شسوي
وتندمت من كثر الملابس اللي شريتهم لان اكثرهم مالبستهم للحين هههههههههه
وجاوني طقمين ذهب هدية من ابوي
وطقم من ام زوجي
وطقم من زوجي حبيبي
وهذه قصتي مع مهري
 
انا زواجي كان بشهر 7 اللي طاف كان مهري 40 الف واحس اني غبيه ماقدرت اتصرف فيها لو اقولكم اني 10 الف لعبت فيهاااااماتصدقون:30: والباقي شريت فيها الذهب والملابس والمكياج ولا بقى معي شي كل صديقاتي حطوا 10 او20 بالبنك علشان اليوم الاسود ذكيات ولا كثروا ملابس0وانا الحين نص ملابسي مالبستها
 
انا محتاره مهري 30 والذهب غالي ومدري وش اسوي فيها ونفسي اروح دكتوره بشتري مره معدومه الله يعين بس انا ماراح انزف ولا ابي اتكلف بفستان الزواج
 
أنا كان مهري 40ألف

انصحكم نصيحة لوجه الله أول ما تستلمين المهر خلي منه جزء صدقة حتى لو ألف وحدة ربي بيبارك لك فيها ...

وبعدين قسمي المهر قبل لا تشترين فيه شيء
ونصيحة ثانية لا تكثرين الملابس والله حرام تضيع الفلوس على خرق بعد فترة بترميهم
 
اهلن فيض الحنين ولله يالغاليه اعرست مرتين اول مهر لي 30 ابوي مايخذ مهر كثير والثاني 20 نفس الحكابه اقل اخذ باقي الفلوس من ابوي وليته نفع بهم حسبي الله عليهم ونعم الوكيل بس الله يرزقني الزواج الي يقدرني عاجلا اجل وبصراحه مهناء رجال بهالزمن ..... بس الله كريم ويعطينا الزواح الي يخاف بنا الله​
 
انا متزوجه من 4 سنوات مهري كان 80 الف بس الحمدلله كفاني لان اهل زجي تقريبا اشتروالي كل شي من عطور غاليه ومكياج ايف سان لوارن كامل كل شي واستشوار وفساتين احتى ملابس نوم انا اشتريت ملابس البيت وكماليات وساعات والحمدلله كفااني والله ونست اقولكم هم جابولي طقم ذهب يوم النظره
وطقم يوم الملكه وزوجي جبلي طقم ابيض للفرح ما اخذت من الذهب انا الى الشي البسيط
ومشكوره صاحبت الموضووع
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل