المهـــر وما ادراك مالمهر ...[you] تعالي قصي لنا تجربتك...

انا انتظار المهر ياررب يكون خمسين
ظروفي صعبه
 
انا متزوجة لي 7 سنين ومهري كان 30 والحمد الله كفى وزيادة وكان اذا نقصني شي مايقصر وبعد انا كنت ادرس وعندي راتب الحمدالله على كل شي وكان بين الذهب والملابس واكيد الميك اب والعطورات بس القسم الاكبر لذهب وبعدين زوجك بيعوضك كل شي ناقص هي بس يبيلها وقت وبا التوفيق
 
مهري اربعين الف شريت احتياجاتي بجزء بسيط والدهب ابوي الله يخليه اشتراه لي وباقي من مهري محفوظ خخخخ
 
موضووووووووووووعج حللللو فيووووووضه ،،،


الغالية ،،،
كان مهري خمسين ألف (50000 )
أما الزهاب ،،، كان علي ،،، وقلناله أحنا بنزهب كل شي ،،، وفعلاً ،،، زهبنا كل شي والحمد لله المبلغ كفى لاني فوق اللي سويته أمي فديتها سوتلي زهااب من عندها غير زهابي ،،، يعني هديه كانت تشمل كل شي الملابس، وقمصان النوم ،العطورات ،الأكسسوارات ،الذهب، والملابس الداخليه ،،، وكل الكماليات والحمد لله ،،،
وبعد العرس اتفاجئت إنه الغالي أبو الشباب مسولي زهاااااااااااب من عنده ومرتبنه في غرفتي قبل لا أوصل حبيبي والله ،،، وفي الصباحيه عطاني مبلغ (10000 ) على أساس إذا ناقصني شي ،،، بعد عمري والله ،،،
 
زواجي من فتره بس عادة مهورنا 25 الف رياااااال بس


ةاشريت الي ابغي 10 حق الذهب

والباقي ملابس واكسسوارات

لأني قبل الزواج كنت مشتريه ملابس كثيره هع
 
أنا متزوجة من 3 سنوات مهري كان 30ألف "يا حلوين المهر هدية مو تسعيرة للزوجة" لا تقولوا كثير وقليل
صراحة أنا أهلي هما الي اشترولي كل مستلزمات الزواج ملابس ومكياج وعطور واكسسوارات صراحة ما اشتريت دهب اعتمدت على الهدايا وصراحة أنا لن أشتري ذهب
مو أبدا بسبب الظروف المادية
بس صراحة الذهب راح عليه والاكسسوارات مرة حلوة والواحد يحب يغير ويطفش

المهم مهري مع شوية تحويشة من عندي مع هدية من أبويا وأمي اشتريت بيها أرض صغيرة
وزادت ماشاء الله

صراحة أنصح الكل يعمل نفس الشيئ الفلوس تنفع الواحد
واشتروا ملابسكم في التخفيض و
والعطور من الأماكن الرخيصة زي عمارة الملكة في جدة
ترا أصلي بس نص السعر عن قزاز وكدا

الله يسعدكم كلكم ويوفقكم في الحياة الزوجية
 
انا توني مخطوبه ويارب يكون المهر كثثثثثثثثثير هع عشان ماخلي في نفسي شي خخخخخخخخ
 
اناصارلي متزوجه من خمس سنين اشكرك اختي فيض لدعوه في صفحتك بنسبه لي مهري كان خمسة عشرالف لاني قريبته ونظامنا يمشي على الي ياخذ قربيته من غير الذهب الي يكون من 12اساوروخمس خواتيم وعقداومشلح
 
يوووووووووووه احد ناداني ولا انا اتخيييل <<انهبلت
المهم انا مهري خمسين الف ولهد مااكفاااااااني ع قولت البنات ياكثر الخراابيط اللي شريتها وليتني شريت شي نااعم وكوووول اكثرها بناطيل ياحبي للبناطيل زوجي انصدم يقول كامك عامل طبعا بعد ماتجرااء علي خخخخخخ مو متعود ع بنات يلبسن بناطيل خخخخخ صدمته مافي شء عاري ولا مخل بالادااب خخخخخخخخخ عاايشه حياتها قبل تتزوج اكشخ كاني رايحه للكليه المهم شريت ذهب يمكن ب30 الف الحمد لله ع العقل المفروووض مهري كله ذهب واللبس من راتبي بس يله طيش شباب مع اني خربوطه للحين <<اعطيتوها مجال تهذر ياليلاه ...حبي وتقديري لصاحبة الموضوع وكل المتواجدين
 
