المهـــر وما ادراك مالمهر ...[you] تعالي قصي لنا تجربتك...

السلام عليكم
مهري كان8 الاف د.ك.......
صارلي عشر سنوات متزوجة
شريت كل ما احتاجه دلعت نفسي واهديت والدتي
والباقي دخلت فيه مشروع استثماري

تقبلوا مروري عضوة جديدة
 
السلام عليكم ورحمةالله وبركاته انا كان مهري 45الف اتقضيت 25الف وباقي سلفته زوجي يشتري ارض
 
<<مهري 60000 ستين الف ريال

3000 كوشه

3000 مكياج وتسريحه

4300 تصوير

2000 شاليه اقمت فيه الزفه

15000 لذهب

3800 الفستان

والباقي خرابيط شنط جزم ملابس عبايات اكسسوارات سجادات ادوات مكياج وتنظيف

عطورات وهلم جراءءءءءءءءءءءءءء

والحمدلله كفتني وبقى لي الفين كامله
 
انا متزوجة صار لي سنتين .. مهري كان 1500 دينار (15000 ريال) وبعد عطاني بعدين 500 دينار (5000 ريال) والله سويت ابهم وايد .. وانا مستغربة من الاخوات ومهوريتهم وااااااااااااايد فرق لكن دايما يقولوا ماتكفيهم .. ماادري يمكن بلدهم غالية عنا.. المهم بمهري هذا جهزت نفسي يعني من ثياب .. مكياج .. احذية.. عباية.. شيلات.. اكسسوارات .. وطبعا كل شي بالعجل يعني ماكثرت م كل شي شوي وكفوني لانه عارفين الموضة متجددة وبعد الزواج شريت وجتني هدايا ..
وغير هذا سويت حنة .. وجلوة .. وحفلة زواج بعد .. والباقي بعد كملت ابه تأثيث الشقة ..
وووو مااذكر بعد بس سويت واجد اشياء ابهم .. حتى زوجي اتفاجأ اني سويت كل هذا ب 2000 دينار (20000 ريال)
الحمدلله دبرتها .. لا ضيقت على حالي وعلى زوجي ولا حرمة نفسي من شي
وسلامتكم والسموحة على الاطالة​
 
انا مهري كان 25 الف ..رس..و5 آلاف زياده حق تجيز حفلة الخطوبه ... هذا المتعارف عندنا
المهر بين 25 إلى 30 .. ومع الغلا صاير الناس توصل لـ40
صرفته على تجهيز ليلة الزواج وملابس وكسسوارات وذهب
طبعاً عندنا الزوجه مش مسؤله عن تجهيز بيت الزوجيه .. ولا شي من وإلى على ابو الشباب الله يعينه
وما قصر ... جهزنا الي نقدر عليه وسافرنا شهر عسل إلى ايطاليا
 
أنا كان مهري 60 ألف وراح على العطورات والميك اب والملابس’’’’ ومقهوره أني مابذلت فيه للأعمال الخيريه
ونصيـــــــــــــــــــــحه كل وحده تتصدق بمهرها وتبذل فيه بأعمال الخير’’’ حتى يعود عليها بالبركه والتوفيق,,,
 
على المقبلات على الزواج تكتب ماتحتاج وتحدد له مبلغ حتى تعرف انه لايمكن ان تشتري مايعجبها وتنقص اشياء اساسيه الصراحه انا متخصصه في تجهيز اخواتي وبعض قريباتي اكتب كم المهر واعرف اهل الزوج هل لديهم اجتماعت دوريه وظروف الزوج واهله اذا كان الزوج حالته الماديه كويسه يمكن تكمل معه الناقص ولاتحتاج ان يكون معها فلوس والعكس اذاظروفه صعبه تعرف اهل زوجها اذا تهمهم الماركات لاتكون اقل منهم حتى لو الملابس قليله بس راقيه بعض الشي
وتعرف هل سوف تسكن مع اهله او في بلد بعيد
لانها اذا كانت بعيده لن تحتاج الى لبس طلعات بل الى لبس البيت اكثر وتترك معها جزء اذا ارادت ان تزور اهل زوجها لتشتري الجديد بدون احاج الزوج
 
انا متزوجة من عشر سنين مهري كان15000 دفعت منو مصاريف قليلة تقريباو الباقي شايلاه عشان اعمل بيه مشروع ان شاء الله مرسي على الموضوع اختي و على الدعوة للمشاركة اثلجت صدري اسال الله ان يوفقك لما يحب و يرضى و يسعدك في الدارين
 
انا متزوجه من 15 سنه وكان مهري 40000 واشتريت فيه ذهب وملابس ومكياج وسويتلي حفله والحمد لله المهر ماهو بالكثره ولكن بالبركه والرسول صلي الله عليه وسلم >يقول اقلهن مهرا اكثرهن بركه <>>>>>>>>>>>>>
 
اهلين قصتي لمهري
50 الف والحمد لله زواجي حلو وتجهيزي حلو 3000ذهب غير الهدايا الي جتني خياااااااال و5000مطبخ وملابس وفواحات وعطورات وقمصان وفستان الابيض و5 فساتين للسهرات وقصر لا الحمد لله وما انسى امي وابوي الله يخليهم لي ولا يحرمني منهم يااااااااااااارب
 
مساء الانوار ياحلوات انا كان مهري خمسون الف ريال وصرفته كالعاده ذهب وملابس وعطورات ................الخ والله يوفق الجميع يارب
 
انا كان مهري عشرين الف طبعا قبل عشره سنين 13 الف ذهب والباقي ملابس ولوازم العطور وغيره
 
أولا السلام عليكم كان مهري خمسين ألف ريال سعودي اشتريت الذهب وباقي التجهيزات طبعا الكلام هذا كان قبل عشرين سنة يعني قبل سنين الغلا والوالد أعزه الله ماقصر زود على هذا المبلغ واشترى لي باقي الأغراض
 
كيف الحال ياالحلوات الله اكبر رجعتون ل20سنه مضت والحمدلله بوقتنا ماكان فيه ماركات والملابس والعطور أرخص من الأن ونشتري بنصف المهر ذهب الله يوفق المتزوجه منكن ويرزق اللي ماتزوجة الزوج الصالح اللي يسعده
 
انا حكاية مهري وتجهيزي حكايه خليها سريه مشكووووووووووووووووووووووووره
 
يسلموووو خيتو
فعلا المقبلات على الزواج محتاجات تقسيم للمهر أنا لي سنة متزوجة وكان مهري 40 الف والحمد لله صار فيه بركة وبقى معاي 5000 الاف تركت لما بعد الزواج 15 اشتريت فيه ذهب وحرصت بالذهب أني اشتري أطقم وخواتم استفيد منها واشتريت تقريبا 3 ساعات (وجاني هدية طقم الماس وطقمين ذهب و3 ساعات) والباقي وزعته مابين الملابس والعطور والمكياج والجزم وباقي اغراض العروس عاد الكل يعرفها بس نصيييييحة للعرائس لاتنسي تتصدقي من مهرك ولو بجزء بسيط (مانقص مال من صدقة) وانتي تتسوقي في المجمعات لاتنسين العاملات اللي ينظفون بالحمامات والمصلى والله يفروحن بريال واحد يشتغلون ليل نهار ورواتبهم يمكن ماتتعًدى 300 ريال
الله يوفق كل عروس ويتمم لها على خير ويبارك لها في مالها ووقتها ويرزق المتزوجات الذرية الصالحة ويصلح لهم
**
 
انا مهري كان 100,000 درهم اماراتي

قبل لا ابتدي بشي قسمت مهري بالاظرف وكتب على كل ظرف هالمبلغ ل كذا وكذا

30,000 خذيت فيهم ذهب

10,000 سوع

10,000 قطع وكنادير

7000 خليته حق الميك أب العرس

800 مسكه

18,000 أجار فستان العرس

7000 ملابس مع ملابس الداخليه والاكسسوارات

8,000 عبي

800 بدلة نوم لليلة الدخله

1000 خليته حق الميك أب ومع اني كان عندي ميكب يديد محصلتنه هديه

7000 شنط ماركه

2000 نعول


طبعا شوي انا زيدت من عندي لانه ما كفاني

وانا ما كثرت في وايد اشيا لاني انا امل الصراحه

وبعد العرس انا مستمره في الشرا ولاني انا ادرس عسب جيه بعد

وطبا بعد كان يبقالي كم من من درهم من كل شي يعني ماخذت 30,000 ذهب كله بالضبط لا قولو 28,500 يعني جذي يبقى عندي واحط في شي ثاني



​
 
اهلين فيض الحنين والله انا يوم شفت اسمي خفت قلتلا يكون فيه شي ان كان عشان المهر انا مهري40 الف 20 ذهب والباقي ملابس وعطور وخليت معي كم الف يمكن يجي براسي شي بعد الزراج لا نه اوحه تستحي تطلب بعد الزواج وكمان شي مهم الملابس لا احد يكثر انها تنكره على طول وتضطرين تغيرين كثير وحتى بعصها والله ما تلبس
 
يجب تسجيل الدخول أو التسجيل كي تتمكن من الرد هنا.
عودة
أعلى أسفل