هالمموضوع بيكون كـ (مرجع) لنا نحن (العزوبيات)اذا الله كتب لنا نصيب :)

جزاك الله خير
​
 
أنا متزوجه لي سنه وشوي كان مهري50000ريال راحت 15000في الذهب واعطيت أبوي5000وأمي5000والباقي و10000خليتها اذا احتجت او حدني الزمن لها والباقي شريت فيه ملابس وميك آب وعطورات والحمدلله على كل حال
 
أنا تزوجت قبل 4 سنين
وكان مهري 5 ألف ريال سعودي
هو قليــــــــــــــــل جدا بس الحمد الله
ربي حط فيه البركة
لأنه زوجي طالب وظروفه المادية صعبه
والوالد والأهل ما قصروا معاي
كملوا الناقص
ربي يبارك بالقليل
 
انا مهري 20 الف لاني خذيت على حب وهومطلق من قبل مشكلة ان بحريني بعد تعرفون رواتبهم من كذا عاادي عندي بس عطاني اخوي 30 الف ماقصر معااي مشكلة اللي يضكك فى موضووع امة تقول لى تقدرين فى 20 الف تشترين ذهب تتجهزين من ملابس وعطوورات اللي يسمعها يقول معطتني 70 الف
 
[لسلام عليكم قصتي مع المهر باختصار كان ناوي يعطي المهر 40 الف بس تفاجأ ان شرطنا مؤخر100الف قام صار المهر25 الف
 
صباح الخير أختيي فيض الحنين انتي كاتبه في موضوعك ضياء العمر قصي لنا تجربتك هل تقصدين أنا أو وحده ثانيه مع العلم مو اول مره أقراها في المنتدأ دايما الاخوات يكتبونها( بس حبيت أعرف مين تقصدون)
وشكــــــــــــــرا
 
انا مهري قبل اربع سنين كان 30000الف ريال اختي هيه كانت ماسكه مهري وحطيته ليه في الاسهام وراحت مسكينه اختي زعلت مررره وقالت مو قصدي بس كنت ابيه يزيد والسوق كل شي غالي فيه المهم جمعت واشتريت بعشرين الف ريال بس الحمدالله اخدت مكياج وعطرات واكسسورات وملابس وشنط وملابس وبعد فتره رجعت الاسهام فلوسنا فبقى 100الف ريال لمن اختي اطلاقت عطيته ايه وهي الى الان تبي ترجعهم ليه وانا قلت له مسامحتك وادتني خمسه الف عشان كان عندي عامله واديه راتبه والباقي قلت انا مسامحتك وانبسط كتيرررر انه رجعت لزوجه الي عنده مهر او اي شي تيتصدق منه وربي راح يبارك له في ماله ونسيت اقول اشتريت ساعه الماس وطبعا ماقدرت اشتري دهب لانه كان غالي وتسلمي ياقلبي على الموضوع
 
انامهري مئه وخمسون الف هاذا قبل اثنين وعشرون سنه ولاخذت منها شي خذها ابوي وشرا لي دولاب ملابس صغير غساله صغيره ثلاجه صغيره وشويت مواعين مطبخ يعني كلف عشره الف اما الملابس حدث ولاحرج اربع فساتين وتيور اثنين وجزمتين وشنطتين يد وبس والذهب جابه العريس بس ذهب صدق ويوم تزوجته باعه يقول محتاج والى يومك هاذا يقول رجعي المهر الي اخذه ابوك
 
انا شريت ذهب كثير والحمد لله فادني لما تعرضنا أزمة وبعدين رجعه لي الحمد لله زوجي الحبيب

واشتريت عطورات ودخون وملابس وميكب أب وغيرها

نصيحة فعلا لا تكثرون ملابس لأنكم راح تتجدوون
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل